Чек арада турган жүк ташыган автоунаа. Архив

ЕАЭБ жана Кытай бажы ташуулары боюнча маалымат алмашууну баштайт

142
(жаңыланган 18:20 21.11.2020)
Макулдашуу күчүнө кирет, бирок деталдары долбоор боюнча сүйлөшүүлөр жүрүп жаткан протоколго жазылат.

БИШКЕК, 21-ноя. — Sputnik. Евразиялык экономикалык биримдик жана Кытай товарлар, аларды эл аралык масштабда союз менен Кытайдын бажы чек араларынан ташылышы боюнча маалымат алмашууну баштайт. 21-ноябрда бул жааттагы макулдашуу күчүнө кире тургандыгын ЕЭКтин маалымат кызматы кабарлады.

Маалымат алмашуунун катышуучулары мамлекеттердин бажы боюнча органдары — биримдиктин мүчөлөрү жана Кытайдын Бажы башкармалыгы болмокчу.

Макулдашуу аталган процесстин этап боюнча ишке ашыруунун ыкмаларын аныктайт, ал эми деталдар катышуучулар өз ара түзө турган протоколдорго жазылмакчы.

ЕЭКтин бажы кызматташтыгы боюнча коллегиянын мүчөсү (КРдин атынан көрсөтүлгөн министр) Олег Панкратов бул жааттагы биргелешкен түшүнүү кадамдары чек аралар арасында товарлардын сатылышы менен коопсуздугун камсыздоодо маалымат алмашуу өтө маанилүү экендигине токтолгон.

"Келишимдегилерди ишке ашыруу Бажы кызматтары жана тышкы экономикалык ишмердүүлүктүн мыйзамды сактап иштеген катышуучулары үчүн өтө пайдалуу болот деп эсептейбиз", — деген ал.

Комиссия биримдиктин мүчөлөрү менен биргеликте маалымат алмашууну ишке ашыруу боюнча протоколду иштеп чыккан. Учурда Кытай менен протоколдун жалпы жоболорун талкуулоо макулдашуусу боюнча кат алышуулар болуп жатат.

Дүйнөдөгү эпидемиологиялык абал жакшырып, чек аралар ачылгандан кийин сүйлөшүүлөрдүн экинчи раундун жана техникалык адистердин жолугушуусун уюштуруу пландалууда.

142
Белгилер:
чек ара, эпидемия, макулдашуу, бажы, Евразиялык экономикалык биримдик, Кытай, Кыргызстан
Тема боюнча
ЕАЭБ өлкөлөрүндө автотранспортко электрондук паспорт бериле баштайт
Кыргызстандыктар ЕАЭБ аймагынан ишти мобилдик тиркеме менен таба алат
Министр: ЕАЭБ өлкөлөрү бир катар товарлардын экспортун көбөйттү
Депутаттар Жогорку Кеңештин жыйынында. Архив

Парламент 2021-жылдын Республикалык бюджетин биринчи окуудан колдоду

63
(жаңыланган 18:25 25.11.2020)
Бюджеттин көлөмү чет өлкөдөн алына турган гранттарды кошуп эсептегенде 163 миллиард сом болору пландалууда.

БИШКЕК, 25-ноя. — Sputnik. Жогорку Кеңештин депутаттары 2021-жылга карата Республикалык бюджеттин долбоорун биринчи окууда жактырды.

Кийинки жылга карата бюджеттин долбоору менен премьер-министрдин милдетин аткаруучу Артем Новиков тааныштырды. Эл өкүлдөрү сунуштарын берип, алымча-кошумчаларды эске алуу менен биринчи окуудан колдоп беришти.

Республикалык бюджеттин көлөмү чет өлкөдөн алына турган гранттарды кошуп эсептегенде 163 миллиард сом болору пландалууда. Бул 2020-жылдын биринчи кабыл алынган бюджетине салыштырмалуу 610 миллион сомго аз. Ал эми кайра өзгөртүлгөндөн кийинки бюджет боюнча 25,9 миллиард сомго көбөйөт.

Чыгаша бөлүгүн 170,1 миллиард сом менен бекитүү сунушталууда. Муну менен бюджеттин тартыштыгы 7,1 миллиард сомду түзөт.

Белгилей кетсек, 2020-жылдын бюджети алгачкы ирет кабыл алынганда кирешеси 163 миллиард 610 миллион сом, чыгашасы 171 миллиард 563 миллион сомду түзгөн. Дефицит 7 миллиард 953 миллион сом деп белгиленген. Бирок коронавирустун жана өлкөдөгү саясий башаламандыктын кесепетинен улам эки ирет өзгөртүлдү.

63
Белгилер:
дефицит, кароо, Парламент, бюджет
Тема боюнча
Алдыдагы эки шайлоого 853 млн. сом керек. Акча кайдан табылары белгисиз
Депутат: өкмөт алынган карызды иштетпей коюп 100 млн. сом айыпка жыгылды
Кыргызстандын жана Кытайдын желектери. Архив

Кытай карыз төлөө мөөнөтүн узартууга макул болуп, кошумча 3 млрд. сом сурады

414
(жаңыланган 18:08 25.11.2020)
Депутаттар насыя төлөө мөөнөтү кандай шарт менен узартылып жатканын, анын ичинде Кытайдын позициясына кызыкты.

