Киши шайлоо учурунда добуш берип турат. Архив

Алдыдагы эки шайлоого 853 млн. сом керек. Акча кайдан табылары белгисиз

136
(жаңыланган 16:53 25.11.2020)
Президенттик жана парламенттик шайлоого керектелүүчү каражат 2021-жылдын бюджетинин чыгаша бөлүгүнө киргизилген эмес.

БИШКЕК, 25-ноя. — Sputnik. Кийинки жылы өтө турган президенттик жана парламенттик шайлоону өткөрүүгө 853 миллион сом керектелери пландалууда. Бул тууралуу премьер-министрдин милдетин аткаруучу Артем Новиков парламентте билдирди.

Анын айтымында, бул акча 2021-жылдын бюджетинин чыгаша бөлүгүнө киргизилген эмес.

"Президенттик шайлоо мөөнөтүнөн мурда өтүп жатат, парламенттик шайлоо 2020-жылы өтүш керек эле. Ошондуктан 2021-жылдын бюджетинин долбооруна кирбей калган. Экинчи окууда бул каражатты кайдан таба турганыбызды көрсөтөбүз", — деди Новиков.

Белгилей кетсек, президенттик шайлоо кийинки жылдын 10-январына белгиленген. Ал эми парламенттик кайра шайлоо июнь айына чейинки мөөнөткө жылдырылган.

136
Белгилер:
Жогорку Кеңешке шайлоо, парламенттик шайлоо, мөөнөт, шайлоо
Тема:
Кыргызстандагы президенттик шайлоо – 2021 (195)
Тема боюнча
Бюджеттен президенттик шайлоого 137,3 млн. сом кетет. Чыгымдар тизмеси
Президенттикке талапкерлердин фондуна канча акча түштү. Тизме
Айыл чарба министри Тилек Токтогазиев. Архивдик сүрөт

Бишкекте айыл чарбасын камсыздандыруу боюнча жыйын өтөт

55
Министр Тилек Токтогазиев дүйнөдөгү айыл чарбанын тез өнүгүп жатканын эске алуу менен өндүрүүчүлөр үчүн мамлекеттик деңгээлде шарттар түзүлүшү керектигин айткан.

БИШКЕК, 24-янв. — Sputnik. Кийинки жуманын биринчи күнү, 25-январда, айыл чарбасын камсыздандыруу боюнча жыйын өтөт. Бул тууралуу Айыл чарба, тамак-аш өнөр жайы жана мелиорация министрлиги билдирди.

Министр Тилек Токтогазиев тегерек столдун алкагында айыл чарбасын камсыздандырууну өнүктүрүү концепциясын талкуулап, аны ишке ашыруу боюнча конкреттүү сунуштарды иштеп чыгуу керектигин айткан.

"Дүйнөдөгү айыл чарбанын динамикалуу өнүгүп жатканын эске алуу менен өндүрүүчүлөр үчүн мамлекеттик деңгээлде шарттарды түзүп берүү керек", — деген Токтогазиев.

Министрлик бардык кызыкдар тараптарды айыл чарбасын өнүктүрүүгө багытталган маселелерди талкуулоого чакырды. Ал үчүн 0502 40 39 69 телефон номери же alchynbek.b@gmail.com электрондук дареги аркылуу байланышууга болот.

55
Белгилер:
жыйын, Тилек Токтогазиев, өнөр жай, тамак-аш, айыл чарба, Кыргызстан
Тема боюнча
Кыргызстанда былтыр канча азык-түлүк өндүрүлдү. Сандар
Ботаникалык жай. Архивдик сүрөт

Бишкекте айыл чарба бизнесине кызыккандар үчүн ботаникалык жай ачылат

195
(жаңыланган 16:07 23.01.2021)
Айыл чарба министрлиги Корея менен меморандумга кол койду. Анда элди агротехнологиялар менен тааныштырып, бизнеске тартууга аракет кылышат.

БИШКЕК, 23-янв. — Sputnik. Кыргыз-корей кызматташтыгынын алкагында айыл чарбасына кызыккандарга Бишкекте ботаникалык бакча ачылат. Бул тууралуу Айыл чарба, тамак-аш өнөр жайы жана мелиорация министрлиги билдирди.

