Биринчи вице-премьер Артем Новиков өлкөнүн бизнес-ассоциацияларынын өкүлдөрү менен жолугушуу учурунда

Вице-премьер Новиков ишин бизнестин өкүлдөрүнө жолугуудан баштады

285
(жаңыланган 20:45 17.10.2020)
Новиков коомдук-саясий абал турукташканын эскертип, бардык тармактар толук кандуу иштөө режимине өтө аларын кабарлады.

БИШКЕК, 17-окт. — Sputnik. Биринчи вице-премьер Артём Новиков өлкөнүн бизнес-ассоциацияларынын өкүлдөрү менен жолугуп, бизнестин коопсуздугу жана кепилдиги камсыздаларын айтты. Бул тууралуу өкмөттүн маалымат кызматы билдирди.

  • Первый вице-премьер-министр Кыргызстана Артем Новиков на встрече с представителями бизнес-ассоциаций страны
    Биринчи вице-премьер Артем Новиков өлкөнүн бизнес-ассоциацияларынын өкүлдөрү менен жолугуп, бизнестин коопсуздугун жана кепилдигин камсыздаларын айтты
    © Пресс-служба правительства / Алишер Алиев
  • Первый вице-премьер-министр Кыргызстана Артем Новиков на встрече с представителями бизнес-ассоциаций страны
    Новиков тоо-кен тармагында болгон окуяларга жол берилбеши керектигин белгилеген
    © Пресс-служба правительства / Алишер Алиев
  • Первый вице-премьер-министр Кыргызстана Артем Новиков на встрече с представителями бизнес-ассоциаций страны
    Мындан улам ал Өнөр жай, энергетика жана жер казынасын пайдалануу комитетине, Экотехинспекцияга жана Салык кызматына ал жерде келтирилген зыянды баалап, аталган ишканаларды колдоо боюнча мүмкүн болгон чараларды карап чыгууну тапшырганын айтып өттү.
    © Пресс-служба правительства / Алишер Алиев
1 / 3
© Пресс-служба правительства / Алишер Алиев
Биринчи вице-премьер Артем Новиков өлкөнүн бизнес-ассоциацияларынын өкүлдөрү менен жолугуп, бизнестин коопсуздугун жана кепилдигин камсыздаларын айтты

Новиков тоо-кен тармагында болгон окуяларга жол берилбеши керектигин белгилеген. Мындан улам ал Өнөр жай, энергетика жана жер казынасын пайдалануу комитетине, Экотехинспекцияга жана Салык кызматына ал жерде келтирилген зыянды баалап, аталган ишканаларды колдоо боюнча мүмкүн болгон чараларды карап чыгууну тапшырганын айтып өттү.

"Биз өлкөдөгү бизнести колдоо үчүн максималдуу күч-аракетибизди жумшайбыз. Өзгөчө абал режими алынды. Коомдук-саясий абал турукташты. Бардык тармактар толук кандуу иштөө режимине өтө алат", — деди Новиков.

Ошондой эле ал жакында Бизнес жана инвестицияларды өнүктүрүү боюнча кеңеш өтө турганын эскерткен.

285
Белгилер:
Артем Новиков, колдоо, бизнес, кен, өкмөт
Тема боюнча
Өкмөттө кыска убакытта аткарылууга тийиш болгон милдеттер айтылды
Медиктер массалык чогулуунун кесепети 2 жумадан кийин билинерин эскертти
Айыл чарба министри Тилек Токтогазиев. Архив

Тилек Токтогазиев Айыл чарба министрлигиндеги көйгөйлөрдү ачыктады

756
(жаңыланган 00:23 26.10.2020)
Министрдин айтымында, ведомство Советтер Союзунан бери өзгөрбөгөндөй сезим калтырган. Анда керек болсо жылуулук жок экенин белгилеген.

БИШКЕК, 26-окт. – Sputnik. Айыл чарба министрлигинде жаңыланууну талап кылган нерселер көп экен. Бул тууралуу министр Тилек Токтогазиев өзүнүн Facebook баракчасы аркылуу түз эфирге чыгып билдирди. 

Ал кыска мөөнөттүн ичинде өзгөртүүлөрдү жасап, анда иштеп жаткан адистерге жакшыраак шарт түзүп берүүгө аракет жасай турганын белгиледи.

35 жашка чыкпай жогорку кызматты ээлеген аткаминерлер. Тизме

“Башка министрликтерге салыштырмалуу бул жактын айлыгы аз экен. Жакшы адистерге жакшы маяна төлөп бергидей кылышыбыз керек. Иштөө шарттары дагы начарыраак экен, мисалы жылуулук жок, суук. Ушунун баарын акырындык менен ордуна алып келебиз. Документтердин бардыгы кагаз түрүндө экен. Аны электрондук форматка өткөрүү зарыл”, - деди министр.

Токтогазиев кагаздар электрондук форматка өтсө ички процесстер, дыйкандарга кызмат көрсөтүүлөр батыраак жүрөрүн кошумчалады. Ал ошондой эле министрликте 888 киши иштей турганын, жалпы ведомство текшерилсин деген буйрук чыгарганын белгиледи.

“Азыр биз аудит баштадык. Жалпы министрлик текшерилсин деп Эсептөө палатасына кат менен кайрылдык. Бүт агенттиктер менен департаменттер текшерилет. Функционалдык анализ жүргүзүлүп, кайсы позициялар керек, кайсылары кереги жок экени аныкталат. Себеби бири-бирин кайталап калган штаттар болушу мүмкүн. Аларды кыскартууга туура келет”, - деди Токтогазиев.

Эң жаш министр алдыда чоң реформаларды жасоо ниети бар экенин кошумчалады.

756
Белгилер:
реформа, көйгөй, Тилек Токтогазиев, Айыл чарба жана мелиорация министрлиги
Тема боюнча
Тилек Токтогазиев жыйын өткөрүп, министрликтеги ишин эмнеден баштаарын айтты
ТИМ имараты. Архивдик сүрөт

ТИМ: жылдын аягына чейин бюджет дефицити 450 млн. долларга жетет

88
(жаңыланган 18:20 24.10.2020)
Руслан Казакбаев Россияга эки күндүк иш сапары менен барган. Ал жактан РИА Новости агенттигине маек курду.

БИШКЕК, 24-окт. — Sputnik. Пандемия жана шайлоодон кийинки саясий кризистин кесепетинен жылдын аягында Кыргызстандын бюджетинде 400-450 миллион долларлык дефицит болушу күтүлүүдө. Бул тууралуу тышкы иштер министри Руслан Казакбаев РИА Новости агенттигине берген маегинде айткан.

Анын айтымында, чек аралар жабылганда айрым коңшулар жана ЕАЭБдин алкагындагы өнөктөш мамлекеттер менен товар айлануунун көлөмү төмөндөп кеткен.

Лавров Кыргызстанга финансылык колдоо көрсөтүү боюнча суроого жооп берди

"Жылдын аягына чейин бюджетте 35-45 миллиард сом же 400-450 миллион долларлык тартыштык болору күтүлүүдө. Кыргызстан үчүн бул бир топ эле сезилерлик сумма", — деди министр.

Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

88
Белгилер:
дефицит, бюджет, Руслан Казакбаев, Кыргызстан, Россия
Тема боюнча
Казакбаев бюджетти колдоо боюнча РФ президентинин өкүлү Козак менен сүйлөштү
Президенттин милдетин аткаруучу жана премьер-министр Садыр Жапаров Мамлекеттик чек ара кызматынын төрагасы Уларбек Шаршеевди кабыл алды.

Чечилбеген көйгөй болбойт! Жапаров Чек ара кызматынын төрагасына жолукту. Сүрөт

0
(жаңыланган 13:19 26.10.2020)
Садыр Жапаров жакын арада чек ара көйгөйлөрү менен жеринде таанышуу үчүн Баткен, Ош жана Жалал-Абад облустарына иш сапары менен барарын айтты.

БИШКЕК, 26-окт. — Sputnik. Президенттин милдетин аткаруучу жана премьер-министр Садыр Жапаров бүгүн, 26-октябрда, Мамлекеттик чек ара кызматынын төрагасы Уларбек Шаршеевди кабыл алды. Бул тууралуу мамлекет башчынын маалымат кызматы кабарлады.

Анда мамлекеттик чек аранын кыргыз-тажик бөлүгүндөгү кырдаалды турукташтыруу боюнча чаралар талкууланган.

  • Исполняющий обязанности президента, премьер-министр Кыргызской Республики Садыр Жапаров принял председателя Государственной пограничной службы Кыргызской Республики Уларбека Шаршеева. 26 октября 2020 года
    Президенттин милдетин аткаруучу жана премьер-министр Садыр Жапаров бүгүн, 26-октябрда, Мамлекеттик чек ара кызматынын төрагасы Уларбек Шаршеевди кабыл алды.
    © Пресс-служба президента КР / Султан Досалиев
  • Исполняющий обязанности президента, премьер-министр Кыргызской Республики Садыр Жапаров принял председателя Государственной пограничной службы Кыргызской Республики Уларбека Шаршеева. 26 октября 2020 года
    Анда мамлекеттик чек аранын кыргыз-тажик бөлүгүндөгү кырдаалды турукташтыруу боюнча чаралар талкууланган.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президенттин милдетин аткаруучу жана премьер-министр Садыр Жапаров бүгүн, 26-октябрда, Мамлекеттик чек ара кызматынын төрагасы Уларбек Шаршеевди кабыл алды.

 

Уларбек Шаршеев Баткен районундагы Үч-Дөбө айылындагы 25-октябрда болгон окуя тууралуу маалымат берди. Анын айтымында, тажик тарап менен сүйлөшүүлөр болуп, калк арасында түшүндүрүү иштери жүрүп жатат.

Чыр чыккан Баткенге Чек ара кызматынын төрага орун басары Алимбаев барды

Садыр Жапаров чек араны делимитациялоо жана демаркациялоо боюнча маселелерди бир гана тынч сүйлөшүүлөр аркылуу чечүү маанилүү экенин белгилеген.

"Чечилбеген көйгөйлөр болбойт. Тигил же бул маселени тынч сүйлөшүп чечсе болот. Келечекте мындай окуялар болбошу үчүн маселени чечүүнү улам артка жылдыра бербеш керек. Чек арадагы райондордун тургундары тынчтык жана туруктуулукта жашашы зарыл", — деген Жапаров.

Президенттин милдетин аткаруучу жакын арада чек ара көйгөйлөрү менен жеринде таанышуу үчүн Баткен, Ош жана Жалал-Абад облустарына иш сапары менен барарын айткан.

Жапаров Баткен учурдагы чек ара окуясын жөнгө салуу жана Кыргызстандын бардык чек ара аймактарындагы туруктуулукту сактоо үчүн конкреттүү тапшырмаларды берген.

0
Белгилер:
Мамлекеттик чек ара кызматы, Уларбек Шаршеев, Садыр Жапаров
Тема боюнча
Кыргыз-өзбек жумушчу тобу чек арадагы чечиле элек тилкелерди карап чыгышты