БИШКЕК, 25-ноя. — Sputnik. Кытай Кыргызстандын карызын төлөө мөөнөтүн төрт жылга чейин жылдырууга даяр. Бул туурасында премьер-министрдин милдетин аткаруучу Артем Новиков парламентте 2021-жылдын бюджети каралып жатканда билдирди.

Депутаттар насыя төлөө мөөнөтү кандай шарт менен узартылып жатканын, анын ичинде Кытайдын позициясы кандай экенине кызыкты.

"Сүйлөшүүлөр жүрүп жатат. Кытай тараптан карызды транштар боюнча топ-топко бөлүп төлөөнү төрт жылга жылдыруу сунушталды. Бирок бул аралыкта эки пайыздан үстөк кошулуп турат. Муну эсептей келгенде кийин кошумча дагы 2,9 миллиард сом төлөөгө туура келет", — деди Новиков.

Финансы министрлиги 30-сентябрга карата Кыргызстандын тышкы карызы 4 миллиард 171 миллион доллар экенин билдирди. Ал эми жыл башынан бери 9 миллиард 991 миллион 400 миң сом төлөнгөн. Анын ичинен 7 миллиард 446 миллион 400 миңи — негизги сумма, калганы пайыздары. Бул сумма республикалык бюджеттин чыгаша бөлүгүнүн 8,4 пайызын түзөт.

Ал эми кийинки жылга карата тышкы карызды тейлөө боюнча божомолду дагы айтышты. Анда төлөмдөр 19 миллиард 998 миллион 500 миң сом деп каралууда. Негизги суммасы — 14 миллиард 997 миллион 900 миң сом, пайызы — 5 миллиард 700 миң сом.

Финансисттер тышкы карызды төлөөнүн жогорку чеги 2025-2031-жылдарга туш келерин белгилеп келишет. Ал учурда жыл сайын 400 миллион доллар которуп туруу шарт.

414
Белгилер:
шарт, жеңилдик, төлөө, Кытай, насыя
Тема боюнча
Новиков КЭР элчиси менен "Торугарт" жана "Эркечтамдын" ишин жандантууну кеп кылды
Министр Казакбаев КРдеги кытайлык ишкерлер менен жолукту. Эмне талкууланды
Новиков Кыргызстан чет жактан канча карыз алып, кайда жумшаганын айтты
Мамлекеттик кызматкерлер жыйын учурунда. Архив

Конституциялык кеңешменин курамы өзгөрдү. Жаңы кошулган 10 адамдын тизмеси

100
(жаңыланган 21:48 25.11.2020)
Кеңешменин курамына жаңы киргендердин арасында Жогорку Кеңештин мурдагы депутаттары, коомдук ишмер, юрист жана укук коргоочулар бар. Ал эми кеңешмедеги ЖК депутаты Канат Керезбеков үй-бүлөлүк шартына байланыштуу чыгарылган.

БИШКЕК, 25-ноя. — Sputnik. Конституциялык кеңешменин курамына өзгөртүүлөр киргизилип, дагы 10 адам кошулду. Бул тууралуу президенттин маалымат кызматы кабарлады.

Билдирмеге караганда, кеңешменин курамы мамлекет башчынын милдетин аткаруучу, Жогорку Кеңештин төрагасы Талант Мамытов кол койгон жарлыкка ылайык өзгөргөн.

"Конституциялык кеңешменин ишине активдүү катышууну каалагандардын саны көбөйгөндүгү эске алынды. Ошондой эле конституциялык реформа боюнча ишке жарандарды, коомдук уюмдарды жана көз карандысыз эксперттерди тартып, ар кандай пикирлерди толук эске алууну камсыз кылуу максатында, Конституциянын 65 жана 68-беренелери жетекчиликке алынды", — деп жазылат маалыматта.

Ага ылайык, кеңешмеден үй-бүлөлүк шартына байланыштуу ЖК депутаты Канат Керезбеков чыгарылган.

Кеңешме курамына 10 киши кошулду. Алар:

  • Чолпонбек Абыкеев — коомдук ишмер;
  • Мурат Укушев — көз карандысыз эксперт, конституционалист;
  • Алмамбет Шыкмаматов — Жогорку Кеңештин мурдагы депутаты;
  • Төлөйкан Исмаилова — "Бир дүйнө – Кыргызстан" укук коргоо уюмунун директору;
  • Мурат Карыпов — тобокелдиктерди жана кырсыктарды алдын алуу боюнча эксперт, "Плюрализм" гезитинин редактору;
  • Айдарбек Мамбеткадыров — көз карандысыз эксперт-юрист;
  • Асел Абакирова — юридика илимдеринин кандидаты, Жусуп Баласагын атындагы Кыргыз улуттук университетинин конституциялык жана административдик укук кафедрасынын доценти;
  • Кантемир Мурзабеков — Жогорку Кеңештин мурдагы депутаты;
  • Муратбек Иманкулов — Кыргыз билим берүү академиясынын билим берүү жаатында социалдык-гуманитардык көйгөйлөр лабораториясынын башчысы;
  • Таалайбек Шамурзаев — Кыргыз-орус славян университетинин Жазык процесси жана криминалистика кафедрасынын башчысы, профессор, юридика илимдеринин доктору.
100
Тема:
Жаңы Конституциянын долбоору жана референдум
Тема боюнча
Конституция жөнүндө мыйзам долбооруна лингвистикалык экспертиза жүргүзүлөт