Долларлык купюралар. Архив

Кыргызстан миллиондогон доллар жоготобу? Эксперттердин кооптонуусу

442
(жаңыланган 19:25 14.10.2020)
Кыргызстандагы тоо кен тармагы боюнча иш алып барган бир катар компаниялар аргасыздан ишин токтоткон. Алар мамлекетке бир айда орто эсеп менен 1,6 миллион доллар салык төлөйт.

БИШКЕК, 14-окт. – Sputnik. Тоо кен тармагындагы жөнөкөй эле ишканалардын туруп калышы Кыргызстандын бюджетине күн сайын 50 миң доллар зыян алып келиши мүмкүн. Мындай бүтүмгө октябрдын башындагы окуялардын кесепетинен келтирилген чыгымдын алдын ала суммасын эсептеген эл аралык кеңештин адистери билдирген.

Бүгүнкү күндө ири тоо кен тармактарынын иши токтоп калды. Алар: "Альянс Алтын" (Жер-Үй кени), "Каз Минералз Бозумчак" (Бозумчак), "Вертекс Голд Компани" (Жамгыр), "Эти Бакыр Терексай" (Терексай), Full Gold Mining (Иштамберди), "Чаарат Заав" (Чаарат) жана "Кичи Чаарат" (Куру-Тегерек).

Жер-Үй кенине белгисиз адамдар кирип барганына байланыштуу ишин токтотту

Алдын ала эсептөөлөр боюнча, Жер-Үйдөгү талап-тоноолор 15-20 миллион доллар, Иштамберди 1,5 миллион доллар чыгым тарткан.

"Салык кызматы менен "Ачык бюджет" порталындагы маалыматтарга караганда, жети ишкана бир айда орто эсеп менен 1,6 миллион доллар салык төлөйт. Бул ишканалардын иши токтоп калса мамлекеттин бюджети күн сайын 50 миң доллар жоготот деген коркунуч бар", — деп айтылат маалыматта.

Жогорудагы ишканаларда жалпы жонунан төрт миңден ашык киши эмгектенет. Компаниялар чоң чыгым тартып жаткандыктан жарандар ишсиз калышы дагы ыктымал.

Мындай кырдаалдан чыгып кетиш үчүн эл аралык кеңештин адистери укук коргоо органдары менен жергиликтүү башкаруу органдарын биринчи кезекте тоо кен тармагындагы ишканалардын коопсуздугун камсыздоого чакырат.

442
Белгилер:
чыгым, кен, тоо, Кыргызстан
Тема:
Парламенттик шайлоодон кийинки окуялар (459)
Тема боюнча
Бишкек мэриясы башаламандыктын айынан 17 млн. сом чыгым тартты
Тез жардам автоунаалары. Архив

Финпол: тез жардам унааларын 1 млн. долларга кымбат алгандарга иш козголду

7966
(жаңыланган 19:13 19.10.2020)
Учурда факты изилденип, кылмыштуу ишке тийиштиги бар башка дагы аткаминерлерди аныктоо аракети жүрүп жатат.

БИШКЕК, 19-окт. — Sputnik. Саламаттык сактоо министрлигинин жооптуу кызматтагы адамдары Тез жардам кызматынын унааларын жогорулатылган баада сатып алышканы аныкталды. Бул тууралуу Экономикалык кылмыштарга каршы күрөшүү кызматынан билдиришти.

Маалыматка караганда, мамлекеттик бюджет жалпы жонунан 1 миллион доллар зыян тарткан. Буга байланыштуу кызматтык абалын кыянаттык менен пайдалануу беренеси боюнча кылмыш иши козголду.

"Тергөө амалдары учурунда министрликтин жооптуу кызматкерлери 13 тез жардам унаасын жогорулатылган баада сатып алышканы аныкталды", — деп айтылат маалыматта.

Учурда факты изилденип, кылмыштуу ишке тийиштиги бар башка дагы аткаминерлерди аныктоо аракети жүрүп жатат.

7966
Белгилер:
кылмыш, тез жардам, КР Саламаттык сактоо министрлиги, Кыргызстан
Тема боюнча
УКМК: коррупциялык иштерге күбө болгондор үчүн ишеним телефондор иштей баштады
Улуттук банктын төрагасы Толкунбек Абдыгулов

Жапаров Абдыгуловго финансы рыногун жөнгө салуу боюнча тапшырма берди

162
(жаңыланган 17:08 19.10.2020)
Өлкөнүн башкы банкынын жетекчиси валюта рыногундагы абал жана макроэкономикалык жагдайлар тууралуу маалымат берген.

