Коронавируска каршы вакцина жана доллар купюрасы. Архивдик сүрөт

Аналитиктер доллардын курсу 20 пайызга чейин арзандашын божомолдоп жатат

406
(жаңыланган 11:06 17.11.2020)
2000-жылдардын башында Кытай Дүйнөлүк соода уюмуна киргенден кийин доллардын курсу төмөндөп кеткен учур кайра кайталанары күтүлүүдө.

БИШКЕК, 17-ноя. — Sputnik. Коронавируска каршы массалык түрдө вакцинация жасоо жана дүйнөлүк экономиканын жанданышы доллар курсунун арзандашын шарттайт. Бул туурасында АКШнын Citigroup ири инвестициялык компаниясынын аналитиктеринин божомолуна таянып, Bloomberg басылмасы жазды.

Аталган компания жыл жаңырары менен коронавируска каршы вакцина таратылган учурда доллардын наркы 20 пайызга чейин төмөндөй турганын божомолдоп жатат. Бул дүйнөлүк сооданын кайра калыбына келишине жана экономиканын өсүшүнө жол ачат. Ал эми АКШнын Федералдык резервдик системасынын жумшак саясаты да америка валютасынын курсуна таасир этүүгө дагы бир фактор болору айтылат. Инвесторлор төмөн коюмдардын айынан америкалык активдерден эл аралыкка кетүү аргасыз болмокчу.

"Бүгүнкү күндө доллар 2000-жылдардын башындагы жолуна кайрадан түшүшү мүмкүн", — деп билдирген Citigroup компаниясынын адистери.

Кеп Кытай Дүйнөлүк соода уюмуна киргенден кийин доллардын курсу төмөндөп, наркы бир нече жыл бою кармалып турганы жөнүндө болууда. Бул учурда глобализиациянын жаңы толкуну пайда болуп, дүйнөлүк сооданын көлөмү жогорулап АКШнын жабык экономикасын артка калтырган.

406
Белгилер:
аналитика, АКШ, арзандоо, доллардын курсу, доллар
Тема:
Дүйнөгө жайылган коронавирус (1168)
Тема боюнча
Улуттук банк доллардын өсүшүн токтотуу үчүн 23,4 млн. доллар сатты
Киши сом купюраларды кармап турат. Иллюстративдик сүрөт

Эмдиги жылы пенсия канча пайызга көбөйөрү айтылды

207
(жаңыланган 16:50 03.12.2020)
Социалдык фонддун өкүлү депутаттын суроолоруна жооп берип жатып, келерки жылы пенсияны көбөйтүүгө мурдагыларга салыштырмалуу аз каражат каралганын билдирди.

БИШКЕК, 3-дек. — Sputnik. Кыргызстанда 2021-жылы пенсия 250 сомго жогорулайт. Бул тууралуу парламент жыйынында Социалдык фонддун төрагасынын биринчи орун басары Гүлнура Жуматаева айтты.

Ал депутат Дастан Бекешевдин суроолоруна жооп берип жатып, келерки жылы пенсияны көбөйтүүгө мурдагыларга салыштырмалуу аз каражат каралганын билдирди.

"Орто эсеп менен пенсиянын камсыздандыруучу бөлүгү беш пайызга көтөрүлөт. Бул болжол менен 250 сомду түзөт. Буга 510 миллион сом сарпталат", — деди Жуматаева.

Ошондой эле ал эмдиги жылы 45 миң кыргызстандык пенсияга чыгарын кошумчалады.

207
Белгилер:
Социалдык фонд, кошумча акы, пенсия, Кыргызстан
Тема боюнча
Мукамбетов: Түштүк Кореядагы мигранттар ошол жактан пенсияга чыга алышат
Жогорку Кеңештин имараты. Архивдик сүрөт

Парламентте Соцфонд бюджетин 2019-жылы кандай сарптаганы каралды

30
(жаңыланган 16:14 03.12.2020)
Соцфондго камсыздандыруу төгүмдөрүнөн 32,4 миллиард сом түшүп, республикалык бюджеттен милдеттүү түрдө 21,3 миллиард сом бөлүнгөн.

БИШКЕК, 3-дек. — Sputnik. Жогорку Кеңеш Социалдык фонддун 2019-жыл үчүн бюджетинин аткарылышын карап, добуш берүүгө жөнөттү.

