Супермаркетте сатылып аткан кумшекер. Архивдик сүрөт

Кыргызстанда кумшекердин баасы кымбаттап кетти

(жаңыланган 17:38 04.10.2020)
Жыл башында өлкөдө кумшекердин орточо баасы 38 сом 8 тыйын болчу. Бул нарк апрелде 44 сом 3 тыйынга көтөрүлгөн.

БИШКЕК, 4-окт. — Sputnik. Акыркы жумада Кыргызстанда кумшекерге болгон баа өсүп кетти. Бул тууралуу Монополияга каршы жөнгө салуу мамлекеттик агенттигинин жетекчиси Шухрат Сабиров "Биринчи радиого" маек берип жатып билдирди.

"Жыл башында өлкөдө кумшекердин орточо баасы 38 сом 8 тыйын болчу, апрелде 44 сом 3 тыйынга көтөрүлгөн. Ал эми июнда 41 сом 1 тыйынга арзандаган. Азыркы учурда 1 килограмм кумшекер 48 сомдон сатылууда. Башкача айтканда, кумшекердин азыркы баасы апрель айында сатылгандан да кымбат болууда", — деди Сабиров.

Анын айтымында, кумшекердин баасын ата мекендик жана чет элдик өндүрүшчүлөр көтөрүп жибергендиктен кымбат сатылып жатат.

Белгилер:
көзөмөл, нарк, баа, Кумшекер, Кыргызстан
Тема боюнча
Кыргызстандын бийлиги этти экспорттоого тыюу салууну талкуулап жатат
Акча каражаттары. Архив

Кыргызстандык мигранттар январь менен февралда канча акча которду

(жаңыланган 09:57 12.04.2021)
Былтыркыга караганда быйыл каражат көбүрөөк которулду деп айтууга болот. Бирок эки көрсөткүч тең 2019-жылдагы рекорддук суммага жетпейт.

БИШКЕК, 12-апр. — Sputnik. Ушул жылдын январь жана февраль айларында Кыргызстанга мигранттардан 328,6 миллион доллар которулганын Улуттук банк кабарлады. Кеп жарандардын атайын система аркылуу которгон каражаты тууралуу болуп жатат.

Эгерде бул маалыматты мурунку жылдар менен салыштырсак (2005-жылдан бери), анда учурдагы көрсөткүч 2020-жылдын январь-февраль айларындагы суммадан жогору болот. Былтыр 313,6 миллион доллар которулган. Бирок бул 2019-жылдын алгачкы эки айындагы көрсөткүчкө жетпейт, анда 344,5 миллион (рекорд) болгон эле.

Белгилей кетсек, каражаттын 90 пайызы Россиядан которулат.

Белгилер:
Акча которуулар, каражат, Улуттук банк, Россия, Кыргызстан
Унаага май куюу. Архив

Кыргызстанда акыркы үч күндө бензин дагы кымбаттады

(жаңыланган 16:40 11.04.2021)
Апрель айынын ичинде бензин алты, дизель майы тогуз пайызга өскөн. Божомолдор боюнча баа дагы өсөт.

БИШКЕК, 11-апр. — Sputnik. Бааларды анализдеп көргөндөн кийин май куюучу жайлардын биринде бензиндин баасы кымбаттап кеткенин байкоого болот.

Бейшемби, 8-апрель күнү, АИ-92 үлгүсүндөгү бензиндин бир литри 46,9, ал эми АИ-95 үлгүсү 48,9 сом турган. Эми 0,6 сомго кымбаттап 47,5 жана 49,5 сомдон сатылып жатат. Дизелдик майдын баасы ошол бойдон.

Быйыл күйүүчү май кымбаттагандан кымбаттап бара жатат. Божомол боюнча баа дагы өсөт.

"Апрель айынын ичинде бензин алты, дизель майы тогуз пайызга кымбатташы мүмкүн", — дешти Кыргызстандын Нефтетрейдерлер ассоциациясынан.

Буга мунайдын кымбаттап кеткени себеп болууда.

Белгилер:
дизель, баа, бензин, Кыргызстан
Тема боюнча
Өлкөдө бензин кымбаттоодо. Май эмнеге Казакстан, Азербайжандан ташылбайт
Кыргызстанда апрель айында күйүүчү май дагы кымбаттайт
Эки тоонун чөбүн эңсеп... АКШ россиялык мунайды рекорддук көлөмдө сатып алды
Биринчи вице-премьер-министр Артем Новиков

Новиков адам уурдоодо ыкчам реакция кылуу алгоритмин иштеп чыгууну сунуштады

(жаңыланган 23:46 12.04.2021)
Новиковдун айтымында, бул кадам милициянын ыкчам иш алып баруусуна шарт түзүп, бюрократияны жоюуга жардам берет.

БИШКЕК, 12-апр. — Sputnik. Биринчи вице-премьер Артём Новиков адам уурдоо фактысы катталган учурда “Коопсуз шаардын” камералары менен издөө боюнча алгоритм иштеп чыгууну сунуштады. Бул тууралуу өкмөттүн маалымат кызматынан билдиришти.

  • Первый вице-премьер-министр КР Артем Новиков на совещании по вопросу насилия в отношении женщин и детей. 12 апреля 2021 года
    Биринчи вице-премьер Артём Новиков адам уурдоо фактысы катталган учурда “Коопсуз шаардын” камералары менен издөө боюнча алгоритм иштеп чыгууну сунуштады
    © Пресс-служба правительства / Алишер Алиев
  • Первый вице-премьер-министр КР Артем Новиков на совещании по вопросу насилия в отношении женщин и детей. 12 апреля 2021 года
    Новиковдун айтымында, бул кадам милициянын ыкчам иш алып баруусуна шарт түзүп, бюрократияны жоюуга жардам берет
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Биринчи вице-премьер Артём Новиков адам уурдоо фактысы катталган учурда “Коопсуз шаардын” камералары менен издөө боюнча алгоритм иштеп чыгууну сунуштады

Новиковдун айтымында, бул кадам милициянын ыкчам иш алып баруусуна шарт түзүп, бюрократияны жоюуга жардам берет.

Ал аялдар менен балдарга карата зордук-зомбулукту алдын алуу маселелери боюнча кеңешме өткөрдү.

"Айзаданын (Канатбекова — ред.) трагедиялуу окуясы баарыбыздын жүрөгүбүздү оорутту. Тилекке каршы, бул жалгыз гана мисал эмес. Акыркы кезде жаңылыктардан мектеп окуучуларынын урушу, аялдардын кордолушу, жашы жете электердин зордукталышы тууралуу гана окуп калдык. Бүгүн биз бул нерселерди алдын алуу үчүн аракеттерди кылышыбыз керек”, — деди Новиков.

Новиков ала качуу боюнча жазаны күчөтүп, адам уурдоо беренесине теңөөнү сунуштады. Ал кагаз жүзүндө көптөгөн концепциялар, стратегиялар иштелип чыкканы менен турмушта колдонулбай келгенин кошумчалады.

Белгилер:
алгоритм, аял, бала, зомбулук, өкмөт, Артем Новиков
Тема боюнча
"Апаңды да өлтүрүп кетем" деп коркутуп жүрүптүр. Айзаданын жакындарынын видеомаеги
Айзада Канатбекованы уурдады делген шектүүлөр камакка алынды