Уйларга жем берип жаткан адам. Архив

Министрлик мал жана бир катар продукциянын экспортун тыюуну сунуштады. Тизме

817
(жаңыланган 17:41 19.11.2020)
Министр Тилек Токтогазиев ички базарды мал менен камсыз кыла албай калуу кооптуулугу жаралып жатканын белгилеген.

БИШКЕК, 19-ноя. — Sputnik. Айыл чарба министрлиги айыл чарба продукцияларынын айрым түрлөрүн үчүнчү өлкөлөргө экспорттоого тыюу салуу боюнча өкмөткө сунуш киргизди. Бул тууралуу министрликтин маалымат кызматы билдирди.

Мындай аракеттер азык-түлүк коопсуздугу боюнча экономикалык саясатты ишке ашыруу жана айыл чарба продукциясынын бааларын жөнгө салуу максатында жасалып жатканы айтылат.

"Азыркы оор кырдаалда азык-түлүк коопсуздугун камсыз кылуу маанилүү. Зарыл товарларга баанын өсүшүн эске алып, тез арада чечүү зарыл. Ички базарды мал менен камсыз кыла албай калуу коркунучу бар", — деди министр Токтогазиев.

Убактылуу тыюу салууга сунушталган айыл чарба продукцияларынын тизмеси:

  • Тирүү жылкы;
  • Ири мүйүздүү тирүү мал;
  • Тирүү койлор жана эчкилер;
  • Тирүү үй канаттуулары: тоок (Gallus domesticus), өрдөк, каз, үндүк жана куштар;
  • Буудай;
  • Арпа;
  • Жүгөрү;
  • Күрүч;
  • Буудай уну;
  • Өсүмдүк майы;
  • Кумшекер;
  • Тоок жумурткасы;
  • Йоддолгон туз;
  • Тоют (чөп, саман, комбикорм, акшак жана дан эгин жеми).

Тиешелүү жарлык премьер-министрдин милдетин аткаруучу Артем Новиков кол койгондон кийин күчүнө кирет. Азырынча ал кол коё элек.

817
Белгилер:
продукция, тыюу салуу, экспорт, айыл чарба, мал
Тема боюнча
Кыргызстанда бут кийим чыгаргандарга бажыдан бир топ жеңилдик берилди
Токтогазиев: 100 күндүн ичинде көзгө көрүнө турган иштер аткарылат
Айыл чарба министри Токтогазиев үч багытка басым жасаарын айтты
Алтын куймалары. Архив

Алтын баасын жоготууда. Төрт жыл ичиндеги эң төмөнкү баага түшүшү мүмкүн

110
(жаңыланган 15:17 30.11.2020)
Дүйнөлүк экономика жакын арада калыбына келет деп ишенген инвесторлор мурда алып койгон баалуу металлдарын сата баштады. Ушул тапта алтын 5,5 пайызга арзандады.

БИШКЕК, 30-ноя. — Sputnik. Дүйшөмбү күнү алтындын баасы акыркы төрт жыл ичиндеги бир айлык орточо наркынан бир топ төмөндөп кетти. Бул тууралуу дүйнөлүк алтын рыногундагы көрсөткүчтөргө шилтеме берип РИА Новости жазды.

Эске салсак, Нью-Йорктогу Comex биржасындагы бааларга караганда, ушул жылдын октябрь айында алтындын бир унцийи эки миң доллардан жогору сатылмак.

Бишкек убактысы менен дүйшөмбү күнкү саат 11:11деги маалымат боюнча, Comex биржасында алтындын бир унцийи 0,89 пайызга же 15,8 долларга арзандады (февраль айында сатыла турган баасы). Демек анын наркы 1 772,3 доллар болуп калды. Ал эми күмүштүн унцийи 2,69 пайызга же 22,032 долларга арзандады.

Айдын акыркы күндөрү коронавируска каршы вакцинанын ийгиликтүү чыгарылып жатканы инвесторлорго үмүт жандырып, дүйнөлүк экономика жакын арада калыбына келет деп ишендирип жатат. Мындан улам көптөрү мурда алып койгон баалуу металлдарын сата баштады. Ушул тапта алтын 5,5 пайызга арзандады.

Буга чейин британиялык AstraZeneca компаниясы өзү чыгарып жаткан COVID-19га каршы вакцина 70-90 пайыз таасирдүү экенин айтып чыккан. Ошондой эле өз ийгиликтери жөнүндө Moderna, Pfizer жана BioNTech компаниялары жар салган.