Бюджеттин аткарылышы боюнча Соцфонддун төрагасынын орун басары Гүлнура Жуматаева маалымат берди. Анын айтымында, былтыр Социалдык фонддун кирешеси 53 миллиард 843 миллион сомду түзүп, 2018-жылга салыштырмалуу 2 миллиард 829,3 миллион сомго көбөйгөн.

Камсыздандыруу төгүмдөрүнөн 32 миллиард 399,4 миллион сом түшүп, план 98 пайызга аткарылды. Ал эми республикалык бюджеттен милдеттүү түрдө 21 миллиард 34 миллион сом бөлүнгөн.

Ошондой эле туумдардан, айыптардан, күнүмдүк калдыктардын пайыздарынан, дивиденддерден жана башка ушул сыяктуу булактардан 404,6 миллион сом киреше алынган.

Ал эми чыгымдары 53 миллиард 506,3 миллион сомду түзүп, 2018-жылга салыштырмалуу 3 миллиард 196,6 миллион сомго көбөйгөн.

"Пенсиялык фондго 49 миллиард 131,7 миллион сом чыгымдалган. 2019-жылы пенсионерлердин саны кескин түрдө өстү. Алсак, үч-төрт жыл мурун 15-16 миң гана пенсионер кошулса, быйыл 20 миңге өсүш болду. Мында 1-октябрдан тарта пенсиянын жогорулатылгандыгын да эске алуу зарыл", — деди Жуматаева.

Ошондой эле жыйында орточо пенсия 5 786 сомду түзгөнү айтылды. Анын ичинде пенсиянын базалык бөлүгү 1 780 сом өлчөмүндө белгиленип, 100 сомго жогорулаган.

Соцфонддун 2019-жылга карата отчётун бекитүү жөнүндө мыйзам долбоору биринчи окууда добуш берүүгө жөнөтүлдү.

30
Белгилер:
отчет, Социалдык фонд, пенсия
Тема боюнча
Салык кодекси өзгөртүлөт. Новиков 2 айда жаңысын иштеп чыгууга тапшырма берди
Шайлоо участогунда добуш берүүнүн жыйынтыктарын эсептөө. Архив

Күрөө тапшырып, 30 миңден ашуун кол чогулткан талапкерлер. Тизме

45
(жаңыланган 00:40 04.12.2020)
Шайлоо күрөөсү менен кол чогултулган кагаздарды тапшыруу мөөнөтү аяктады. БШК текшере турган тизме анык болду.

БИШКЕК, 4-дек. — Sputnik. 3-декабрь саат 23.59га карата 20 талапкер тийиштүү санда кол чогултуп, шайлоо күрөөсүн тапшырды. Бул тууралуу Боршайком билдирди.

  • Абдил Сегизбаев — 55 480 адамдын колу;
  • Адахан Мадумаров — 39 856;
  • Аймен Касенов — 46 270;
  • Арстанбек Абдылдаев — 47 998;
  • Арстанбек Мыктыбек — 33 083;
  • Бабыржан Төлбаев — 58 029;
  • Бактыбек Калмаматов — 35 300;
  • Жеңишбек Байгуттиев — 51 896;
  • Имамидин Ташов (саны белгисиз);
  • Канатбек Исаев (саны белгисиз);
  • Каныбек Иманалиев (саны белгисиз);
  • Клара Сооронкулова — 33 458;
  • Кубан Чороев — 39 053;
  • Курсан Асанов — 43 864;
  • Равшан Жээнбеков — 39 874;
  • Рашид Тагаев — 40 651;
  • Садыр Жапаров — 59 998;
  • Саматбек Ибраев (саны белгисиз);
  • Улукбек Кочкоров (саны белгисиз);
  • Эльдар Абакиров — 43 630.

Эми бул тизмени Борбордук шайлоо комиссиясынын жумушчу тобу текшерет.

Талапкерлер 4-декабрга чейин 30 миңден ашуун кол чогултуп, бир миллион сомдук шайлоо күрөөсүн тапшырышы керек болчу.

45
Белгилер:
талапкер, БШК, күрөө, кол, тизме, президенттик шайлоо
Тема:
Кыргызстандагы президенттик шайлоо – 2021
Тема боюнча
Жашоо керемет болбойт! Депутаттар парламентаризмден баш тартууга даярбы
Онколог, авиатор, сынчы... Ажо болом дегендер кайдан билим алган. Тизме