Президент Сооронбай Жээнбеков Кара-Суу районундагы өндүрүштүк жана үрөн кооперативинин ишмердиги менен таанышты.

Жээнбеков Кара-Сууга барып пахта талаасын кыдырды. Сүрөт

440
(жаңыланган 20:34 10.09.2020)
Мамлекет башчы пахтаны жөн гана сатпастан, аны кайра иштетүүнү жана продукция өндүрүүнү камсыз кылуу керектигин айтты.

БИШКЕК, 10-сен. — Sputnik. Президент Сооронбай Жээнбеков Ош облусуна болгон иш сапарынын алкагында Кара-Суу районундагы өндүрүштүк жана үрөн кооперативинин ишмердиги менен таанышты. Бул тууралуу мамлекет башчынын маалымат кызматы билдирди.

Жээнбеков кооперативдин базасын жана пахта талаасын көрүп чыкканы айтылат.

  • Президент Кыргызской Республики Сооронбай Жээнбеков во время ознакомления с деятельностью производственно-семеноводческого кооператива Оомат агро в Кара-Суйском районе. 10 сентября 2020 года
    Президент Сооронбай Жээнбеков Ош облусуна болгон иш сапарынын алкагында Кара-Суу районундагы өндүрүштүк жана үрөн кооперативинин ишмердиги менен таанышты.
    © Пресс-служба президента КР / Султан Досалиев
  • Хлопковые поля в производственно-семеноводческом кооперативе Оомат агро в Кара-Суйском районе. 10 сентября 2020 года
    Жээнбеков кооперативдин базасын жана пахта талаасын көрүп чыкканы айтылат.
    © Пресс-служба президента КР / Султан Досалиев
  • Тракторы и комбайнеры в производственно-семеноводческом кооперативе Оомат агро в Кара-Суйском районе. 10 сентября 2020 года
    Мамлекет башчы жеңил өнөр жайдын өнүгүшү жана аймактарда жаңы текстиль фабрикаларынын курулушу менен пахтага болгон суроо-талап жогорулай турганын баса белгиледи.
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков во время ознакомления с деятельностью производственно-семеноводческого кооператива Оомат агро в Кара-Суйском районе. 10 сентября 2020 года
    Дыйкандар муну эске алуу менен өнөр жайдын муктаждыктарын жабуу үчүн эгилген пахтанын көлөмүн көбөйтүшү керек.
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Президент Сооронбай Жээнбеков Ош облусуна болгон иш сапарынын алкагында Кара-Суу районундагы өндүрүштүк жана үрөн кооперативинин ишмердиги менен таанышты.
"Биз азыр айыл чарба өнүмдөрүн кайра иштетүүнү колдоого өзгөчө көңүл буруп жатабыз, узак мөөнөттүү жеңилдетилген насыялар дыйкандарга жеткиликтүү. Ошондуктан муну менен катар биз пахтаны жөн гана сатпастан, аны толугу менен кайра иштетүүнү жана продукцияны өндүрүүнү камсыз кылышыбыз керек", — деп айткан Жээнбеков жергиликтүү дыйкандар менен баарлашып жатып.

Мамлекет башчы жеңил өнөр жайдын өнүгүшү жана аймактарда жаңы текстиль фабрикаларынын курулушу менен пахтага болгон суроо-талап жогорулай турганын баса белгиледи.

Дыйкандар муну эске алуу менен өнөр жайдын муктаждыктарын жабуу үчүн эгилген пахтанын көлөмүн көбөйтүшү керек. Буга байланыштуу Айыл чарба, тамак-аш өнөр жайы жана мелиорация министрлигине жана жергиликтүү бийлик органдарына бул багытта максаттуу иштерди алып баруу сунушталды.

Оштогу кыргыз-өзбек биргелешкен ишкана кир жуучу машиналарды экспортко чыгарат

Кооперативдин жетекчиси Рустам Тажибаев бул жайдан жашылча-жемиш, бакча өсүмдүктөрүн, тамыры азык жана түймөк тамырлуу өсүмдүктөрүн өстүрөрүн айткан.

Ошондой эле пахта жана буудайдын жогорку сапаттуу үрөндөрүн өндүрөт. Үрөнчүлүк кооперативине 121 гектар сугат жер бөлүнүп, ишмердүүлүгүн кеңейтүү үчүн жеңилдетилген каражаттар берилген.

