Кыргыз сому жана АКШ доллары. Архив

Сом долларга карата дээрлик 20 пайызга түштү. Жыл жыйынтыгы

188
(жаңыланган 11:58 31.12.2020)
Бир жыл ичинде сом долларга, еврого, юанга, фунт стерлингге карата бир кыйла төмөндөп, бирок рубль жана теңгеге салыштырмалуу өзгөрүүсүз калды.

БИШКЕК, 31-дек. — Sputnik. 2020-жылы сомдун долларга карата курсу 19,6 пайызга төмөндөдү. Бул тууралуу Бишкектеги акча алмаштыруучу жайлардагы орточо курс боюнча маалыматтарга таянып айтууга болот.

1-январга карата алмашуу курсу 69,64 сомду түзсө, 31-декабрда 83,23 болду. Башкача айтканда, бир жыл ичинде улуттук валюта 13,59 сомго арзандаган.

Жыл башында евро 77,98 сомду түзсө, учурда 102,8ге жетти. Курс 31,8 пайызга же 24,82 сомго жогорулады.

Жыл ичинде рублдин курсу мезгили менен өзгөрүп турган, бирок жыйынтыгында 1,13 сом бойдон калды.

Теңге 20 тыйынга бекемделип, бүгүнкү күндө 0,2 сомго бааланууда.

Юань 25,5 пайызга кымбаттаган. Жыл башында баасы 9,96 сом болсо, азыр 12,5ти түздү.

Фунт стерлинги да кыйла жогорулап, 91.0 сомдон 110 сомго чейин жетти. Тагыраагы, 20,7 пайызга көбөйгөн.

188
Белгилер:
Рубль, доллар, евро, сом, Кыргызстан
Тема боюнча
Өсүмдүк майы, шекер, картошка... Өзгөчө кымбаттаган товарлардын тизмеси
Октябрдан кийин чет өлкөдөн макулдашылган каражаттын келиши солгундады
Жаңы курулуп аткан көп кабаттуу үйлөр. Архивдик сүрөт

МИК: эми ипотека алуу үчүн документтерди жарым саатта тапшырса болот

17
(жаңыланган 10:56 21.01.2021)
Элмира Абжапарованын айтымында, мурда документтерди тапшырууга орто эсеп менен үч айдай убакыт кетчү. Кагаздарды чогултууга эле бир топ убакыт, каражат талап кылынчу.

БИШКЕК, 21-янв. — Sputnik. Азыр мамлекеттик ипотека алуу үчүн документтерди тапшырууга болгону жарым сааттык убакыт талап кылынат. Бул тууралуу Мамлекеттик ипотекалык компаниянын (МИК) төрайымы Элмира Абжапарова билдирди. 

Председатель правления ОАО ГИК Элмира Абжапарова на брифинге в пресс-центре Sputnik Кыргызстан.
© Sputnik / Жоомарт Ураимов
Мамлекеттик ипотекалык компаниянын (МИК) төрайымы Элмира Абжапарова

Ал Sputnik Кыргызстан агенттигинин маалымат борборунда өтүп жаткан брифингге катышууда.

Абжапарованын айтымында, былтыркы жылдан тарта арыздарды кабыл алуу үчүн электрондук портал ишке киргизилген.

"Мурда документтерди тапшырууга орто эсеп менен үч айдай убакыт кетчү. Кагаздарды чогултууга эле бир топ убакыт, каражат талап кылынчу. Азыр ар бир адам өзүнүн уюлдук телефону аркылуу жарым сааттын ичинде ишин бүтүрүп алат. Портал "Түндүк" системасына кошулган. Андыктан мурда жаран кезекте туруп, кагаз түрүндө алган документтерди азыр өзүбүз даярдап алабыз", — деди Абжапарова.

Ошондой эле ал учурда бул багыт бир топ өнүккөн Азербайжан менен тажрыйба алмашуу болуп жатканын кошумчалады.

17
Белгилер:
Элмира Абжапарова, Мамлекеттик ипотекалык компания, Кыргызстан
Тема боюнча
Абжапарова: ипотекалык насыя боюнча Кыргызстан ЕАЭБде үчүнчү орунда
Алтын куймалары. Архив

Кыргызстандын алтын валюта кору күн сайын 2 млн. долларга азаюуда

49
(жаңыланган 09:51 21.01.2021)
Август айынын аягында алтын валюта резерви үч миллиард доллардан ашып, рекорддук көрсөткүчкө жеткен. Мындан улам Улуттук банк сомдун курсун колдоо үчүн каражатты кенен колдонгон.

БИШКЕК, 21-янв. — Sputnik. Кыргызстандын алтын валюталык резерви төртүнчү ай удаасы менен кыскарып жатат. Бул тууралуу Улуттук банктын маалыматтарында айтылат.

Эскерте кетсек, алтын валюталык резерв август айында рекорддук көрсөткүчкө жетип, анан төмөндөй баштаган:

  • август — 3 миллиард 71,2 миллион доллар;
  • сентябрь — 2 миллиард 994,6 миллион;
  • октябрь — 2 миллиард 944,2 миллион;
  • ноябрь — 2 миллиард  817 миллион 160 миң;
  • декабрь — 2 миллиард 808 миллион 110 миң.

Август айынан декабрга чейин (112 күн) кордун көлөмү 263 миллион долларга (суткасына эки миллиондон ашык) кыскарган.

Белгилеп кетсек, бул мезгил аралыгында Улуттук банк 246,3 миллион, анын ичинде декабрда 21 миллиондон ашык доллар саткан.

Ушул эле убакытта дүйнөлүк рынокто алтындын унциясы 96 долларга төмөндөгөн. Бул баалуу металл Кыргызстандын резервинин олуттуу бөлүгүн түзөт.

49
Белгилер:
төмөндөө, Улуттук банк, валюта, алтын
Тема боюнча
Кыргызстандын алтын корунун баасы абсолюттук рекорд койду
2020-жылы экономикасы өсүштө болгон жалгыз өлкө аныкталды
Жаңы үйлөнгөндөр. Архив

Бир мүнөттө үйлөнө калып жумушка чыккан полиция кызматкери. Кытайдагы окуя

0
(жаңыланган 11:06 21.01.2021)
Ишинен бошобогон полиция кызматкери сүйүктүүсүнө баш кошууга түшкү тамактануу учурунда убакыт таап келген.

БИШКЕК, 21-янв. — Sputnik. Кытайда кайгуул полиция кызматкери бир мүнөттүн ичинде үйлөнүп, кайра дароо эле жумушка чыкты. Бул тууралуу "Известия" басылмасы кабарлады.

Салтанат Кытайдын Хэбей провинциясында өткөн. Анда жумушунан бошобогон полиция кызматкери түшкү тамактануу учурунда убакыт таап, келинчеги менен бир мүнөттүн ичинде үйлөнүп, кайра эле кызматына жөнөгөнү айтылат.

Түгөйлөр 15-январда баш кошкон.

0
Белгилер:
полиция, той, үлпөт, үй-бүлө, Кытай
Тема боюнча
Үлпөт тоюнан 15 мүнөт өтпөй көз жумган келин. Даниядагы окуя