Жүк ташуучу контейнерлер. Архив

ЕАЭБ менен Кытай: кызматташуунун бир нече тармагы талкууланды

93
(жаңыланган 23:15 17.09.2020)
Конференциянын катышуучулары кибер коопсуздук, технологияларды өнүктүрүү жана башка дагы маанилүү деген бир канча тармактагы кызматташуу маанилүү экендигине токтолушту.

БИШКЕК, 17-сен. — Sputnik. Евразиялык экономикалык биримдикке мүчө-өлкөлөр акырындап шериктештиктин ичинде улуттук валюта менен эсеп-кысап кылууга өтүп жатат. Буга эми Кытай менен соода-алакада умтулуу керек.

Бул туурасында ЕЭК интеграция жана макроэкономика боюнча министри Сергей Глазьев "ЕАЭБ өлкөлөрү жана Кытай кайсы жолду тандайт" деп аталган онлайн-конференцияда билдирди.

Талкуунун негизги темасы "Бир алкак, бир жол" деп аталган демилгенин дүйнөлүк айыл чарба көндүмүнүн шартында ЕАЭБ-Кытайдын тармактар аралык келечеги менен АКШ-Кытайдын сууп бараткан мамилесин талкуулоо болду. Конференцияга Кытай бийлигинин, ЕАЭБ мамлекеттеринин жана ЕЭКтин алдыңкы эксперттери менен мамлекеттик органдарынын өкүлдөрү катышты.

ЕАЭБ ири бирикмелер менен кызматташуусун күчөтүшү керек

"Эл аралык экономикалык кызматташтыктын жаңы оромун аныктоого мүмкүнчүлүк бере турган "Бир алкак, бир жол" деп аталган Кытай демилгесин ЕАЭБге пайдаланып, өз ара кызматташуу идеясын толуктай турган мезгил келип жетти", - деген Глазьев.

Ал транспорттук-логистикалык системаны жаңылоо, евразиялык аймактын энергетикалык коопсуздугу үчүн түтүктөрдү куруу боюнча бир топ иштер жасалгандыгын белгилеген.

"Бүгүнкү күндө болжол менен Кытай жана Европа биримдигинин биздин аймак аркылуу 50 контейнерлик поезди өтөт. Тагыраагы, транспорттук агымды жакшыртуу жетишилди. Биз контейнердик поезддердин борбордук Кытай менен борбордук Россиянын ортосунда бир аптада болушуна мүмкүнчүлүк жараткан ылдамдыкка жетиштик", - деди ЕЭК министри.

Глазьев улуттук валютада эсептешүүгө өтүүнүн маанилүүлүгүн айтты.

"ЕАЭБде өлкөлөр шериктештиктин ичинде жана Кытай менен соода-сатыкты акырындап улуттук валютада эсеп-кысап жүргүзүү көлөмүн өстүрүүдө. Бизге ири соода түзүмдөрү жана финансылык жөнгө салгычтар менен кызматташуу зарыл. Айтайын дегеним, биринчи кезекте чийки товарлар менен соода кылуу. Мунун негизинде өз ара товар алмашуу турат", - деген ал.

Путин ЕАЭБ алкагында кайсы товарды өндүрүүгө басым жасоо керектигин айтты

Россиялык рубль менен алганда, ЕАЭБ мамлекеттеринин өз ара соодасында 2019-жылы көлөм 72,4 пайызды түзгөн, бул 2015-жылга салыштырмалуу 4,4 пайыздык пункта көбөйгөн.

Министр, мындан сырткары, экономикалык кызматташуу боюнча инфратүзүмдү түптөө зарылдыгын айтып, сооданы товар менен жүргүзүү системасын жөнгө салган өзүмдүк системанын зарылдыгын эске салды. Андан тышкары мамлекеттердин узак мөөнөттүү финансылык туруктуулугун камсыздай турган бааны калыптандырууну системасы керектигин кошумчалады.

Конференциянын катышуучулары кибер коопсуздук, технологияларды өнүктүрүү, электрондук соода жана башка дагы маанилүү деген бир канча тармактагы кызматташуунун маанилүү экендигине токтолушту.

