Фармкомпаниядагы ишкер. Архив

Министрлик: жыл этегине чейин фармкомпанияларга болгон карыз төлөнүп бүтөт

47
Милдеттүү медициналык камсыздандыруу фондунун берген маалыматына ылайык, фармацевтикалык уюмдарга дагы 355 миллион 896 миң сом берилиши шарт.

БИШКЕК, 10-ноя. — Sputnik. 2020-жылдын аягына чейин фармацевтикалык компанияларга болгон карызды төлөп бүтүрүүгө аракет кылабыз. Бул тууралуу Саламаттык сактоо министрлигинин финансы саясаты башкармалыгынын башчысы Муктарбек Баймурзаев билдирген.

Анын айтымында, 1-ноябрга карата саламаттык сактоо мекемелердин  фармкомпанияларга болгон карызы 538 миллион сомду түзгөн.

"Саламаттык сактоо, Каржы министрликтери жана Милдеттүү медициналык камсыздандыруу фонду жакында эле жыйын өткөрүп, жыл аягына чейин карызды толугу менен жабуу чечимин кабыл алды. Сүйлөшүүнүн негизинде Каржы министрлиги акча бөлүп берип, карыздын 300 миллион сому төлөндү", — деди Баймурзаев.

КРдин карыздан кутулуусуна коррупционерлер менен кредиторлор кантип жардам берет

Милдеттүү медициналык камсыздандыруу фондунун 1-ноябрга карата берген маалыматына ылайык, фармацевтикалык уюмдарга дагы 355 миллион 896 миң сом төлөнүшү керек.

47
Белгилер:
дары-дармек, медицина, карыз
Тема боюнча
COVID-19дун экинчи толкуну. Өлкө боюнча ооруканалардын даярдыгы текшерилет
Жогорку Кеңештин жыйыны. Архив

Жогорку Кеңеш 11,6 миллион сомго техника сатып алууну көздөп жатат

107
(жаңыланган 12:48 28.11.2020)
Тендердеги маалыматка караганда, Жогорку Кеңеш 143 ноутбук, 12 LED-монитор, 54 персоналдык компьютер жана 47 принтер сатып алууну пландоодо.

БИШКЕК, 28-ноя. — Sputnik. Жогорку Кеңеш жаңы ноутбуктарды жана жыйындар залына керектүү жабдууларды сатып алуу үчүн 11,6 миллион сомго тендер жарыялады. Бул маалыматты парламенттин маалымат кызматынын жетекчиси Индира Куралбекова тастыктады.

"5-6-октябрь күнкү окуяларда Жогорку Кеңештин имаратындагы бардык техника, жабдуулар талкаланган. Алып кеткендер дагы болгон. Жыйындар залында депутаттардын алдында турган ноутбуктар, түз эфирди камсыздоочу мониторлор, серверлер жок кылынган. Ошонун баарын кайрадан алуу үчүн тендер жарыяланып, мамлекеттик сатып алуулар порталына илинди", — деди Куралбекова.

Тендердеги маалыматка караганда, Жогорку Кеңеш 143 ноутбук, 12 LED-монитор, 54 персоналдык компьютер жана 47 принтер сатып алууну пландап жатат.

Эске салсак, быйылкы парламенттик шайлоонун жыйынтыгына нааразы болгондор 6-октябрга караган түнү "Ала-Тоо" аянтына митингге чыккан. Айрымдары Жогорку Кеңештин имаратына кирип, талкалап, бир топ зыянга учураткан.

107
Белгилер:
ноутбук, тендер, Жогорку Кеңеш, Кыргызстан
Тема боюнча
Орозбаев: Жогорку Кеңеш экинчи функциясын жакшы аткара албай келет
АКШ долларлары. Архив

Улуттук банк долларды ноябрда 10-жолу интервенциялады

43
Ушуну менен чет элдик валюта ноябрь айында 10-ирет сатылды. Интервенция биринчи жолу 12-ноябрда өткөрүлүп, башкы банк 26,8 миллион доллар саткан.

БИШКЕК, 28-ноя. — Sputnik. Кечээ, 27-ноябрда, Улуттук банк америкалык валютанын курсун турукташтыруу үчүн 1,1 миллион доллар сатты. Бул тууралуу мекеменин сайтында кабарланды.

