Вокзалдагы жүргүнчүлөр. Архивдик сүрөт

ЕАЭБдеги темир жолдун ишин жандантуу үчүн сунуштама даярдалды

112
(жаңыланган 18:40 07.12.2020)
ЕАЭБдин аймагындагы темир жол каттамын жандантууда эпидкырдаал учурундагы коопсуздукту сактоо үчүн комиссия атайын методикалык сунуштамаларды иштеп чыкты.

БИШКЕК, 7-дек. — Sputnik. Евразия экономикалык бирикмесиндеги мамлекеттер үчүн темир жолдун ишин жандантуу боюнча сунуштамалар иштелип чыкканын ЕЭК коллегиясынын төрагасынын жардамчысы Ия Малкина билдирди.

Ал Sputnik Кыргызстан агенттигинин мультимедиалык маалымат борборунда өткөн Москва — Бишкек — Минск — Нур-Султан видеокөпүрөсүнө катышты.

Малкинанын айтымында, комиссия бул маселе боюнча тыкыр иштеп жатат.

"ЕАЭБдин аймагындагы темир жол каттамын жандантууда эпидкырдаал учурундагы коопсуздукту сактоо үчүн комиссия атайын методикалык сунуштамаларды иштеп чыкты. Учурда алар укуктук экспертизадан өткөрүлүп жатат. Сунуштамалар 2021-жылдын I кварталында бекитилет деп үмүттөнүп турабыз", — деди ал.

Буга чейин Малкина ЕАЭБде товар алмашууну жакшыртуу боюнча карта иштелип чыкканын айтып берген.

112
Белгилер:
сунуштама, темир жол, Евразиялык экономикалык биримдик
Тема боюнча
ЕАЭБ өлкөлөрүнүн лидерлери 11-декабрда онлайн форматта жолугушат
Бирдиктүү салык декларациясы. Архив

Салык кызматы: декларация тапшыруу мөөнөтү бүгүн аяктайт, жетишип калгыла

47
Толук маалыматты жергиликтүү салык органдарынан, 116 номеринен же www.sti.gov.kg сайтынан алууга болот.

БИШКЕК, 1-мар. — Sputnik. Бүгүн, 1-мартта, юридикалык жактар үчүн бирдиктүү салык декларациясын тапшыруунун акыркы күнү, тагыраагы, аны саат 00:00гө чейин тапшырып жетишип калуу керек. Бул туурасында Салык кызматынан эскертишти.

"Бүгүн аймактык салык органдары декларацияны түнкү саат 12.00гө чейин кабыл алышат. Эске салсак, 1-мартка чейин бирдиктүү салык декларациясын жергиликтүү уюмдар, дыйкан жана фермердик чарбалар, туруктуу мекемесин түзүү менен Кыргызстандын аймагында ишмердигин ишке ашырган чет өлкөлүк уюмдар тапшырууга милдеттүү", — деп айтылат маалыматта.

Толук маалыматты жергиликтүү салык органдарынан, ошондой эле 116 номеринен же www.sti.gov.kg сайтынан алууга болот.

47
Белгилер:
бирдиктүү салык декларациясы, Мамлекеттик салык кызматы, Кыргызстан
Тема боюнча
Сазыков: учурда 230 миңден ашуун адам салыкты онлайт төлөп жатат
Чек арада көзөмөлдү өтүп жаткан жүк ташуучу унаа. Архив

ЕАЭБ чек арасында ветеринардык, фитосанитардык көзөмөл жүргүзүүгө тыюу салынды

89
(жаңыланган 10:22 01.03.2021)
Бажы чек арасын кесип өтүүдө да экинчи ирет кайталап текшерүү ишкерлерге ыңгайсыздык жаратып келгени айтылат.

БИШКЕК, 1-мар. — Sputnik. Кыргызстан ЕАЭБдин бажы чек арасы аркылуу товарларды тездетилген жана тоскоолдуксуз өткөрүү шарттарын түзүү үчүн ветеринардык жана фитосанитардык көзөмөлдүн кайталанма функцияларын жүргүзүүгө тыюу салды. Бул туурасында өкмөттүн маалымат кызматы билдирди.