Чечим кабыл алынды. Кытайга алдыртан көз салган мамлекеттердин аракети

Гуманитардык өз ара кызматташуулар боюнча Кытай-Россиялык изилдөө борборунун жетекчиси, Борбордук коммунисттик партиянын эл аралык бөлүмүнүн жетекчиси Чжоу Ли Кытай-АКШнын суук-селки тарткан алакасынан улам дүйнөдөгү кырдаалга токтолду. Ал эл аралык мамилелер менен өлкөлөрдүн ички ишине кийлигишпөө зарылдыгы туурасында билдирүү жасады.

"Ири евразиялык өнөктөштүк" менен "Бир алкак, бир жол" деп аталган кытайлык демилгенин максаттары көп жерден бир чыгат. Биз ЕАЭБ өлкөлөрү жана анын байкоочулары менен страгиялык кызматташуунун өнүгүшүнө басым жасайбыз", - деген Чжоу Ли.

Аталган иш-чараны Кытай элдик университетинин "Чуньян" финансылык изилдөөлөр институтунун алдында түзүлгөн Гуманитардык өз ара кызматташуу боюнча Кытай-Россиялык изилдөө борбору уюштурду. Онлайн-конференциянын жалпы көрүүчүлөрүнүн саны 177 миң адам болду.

93
Белгилер:
экономика, АКШ, ЕЭК, Евразиялык экономикалык биримдик, Кытай, Россия
Тема:
ЕАЭБдеги Кыргызстан (204)
Тема боюнча
Жээнбеков Кытайдын министри менен Кыргызстандын карызын талкуулады
Бизнес ассоциацияларынын улуттук биримдигинин төрагасы, экономист Искендер Шаршеев

Шаршеев: ишкерлик боюнча да жаңы көз караштар жаралууда

11
(жаңыланган 13:35 20.10.2020)
Бизнес ассоциацияларынын улуттук биримдигинин төрагасы, экономист Искендер Шаршеев 4-октябрдагы парламенттик шайлоодон кийинки башаламандык учурунда пайда болгон элдик кошуундар тууралуу пикирин билдирди.
Шаршеев: ишкерлик боюнча да жаңы көз караштар жаралууда

Митингдер учурунда өз ыктыяры менен чыгып ишкерликти коргоп берген элдик кошуундардын республика боюнча пайда болушу — бул феноменалдык көрүнүш. Мындай пикирин Искендер Шаршеев Sputnik Кыргызстан радиосунун эфиринде маек куруп жатып билдирди.

Анын айтымында, мезгилдин өтүшү менен бизнес тармагына да жаңы көз караштар жаралып жатат.

"Мурдагы башаламандыктарда көбүнесе чакан жана орто бизнес жабыркаса, бул ирет алар, тескерисинче, киреше тапты. Албетте, бул өз каалоосу менен чыгып аларды коргоп турган элдик кошуундардын аракети менен ишке ашты. Мындай кадам жалпы республикада жасалып, бир нече күн элдик кошуундардын бизнести коргоп бериши чоң үмүт жаратты. Алар деле жөнөкөй эле кыргызстандыктар, биздин катарыбызда жүргөн жаш балдар. Демек, бизнес деп эле талап-тоноп кетпей, алардын өсүшүнө шарт түзүү керектигин түшүнгөн муун өсүп келе жатат десек болот. Бул бир эле кыргызстандыктарды эмес, дүйнө элин таң калтыра турган феномен", — деди Шаршеев.

Экономист бизнесте алдын ала божомолдоо өтө татаал экендигин кошумчалады.

11
Белгилер:
ишкерлик, келечек, элдик кошуун, Искендер Шаршеев
Тема боюнча
Абдыров: акыркы саясий окуялар экономикага терс таасирин тийгизет
Европа биримдигинин желеги жана акча. Архив

Кыргызстан Европа биримдигинен каржылык жардам сурады

133
(жаңыланган 10:21 20.10.2020)
Министр ички саясий кырдаал тууралуу маалымат берип, өлкөдө легитимдүү бийлик орнотулганын белгилеген.

