Евро банкноталары. Архив

Кыргызстанда евронун курсу 100 сомдон ашты

199
(жаңыланган 13:19 09.11.2020)
Акыркы маалыматтарга караганда, акча алмаштыруу жайлары менен банктар бир еврону 99,15 сомго сатып алып, кайра 100,56 сомдон сатууда.

БИШКЕК, 9-ноя. — Sputnik. Кыргызстанда евронун курсу 100 сомдон жогорулап кетти. Бул тууралуу Valuta.kg сайтынан билүүгө болот.

Андагы акыркы маалыматтарга караганда, акча алмаштыруу жайлары менен банктар бир еврону 99,15 сомго сатып алып, кайра 100,56 сомдон сатууда. Ал эми расмий курс катары 99,23 сом көрсөтүлүүдө.

Valuta.kg сайтындагы статистикага караганда, акыркы ирет евро октябрь айында көтөрүлгөн. Ал эми ага чейин эң чоң көрсөткүч аптель айында катталган. Анда евро 94 сомдон сатылган эле.

199
Белгилер:
кымбаттоо, евро, Кыргызстан
Тема боюнча
Россияда арзандап кеткен рублдин курсу кайра тездик менен өсө баштады
Киши сом купюраларды кармап турат. Иллюстративдик сүрөт

Эмдиги жылы пенсия канча пайызга көбөйөрү айтылды

168
(жаңыланган 16:50 03.12.2020)
Социалдык фонддун өкүлү депутаттын суроолоруна жооп берип жатып, келерки жылы пенсияны көбөйтүүгө мурдагыларга салыштырмалуу аз каражат каралганын билдирди.

БИШКЕК, 3-дек. — Sputnik. Кыргызстанда 2021-жылы пенсия 250 сомго жогорулайт. Бул тууралуу парламент жыйынында Социалдык фонддун төрагасынын биринчи орун басары Гүлнура Жуматаева айтты.

Ал депутат Дастан Бекешевдин суроолоруна жооп берип жатып, келерки жылы пенсияны көбөйтүүгө мурдагыларга салыштырмалуу аз каражат каралганын билдирди.

"Орто эсеп менен пенсиянын камсыздандыруучу бөлүгү беш пайызга көтөрүлөт. Бул болжол менен 250 сомду түзөт. Буга 510 миллион сом сарпталат", — деди Жуматаева.

Ошондой эле ал эмдиги жылы 45 миң кыргызстандык пенсияга чыгарын кошумчалады.

168
Белгилер:
Социалдык фонд, кошумча акы, пенсия, Кыргызстан
Тема боюнча
Мукамбетов: Түштүк Кореядагы мигранттар ошол жактан пенсияга чыга алышат
Жогорку Кеңештин имараты. Архивдик сүрөт

Парламентте Соцфонд бюджетин 2019-жылы кандай сарптаганы каралды

30
(жаңыланган 16:14 03.12.2020)
Соцфондго камсыздандыруу төгүмдөрүнөн 32,4 миллиард сом түшүп, республикалык бюджеттен милдеттүү түрдө 21,3 миллиард сом бөлүнгөн.

БИШКЕК, 3-дек. — Sputnik. Жогорку Кеңеш Социалдык фонддун 2019-жыл үчүн бюджетинин аткарылышын карап, добуш берүүгө жөнөттү.

Бюджеттин аткарылышы боюнча Соцфонддун төрагасынын орун басары Гүлнура Жуматаева маалымат берди. Анын айтымында, былтыр Социалдык фонддун кирешеси 53 миллиард 843 миллион сомду түзүп, 2018-жылга салыштырмалуу 2 миллиард 829,3 миллион сомго көбөйгөн.

Камсыздандыруу төгүмдөрүнөн 32 миллиард 399,4 миллион сом түшүп, план 98 пайызга аткарылды. Ал эми республикалык бюджеттен милдеттүү түрдө 21 миллиард 34 миллион сом бөлүнгөн.

Ошондой эле туумдардан, айыптардан, күнүмдүк калдыктардын пайыздарынан, дивиденддерден жана башка ушул сыяктуу булактардан 404,6 миллион сом киреше алынган.

Ал эми чыгымдары 53 миллиард 506,3 миллион сомду түзүп, 2018-жылга салыштырмалуу 3 миллиард 196,6 миллион сомго көбөйгөн.

"Пенсиялык фондго 49 миллиард 131,7 миллион сом чыгымдалган. 2019-жылы пенсионерлердин саны кескин түрдө өстү. Алсак, үч-төрт жыл мурун 15-16 миң гана пенсионер кошулса, быйыл 20 миңге өсүш болду. Мында 1-октябрдан тарта пенсиянын жогорулатылгандыгын да эске алуу зарыл", — деди Жуматаева.

Ошондой эле жыйында орточо пенсия 5 786 сомду түзгөнү айтылды. Анын ичинде пенсиянын базалык бөлүгү 1 780 сом өлчөмүндө белгиленип, 100 сомго жогорулаган.

Соцфонддун 2019-жылга карата отчётун бекитүү жөнүндө мыйзам долбоору биринчи окууда добуш берүүгө жөнөтүлдү.

30
Белгилер:
отчет, Социалдык фонд, пенсия
Тема боюнча
Салык кодекси өзгөртүлөт. Новиков 2 айда жаңысын иштеп чыгууга тапшырма берди
Массалык мушташ. Архив

Түндө ЦУМда массалык мушташ чыгып, 15 киши кармалган. Милициянын видеосу

0
(жаңыланган 22:21 03.12.2020)
Жерине кайгуул милициясынын бир экипажы жөнөтүлүп, бирок кишинин көптүгүнө байланыштуу дагы экөө жиберилген. Бирок интернетте андан көп барганы айтылат.

БИШКЕК, 3-дек. — Sputnik. Бүгүн, 3-декабрга караган түнү, Бишкектеги "Айчүрөк" дүр-дүйнө дүкөнүнүн (ЦУМ) жанында массалык мушташ чыгып, 15 киши кармалган. Бул тууралуу Милициянын кайгуул кызматы билдирди.

"Короче" Telegram-каналында ЦУМдун жанында милициянын тогуз унаасы өтүп бараткан видео жүктөлдү.

Бирок кайгуул кызматынын билдиргенине караганда, окуя болгон жерге үч экипаж гана жөнөтүлгөн.

"3-декабрга караган түнү саат 2:30да 102 кызматына ЦУМдун жанында массалык мушташ тууралуу кабар түшкөн. Жерине кайгуул милициясынын бир экипажы жөнөтүлгөн. Бирок кишинин көптүгүнө байланыштуу дагы экөө жиберилген", — деп айтылат маалыматта.

Мушташ токтотулуп, 15тей адам Свердлов райондук милициясына алып келинген. 

0
Белгилер:
унаа, милиция, мушташ, ЦУМ, Бишкек
Тема боюнча
Ош шаарында милиционер менен тургундар мушташа кетти. Видео