Октябрда Кыргызстандын алтын валюта резерви 50,4 млн. долларга азайып кетти

© REUTERS / Mariya GordeyevaАлтын куймалары. Архив
Алтын куймалары. Архив - Sputnik Кыргызстан
Жазылуу
Ошол эле учурда Улуттук банк октябрда доллардын курсун жөнгө салуу максатында 59,5 миллион доллар саткан.

БИШКЕК, 15-ноя. — Sputnik. Октябрь айынын жыйынтыгы менен Кыргызстандын алтын валюта резерви 50,4 миллион долларга кыскарды. Бул туурасында Улуттук банктын сайтында көрсөтүлгөн.

Белгилей кетсек, сентябрь айынын соңунда резервдин көлөмү 2 миллиард 994,6 миллион долларга барабар болчу. Бир айдан кийин ал 2 миллиард 944,3 миллион долларга түшүп калды. Бул тарыхта экинчи көрсөткүч деп саналууда.

Быстринский горно-обогатительный комбинат в Забайкальском крае - Sputnik Кыргызстан
Кыргызстанда алтын жана күмүш казууга лицензия берүү убактылуу токтоду
Ошол эле учурда Улуттук банк октябрь айында доллардын курсун жөнгө салуу максатында 59,5 миллион доллар саткан.

Алтын валюта запасы (эл аралык валюта резерви) Улуттук банктын сомдун курсун туруктуу көзөмөлдөп туруусуна мүмкүнчүлүк берет. Ал CDR (Атайын карыз алуу укугу – Эл аралык валюта фондунун (ЭВФ) жасалма резерв жана төлөө каражаттары) сыяктуу ондогон валютадан жана алтындан турат.

Август айынын аягында алтын запасынын көлөмү 3 миллиард доллардан ашкан, бирок кийин кайра төмөндөй баштады.

Жаңылыктар түрмөгү
0