БИШКЕК, 20-окт. — Sputnik. Тышкы иштер министри Руслан Казакбаев Европа биримдигинин Борбор Азия боюнча атайын өкүлү Петер Буриан менен телефон аркылуу сүйлөштү. Бул туурасында ТИМдин маалымат кызматы билдирди.

Сүйлөшүүнүн алкагында Казакбаев Кыргызстандын бюджетин колдоого каржылык жардам көрсөтүү мүмкүнчүлүгүн карап чыгууну өтүнгөн. Ошондой эле каржылык макулдашуулар долбоорлору боюнча кыргыз жана европа тараптын жолугушуусун уюштурууну сунуштаган.

Кыргызстандын тышкы карызы тездик менен өсүүдө. Инфографика

Аны менен катар ТИМ башчысы ички саясий кырдаал тууралуу маалымат берип, учурда өлкөдө абал турукташканын, саясий процесстер укуктук талаага кайтарылып, легитимдүү бийлик орногонун, аткаруу органдары штаттык режимде иштеп жатканын белгилеген.

133
Белгилер:
Кыргызстан, каржылык, Европа биримдиги, Руслан Казакбаев
Тема боюнча
Өлкөдө бюджет тартыштыгынан айрым чыгымдар токтотулат
ТИМ башчысы Руслан Казакбаев Россиянын элчисин кабыл алды. Эмне талкууланды
Райымбек Матраимов вместе с супругой Амандой Матраимовой задержан в Бишкеке сотрудниками ГКНБ КР. 20 октября 2020 года

Райым Матраимов кантип колго түшүрүлдү. Сүрөттөр

0
(жаңыланган 14:34 20.10.2020)
УКМК бүгүн түшкө чейин Райым Матраимовду кармаганын айтып, учурда сотко чейинки өндүрүш ишинин алкагында териштирүү жүрүп жатканын кошумчалаган.

БИШКЕК, 20-окт. — Sputnik. УКМК Мамлекеттик бажы кызматынын төрагасынын мурдагы орун басары Райым Матраимовду кармап келе жаткан учурдагы сүрөттөрдү жарыялады.

  • Райымбек Матраимов задержан в Бишкеке сотрудниками ГКНБ КР. 20 октября 2020 года
    УКМК Мамлекеттик бажы кызматынын төрагасынын мурдагы орун басары Райым Матраимовду кармап келе жаткан учурдагы сүрөттөрдү жарыялады
    © Фото / пресс-служба ГКНБ КР
  • Райымбек Матраимов вместе с супругой Амандой Матраимовой задержан в Бишкеке сотрудниками ГКНБ КР. 20 октября 2020 года
    Кадрларда анын колуна кишен салып, андан соң бир нече адам коштоп басып келе жатканын көрүүгө болот
    © Фото / пресс-служба ГКНБ КР
  • Райымбек Матраимов задержан в Бишкеке сотрудниками ГКНБ КР. 20 октября 2020 года
    УКМК бүгүн түшкө чейин Райым Матраимовду кармаганын айтып, учурда сотко чейинки өндүрүш ишинин алкагында териштирүү жүрүп жатканын кошумчалаган. Ал бажы тармагындагы коррупция фактысы боюнча кармалды
    © Фото / пресс-служба ГКНБ КР
1 / 3
© Фото / пресс-служба ГКНБ КР
УКМК Мамлекеттик бажы кызматынын төрагасынын мурдагы орун басары Райым Матраимовду кармап келе жаткан учурдагы сүрөттөрдү жарыялады

Кадрларда анын колуна кишен салып, андан соң бир нече адам коштоп басып келе жатканын көрүүгө болот.

УКМК бүгүн түшкө чейин Райым Матраимовду кармаганын айтып, учурда сотко чейинки өндүрүш ишинин алкагында териштирүү жүрүп жатканын кошумчалаган. Ал бажы тармагындагы коррупция фактысы боюнча кармалды.

0
Белгилер:
Сүрөт, УКМК, Райымбек Матраимов
Тема боюнча
Райым Матраимов кармалды