440
Белгилер:
пахта, Сооронбай Жээнбеков, Кара-Суу району
Тема боюнча
Ош шаарынын чыга беришине айланма жол салуу пландаштырылууда. Сүрөт
Оштогу кыргыз-өзбек биргелешкен ишкана кир жуучу машиналарды экспортко чыгарат
Ресторан. Архив

Пандемиянын мейманкана, ресторан ишине тийгизген кесепети. Сандар

45
(жаңыланган 21:23 29.09.2020)
Министрлик жалпы кызмат көрсөтүүнүн ичинен ишмердүүлүгү төмөндөп кеткен тармактарды атап, сандарды келтирди. Анткен менен августтун жыйынтыгы башкача болду.

БИШКЕК, 29-сен. — Sputnik. Жыл башынан бери мейманканалар менен ресторандардын ишмердүүлүгү 45,4 пайызга төмөндөдү. Бул тууралуу Экономика министрлигинин маалыматында айтылат.

"Пандемия мезгилинде тейлөө тармагы абдан көп жабыр тартты. 2020-жылдын январь-август айларында тейлөө тармагынын дүң чыгарылышы 254,7 млрд. сом көлөмүндө болгон, ошол эле учурда өсүүнүн реалдуу темпи 90,2 пайызды түзгөн", — деп билдиришти аталган министрликтен.

Министрлик аны менен кошо эле жалпы кызмат көрсөтүүнүн ичинен ишмердүүлүгү төмөндөп кеткен башка тармактарды да келтирген.

Былтыркы ушул жылга салыштырмалуу автоунааларды жана мотоциклдерди оңдоонун азайышы негизинен дүң көлөмдүн (19,4 пайызга), чекене сооданын (16,2 пайызга) төмөндөшү менен шартталган. Анткен менен өткөн айларга салыштырганда августта дүң, чекене соода секторунда 0,3 пайызга өсүш байкалган.

Кыргызстанда жыл сайын жүздөгөн ресторан, тойканалар ачылат

Отчёттук мезгил аралыгында транспорттук кызмат көрсөтүүлөр 19 млрд. сомду түзүп, өсүүнүн реалдуу темпи 39,1 пайызга ылдыйлаган. Транспорттук кызмат көрсөтүүлөрдүн төмөндөшү авиакаттам жана автоунаа менен ташуулардын өлкө ичинде да, башка өлкөлөргө да төмөндөшү менен шартталган. Жалпысынан алганда I кварталдын аягынан тарта ай сайын өтө төмөндөөлөр болуп, кээде айына 6 пайызга түшкөн мезгилдер болгон. 

"Демек, бул аталган сектордо төмөндөө азайып, калыбына келүү фазасына өтүп жаткандыгын көрсөтүп турат", — деп айтылган маалыматта.

Кыргыз өкмөтү COVID кесепетинен канча карыз алып, кайда жумшап жаткандыгын экономикалык бяндамадан окуй аласыз.

45
Белгилер:
экономика, кызмат көрсөтүү, коронавирус, Кыргызстан
Тема боюнча
Кафе-ресторандарда 100 кишиге чейин отурууга уруксат берилиши мүмкүн
Кыргызстандын президенти Сооронбай Жээнбеков жана Венгриянын премьер-министри Виктор Орбан. Архивдик сүрөт

Жээнбеков Венгрияга барат. Эки өлкөнүн соода-сатык алакасы кандай

57
(жаңыланган 17:13 28.09.2020)
Кыргызстандын президенти Сооронбай Жээнбеков эртең Венгрияга расмий сапары менен барат. Sputnik редакциясы кыргыз-венгер соода-экономикалык алакасы боюнча маалымат топтоду.

28-сентябрь күнү Сооронбай Жээнбеков Россиянын президенти менен жолугуу үчүн Сочиге кетти. Андан соң эки күндүк (28-29) иш сапары менен Венгрияга жөнөйт.

Жээнбеков Венгриядагы сапарынан эмнени күтөт

Мамлекет башчы сапар жемиштүү болот деп үмүт артууда. Мисалы, Будапешттин скверлеринин бирине улуу жазуучу Чыңгыз Айтматовдун ысымы берилгени жатат. Мындан сырткары, кыргызстандык студенттерге квотанын саны эки эсе көбөйөт.

Экономикалык пландар төмөнкүчө:

Кыргыз-венгер өнүктүрүү фондун түзүү үчүн Венгриянын "Эксимбанкы" 50 миллион евро бөлгөнү жатат. Бул каражат чакан жана орто бизнес үчүн төмөнкү пайыз менен насыя берүүгө жумшалат;

Сапардын алкагында эки өлкөнүн ишкерлери катышкан бизнес-форум өтөт. Анда кыргызстандык бизнесмендерди Венгриянын рыногуна чыгаруу мүмкүнчүлүгү талкууланат.

Sputnik кыргыз-венгер соода-экономикалык мамилелерин билип көрдү.

