Жыл башынан бери мамлекеттик карызды тейлөөгө 24,7 млрд. сом кетти

© REUTERS / Yuriko Nakao / File PhotoКурс доллара в Токио
Курс доллара в Токио - Sputnik Кыргызстан
Жазылуу
Башында бул максатка 28,8 миллиард сом сарптоо пландалган. Бирок доллардын курсунун көтөрүлүшү жана башка себептерден улам бул сумма 32,8 миллиард сомго чыгып кеткен.

БИШКЕК, 31-дек. — Sputnik. 2020-жылдын январь-ноябрь айларында Кыргызстандын мамлекеттик карызын тейлөөгө 24 миллиард 721,2 миллион сом кетти. Бул тууралуу Финансы министрлигинин сайтында жазылган.

Башында бул максатка 28,8 миллиард сом сарптоо пландалган. Доллардын курсунун көтөрүлүшү жана башка себептерден улам сумма 32,8 миллиард сомго чыгып кеткен, бирок кредиторлор менен сүйлөшүп, кайра азайтылган.

11 ай ичинде төлөнгөн каражаттар:

  • тышкы карыз  — 11 миллиард 48,8 миллион сом;
  • ички карыз — 13 миллиард 672,4 миллион сом.

Белгилей кетсек, жогорудагы сумманын 18,2 миллиарды бересенин негизги суммасын жабууга кетти. Калгандары пайыз катары төлөндү.

Ноябрь айынын аягындагы маалымат боюнча, КРдин мамлекеттик карызы 4,8 миллиард доллардын чегинде.

Жаңылыктар түрмөгү
0