БИШКЕК, 22-дек. — Sputnik. Бишкекте доллардын баасы кайрадан көтөрүлүп, 81 сомдон ашты. Бул тууралуу Valuta.kg порталында жазылды.
Бишкек убактысы боюнча саат 10.35те сатып алуунун орточо курсу 81.10 сомду, ал эми сатуу 81.50нү түздү. Бирок банктарда ар кандай көрсөткүчтөр болууда. Маселен, сатып алуу 81 сомдон 81.30 сомго чейин болсо, сатуу 81.40тан 81.70 сомго чейин деп турат.
Белгилей кетсек, дээрлик бир ай бою доллардын наркы 84,9 сом (сатуу) болуп кармалып турду, андан кийин кескин түшө баштады. Эки күн мурда АКШ акчасынын наркы 80 сомдон төмөндөгөн болчу.