Будапешт шаарындагы скверге Айтматовдун ысымы ыйгарылат

Соода – эсеп Венгриянын пайдасына 57:1

Кыргызстандын Улуттук статистикалык комитетинин маалыматына караганда, үстүбүздөгү жылдын жети айында Венгриядан 314,5 миллион сомго (4,2 миллион доллар) товар кирген. Ал эми экспорт болгону 5 миллион 547,2 миң сомду (дээрлик 79 миң доллар) түздү.

Европалык мамлекет КРге бир нече продукциянын түрүн саткан (баалар сом менен көрсөтүлдү):

  • Дары-дармек (32,9 тонна) – 214,5 миллиондон ашык;
  • Жүгөрү (201 тонна) – 48 миллион;
  • Центрифуга (үч даана) – 12,8 миллиондон ашык;
  • Азык-түлүк, шоколад, жашылча (15 тоннадан көп) – 12,2 миллиондон ашык;
  • Терапевттик жана профилактикалык же диагностикалык максатта колдонуу үчүн адамдын жана малдын каны – 7,5 миллион;
  • Насос (10 даана) – дээрлик 7 миллион;
  • Пластмасса жана андан жасалган буюмдар – 5 миллиондон ашык.

Мындан сырткары, Венгриядан башка дагы товарлар кирген. Анын ичинде 10,8 миң лампа (65 миң сом), жада калса бир чаң соргуч (3,3 миң сом) дагы бар.

Жээнбеков Россияга иш сапар менен учуп кетти. Коштоп жүргөндөрдүн тизмеси

Кыргызстан экспорттогон товарлар:

  • Зоология, ботаника, минералогия, тарых, археология, палеонтология, этнография жана нумизматика боюнча коллекциялык буюмдар – 1,9 миллион сом;
  • Дары-дармек (0,3 тонна) – 1 миллион 570,9 миң;
  • Телефон аппараттары (59 даана) – 1 миллион 72 миң;
  • Мунай жана мунай азыктары (14 тонна) – 846 миң;
  • Эттен жасалган даяр же консерваланган азыктар (2,3 тонна) – 160 миң сом.

Венгриядан келген инвестиция

Улуттук статистика комитетинин сайтында 1995-жылдан 2019-жылга чейинки түз инвестициялар тууралуу жазылган. Бул жылдар аралыгында Венгриядан дээрлик 21,5 миллион доллар келген. Инвестициянын көпчүлүк бөлүгү 2007-2008-жылдарга туура келет, мында көрсөткүч 21 миллион долларды түзгөн.

57
Белгилер:
Сооронбай Жээнбеков, экономика, соода, инвестициялар, Кыргызстан, Венгрия
Тема боюнча
75 бюджеттик орун бар. Венгриянын ЖОЖдорунда окуу үчүн сынак жарыяланды
Жээнбеков быйыл Венгрияга барат. ТИМ Будапештте жолугушууларды өткөрүп келди
Паста. Архив

Бөдөнөнүкү пайдалуу. Чийки жумуртка кошулган тамактын кооптуулугу айтылды

0
(жаңыланган 08:31 30.09.2020)
Адистин айтымында, чийки жумуртканын курамында ууланууга алып келүүчү сальмонелла бактериясы болушу мүмкүн.

БИШКЕК, 30-сен. – Sputnik. Ресторандагы карбонара пастасы, тирамису десерти жана курамына чийки жумуртка кошулган тамактар кооптуу болот. Мындай пикирди ветеринар-дарыгер Алексей Кухно ForPost порталына берген маегинде айтканын РИА Новости жазды.

Анын белгилешинче, чийки жумуртканын курамында ууланууга алып келүүчү сальмонелла бактериясы болушу ыктымал. Адис мындан көрө тамак даярдоодо бөдөнөнүн жумурткасын пайдаланууну сунуш кылат. Ал кооптуу инфекциянын болушун жокко чыгарат.

Диетолог организмге пайдалуу деп жүргөн азыктардын зыянын айтып берди

"Бөдөнөнүн дене табы жогору, 40 градустан ашык болгондуктан, алар сальмонеллез илдети менен оорубайт. Эгер патоген (оорунун козгогучу) организмге кирип калса, анда ал жашап кете албайт", — деген Алексей Кухно.

Ошондуктан дарыгер коомдук тамактануу жайларында жогоруда кооптуу деп айтылган тамак-аштарга буюртма берүүдөн карманууга чакырат.

0
Белгилер:
кооптуулук, уулануу, ден соолук, тамак-аш
Тема боюнча
Чөнтөккө да күч келбейт, ден соолукка да пайдалуу. Диетолог 7 азыкты санады