Банк имараты. Архив

Улуттук банк: банктарга 7-октябрда иштебей турууну сунуштайбыз

95
(жаңыланган 11:58 07.10.2020)
Улуттук банк жагдайды байкоого алып, зарыл болгон учурда өлкөнүн финансылык жана банк системасынын туруктуулугун камсыз кылуу үчүн тиешелүү чараларды көрөрүн кошумчалады.

БИШКЕК, 7-окт. — Sputnik. Улуттук банк финансы секторунун коопсуздугу үчүн бардык коммерциялык банктарга 7-октябрда ишти токтотуп, өлкөдөгү саясий абал турукташканга чейин коопсуздук чараларын күчөтүүнү сунуштайт. Бул тууралуу ведомствонун маалымат кызматынан билдиришти.

Бирок банктык карталар, электрондук капчыктар, мобилдик тиркемелер сыяктуу накталай акчасыз төлөмдөр жана эсептешүүлөрдү жүргүзө берүүгө болот. Ошондой эле финансылык уюмдарга онлайн кызмат көрсөтүүлөр (телефон, электрондук почта, социалдык түйүндөр жана мессенджерлер ж.б.) сунушталат.

Ошол эле учурда акча каражаттарын которууну камсыз кылган улуттук, чек ара аркылуу төлөмдөрдү ишке ашырууга мүмкүндүк берген эл аралык төлөм системаларынын иши токтотулду.

Мындан тышкары, Улуттук банк жагдайды байкоого алып, зарыл болгон учурда өлкөнүн финансылык жана банк системасынын туруктуулугун камсыз кылуу үчүн тиешелүү чараларды көрөрүн кошумчалады.

Эске салсак, буга чейин өлкөдө түзүлгөн кырдаалга байланыштуу Финансы министрлиги аркылуу өтө турган бардык операциялар токтотулган.

Банкоматтар эмнеге иштебей жатканы айтылды

Кыргызстандагы абал

5-октябрь күнү парламенттик шайлоонун жыйынтыгына нааразы болгон сегиз партия "Ала-Тоо" аянтына митингге чыккан. Кечке жуук чогулгандардын саны көбөйүп, таңга маал митингчилер Ак үйдү алышты. Көп өтпөй акция катышуучулары УКМКнын имаратын басып кирип, бир нече саат ичинде абакта жаткан мурдагы президент Алмазбек Атамбаев, мурдагы өкмөт башчылар Сапар Исаков, Жантөрө Сатыбалдиев, саясатчылар Садыр Жапаров, Равшан Жээнбеков, эртеси түштө Фарид Ниязов жана Бишкектин экс-мэри Албек Ибрагимов чыгарылган.

7-октябрга караган түнү Жогорку Кеңештин төрагасы Дастан Жумабеков, премьер-министр Кубатбек Боронов кызматтан кетти. Жумабековдун ордуна депутат Мыктыбек Абдылдаев шайланды. Ал эми парламенттин кезексиз жыйынында премьер-министрликке Садыр Жапаровдун талапкерлиги жактырылды. Бирок бүгүн эртең менен бул чечимге, негизи эле бийликке кайра эски жүздөрдүн келишине нааразы болгон топ өкмөт үйүнүн алдына митингге чыкты.

 

95
Белгилер:
акча, Улуттук банк, абал, Бишкек, Кыргызстан
Тема боюнча
КРде бардык финансылык операциялар токтотулду
Эт саткан базар. Архив

Кыргызстан малдын 800 тонна ичеги-карынын чет өлкөгө сатты

69
Жыл башынан бери Кыргызстандан малдын ичеги-карыны төрт өлкөгө экспорттолду. Былтыр ушул эле мезгилде үч мамлекет сатып алган. 

БИШКЕК, 29-окт. — Sputnik. Январь айынан баштап августтун аягына чейин Кыргызстан чет өлкөгө малдын 825,4 тонна ичеги-карынын сатты. Бул тууралуу Улуттук статистика комитетинин сайтында жазылган.

Экспорттолгон ичеги-карындын жалпы суммасы дээрлик 50 миллион сомго (669 миң доллар) бааланган.

Кыргызстандын бийлиги этти экспорттоого тыюу салууну талкуулап жатат

Кайсы өлкөлөр сатып алган:

  • Вьетнам — 363,7 тонна;
  • Гонконг — 419,9 тонна;
  • Мьянма — 22 тонна;
  • Түркия —19,8 тонна.

Өткөн жылдын ушул эле мезгилинде 740,6 тонна ичеги-карын сатылган болчу. Бирок түшкөн каражаттын суммасы көп төмөндөгөн эмес, сом менен 48,5 миллионго азайган, деген менен доллар менен эсептегенде 695,4 миңди түзөт.

Былтыр Вьетнамга 700 тонна, калганы Мьянма менен Казакстанга экспорттолгон.

69
Белгилер:
ичеги, чет өлкө, сатуу, жаныбарлар, Кыргызстан
Тема боюнча
Кыргызстандын балын 20дан ашык мамлекет таткан. Тизме
Кыргызстан азык-түлүктүн жаңы түрлөрүн Кытайга экспорттоону көздөп жатат
АКШ доллары. Архив

Доллардын баасы кескин өсүп жатат. Улуттук банктын түшүндүрмөсү

365
(жаңыланган 19:24 27.10.2020)
Дүйшөмбү күндүн эртең мененки убактысына салыштырмалуу америкалык валюта бир сомдон ашык кымбаттап, 82 сомго жетти.

