Өлкө башчы Сооронбай Жээнбеков премьер-министр Кубатбек Боронов менен онлайн кеңешме өткөрдү.

Элдин инвесторлорго мамилеси өзгөрдү. Жээнбеков Боронов менен онлайн жолукту

86
(жаңыланган 18:42 14.09.2020)
Премьер-министр Жээнбековго парламенттик шайлоо өткөрүүгө даярдыктар тууралуу, Чаткал, Ала-Бука жана Аксы райондоруна болгон иш сапарынын жыйынтыгы жөнүндө айтып берген.

БИШКЕК, 14-сен. — Sputnik. Өлкө башчы Сооронбай Жээнбеков премьер-министр Кубатбек Боронов менен онлайн кеңешме өткөрдү. Бул тууралуу президенттин маалымат кызматы кабарлады.

Билдирмеге ылайык, онлайн кеңешмеде өлкөдөгү эпидемиологиялык абал талкууланып, күз-кыш мезгилине даярдык тууралуу сөз болгон. Ошондой эле өлкөнү социалдык-экономикалык жактан өнүктүрүү маселеси да козголгон. 

Президент Кыргызской Республики Сооронбай Жээнбеков провел онлайн-совещание с Премьер-министром страны Кубатбеком Бороновым. 14 сентября 2020 года
© Пресс-служба президента КР / Султан Досалиев
Өлкө башчы Сооронбай Жээнбеков премьер-министр Кубатбек Боронов менен онлайн кеңешме өткөрдү

Премьер-министр Жээнбековго парламенттик шайлоо өткөрүүгө даярдыктар тууралуу, Чаткал, Ала-Бука жана Аксы райондоруна болгон иш сапарынын жыйынтыгы жөнүндө айтып берген.

Боронов жергиликтүү тургундар тоо-кен компанияларынын ишмердигине түшүнүү менен мамиле кылып баштаганын белгиледи.

Программаларды эл түшүнбөй жатат! Боронов Жалал-Абаддагы банктын ишин сындады

Өз кезегинде президент инвесторлордун ишмердигинде социалдык жагдайдын эске алынышы керектигин айтып, эл арасында да тоо-кен иштетүү тармагына инвестиция тартууда чагымчыл чакырыктарды көзөмөл кылуу керектигине токтолгон.

Мамлекет башчы шайлоо мыйзамдарынын бузулбашына өзгөчө көңүл буруу керектигин да белгилеген.

"Жээнбеков дары-дармек каражаттарын, медициналык жабдууларды жетиштүү көлөмдө даярдап алууга, аймактардагы ооруканалардын курулушу менен ремонт иштерин тез бүткөрүүгө дагы бир жолу көңүл бурду",— деп айтылат маалыматта.

Президент өкмөткө күз-кыш мезгилине талаптагыдай кам көрүү тапшырмасын берген.

86
Белгилер:
шайлоо, кеңешме, онлайн, Кубатбек Боронов, Сооронбай Жээнбеков
Тема боюнча
Душман кете элек! Боронов COVID кесепети боюнча элге кайрылды. Видео
Жээнбеков Кытайдын министри менен Кыргызстандын карызын талкуулады
Балык чарба департаментинин директорунун орун басары Маил Алиаскаров. Архив

Алиаскаров: былтыр ЕАЭБге 3 158 тонна балык экспорттолду

11
(жаңыланган 12:31 13.06.2021)
Балык чарба департаментинин директорунун орун басары Маил Алиаскаров Кыргызстандан балык эң көп көлөмдө ЕАЭБ өлкөлөрүнө сатыларын айтты.

Кыргызстандын климаты балык өндүрүүгө абдан ыңгайлуу келгендиктен бул багытта соңку жылдары жакшы өзгөрүүлөр бар. Атап айтсак, акыркы 17 жылдын ичинде эле өндүрүштүн көлөмү 50 тоннандан 5 140 тоннага жетти. Башкача айтканда, 100 пайыздан көбүрөк өлчөмгө өстү. Бул тууралуу Маил Алиаскаров Sputnik Кыргызстан радиосунун эфиринде маек куруп жатып билдирди.

Алиаскаров: былтыр ЕАЭБге 3 158 тонна балык экспорттолду

Анын айтымында, өлкөдө көбүнесе кубулма (радужная форель — ред.) форель балыктары өстүрүлөт.

"2020-жылы Кыргызстан ЕАЭБ өлкөлөрүнө 3 158 тонна балык экспорттоду. Басымдуу бөлүгү Россия жана Казакстанга кетти. Ошондой эле 400 килограммды Араб Эмирлигине жибердик. Бизде көбүнесе кубулма балыгы өстүрүлгөндүктөн, алардын ар бир даанасынын наркы 300 сомдон кем болбойт. Ошондуктан былтыр жалпы суммасы 11 миллион 278 миң 571 долларга балык саттык. ЕАЭБ өлкөлөрүнө мындан да көп көлөмдө экспорттоого мүмкүнчүлүк бар", — деди Алиаскаров.

Ал Литвага да көп эмес көлөмдө Кыргызстандан балык чыгарылып турарын кошумчалады.

