Катаал чектөөлөр киргизилсе, Кыргызстанда тамак тартыш болбойбу? Бийликтин жообу
(жаңыланган 15:27 25.12.2020)
Коронавирустун жаңы штаммдары пайда болуп жаткандыктан, бир катар өлкөлөр кайрадан чек араларын жабуу маселесин кароодо.БИШКЕК, 25-дек. — Sputnik. Кыргызстан ири көлөмдө өсүмдүк майын жана буудай сатып алуу боюнча башка өлкөлөр менен келишимдерди түзгөнү жатат. Бул тууралуу айыл чарба, тамак-аш өнөр жайы жана мелиорация министри Тилек Токтогазиев билдирди.
Ал Sputnik Кыргызстан агенттигинин мультимедиалык маалымат борборунда өткөн брифингге катышты.
Журналисттер министрге коронавирустун жаңы штаммдарынан улам кайрадан катаал чектөөлөр киргизилсе, тамак-аш жетиштүү болобу деген суроо беришти.
"Татаал суроо. Бирок биз тамак-аш коопсуздугун камсыздоо үчүн колдон келген аракетти кылып жатабыз. ТИМ башка өлкөлөр менен маанилүү товарларды сатып алуу боюнча келишимдерди түзүүгө аракет кылып жатат. Өзүбүздө өзгөчө өсүмдүк майы менен буудай жетишсиз", — деди министр.
Анын айтымында, Кыргызстан өсүмдүк майын 90 пайызга чейин башка өлкөлөрдөн алат. Учурда көпчүлүк мамлекеттер аны запастап алып жаткандыктан баасы өсүп жатат.
Былтыр "Коопсуз шаар" долбоорунан 700 млн. сомдон ашык каражат түшкөн
(жаңыланган 17:26 15.01.2021)
Министр "Коопсуз шаар" долбоорунан түшкөн каражатка былтыр Тез жардам кызматына автоунаалар алынганын белгилеген.БИШКЕК, 15-янв. — Sputnik. Былтыр "Коопсуз шаар" долбоорунан 721 миллион сом өлчөмүндө каражат түштү. Бул тууралуу каржы министри Кыялбек Мукашев Sputnik Кыргызстан агенттигинде өткөн маалымат жыйында билдирди.
"2020-жылы "Коопсуз шаар" долбоорунан түшкөн акча көздөгөн максаттарга багытталууда. Мисалы, былтыр тез жардам автоунаалары алынган", — деди Мукашев.
Ушул эле маалымат жыйында министр Россия берген 20 миллион доллар кайда экенин жана 100 миң сомго чейин кредити барларга жардам берүү процесси боюнча маалымат берген.
Топ-20. Былтыр Кыргызстанда эң көп кымбаттаган азыктардын тизмеси
(жаңыланган 17:12 15.01.2021)
Өлкөдө күнүмдүк керектелүүчү азык-түлүктүн баасы декабрдан тарта байкаларлык кымбаттады. Сап башында сарымсак, өсүмдүк майы, картошка сыяктуу азыктар турат.БИШКЕК, 15-янв. — Sputnik. Өткөн жылы Кыргызстанда тамак-аш менен алкоголсуз суусундуктардын баасы 17,6 пайызга кымбаттаганын Улуттук статистика комитетинен билдиришти.
Алар кайсы азык-түлүк экенин билүү үчүн Sputnik агенттигинин кабарчылары комитеттин отчетторун карап чыкты. Негиз катары 2019 жана 2020-жылдардагы орточо баалар пайдаланылды.
Сарымсак. 71 пайызга кымбаттап, баасы жогорулаган товарлардын сап башына чыкты. Мурдагы жылы анын бир килограммын кыргызстандыктар орто эсеп менен 161 сомго алса, былтыр бул баа 276 сомго чыкты.
Уйдун майы. 54 пайызга кымбаттап, 108 сомдон 166 сомго көтөрүлдү.
Күн карама майы. 2019-жылы литри 95 сомдон сатылган май, 2020-жылы 52 пайызга баасын көтөрдү.
Картошка. Мурда 20 сомдук картошка азыр 30 сомдун тегерегинде.
Пахта майы. Азыр бир литр майды 145 сомдун тегерегиндеги акчага аласың. Мурда ал 100 гана сом болчу.
Бадыраң. 40 пайызга кымбаттап, учурда 156 сомдон сатылууда.
Койдун эти. Эттин бул түрү 34 пайызга кымбаттады.
Койдун майы. Койдун эти менен чогуу майынын баасы дагы асман чапчыды. Учурда бир килограмм май 212 сом.
Кумшекер. Мурда бир килограммы орто эсеп менен 42 сом болсо, жылдын аягында 54 сомго чыкты.
Помидор. 30 пайызга камбаттап, 98 сомдон 128 сомго чыкты.
Ошондой эле бул тизмеде лимон, жумуртка, уйдун боору, жылкы эти, ун, гречка, апельсин жана макарон азыктары бар.
Ишембиге карата аба ырайы
БИШКЕК, 15-янв. — Sputnik. Ишемби, 16-январда, күндүзү өлкө аймагында күн ачык болот. Бул тууралуу Кыргызгидромет маалымдады.
Түштүк-чыгыштан соккон шамалдын ылдамдыгы секундасына 5-10 метрден кээ бир райондордо 15-20 метрге жетет.
Абанын температурасы Чүй өрөөнүндө +11...+16, Талас жергесинде +13...+18, Ош, Жалал-Абад, Баткен облустарында +12...+17, Ысык-Көлдө +4...+9, ал эми Нарын аймагында -1...-6 градус болору айтылды.
Күндүн табы Бишкекте +13...+15, ал эми Ошто +15...+17 градусту көрсөтөт.
Белгилер:
- Тема боюнча
- Жерге муз доору кайтышы мүмкүн