Аталган министрлик, Кыргыз улуттук университети жана Кореянын аймакты өнүктүрүү департаментинин айыл чарба илимдери жана технологиялары жаатында кызматташуу жөнүндө меморандумга кол коюшкан.

Анын алкагында университеттин ботаникалык бакчасынын базасында демонстративдик талаа, же башкача айтканда, өзүнчө ботаникалык бакча ачуу каралган.

"Долбоордун негизги максаты айыл чарба адистерин, студенттерди, окумуштууларды, изилдөөчүлөрдү, дыйкандарды, деги эле айыл чарбага кызыккандарды Кореянын акыркы агротехнологиялары менен тааныштыруу болуп саналат. Ошондой эле эки өлкөнүн алдыңкы илимпоздорун тартуу менен жергиликтүү калктын айыл чарба бизнесине болгон кызыгуусун арттыруу болуп саналат", — деп айтылат маалыматта.

2021-жылы кызматташуунун алкагында төмөнкү долбоорлор пландалып жатканы айтылды:

  • мал чарбасын сандан сапатка өткөрүүнү жакшыртуу жана асыл тукумдуулугун жогорулатуу программасын иштеп чыгуу (сүттүүлүк);
  • алманы кайра иштетүүнүн чакан масштабдагы технологияларын ишке ашыруу;
  • Кореянын породалуу тоокторун Кыргызстанга алып келип, аларды багуу ыкмаларын өздөштүрүү;
  • Айыл чарбасына зыян келтирген курт-кумурскалар менен күрөшүү.
195
Белгилер:
талаа, бала бакча, меморандум, Корея, Кыргызстан
Тема боюнча
Айыл чарба министрлиги муз үстүндө балык кармоо боюнча мелдеш өткөрөт
Ырчы Анжелика Кайратова. Архив

Ырчы Анжелика жол кырсыгына кабылып, кызы жаракат алды. Чоо-жайы

122
(жаңыланган 14:01 24.01.2021)
Жабыркаган кыз кечээ Түп райондук ооруканасында калтырылган. Ал эми бүгүн аны Бишкектеги ооруканага алып кетүү үчүн реанимобиль Көлгө келе жаткандыгын айтышты.

БИШКЕК, 24-янв. — Sputnik. Ырчы Анжелика Кайратова кыздары менен чогуу келе жатып, Ысык-Көл облусунда жол кырсыгына кабылган. Анын беш жаштагы кызы жабыркап, ооруканага түшкөнүн Облустук үй-бүлөлүк медицина борборунун директору Жибек Жайылмышева билдирди.

Посмотреть эту публикацию в Instagram

Публикация от Кайратова Анжелика (@anjelika_kairatovna_official)

"Автоунаада беш киши болгон. Ырчынын беш жаштагы кызынын эки бутунун тең сан сөөктөрү сынып кеткен. Башкаларына медициналык жардам зарыл болгон жок", — деди директор.

Маалыматка караганда, алар Бишкекке жөнөтүлгөн. Ал эми жабыркаган кыз кечээ Түп райондук ооруканасында калтырылган. Бүгүн аны Бишкектеги ооруканага алып кетүү үчүн реанимобиль Көлгө келе жаткандыгын айтышты.

Кийин ырчы өзүнүн Instagram баракчасына колдоо көрсөткөндөргө ыраазычылык билдирип пост жазды.
"Аллахка чексиз мактоолор. Доктурларга таазим. Баары шүгүр. Чын жүрөктөн төртөөбүзгө берип жаткан дуаларыңыздар кабыл болсун. Аманбыз", — деди Кайратова.

Маалыматка караганда, автоунаанын ичиндеги калган жүргүнчүлөр катуу жаракат алган эмес. 

 

122
Белгилер:
автоунаа, кыз, жол кырсык, Анжелика Бекболиева
Тема:
2021-жылдын башынан бери Кыргызстанда болгон жол кырсыктар
Тема боюнча
Ырчы Юлия Руцкаянын апасын милициянын унаасы сүзүп кетти. Окуянын чоо-жайы
Автоунаа мүрзөнү тоскон дубалды сүзгөн. Сания Шакирова каза болгон кырсыктын чоо-жайы