Сом купюралары жана монеталары. Архив

Кыргызстан карыз төлөөнүн эң жогорку чегине качан жетет? Расмий жооп

502
(жаңыланган 20:09 11.11.2020)
Июль айынын аягындагы маалыматтар боюнча, өлкөнүн мамлекеттик карызы 4 миллиард 824 миллион долларга жеткен.

БИШКЕК, 11-ноя. — Sputnik. Кыргызстандын мамлекеттик карыздарын төлөөнүн эң жогорку чеги 2025-2027-жылдарга туура келет. Бул боюнча Финансы министрлигинин Мамлекеттик карыздар башкармалыгынын жетекчиси Руслан Татиков Sputnik Кыргызстандын маалымат борборунда өткөн онлайн-брифингде билдирди.

Анын айтымында, негизги суммаларды төлөө мезгили үч жылдан кийин башталат.

"Мамлекеттик береселер, өзгөчө сырткы карыздар боюнча төлөмдөр негизинен 2023-жылы башталып, 2033-жылга чейин созулат. Ал эми эң жогорку чеги 2025-2027-жылдарга туура келет. Биз бул аралыкта 400 миллион доллардан ашык төлөшүбүз керек", — деди Татиков.

Министрлик: Кытай карызды төлөө мөөнөтүн жылдырыш үчүн бир шарт коюп жатат

Белгилей кетсек, июль айынын аягындагы маалыматтар боюнча, өлкөнүн мамлекеттик карызы 4 миллиард 824 миллион долларга жеткен, анын ичинен тышкы карыз — 4 миллиард 169,6 миллион болсо, мунун 1,8 миллиарды бир гана Кытай алдындагы бересе.

Жалпы жана тышкы карыз дагы өлкө тарыхында мынчалык көбөйө элек болчу.

502
Белгилер:
мөөнөт, чек, төлөө, карыз, Кыргызстан
Тема боюнча
КРдин карыздан кутулуусуна коррупционерлер менен кредиторлор кантип жардам берет
Кыргызстан тарыхта биринчи жолу карыз төлөөдө 35 млрд. сом сарпташы мүмкүн
Депутат Алтынбек Сулайманов. Архив

Кумтөр бул рак! Депутат алтын кенин таптакыр жаап салууну сунуштады

16
(жаңыланган 18:23 17.05.2021)
Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

БИШКЕК, 17-май — Sputnik. Жогорку Кеңештин "Бир Бол" фракциясынын лидери Алтынбек Сулайманов Кумтөр кенин жаап салууну сунуштады.

Бүгүн, 17-май күнү, парламентте аталган ишкананы сырттан башкарууга алуу маселеси каралып жатат.

Эл өкүлү мындай сунушун экологияны сактап калуу керек деп түшүндүрүп, коңшу Кытай өлкөсүн мисал келтирди.

"Кытай 30 жылда бизге окшоп миллиард эмес, триллиондорду таап, бирок экологиясын талкалап алган. Эми 30 жыл иштеп, экономикасын көтөргөн акчанын баарын салса дагы кайра калыбына келтире албасын түшүндү. Азыр башкаларга экологияңарды сактагыла деп айтып жатат. Бүткүл дүйнө экологияны биринчи орунга коюп, жашыл экономиканы көздөй бара жатат", — деди депутат.

Сулаймановдун айтымында, Кумтөрдү кайсы тарап иштетсе дагы мындан ары өлкөнү зыянга гана учурата берет.

"Мамлекет начар менеджер" деп бекеринен айтылбайт. Өзүбүз иштетсек деле талап-тонолуп, экология ого бетер талкаланат. Биз жаратылышка каршы чыгып элдин, балдарыбыздын саламаттыгын садага чаап жатабыз. Кумтөр — бул рак, акырындык менен күчөп бара жатат. Аны азыр кесип алып салып, бул теманы жабышыбыз керек", — деди Сулайманов.

Анын ордуна эл өкүлү "дүйнө эли сыяктуу инновация жана башка тармактарды өнүктүрүп, акылдуу жаштардын "мээсин" пайдаланууга чакырды.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

16
Белгилер:
сунуш, Алтынбек Сулайманов, Кумтөр, Кыргызстан
Тема:
"Кумтөргө" 3 миллиард доллар айып салынышы
Тема боюнча
Кумтөр боюнча келишимдерге кол койгон аткаминерлердин тизмеси
Эки талапкер бар. "Кумтөр Голд Компани" ишканасын ким башкарышы мүмкүн
Аткаминер кол коюп жатат документтерге. Архив

Кумтөр боюнча келишимдерге кол койгон аткаминерлердин тизмеси

148
(жаңыланган 17:26 17.05.2021)
"Кумтөр Голд Компани" компаниясынын ишмердүүлүгүн текшерген мамлекеттик комиссиянын төрагасы "Кумтөр" долбоору боюнча түрдүү келишимдерге кол койгон аткаминерлердин тизмесин берди.

БИШКЕК, 17-май — Sputnik. Кумтөр кенинин ишмердүүлүгүн караган мамлекеттик комиссиянын төрагасы Акылбек Жапаров Жогорку Кеңештин кезексиз жыйынында кайсы аткаминерлер аталган добоор боюнча кол койгонун санап берди.

Тизме:

  • 1992-жыл – премьер-министр Турсунбек Чыңгышев, "Кыргызалтындын" өкүлү Дастан Сарыгулов;
  • 1993-жылы — Чыңгышев (парламент бул концессиялык келишимди жактырган эмес);
  • 1994 — концессиялык келишим. Премьер-министр Апас Жумагулов, "Кыргызалтындын" өкүлү Дастан Сарыгулов, "Голд Компани" ишканасынын директору Давлетов кол койгон;
  • 1995-жыл — устав. Сарыгулов кол койгон;
  • 2003 (31-декабрь) — "Кыргызалтындын" өкүлү Камчыбек Кудайбергенов (реструктуризация жөнүндөгү келишим);
  • 2003 (31-декабрь) — концессиялык келишимди өзгөртүү жана кошумчалоо. Танаев жана Кудайбергенов;
  • 2004 — Кудайбергенов жана министр Курманбек Осмонов;
  • 2007 — Алмазбек Атамбаев;
  • 2009 — президент Курманбек Бакиев жана "Кыргызалтындын" башчысы Алексей Елисеев;
  • 2009 (24-апрель) — Чудинов жана "Кыргызалтындын" өкүлү Алмазбек Жакыпов;
  • 2009 (6-июнь) — Чудинов жана "Кыргызалтындын" өкүлү Жакыпов;
  • 2013 — реструктуризациянын өзгөчө шарттары жөнүндөгү келишим (күчүнө кирген эмес, парламент алып койгон);
  • 2017-жылдын 11-сентябрындагы стратегиялык келишим боюнча Кыргызстан экологиялык талаптардан толугу менен баш тарткан. Сапар Исаков;
  • 2019-жылы келишимге Мухаммедкалый Абылгазиев кол койгон.
148
Белгилер:
Жогорку Кеңеш, комиссия, Акылбек Жапаров, аткаминер, Кумтөр, келишим
Тема:
"Кумтөргө" 3 миллиард доллар айып салынышы
Тема боюнча
Эки талапкер бар. "Кумтөр Голд Компани" ишканасын ким башкарышы мүмкүн