Ушуну менен чет элдик валюта ноябрь айында онунчу ирет сатылды. Интервенция биринчи жолу 12-ноябрда өткөрүлүп, башкы банк 26,8 миллион доллар саткан.

Ушул жумада каржылык көзөмөлдөөчү орган 24-ноябрдан 27-ноябрга чейин төрт күн катары менен валюта сатты. Натыйжада айдын башынан бери 68 миллион 650 миң доллар сатылды. Соңку аракеттердин аркасы менен сатып алуу үч тыйынга жогорулады.

Эскерте кетсек, 11-ноябрда доллардын наркы 83,94 сомду (сатып алуу) жана 84,33 сомду (сатууну) түзүп, ошол жуманын аягында 84,9га (сатуу) жеткен. Азыр сатуу курсу ушул көрсөткүчтү кармап турат.

Улуттук банктын алтын-валюта запасы (эл аралык валюта запастары) сомдун курсун кармап турууга, ошондой эле валюта базарындагы өзгөрүүлөрдү турукташтырууга мүмкүндүк берет. Резервдин көлөмү дээрлик 3 миллиард сомду түзөт. Бул товарлардын жана кызмат көрсөтүүлөрдүн алдыдагы алты айлык импорту үчүн жетиштүү деп саналат.

43
Белгилер:
интервенция, доллар, Улуттук банк, Кыргызстан
Тема боюнча
2021-жылдын соңунда сомдун баасы кандай болот? ЕАБРдин божомолу
КР экономикасын 2021-жылы эмне күтүп турат? ЕАБРдин сценарийи
Алтын куймалары. Архив

Мурдагы чекист кармалды. УКМК алтын аткезчилиги боюнча иштин чоо-жайын атты

40
(жаңыланган 19:36 28.11.2020)
Дүйшөнбек Чоткараев 2016-2018-жылдары УКМКга Абдил Сегизбаев төрага болуп турган кезде анын орун басары болуп Коррупцияга каршы кызматты жетектеген.

БИШКЕК, 28-ноя. — Sputnik. Алтын аткезчилиги боюнча УКМКнын төрагасынын мурдагы орун басары Дүйшөнбек Чоткараев кармалып, күбө катары сурак берди. Бул тууралуу аталган комитеттен билдиришти.

Ошондой эле ведомство президенттикке талапкер Абдил Сегизбаевдин бул иш боюнча пикирине өз позициясын билдирди. Буга чейин Сегизбаев анын штабын координациялап жаткан Чоткараевди кармоо менен өзүнө саясий басым жасалып жатканын айткан.

Эске салсак, Дүйшөнбек Чоткараев 2016-2018-жылдары Абдил Сегизбаев УКМКнын төрагасы кезинде анын орун басары болуп Коррупцияга каршы кызматты жетектеген.

"Өткөн жылдын март айында Аскер прокуратурасы УКМКнын айрым кызматкерлеринин катыштыгы бар делген алтын аткезчилиги боюнча ишти тергей баштаган. 2017-жылы УКМК кызматкерлери мыйзамсыз түрдө өлкөгө алып кирилген 22 килограмм зер буюмдарды таап алган. Анда УКМКнын жетекчилиги ишти токтотуп, буюмдарды кайтарып берүү чечимин кабыл алган", — деп айтылат билдирүүдө.

Маалыматка караганда, кийин бардык далилдер табылып, аткезчилик кылган тараптар жоопко тартылган.

"Алар күнөөсүн мойнуна алып, мамлекетке келтирилген 6 миллион сом чыгымдын ордун толтуруп беришкен", — деп айтышты УКМКдан.

Тергөө тобу азыр ишке тиешеси барларды аныктап жатат. Бул иштин алкагында УКМКнын дагы бир мурдагы кызматкери кармалган. Маалымат кызматтан аткезчилик менен келген жүктү кармоодо куратор болгон деп айтылган Чоткараев күбө катары суракка алынды.

Маалыматка караганда, тергөөнүн жыйынтыгы менен УКМКнын мурдагы жетекчилигинин аракеттерине укуктук баа берилет.

40
Белгилер:
Дүйшөнбек Чоткараев, кылмыш, УКМК
Тема боюнча
Чай ичкиле дешкен. УКМК Матраимовдун өкүл баласынын айыптоосуна үн катты
Уюшкан кылмыштуу топтун эки мүчөсүн кармаган видео жарыяланды