Май куюучу жайында дизель сатуусу. Архив

Мамкомитет дизель май кымбаттайт деген маселе боюнча үн катты

161
(жаңыланган 12:34 18.09.2020)
Кеп импорттолгон дизель майы тиешелүү процедуралар аткарылбагандыктан, өлкө ичинде баасы кымбаттап кетет деген маалымат туурасында болуп жатат.

БИШКЕК, 18-сен. — Sputnik. Дизель майынын кымбаттайт деген маселенин айланасында КРдин Нефтетрейдерлер ассоциациясынын алдын ала кабарлаганбыз деген билдирүүсүнө Жер казынасын пайдалануу, энергетика жана өнөр жай комитети жооп берип, тишелүү маалыматты албагандыгын айтып чыкты. Бул тууралуу аталган ведомство бүгүн билдирүү тараткан.

"Мамлекеттик компания дизель майынын көлөмүн көбөйтүү боюнча демилге алардан чыккандыктан Кыргызстан нефтетрейдерлер ассоциациясынан (КНА) тиешелүү маалыматты сураган. Бирок ассоциация бүгүнкү күнгө чейин сураган маалыматты берген жок", — дешти Жер казынасын пайдалануу, энергетика жана өнөр жай комитетинен.

Кеп Россиядан импорттоло турган дизель майы тиешелүү процедуралар аткарылбагандыктан, бажы алымы менен кошо келип, анын кесепетинен өлкө ичинде баасы кымбаттап кетиши туурасында болуп жатат.

БУУ кыргыз дыйкандарына тонналап жер семирткич жана дизель берди

Эске салсак, биринчи тарап — КНА июнь айында аталган комитетке үстүбүздөгү жылдын индикативдик балансын кошумча карап берүү боюнча кайрылып, кат жөнөткөндүгүн маалымдаган. "Бул кадам бажы алымысыз импорттолгон дизель майынын учурдагы темпинин көлөмү сентябрда түгөнүшү мүмкүндүгүнө байланыштуу жасалганын" айтышкан.

Мамлекеттик комитет адатта нефть жана нефть заттарын алуу боюнча тараптар (КР-РФ өкмөтү — ред.) республика керектей турган көлөм менен номенклатурасын 1-октябрга чейин индикативдик баланста беките турганын белгиледи. Буга мунай сырьесу, автомобиль бензини, дизель жана реактивдүү кыймылдаткычтардын майы кирет.

Кыргыз экономикасынын артка кеткен тармактары. Тизме

Экинчи тараптын айтымында, ар бир календардык жылга индикативдик баланска тактоо киргизүү ошол календардык жылдын 15-августуна чейин КРдин аймагындагы ички керектөөнүн (анын ичинде күйүүчү жана майлоочу майлар кирет) негизделген өзгөрүүсүнүн эсеби менен жасалат.

"Экономика министрлиги менен Салык кызматынын маалыматына караганда, 2019-жылы автобензин менен дизель майынын ташып келинген көлөмү аталган жылдын индикативдик балансынан ашкан эмес. Аны менен катар эле 2020-жылдын жети айында келген көлөмү Нефтетрейдерлер ассоциациясынын көрсөткүчтөрүнөн алда канча төмөндүгүн белгилей кетүү керек", — деп айтылат мамлекеттик комитет тараткан билдирүүдө.

Алар 2020-жылдын жети айы үчүн автобензин менен дизель майынын ташып келинген көлөмү 2020-жылга жасалган индикативдик баланстагы бекитилген чектен ашпастыгын Экономика министрлиги менен Салык кызматы божомолдоп жаткандыгын кошумчалашкан.

"Муну менен катар эле мунай заттарынын аталган түрлөрү боюнча ассоциация билдирген көрсөткүч өлкөдөгү күйүүчү жана майлоочу майдын республикадагы көрсөткүчү болуп саналбайт. Себеби бул продукциялар башка, үчүнчү өлкөдөн да экспорттолушу мүмкүн", — деп айтылган ага улай.

Бул саботаж! Салык кызматы май куюучу айрым жайлар боюнча пикирин билдирди

Алар Россиянын Энергетика министрлиги менен 2021-жылга индикативдик пландын балансын түзүү боюнча сунуш берилгендигин, учурда бул боюнча жооп күтүп жаткандыктарын кошумчалашкан.

18-сентябрга карата Кыргызстандагы нефтекомпаниялардын сайтында дизель майынын баасы 33.50, 34.50, ал эми кышкы түрү 46 сомдон деп көрсөтүлүп турат.

