Айыл чарба, тамак-аш өнөр жайы жана мелиорация министри Тилек Токтогазиев БУУнун Азык-түлүк жана айыл чарба уюмунун (ФАО) Кыргызстандагы өкүлү Аднан Куреши менен жолукту

БУУнун Азык-түлүк уюму Айыл чарба министрлигиндеги өзгөрүүлөрдү колдоого даяр

122
(жаңыланган 17:17 27.10.2020)
Жолугушууда балык уулоо, дыйкандарды консолидациялоо жана тармакты санариптештирүү жаатында ири долбоорлорду ишке ашыруу боюнча кызматташуу маселеси сүйлөшүлдү.

БИШКЕК, 27-окт. — Sputnik. Айыл чарба, тамак-аш өнөр жайы жана мелиорация министри Тилек Токтогазиев БУУнун Азык-түлүк жана айыл чарба уюмунун (ФАО) Кыргызстандагы өкүлү Аднан Куреши менен жолукту. Бул тууралуу Айыл чарба министрлигинин маалымат кызматы кабарлады.

Жолугушууда балык уулоо, дыйкандарды консолидациялоо жана тармакты санариптештирүү жаатында ири долбоорлорду ишке ашыруу боюнча кызматташуу маселеси сүйлөшүлдү.

БУУнун Азык-түлүк жана айыл чарба уюмунун (ФАО) Кыргызстандагы өкүлү Аднан Куреши министрди кызмат орду менен куттуктап, министрликтеги өзгөрүүлөрдү колдоого даяр экендигин айтты.

"Бул кызматта сизди көрүү абдан сонун, эми тыгыз кызматташабыз деп ишенем. Силердин артыкчылыктуу багыттарыңарды толугу менен колдойбуз жана министрликте натыйжалуу реформаларды ишке ашырууда стратегиялык өнөктөш болгубуз келет. Көңүлүңүздү дыйкандарга буруп жаткандыгыңыз жана жигердүү инновациялоого даяр экендигиңиз кубандырат", — деди Куреши.

Министр: ЕАЭБ өлкөлөрү бир катар товарлардын экспортун көбөйттү

Жолугушуунун аягында айыл чарба министри БУУнун 75 жылдыгы жана Бүткүл дүйнөлүк азык-түлүк күнү менен куттуктады.

122
Белгилер:
жолугушуу, өкүл, министр, Кыргызстан, БУУ, айыл чарба
Тема боюнча
Кытай ЕАЭБ менен соода-сатыкты күчөтүүгө даяр экенин билдирди
ЕЭК: мамлекеттер өзү менен өзү боло берсе, экономикасы чоң жоготууга учурайт
Премьер-министрдин милдетин аткаруучу Артем Новиков

Новиков ЕАЭБ пандемияга туруштук берүү үчүн эмне кылуу керектигин айтты

0
(жаңыланган 17:35 04.12.2020)
Новиков өз ара ишеним мейкиндигин түзүү, барьерлерди максималдуу түрдө жоюу жана кызматташуу механизмдерин өркүндөтүү сунушун ортого салды.

БИШКЕК, 4-дек. — Sputnik. Премьер-министрдин милдетин аткаруучу Артем Новиков COVID-19 пандемиясы маалында Евразия экономика биримдигине кирген өлкөлөрдүн интеграциясын бекемдөөгө чакырды. Бул тууралуу ал Евразия өкмөттөр аралык кеңешинин жыйынында билдиргенин РИА Новости жазды.

Новиковдун айтымында, өз ара ишеним мейкиндигин түзүү, барьерлерди максималдуу түрдө жоюу жана кызматташуу механизмдерин өркүндөтүү керек. Муну ЕАЭБди өнүктүрүү институтунун ишин күчөтүү аркылуу да жасаса болот.

Ошондой эле ал пандемия өндүрүш чынжырчасынын начардыгын жана инфраструктураны өнүктүрүү муктаждыгын көрсөткөнүн белгилеген. Аны менен катар региондор аралык өз ара байланыш биринчи кезекте керектелүүчү продукция менен камсыздоо үчүн гана эмес, жалпы жонунан товар жүгүртүүнү колдоо керектигин айгинелегенин айткан.

"Биздин өлкөлөрдүн күчтүү жактарын өнүктүрүүгө, бири-бирин толуктап турууга жана биримдиктин атаандаштыкка жөндөмдүүлүгүн жогорулатууга маани берилиши керек. Биринчи кезекте союзга кирген өлкөлөрдүн суроо-талаптарын жана керектөөсүнүн болжолун түзгөн ЕАЭБдин бирдиктүү маалыматтык мейкиндигин ишке ашыруу шарт. Биз өз өлкөбүздө товарлардын бардык түрүн чыгарууга аракет кылбашыбыз керек. Бул ички рынокту коргоону алсыздатып, жаңы барьерлерди жаратууга алып келет", — деди өкмөт башчынын милдетин аткаруучу.

Мындан сырткары, Новиков ЕАЭБ өлкөлөрү бири-биринин экономикасын толуктап турушу керектигин кошумчалаган.

0
Белгилер:
өнүктүрүү, кызматташтык, экономика, Евразиялык экономикалык биримдик, Артем Новиков
ВТБ банкынын президенти Андрей Костин. Архив

Россиялык банкир интеграциянын мыкты мисалдарын атады. Бири КРге байланыштуу

16
(жаңыланган 17:04 04.12.2020)
Андрей Костин алгачкы Евразия конгрессинде сүйлөп жатып банктар экономика менен интеграциянын локомотиви боло аларын белгиледи.

БИШКЕК, 4-дек. — Sputnik. Экономикалык интеграциянын эки мисалын "ВТБ банкынын" президенти Андрей Костин атады.

Алгачкы Евразия конгрессинде сүйлөп жатып, ал банктар экономика менен интеграциянын локомотиви боло аларын белгиледи.

"Биздин банк Казакстандагы ири тоо-кен металлургия тармагындагы топ менен кызматташат. Биз каражат менен гана камсыздабастан, андан чопо сатып алып Тажикстанга жөнөтөбүз. Ошондой эле алюминий өндүргөн компанияны каржылап, ордуна даяр продукция алабыз. Товарды дүйнөлүк рынокко чыгарабыз", — деди Костин.

Мындай жол менен ал Россия, Казакстан жана Тажикстан өлкөлөрүнүн ортосунда интеграция жүргүзүп жатканын айтты. Бул финансылык түзүмдөр ишке ашыра ала турган интеграциялык кызматташтыктын бир мисалы экенин кошумчалады.

"Ошондой эле биз Кыргызстандагы ири алтын кенине инвестор жана кредитор болуп бердик. Кеп "Жерүй" долбоору жөнүндө болуп жатат. Бул дагы финансылык институттар экономикалык өнүгүүсүнө салым кошо аларын көрсөткөн экинчи далил", — деди банк жетекчиси.

Буга чейин адистер ЕАЭБди мындан ары өнүктүрүү үчүн эмне кылуу керектигин айтышкан эле.

16
Белгилер:
банк, экономика, интеграция, Евразиялык экономикалык биримдик, Кыргызстан, Россия
Тема боюнча
Адис ЕАЭБди мындан ары өнүктүрүү үчүн эмне кылуу керектигин айтты
Евразия өнүктүрүү банкы "Манас" аэропорту жана Темир жол долбоорун карап жатат