БИШКЕК, 19-окт. — Sputnik. Президенттин милдетин аткаруучу, премьер-министр Садыр Жапаров Улуттук банктын төрагасы Толкунбек Абдыгуловду кабыл алды. Бул тууралуу өкмөттүн маалымат кызматы билдирди.

Исполняющий обязанности Президента, Премьер-министр Кыргызской Республики Садыр Жапаров встретился с председателем Национального банка Кыргызской Республики Толкунбеком Абдыгуловым. 19 октября 2020 год
© Пресс-служба правительства / Алишер Алиев
Президенттин милдетин аткаруучу, премьер-министр Садыр Жапаров Улуттук банктын төрагасы Толкунбек Абдыгуловду кабыл алды

Жолугушууда Абдыгулов өлкөдөгү макроэкономика, банктык жана төлөм тутумунун туруктуулугун жана коопсуздугун камсыздоого багытталган Улуттук банктын иштери, ошондой эле валюта рыногундагы абал тууралуу маалымат берди.

"Садыр Жапаров Улуттук банкка улуттук жана эл аралык төлөм тутуму боюнча операцияларын өз учурунда жана үзгүлтүксүз ишке ашыруу чараларын кабыл алуу керектигин белгиледи. Ошондой эле SWIFT тутуму жана альтернативдүү байланыш каналдары боюнча трансчектеш операцияларды чектөөсүз жүргүзүүнү жаңыртуу тапшырмасын берди", — деп айтылат маалыматта.

Доллар эмнеге кымбаттап жатат? Улуттук банк түшүндүрмө берди

Мындан тышкары, калк жана ишкерлик субъектилери үчүн коронавирустун кесепеттерин жайгаруу боюнча маселелер талкууланды.

162
Белгилер:
валюта, Садыр Жапаров, Толкунбек Абдыгулов, Улуттук банк
Тема боюнча
15 сомго кымбаттаптыр. 2020-жылдагы доллардын курсу. Инфографика
Жапаров: Кыргызстан Россиянын алдындагы милдеттемелерин толук аткарат
Ооруканадагы палата. Архивдик сүрөт

Коронавирус менен ооруган бейтаптарды кабыл алган ооруканалар. Тизме

12
Учурда коронавирус жуктургандардын саны өсүүдө. Мындан улам бейтаптарды кабыл алуу үчүн кошумча орундар ачылганы маалым болду.

БИШКЕК, 20-окт. — Sputnik. Борбор калаада COVID-19га кабылган бейтаптарды 11 стационар кабыл алууда. Бул тууралуу Республикалык штабдан кабарлашты.

Ага ылайык, учурда коронавирус жуктургандардын саны өсүүдө. Мындан улам бейтаптарды кабыл алуу үчүн кошумча орундар ачылды.

COVID-19 менен ооругандарды кабыл алып жаткан ооруканалар:

  • Республикалык клиникалык жугуштуу илдеттер ооруканасы;
  • Кыргыз-түрк "Достук" ооруканасы;
  • №1 шаардык клиникалык оорукана;
  • Улуттук госпиталь;
  • Улуттук фтизиатрия борбору;
  • Эне жана баланы коргоо улуттук борбору;
  • Улуттук онкология жана гематология ооруканасы;
  • Улуттук хирургия борбору;
  • Улуттук кардиология жана терапия борбору;
  • Темир жол ооруканасы;
  • №2 клиникалык төрөт үйү.

Кайсы аймакта коронавирустан көп киши каза болду? Статистика

Аталган ооруканаларда жалпысынан 561 орун даярдалган. Бирок кайсы медициналык мекемеде канча бош орун бар экенин министрликтин картасына (map.covid.kg) кирип карап алуу зарыл.

12
Белгилер:
тизме, оорукана, коронавирус, Бишкек
Тема:
Коронавируска байланыштуу Кыргызстандагы кырдаал
Тема боюнча
Министрлик коронавирусту дарылаган стационарлардын картасын жарыялады
Коронавируста бөйрөк оорусу өлүм коркунучун эки эсеге жогорулатат
Өткөн суткада 482 киши коронавирус жуктуруп, 127 бейтап айыкты