161
Белгилер:
кымбаттоо, Күйүүчү май, дизель, энергетика, жер казынасы, Кыргызстандын нефтетрейдерлер ассоциациясы, Кыргызстан
Тема боюнча
Нефтетрейдерлер: базада май көп, баа көтөрүлбөйт
Киши алтын кармап турат. Архив

Алтын камтылган кенди казуу жана сатууда киреше салыгы жогорулады

123
(жаңыланган 15:35 22.10.2020)
Салыктын коюму 2023-жылга чейин жети пайызга, ал эми андан кийинки жылдан тартып 10 пайызга көбөйөт.

БИШКЕК, 22-окт. — Sputnik. Кыргызстанда алтын кенин жана концентратты казып алуу, ошондой эле сатуу менен алектенгендер үчүн киреше салыгы жогорулатылды. Бул тууралуу Мамлекеттик салык кызматынын маалымат бөлүмү кабарлады.

Салыктын коюму 2023-жылга чейин жети пайызга, ал эми андан кийинки жылдан тартып 10 пайызга көбөймөкчү.

Мындан тышкары, 2020-жылдын 22-августундагы № 141 мыйзамга ылайык, роялти боюнча салыктык база металл камтылган кенде же биржалык металлдын концентратында камтылган химиялык таза металлдын наркы болуп саналат.

Ибраев: былтыр 73 400 тонна концентрат өлкөдөн чыгарылган

Роялти боюнча киргизилген өзгөртүүлөрдү эсепке алуу менен төмөнкүдөй бирдиктүү ставка белгиленет:

  • алтын, күмүш жана платина, ошондой эле металл камтылган кендер жана алтындын, күмүштүн жана платинанын концентраттары үчүн – 5 пайыз өлчөмүндө;
  • алтынды, күмүштү жана платинаны кошпогондо, металлдар, металл камтылган кендер жана металлдардын концентраттары үчүн – 3 пайыз өлчөмүндө.

Мыйзам 2020-жылдын 1-ноябрынан тартып күчүнө кирет.

123
Белгилер:
экономика, мыйзам, салык, сатуу, казуу, кен, алтын
Тема боюнча
30 күн убакыт берем, уурдаган акчаңарды кайтаргыла! Жапаровдун видеокайрылуусу
Кыргызстан миллиондогон доллар жоготобу? Эксперттердин кооптонуусу

Бишкек менен Ошто ижарага берилчү батирлердин ушул аптадагы баасы. Инфографика

60
Бул жумада борбордогу эмереги менен берилүүчү бир бөлмөлүү батир 10 миңден 20 миң сомго чейин болду. Ошто бир бөлмөлүү батирди 7-16 миңге ижарага алууга болот.

Sputnik Кыргызстан агенттигинин кабарчысы жума сайын Бишкек жана Оштогу батирдин ижара акысына ачык маалыматтар аркылуу байкоо салып турат.

Бул аптада борбордон эмереги жок бир бөлмөлүү батирди 9 миңден 13 миңге чейин, эмереги менен 10 миңден 20 миңге чейин ала аласыз. Баага үй жайгашкан район жана жасалгасы таасир этет.

Ал эми эки бөлмөлүүлөр 12 миңден 21 миңге, үч бөлмөлүү батирлер 16 миңден 40 миңге чейин болууда.

Ошто эмереги жок бир бөлмөлүү батирлер жети миңден сегиз миңге чейин, эмереги бары жети миңден он алты миңге жетүүдө. Эки бөлмөлүү батирди сегиз миңден 20 миңге чейин, үч бөлмөлүүлөрдү жети миңден 30 миңге чейин тапса болот.

60
Белгилер:
баа, ижара, батир, Ош, Бишкек, Кыргызстан
Тема боюнча
Кыргызстанда көпчүлүктү кызыктырган автоунаалар канчадан сатылууда. Саресеп
Тергөө абагы. Архив

Кримтөбөл Камчы Көлбаев УКМКнын тергөө абагына киргизилди

0
(жаңыланган 21:51 22.10.2020)
Бүгүн Камчы Асанбектин (Камчы Көлбаев) кайда экени маалым болуп, тергөө иштерин жүргүзүү үчүн УКМКга алып келинген.

БИШКЕК, 22-окт. — Sputnik. Кримтөбөл Камчы Көлбаев УКМКнын тергөө абагынын убактылуу кармоо жайына 48 саатка киргизилди. Бул тууралуу комитеттин маалымат кызматы кабарлады.

Эске салсак, бүгүн, 22-октябрда, Бишкектеги спорт клубдардын биринен Камчы Көлбаев кармалып, УКМКга алып келинген.

Ага карата Жазык кодексинин 249-беренеси ("Кылмыштуу уюмду түзүү же ага катышуу") боюнча кылмыш иши козголуп, Кылмыш жана жоруктардын бирдиктүү реестрине катталган. Учурда сотко чейинки өндүрүш иштери башталды.

0
Белгилер:
абак, Камчы Көлбаев, УКМК, Кыргызстан
Тема боюнча
УКМК Камчы Көлбаев кайсы кылмышы үчүн кармалганын айтты