11
Белгилер:
экспорт, Евразиялык экономикалык биримдик, балык, Маил Алиаскаров
Тема:
ЕАЭБдеги Кыргызстан
Тема боюнча
Алиаскаров: Кыргызстан балык өстүрүүгө ыңгайлуу өлкө
Кыргызстандын президенти Садыр Жапаров. Архив

Азыр тигүүчү, бычмачы, модельер эң керектүү кесип. Жапаровдун куттуктоосу

47
(жаңыланган 10:50 13.06.2021)
Бүгүн — жеңил өнөр жай кызматкерлеринин күнү. Өлкө башчы өндүрүштүн жаңы талаптарына жооп берген квалификациялуу кадрларды даярдоо пландалганын айтты.

БИШКЕК, 13-июн. — Sputnik. Президент Садыр Жапаров бүгүн, 13-июнда, жеңил өнөр жай тармагынын кызматкерлерин кесиптик майрамы менен куттуктады. Бул тууралуу өлкө башчынын маалымат кызматы кабарлады.

Жапаров жеңил өнөр жайы өлкөнүн экономикалык өнүгүүсүнүн артыкчылыктуу жана стратегиялык маанилүү багыттарынын бири болуп саналарын белгилеген.

"Текстиль, кийим тигүү, бут кийим өндүрүү жана булгаары иштетүү ишканаларынын жетекчилеринин жана жумушчуларынын күжүрмөн эмгегинин аркасында өлкөнүн социалдык-экономикалык потенциалы жогорулап жатат. Ата мекендик жеңил өнөр жай продукцияларынын кеңири, сапаттуу жана жеткиликтүү ассортименти республиканын экспортундагы алдыңкы позицияларды кармап калууга, экспорттук негизги рыноктордогу суроо-талаптарды жана муктаждыктарды канааттандырууга мүмкүндүк берет", — деп айтылат маалыматта.

Президент аталган тармакта мурунку муундун салтын сактап келген, жаңы технологияларды ийгиликтүү өздөштүргөн адистер эмгектенерин жана бул жеңил өнөр жайдын туруктуу өнүгүүсүнө өбөлгө түзөрүн кошумчалаган.

Жеңил өнөр жай ишканалары республиканын эмгек рыногунда калкты олуттуу деңгээлде иш менен камсыз кылып, жарандардын жашоо сапатына оң таасирин тийгизүүдө деген.

"Тигүүчүлөрдүн, бычмачылардын, модельерлердин кесиби республикада эң көп талап кылынган адистиктердин катарына кирет. Ошону менен жакынкы мезгилде мамлекет тарабынан өндүрүштүн жаңы талаптарына жооп берген квалификациялуу кадрларды даярдоо боюнча иштерди жүргүзүү каралууда. Мамлекет тарабынан ушул артыкчылыктуу тармакты колдоо боюнча иштер улантылат, ири долбоорлорду ишке ашырууга көмөк көрсөтүлөт, анын сапаттуу уюштурулушу он миңдеген жумуш орундарын түзүүгө жана анын өнүгүү деңгээлинин жаңы масштабдарына өтүүгө мүмкүнчүлүк берет", — деди президент.

Өлкө башчы Садыр Жапаров жеңил өнөр жайдын ар бир кызматкерине жана ардагерине ак ниет эмгеги, жалпы республиканын экономикасынын өнүгүшүнө кошкон баа жеткис салымы үчүн зор ыраазычылык билдирген.

47
Белгилер:
экономика, куттуктоо, Жеңил өнөр жайы, Садыр Жапаров, Кыргызстан
Тема боюнча
Акылбек Жапаров: Түркия менен соода жүгүртүү 1 млрд. долларга жеткирилет
Кыргызстан Түркияга Таласта төө буурчакты кайра иштеткен завод ачууну сунуштады
Жолдо бараткан фура. Архив

Жүрөктү түшүрөт! Бишкек Ош жолунда фура жеңил унааны коюп кете жаздаган видео

23
(жаңыланган 13:14 13.06.2021)
Видеодон жүк ташуучу унаа каршы тилкеге чыга калганын, ал коюп кете жаздаган жеңил унаадагы жүргүнчүлөр коркуп кеткенин байкоого болот.

БИШКЕК, 13-июн. — Sputnik. Бишкек — Ош унаа жолунда жүк ташуучу автоунаа жеңил унааны коюп кете жаздады.

Жүрөк үшүн алган видео "Короче" Telegram-каналына жарыяланды. Анда окуя 11-июнь күнү саат 17:00дө болгону жазылат.

Видеодон жүк ташуучу унаа каршы тилкеге чыга калганын, аны көргөн жеңил унаадагылар коркуп кеткенин байкоого болот. Видеонун автору ИИМге айдоочуну таап, жазасын берүүнү өтүнгөн.

ИИМдин Жол кыймылы коопсуздугун камсыздоо башкы башкармалыгынын өкүлү Тилек Оторов Sputnik агенттигине окуя көзөмөлгө алынганын жана такталып жатканын билдирди. Толук маалымат кийинчерээк берилери убадаланды.

23
Белгилер:
Бишкек - Ош жолу, кырсык, видео, жол, унаа, авто
Тема боюнча
Жалал-Абаддагы үрөй учурган жол кырсык. Маркумдардын аты-жөнү такталды