Эт сатуучу. Архив

Кыргызстандын бийлиги этти экспорттоого тыюу салууну талкуулап жатат

371
(жаңыланган 16:46 18.09.2020)
Буга чейин Монополияга каршы жөнгө салуу мамлекеттик агенттиги сатуучулар арасында сурамжылоо жүргүзүп, мал жана эт Казакстан, Тажикстан жана Өзбекстанга чыгып жатканын кабарлаган.

БИШКЕК, 18-сен. — Sputnik. Бодо мал менен майда жандыкты Өзбекстанга экспорттоого тыюу салуу боюнча чечим кабыл алынган эмес. Бул тууралуу Sputnik агенттигинин кабарчысына экономика министри Санжар Муканбетов билдирди.

Анын айтымына караганда, ведомство бодо жана майда малды экспорттоого тыюу салуу маселесин өкмөттүн талкуусуна жөнөткөн.

"Этке болгон баа өстү. Малды контрабандалык жол менен коңшу өлкөлөргө алып кетип жатышат. Чек арадан күн сайын 20-30 малды өткөрүп кетишет. Буга байланыштуу бул маселени бардык структуралар, анын ичинде күч органдары дагы талкуулашы керек", — деди Муканбетов.

Буга чейин маалымат жыйын учурунда экспортчулар менен импортчулардын "Кыргызлэнд" ассоциациясынын төрайымы Ленара Ниязбекова малдын экспортуна тыюу салынса жеке экспортчулардын иши токтой турганын билдирген. Ал чектөө киргизүүнүн ордуна мамлекеттик кызматтар аткезчилик менен күрөшсүн деген сунушун берген. Экономика министри Ниязбекованын оюна кошула турганын билдирди.

ЕАЭБдин ички рыногуна пандемиянын кандай пайдасы тийди. Статистика

Белгилей кетсек, кыргызстандыктар эттин баасы 400 сомго чейин жеткенин айтып, бир нече ирет бул боюнча кеп козгошкон.

Ал эми Монополияга каршы жөнгө салуу мамлекеттик агенттиги сатуучулар арасында сурамжылоо жүргүзүп, мал жана эт Казакстан, Тажикстан жана Өзбекстанга чыгып жатканын кабарлаган. Айрым фермерлер мал алып, коңшу мамлекеттерге саткан ортомчулардын саны өскөнүн да айтышкан.

371
Белгилер:
экспорт, эт, мал, Кыргызстан
Тема боюнча
Бийлик Кыргызстанда эттин кымбаттап кеткен себебин айтты
Жыргалбаев: уйдун сүтүн эки эсе көбөйтө турган силос даярдап жатабыз
Кумшекер. Архивдик сүрөт

Кыргызстанда кумшекердин баасы былтыркыдан 19 сомго чейин кымбаттады

61
Статком өлкөнүн 18 калктуу конушуна мониторинг жүргүзүп, 25-февралга карата кумшекердин орточо баасын чыгарган.

БИШКЕК, 28-фев. — Sputnik. Кыргызстанда кумшекерге болгон баа былтыркыга салыштырмалуу дээрлик 19 сомго кымбаттады. Бул тууралуу Улуттук статистика комитети билдирди.

Статкомдун өлкөнүн 18 калктуу конушуна жүргүзгөн мониторингдин жыйынтыгында 25-февралга карата кумшекердин баасы орточо эсеп менен 59,93 сомду түзгөн. Бул өткөн жылдын ушул күнүнө салыштырмалуу 18,87 сомго же 46 пайызга өскөнүн көрсөтөт.

Ошол эле учурда кумшекердин чекене баалары орточо республикалык көрсөткүчтөн жогору болуп, бир килограммы Жалал-Абад шаарында 64,33, Ошто 64,27 жана Исфанада 63,65 сомдон сатылууда. Ал эми Ноокат шаарында 50 жана Өзгөндө 46,82 сомдон сатылып, орточо көрсөткүчтөн төмөн болгон.

Кумшекердин бааларынын эң жогору өсүшү үстүбүздөгү жылдын январь айына салыштырмалуу Жалал-Абад шаарында 14 пайызга, Кара-Балтада 12,7 пайызга, Токтогулда 12,1 пайызга өскөн.

61
Белгилер:
Кыргызстан, Кумшекер, кымбат, Улуттук статистика комитети
Тема боюнча
Премьер-министр Марипов азык-түлүктү арзандатуунун төрт жолун айтты
Дем алыш күндөрү Бишкекте жарманке өтөт. Азык-түлүк арзан сатылат
Нарында азык-түлүк, буюм-тайымды арзандатуу үчүн жарманкелер уюштурулду
Премьер-министр Улукбек Марипов IT тармакта иштеген ишкерлер менен жолугушту.

Марипов IT бизнесинин өкүлдөрү менен жолугуп, бир нече убада берди

106
(жаңыланган 19:35 27.02.2021)
Өкмөт башчы мыкты кадрлардын өлкөдөн чыгып кетип жаткандыгы мамлекет тараптын кемчилиги экенин моюндады.

БИШКЕК, 27-фев. — Sputnik. Премьер-министр Улукбек Марипов IT тармакта иштеген ишкерлер менен жолугушту. Бул тууралуу өкмөттүн маалымат кызматы билдирди.

Өкмөт башчы өлкө экономикасынын өнүгүүсү үчүн IT тармагы маанилүү экенине токтолду.

