Жыл башынан бери мамлекеттик карызды тейлөөгө 24,7 млрд. сом кетти
БИШКЕК, 31-дек. — Sputnik. 2020-жылдын январь-ноябрь айларында Кыргызстандын мамлекеттик карызын тейлөөгө 24 миллиард 721,2 миллион сом кетти. Бул тууралуу Финансы министрлигинин сайтында жазылган.
Башында бул максатка 28,8 миллиард сом сарптоо пландалган. Доллардын курсунун көтөрүлүшү жана башка себептерден улам сумма 32,8 миллиард сомго чыгып кеткен, бирок кредиторлор менен сүйлөшүп, кайра азайтылган.
11 ай ичинде төлөнгөн каражаттар:
- тышкы карыз — 11 миллиард 48,8 миллион сом;
- ички карыз — 13 миллиард 672,4 миллион сом.
Белгилей кетсек, жогорудагы сумманын 18,2 миллиарды бересенин негизги суммасын жабууга кетти. Калгандары пайыз катары төлөндү.
Ноябрь айынын аягындагы маалымат боюнча, КРдин мамлекеттик карызы 4,8 миллиард доллардын чегинде.
МИК: эми ипотека алуу үчүн документтерди жарым саатта тапшырса болот
(жаңыланган 10:56 21.01.2021)
Элмира Абжапарованын айтымында, мурда документтерди тапшырууга орто эсеп менен үч айдай убакыт кетчү. Кагаздарды чогултууга эле бир топ убакыт, каражат талап кылынчу.БИШКЕК, 21-янв. — Sputnik. Азыр мамлекеттик ипотека алуу үчүн документтерди тапшырууга болгону жарым сааттык убакыт талап кылынат. Бул тууралуу Мамлекеттик ипотекалык компаниянын (МИК) төрайымы Элмира Абжапарова билдирди.
©
Sputnik / Жоомарт Ураимов
Мамлекеттик ипотекалык компаниянын (МИК) төрайымы Элмира Абжапарова
Ал Sputnik Кыргызстан агенттигинин маалымат борборунда өтүп жаткан брифингге катышууда.
Абжапарованын айтымында, былтыркы жылдан тарта арыздарды кабыл алуу үчүн электрондук портал ишке киргизилген.
"Мурда документтерди тапшырууга орто эсеп менен үч айдай убакыт кетчү. Кагаздарды чогултууга эле бир топ убакыт, каражат талап кылынчу. Азыр ар бир адам өзүнүн уюлдук телефону аркылуу жарым сааттын ичинде ишин бүтүрүп алат. Портал "Түндүк" системасына кошулган. Андыктан мурда жаран кезекте туруп, кагаз түрүндө алган документтерди азыр өзүбүз даярдап алабыз", — деди Абжапарова.
Ошондой эле ал учурда бул багыт бир топ өнүккөн Азербайжан менен тажрыйба алмашуу болуп жатканын кошумчалады.
Белгилер:
Кыргызстандын алтын валюта кору күн сайын 2 млн. долларга азаюуда
(жаңыланган 09:51 21.01.2021)
Август айынын аягында алтын валюта резерви үч миллиард доллардан ашып, рекорддук көрсөткүчкө жеткен. Мындан улам Улуттук банк сомдун курсун колдоо үчүн каражатты кенен колдонгон.БИШКЕК, 21-янв. — Sputnik. Кыргызстандын алтын валюталык резерви төртүнчү ай удаасы менен кыскарып жатат. Бул тууралуу Улуттук банктын маалыматтарында айтылат.
Эскерте кетсек, алтын валюталык резерв август айында рекорддук көрсөткүчкө жетип, анан төмөндөй баштаган:
- август — 3 миллиард 71,2 миллион доллар;
- сентябрь — 2 миллиард 994,6 миллион;
- октябрь — 2 миллиард 944,2 миллион;
- ноябрь — 2 миллиард 817 миллион 160 миң;
- декабрь — 2 миллиард 808 миллион 110 миң.
Белгилеп кетсек, бул мезгил аралыгында Улуттук банк 246,3 миллион, анын ичинде декабрда 21 миллиондон ашык доллар саткан.
Ушул эле убакытта дүйнөлүк рынокто алтындын унциясы 96 долларга төмөндөгөн. Бул баалуу металл Кыргызстандын резервинин олуттуу бөлүгүн түзөт.
Роналду тарыхта расмий оюндарда эң көп гол киргизген футболчу болду
(жаңыланган 11:16 21.01.2021)
35 жаштагы спортчу кечээ Италиянын Суперкубогу үчүн "Наполи" менен оюнда гол киргизди. Беттеш 2:0 эсеби менен туриндиктердин пайдасына аяктаган.БИШКЕК, 21-янв. — Sputnik. Италиялык "Ювентус" клубунун чабуулчусу Криштиану Роналду расмий беттештерде киргизген голдорунун саны боюнча футбол тарыхында биринчи орунга чыкты. Бул тууралуу Р-Спорт жазды.
35 жаштагы спортчу кечээ Италиянын Суперкубогу үчүн "Наполи" менен оюнда гол киргизди. Беттеш 2:0 эсеби менен туриндиктердин пайдасына аяктаган.
Бул Роналдунун профессионалдык карьерасындагы клуб жана улуттук командасы үчүн киргизген 760-голу болду. Муну менен ал Австрия жана чехословакиялык футболчу Йозеф Бицандан ашып өттү. 1950-жылдары ойногон чабуулчу атаандаштарынын дарбазасына 759 ирет топ киргизген.
Белгилер: