Министр: ЕАЭБ өлкөлөрү бир катар товарлардын экспортун көбөйттү

© Sputnik / Виталий Аньков / Медиабанкка өтүүЕвразия экономикалык комиссиясынын соода-сатык боюнча мүчөсү (министр) Андрей Слепнев. Архив
Евразия экономикалык комиссиясынын соода-сатык боюнча мүчөсү (министр) Андрей Слепнев. Архив - Sputnik Кыргызстан
Жазылуу
Жыл башынан бери суу майдын экспорту 40 пайызга, буудай 6,5 пайызга, кумшекер дээрлик тогуз, ал эми тоок эти 2,2 эсеге жогорулаган.

БИШКЕК, 27-окт. — Sputnik. ЕАЭБ өлкөлөрү бир катар товарлардын экспортун көбөйттү. Бул тууралуу Евразия экономикалык комиссиясынын соода-сатык боюнча мүчөсү (министр) Андрей Слепнев билдирди.

Ал "Евразия экономикалык бирикмеси менен Кытайдын "Бир алкак — бир жол" демилгеси" видеофорумунда сөз сүйлөдү. Анын айтымында, бардык жакта ИДПнын көлөмү төмөндөп жатат. Мисалы, еврозонада сегиз, АКШда 4,3 пайызга кыскарган.

"ЕАЭБ боюнча айта турган болсок, жылдын соңуна чейин ИДПнын көлөмү болжол менен 3,2 пайызга төмөндөйт. Бул башка экономикаларга салыштырмалуу аз, бирок баары бир өсүш эмес, төмөндөө болуп жатпайбы", — деди Слепнев.

Анын айтымында, минералдык ресурстар, нефтегаз ресурстары, химиялык жер семирткичтер жана металлургия тармагында кыскаруулар байкалып жатат.

"Бирок позитивдүү факторлор дагы бар. Энергетикалык эмес сырьёнун экспорту 2,5 пайызга өстү. Бул аз эмес көрсөткүч. Баалар калыбына келсе баары жакшы болот деп турабыз. Суроо-талап азайганы менен рыноктогу үлүшүбүздү көбөйтүп жатабыз", — деди ал.

Министр белгилегендей, айыл чарба продукциясынын экспорту жогорулап жатат.

ЕЭК: мамлекеттер өзү менен өзү боло берсе, экономикасы чоң жоготууга учурайт

"Жыл башынан бери бардык кыйынчылыктарга карабастан сатыктын көлөмү беш пайызга өстү. Мисалы, суу май 40 пайызга, буудай 6,5 пайызга, кумшекер дээрлик тогуз, ал эми тоок этинин экспорту 2,2 эсеге жогорулады", — деди министр.

Слепнев Кытай өзүнүн рыногун ачкандан кийин тоок этинин экспорту 3,6 пайызга өскөнүн, эми чочко этин жеткирүү маселеси каралып жатканын белгиледи.

Жаңылыктар түрмөгү
0