  • Премьер-министр Кыргызской Республики Улукбек Марипов встретился с предпринимателями, работающими в IT-сфере.
    Премьер-министр Улукбек Марипов IT тармакта иштеген ишкерлер менен жолугушту.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов встретился с предпринимателями, работающими в IT-сфере.
    Өкмөт башчы өлкө экономикасынын өнүгүүсү үчүн IT тармагы маанилүү экенине токтолду.
    © Фото / Пресс-служба правительства / Алишер Алиев
1 / 2
© Фото / Пресс-служба правительства / Алишер Алиев
Премьер-министр Улукбек Марипов IT тармакта иштеген ишкерлер менен жолугушту.
"Бүгүнкү жолугушуу – бул өлкөдөгү ишкерликти, инвестицияны жана экспортту өнүктүрүү, ошондой эле ата мекендик бизнеске колдоо көрсөтүү маселелери талкууланган мурдагы жолугушуулардын уландысы катары саналат. Иштин 70 пайызы программалык камсыздоону иштеп чыгуу менен байланыштуу экендигин угуу кубанычтуу. Бизде программисттердин армиясы өсүп келе жатат, алардын көпчүлүк бөлүгү чет өлкөдө иштешет", — деди Марипов.

Ошондой эле ал мыкты кадрлардын өлкөдөн чыгып кетип жаткандыгы мамлекеттин кемчилиги экенин моюндады.

"IT тармакка тийиштүү көңүл бурулбай жаткандыгын моюнга алуу керек, бирок биз бул маселе боюнча абалды жана ага карата мамилени өзгөртүүгө ниеттенип жатабыз. Тактап айтканда, санариптештирүү менен алектенген мамлекеттик органдын макамын жогорулатуу пландаштырылууда. Жогорку кесипкөй кадрларды ишке тартуу менен бардык министрлик жана ведомстволордо IT жааты боюнча орун басар кызматын киргизүүнү болжоодобуз", — деди өкмөт башчы.

Ал жакын арада президенттин төрагалыгы астында чоң форум өткөрүлүп, санариптештирүү жана жаңы стратегияларды иштеп чыгуу маселеси талкууланарын белгиледи.

Өз кезегинде IT бизнестин өкүлдөрү дуушар болуп жаткан кыйынчылыктар тууралуу айтып беришти. Атап айтканда, мыйзам базасында көптөгөн чектөөлөр бар, бул себептен бир катар инвестициялык идеялар ишке ашпай калууда.

"Биз мамлекетке жардам берүүгө даярбыз, ошол эле учурда биз мамлекеттин колдоосун да сезгибиз келет. Тилекке каршы, мамлекеттик органдардагы кадрдык алмашууларга байланыштуу институционалдык эс тутум жок. Бул санариптештирүүнү өнүктүрүүгө жагымсыз таасирин тийгизүүдө. Бизнес өкүлдөрү бир эле план жана милдеттерди жаңы дайындалган жетекчилерге бир нече ирет кайталап айтып берүүгө аргасыз болууда. Мындан тышкары, ишкерлерге жана инвесторлорго басым жасоолорду четтетүү керек", — деп айтышкан IT бизнестин өкүлдөрү.

Жыйынтыгында өкмөт башчы биринчи кезекте санариптештирүүнүн мыйзамдык жаатындагы маселелерди чечүүгө  убадасын берди.

106
Белгилер:
жолугушуу, бизнес, IT, өкмөт башчы, Улукбек Марипов
Тема боюнча
Марипов: бизнесмендер менен күнү-түнү байланышууга даярмын. Сүрөт
Кыргызстандын президенти Садыр Жапаров. Архив

Мектеп куруп берүүнү өтүнгөн балбайлык окуучу Жапаров менен жолукту. Сүрөт

0
(жаңыланган 23:26 28.02.2021)
Сегиз жаштагы бала соцтармак аркылуу президентке кайрылып, мектеп куруп берүүнү өтүнгөн. Алгач өлкө башчынын аны менен жолуга албай турганы айтылып, кийин видео аркылуу сүйлөшкөнү белгилүү болгон.

БИШКЕК, 28-фев. — Sputnik. Балбайлык окуучу Бекболот Турдушев президент Садыр Жапаров менен жолукту. Ал Instagram баракчасына өлкө башчысы менен жолуккан учурда тартылган сүрөттөрүн жарыялаган. 

Посмотреть эту публикацию в Instagram

Публикация от turdushev (@bekbolotturduh)

Президенттин маалымат катчысы Галина Байтерек Sputnik Кыргызстан агенттигинин кабарчысына президент окуучу бала менен жолугууга убада бергенин белгилеп кетти.

Бекболот Турдушев мектебинин эскилиги жеткенин айтып, эки кабат мектеп салып бериңиз деп өлкө башчысына кайрылгандан кийин интернет жылдызына айланган.

Ошондон кийин Бекболоттун Жапаров менен жолуга турганы тууралуу маалымат тараган.

Президенттин маалымат кызматы Жапаров Россияга болчу сапарынын алдында окуучу бала менен жолугуу каралган эмес дешкен.

Көп өтпөй Жапаров видео байланыш аркылуу Бекболот Турдушев менен сүйлөшкөнүн өлкө башчысынын маалымат кызматы кабарлаган.

0
Белгилер:
Бекболот Турдушев, Садыр Жапаров, мектеп, президент, жолугушуу
Тема боюнча
Мектеп куруп берүүнү өтүнгөн балбайлык окуучу Жапаров менен жолукту. Сүрөт