БИШКЕК, 27-окт. — Sputnik. Доллардын баасы сезондук фактор менен иш активдүүлүгүнөн улам өстү. Бул тууралуу Sputnik Кыргызстан агенттигине Улуттук банктан билдиришти.

Эске салсак, дүйшөмбү күнү эртең менен, 26-октябрда, доллар 80,44 сомдон сатып алынып, 80,82 сомдон сатылган. Кийин америкалык валютанын баасы 81,5-81,65 (сатып алуу) жана 81,8-81,9 (сатуу) сомго жетти.

“Кыргызстанда акча алмаштыруу курсу калкыма режимде болгондуктан баанын динамикасы сунуш менен суроо-талаптан көз каранды. Доллар кымбаттаса, демек, сунушка караганда суроо-талап көбөйгөнүнөн кабар берет. Буга сезондук фактор менен иш активдүүлүгү таасир этип жатат”, — деп айтылат маалыматта.

Улуттук банк акчанын баасы боюнча божомол бербей турганын эскертти. Ошол эле учурда ички жана тышкы валюталык рыноктогу абалга такай көз салып турат. Зарыл учурда тийиштүү операцияларды жасайт.

“Улуттук банктын негизги максаты тийиштүү акча-насыялык саясатты жүргүзүү менен баалардын туруктуулугун кармап туруу”, — деп айтылат маалыматта.

Башкы банк өлкөдөгү акчанын баасын аныктай турчу эсеп коюмун коюп турарын эскертти. Ошондой эле Улуттук банк эл аралык дүң резерви 26-октябрга карата 3 миллиард доллардан ашканын кабарлап, жарым жылдык товар менен кызматтардын импортуна жете турганын белгиледи.

365
Белгилер:
Улуттук банк, баалар, доллар, Кыргызстан
Тема боюнча
Айлык айдан-айга өп-чап жетеби? Акча топтоо боюнча кыргызстандыктарга кеңеш
Бишкек шаарынын мэринин милдетин аткаруучу болуп Балбак Түлөбаев. Архив

Кайрадан орун алмашуу. Балбак Түлөбаев жаңы вицелерди дайындады

50
(жаңыланган 10:53 29.10.2020)
Кадрдык өзгөрүүлөр тууралуу тиешелүү токтомго шаарга жаңы эле башчынын милдетин аткаруучу болуп келген Балбак Түлөбаев кол койгон.

БИШКЕК, 29-окт. — Sputnik. Бишкек мэриясында кайрадан кадрдык алмашуу болуп, Алмаз Бакетаев биринчи вице-мэрликке кайтып келди. Бул туурасында муниципалитеттин маалымат кызматынан кабарлашты.

  • Алмаз Бакетаев биринчи вице-мэрликке кайтып келди
    Алмаз Бакетаев биринчи вице-мэрликке кайтып келди
    © Фото / Республиканский штаб КР по борьбе с COVID-19
  • Социалдык суроолор боюнча вице-мэрликке Айжан Чыныбаева дайындалды
    Социалдык суроолор боюнча вице-мэрликке Айжан Чыныбаева дайындалды
    © Sputnik / Табылды Кадырбеков
1 / 2
© Фото / Республиканский штаб КР по борьбе с COVID-19
Алмаз Бакетаев биринчи вице-мэрликке кайтып келди

Анын ордундагы Нариман Түлеев иштен бошотулган.

Бишкек мэриясынын алдында кайрадан митинг. Сүрөт, видео

Ал эми социалдык суроолор боюнча вице-мэрликке Айжан Чыныбаева дайындалды.

Тиешелүү токтомдорго шаарга жаңы эле башчылыктын милдетин аткаруучу болуп келген Балбак Түлөбаев кол койгону белгилүү болду.

Калаа башчысынын орду 5-6-октябрдагы элдик толкундоо болгондон бери талашта болчу. Азиз Суракматов өз каалоосу менен арызын жазып кеткенден кийин анын ордуна биринчи вице-мэр болуп дайындалган Нариман Түлеев келген. Бирок анын бул кызматка келишине нааразы болгон эл мэриянын алдында митинг өткөрүп, жыйынтыгында Түлеев кетип, мэрдин милдетин вице-мэр Алмаз Бакетаев аткара баштаган.

Бирок абал тынчыбагандыктан, Нариман Түлеев кызматтан кетүү боюнча арызын кайра кайтарып алган. Бишкек шаарынын мэриясы калаа жетекчисинин милдетин мыйзамдуу түрдө аткаруучу болуп вице-мэр Нариман Түлеев эсептеле турганын билдирген.

Ага нааразы болгон топ 26-октябрда мэриянын алдында кайрадан митинг өткөргөн.

Көп өтпөй учурдагы бийлик мэриянын мурдагы аппарат жетекчиси Балбак Түлөбаевди өкмөттүн Ысык-Көл облусу боюнча ыйгарым укуктуу өкүлчүлүгүнөн бошотуп, Бишкектин мэринин милдетин аткаруучу кылып дайындаган.

50
Белгилер:
вице-мэр, Бишкек, Кыргызстан
Тема боюнча
Балбак Түлөбаев ишке киришери менен эки вице-мэр кызматтан кетти