Тийиштүү токтомго премьер-министр Улукбек Марипов кол койгон. Чечим расмий жарыяланган соң он күндөн кийин күчүнө кирет.

Мурда товарды коштоочу документтерге ветеринардык жана фитосанитардык көзөмөлдөн өткөндүгү тууралуу маалымдама да талап кылынчу. Ошол эле учурда бул текшерүүлөрдү бажы чек арасын кесип өтүүдө да жүргүзүү керек болгон, мындай жагдай ишкерлерге ыңгайсыздык жаратып келгени айтылат.

"Аталган көзөмөлдөн өтүү кайталанма мүнөзгө ээ жана ага көп убакыт талап кылынгандыктан, коштоочу документтердин тизмесинен алып салуу чечими кабыл алынды. Бул КРдин "бир аялдама" принциби боюнча товар экспорттоого мамлекеттик көзөмөлдөөчү органдар тарабынан жүргүзүлгөн процедураларды бир топ оптималдаштырууга мүмкүндүк берет", — деп айтылат маалыматта.

Ошондой эле бул токтом бажы чек арасында радиациялык, чек аралык, транспорттук (автомобиль) жана бажы контролун жүргүзүүгө тыюу салбай турганы белгиленет.

89
Белгилер:
ветеринардык көзөмөл, тыюу салуу, Евразиялык экономикалык биримдик, чек ара, бажы
Тема:
ЕАЭБдеги Кыргызстан
Тема боюнча
КР тикмечилерине Россияга товар алып кирүүдө жаңы талап коюлду
Мамлекеттик кадр кызматынын борбордук аймактык өкүлчүлүгүнүн жетекчиси Мыктыбек Өмүрзаков. Архив

Өмүрзаков: акимдерди аттестациялоо 9-мартта башталат

0
Мамлекеттик кадр кызматынын борбордук аймактык өкүлчүлүгүнүн жетекчиси Мыктыбек Өмүрзаков өлкөдө алгачкы ирет аймактык кадрлар резервин түзүү пландалып жатканын айтты.
Өмүрзаков: акимдерди аттестациялоо 9-мартта башталат

Райондук администрация башчылары — акимдерди аттестациялоо ушул жылдын 9-мартынан башталат. Аталган күнү биринчи туру өтүп, анда тестирлөө жүргүзүлсө, 10-11-март күндөрү экинчи турунда маектешүү болот. Бул тууралуу Мыктыбек Өмүрзаков Sputnik Кыргызстан радиосуна маек куруп жатып билдирди.

Анын айтымында, аталган аттестацияны жүргүзүү үчүн 11 мамлекеттик кызматкерден турган комиссия түзүлөт.

"Акимдерди аттестациялоодо алардын эки орун басары да катышат. Орун басарларга өздөрү тейлеген тармак боюнча суроолор берилсе, райондук администрация жетекчилерине жалпы суроолор узатылат. Максаты — учурда иштеп жаткан акимдердин аркалаган кызматына дарамети жетерин аныктоо. Аларды аттестациядан өткөрүү үчүн Мамлекеттик кадр кызматынын жетекчиси, эки эл өкүлү, өкмөт аппаратынан жана тиешелүү министрликтин орун басары рангынан төмөн эмес адамдардан турган комиссия түзүлөт. Комиссия мүчөлөрү жалпы 11 кишиден турат. Муну менен катар эле район жетекчилери жана орун басарлыгына аймактык кадр резервин түзүү үчүн үстүбүздөгү жылдын 1-мартынан 1-апрелине чейин конкурс жүргүзүлөт. Аймактык кадр резервиндеги адистер бошоп калган региондорго барып иштей беришет", — деди Өмүрзаков.

Ал аттестацияда акимдердин билим деңгээли, тил билүүсү да караларын кошумчалады.

0
Белгилер:
конкурс, аттестация, аким, Мыктыбек Өмүрзаков
Тема боюнча
Өмүрзаков: өкмөттүн реформасында жергиликтүү бийлик тууралуу сөз жок