110
Белгилер:
вакцина, экономика, коронавирус, баа, рынок, алтын
Тема боюнча
Улуттук банк долларды ноябрда 10-жолу интервенциялады
Кыргызстан 9 айда Улуу Британияга 807 млн. доллар алтын экспорттоду
Банк карталагы жана акча каражаттары. Архив

Кыргызстанда кайсы банктын карталары киреше алып келет. Тизме

1643
(жаңыланган 17:12 30.11.2020)
,
Акыркы жылдары көпчүлүгүбүздүн капчыгыбызда пайда болгон банк карталары жөн гана кирешеңди салып, кийин кайра андан алып колдончу пластик эмес.

Банк карталары менен акча тапса дагы болорун айрымдар биле бербесе керек. Албетте, Кыргызстанда бул нерсе өтө популярдуу болуп, чоң кирешелерди алып келе элек. Бирок акыркы жылдары банктар өз кардарларына картада сактаган акчасы үчүн пайыз төлөп, соода кылса кеткен каражаттын кайсы бир бөлүгүн кайтарып бере баштады.

Чакан глоссарий

Дебет картасы — бул капчыктын синоними десек болот, анда камтылган гана каражатты сарптай аласыз.

Насыялык карта — аталышы айтып тургандай эле бөлөк, тагыраагы, банктын каражатын пайдалана туруу мүмкүнчүлүгү.

Кэшбек — соода кылганда карта аркылуу төлөнгөн каражаттардын кайсы бир бөлүгүн кайтарып берүү.

Калдык суммага пайыз чегерүү — картада жаткан суммага айрым банктар канча бир пайыз каражат кошуп берет.

Кыскасы, кээ бир учурда банк картасынын ээси киреше көрө алат. Sputnik редакциясы Кыргызстандагы банктардын сайттарын карап чыгып, картанын мүмкүнчүлүктөрү боюнча маалымат топтоду.

Билип алыңыз

Бүгүн кеп бир гана дебет карталары тууралуу болот. Баса, киреше алып келе турган картаны алардан мурда банк аны тейлөөгө канча акы аларын тактап (акысызы дагы бар), кийин ал өзүн актаар-актабасын билип алыңыз.

Дагы бир маанилүү нерсе — калдык суммага пайызды айрым банктар күн сайын чегерсе, башкалары ай сайын төлөйт. Тагыраагы, ай аягына чыкканда картаңызда канча акча болсо, ошого жараша киреше түшөт. Ал эми айдын соңунда капчыгыбыз бир топ эле жукарып кетерин жакшы билебиз.

"Кыргызкоммерцбанкы"

Кэшбек бир пайыз. Киреше катары картада калган суммага беш пайыз кошуп берилет. Ал эми премиум класстагы (банктын бир жылдык кызмат көрсөтүүсүнө 5,5 миң сом төлөйсүз) картасына сом менен болсо калдык сумманын жети, доллар менен болсо эки пайызы төлөнөт.

"Кыргызстан" коммерциялык банкы

0,5тен 2,5 пайызга чейин кэшбектерди премиум класстагы карталарга гана (Gold, Platinum жана Infinitive) берет. Ал эми калдык суммага пайыздар жөнөкөй карталарга (Visa Classic и Instant) деле төлөнөт. Бирок сомго эмес, Россия рублине. Баланста 2 миң рублден жогору болсо, 2 пайыздан киреше көрсө болот.

"Оптима Банкы"

VISA Platinum жана Visa Infinte төлөм карталарынын ээлерине 1 пайыздык кэшбек кайтарылат.

"Кыргыз-Швейцария Банкы"

Бул банк дагы картадагы калдык суммага пайыз чегерет. Эгер картаңызда 5 миң сомдон жогору сумма болсо, 3 пайыздык киреше көрөсүз.

"Толубай Банкы"

Жеке тараптар жана айлык акы долбоорундагы кардарлар үчүн үч пайыздык төлөм каралган.

"РСК Банкы"

Май куюу жайларынын биринен соода кылган учурда кэшбек берилет. Ал эми калдык суммага пайыз чегерүү маселеси ар бир учурда индивидуалдуу каралат.

"Дос-Кредобанк"

Социалдык карталарга үч, пенсиялык карталарга беш пайыз төлөп берилет.

"Азия Банкы"

Бул банктын бир нече картасына банк тараптан 2 пайыздан беш пайызга чейин каралган. Ал үчүн карталарда минималдык сумма 5 миңден 15 миң сомго чейин болушу шарт.

"Халык Банкы"

Бир гана Visa Platinum картасына үч пайыздык киреше кошулат.

KICB

Эгер картаңызда ар дайым 10 миң сомдон кем эмес каражат болсо, банк үч пайыз киреше кошуп берет. Ушундай эле пайыздык чен пенсиялык карталарга дагы каралган, болгону анда минималдык сумма боюнча талаптар жок.

"ФинансКредитБанкы"

Пенсиялык карталарга беш пайыздан, социалдык жана айлык акы долбоорлоруна үч пайыздан төлөнөт.

"Айыл Банкы"

Пенсиялык карталарга жана айлык акы долбоорлоруна үч пайыздан кошуп беришет. Болгону картада үч миң сомдон кем эмес каражат болушу зарыл.

"Керемет Банкы"

Элкарттын пенсиялык картасына — беш, социалдык картасына үч пайыз берилет.

Visa Classic, Visa Gold, UnionPay Gold — карталарында 10 миң сомдон кем эмес болсо, төрт пайыздан төлөнөт. Visa Infinite, UnionPay Diamond Asia Prestige карталарында ар дайым 25 миң сомдон каражат сакталган болсо алты пайыздан киреше тапса болот.

Finca

Бизнес-картаңыз болсо (баланста 50 миң сомдон жогору) банк сизге андагы каражатка 0,2 пайыз кошуп берет. Ал эми пенсиялык жана социалдык карталарга минималдык сумма боюнча чектөөсүз эле үч пайыздан киреше түшөт.

"Бай-Түшүм" банкы

Visa карталарына 3-5 пайыз (минималдык сумма 7ден 12 миң сомго чейин), ал эми Элкартка үч пайыз (минималдык сумма 2 миң сом). Мындан тышкары, кэшбек бар. Ай сайын ар кайсы товарларга акция жарыяланып, корогон каражаттан 10 пайызын кайтарып беришет. Бул айда банктын кардарлары тиричилик техникасын сатып алса, картасына киреше түшөт.

"Компаньон Банкы"

Элкарттын бардык карталарына үч пайыздан киреше түшөт.

1643
Белгилер:
киреше, пайыз, Банк, Кыргызстан
Тема боюнча
Банктык картаны кайсы жакта колдонуу кооптуу? Адистин кеңеши
Улуттук банк "Кыргыз күрөш" коллекциялык монеталарын жүгүртүүгө чыгарат
Улуттук банк долларды ноябрда 10-жолу интервенциялады
Премьер-министрдин милдетин аткарып жаткан Артем Новиков ШКУга мүчө мамлекеттердин өкмөт башчыларынын 19-кеңешмеси учурунда

Оор жүктөрдү үзгүлтүксүз ташууну жакшырталы. Новиков ШКУ жыйынында маселе көтөрдү

0
(жаңыланган 22:31 30.11.2020)
Новиков ШКУга мүчө-мамлекеттерге Кыргызстанга COVID-19га каршы күрөштө көрсөткөн көмөгү үчүн ыраазычылык билдирген.

БИШКЕК, 30-ноя. — Sputnik. ШКУ өлкөлөрүнүн ортосунда санитардык-эпидемиологиялык талаптарды сактоо менен оор жүктөрдүн үзгүлтүксүз ташылышына шарттарды түзүү жана көзөмөл өткөрүү жайларынын толук кандуу иштеши маанилүү. Бул тууралуу премьер-министрдин милдетин аткарып жаткан Артем Новиков ШКУга мүчө мамлекеттердин өкмөт башчыларынын 19-кеңешмесинде айткандыгын маалымат кызматы билдирди.

Жыйын видеоконференция форматында өткөн.

"Кыргызстан өлкөлөр ортосундагы товар алмашууда "жашыл коридор" механизмин пайдаланууну кеңейтүү жолу менен көзөмөл-өткөрүү жайлары аркылуу жүк ташуучу автотранспорттордун кирип-чыгуу тартибин, процедурасын жөнөкөйлөштүрүүнү кароону сунуштайт", — деген Новиков.

Мындан тышкары, премьердин милдетин аткаруучу санариптик технологияларды, анын ичинде электрондук соода жүргүзүүнү өнүктүрүүнүн маанилүүлүгүн белгилеген.

Бул ШКУ өлкөлөрүнүн экономикасынын жогорулашына жана уюм алкагындагы толук кандуу санариптик күн тартипти ишке ашырууда кошумча түрткү болуп бере аларын айткан.

Новиков сөзүн жыйынтыктап жатып, кыйын кырдаалда өз ара колдоо көрсөтүү жакшы коңшулук мамилеге жана жалпы кызыкчылыкка жооп берерин айткан.

"Учурдагы негизги нерсе ─ калктын денинин сактыгы, социалдык-экономикалык туруктуулуктун сакталышы жана жарандарыбыздын эртеңки келечегине ишеними", — деген премьер-министрдин милдетин аткаруучу.

Ошондой эле ал ШКУга мүчө-мамлекеттерге Кыргызстанга COVID-19га каршы күрөштө көрсөткөн көмөгү үчүн ыраазычылык билдирген.

0
Белгилер:
жыйын, Артем Новиков, ШКУ, Кыргызстан
Тема боюнча
Путин: бүгүнкү ШКУ саммитинде өтө маанилүү документтерге кол коюлат
Садыр Жапаров ШКУ өлкөлөрүнүн лидерлерине КРдеги шайлоо таза өтөрүн айтты