Узаган жылы Кыргызстанга автоунааларды импорттоо үч эсе өстү
БИШКЕК, 1-янв. — Sputnik. 2020-жылдын январынан октябрына чейин Кыргызстанга 21 695 автоунаа импорттолгон. Бул тууралуу Улуттук статистикалык комитет билдирди.
Унаалардын жалпы наркы 35 миллион 526,6 миң долларга бааланган.
Автокөлүктөр 20 мамлекеттен алып келинген:
- Афганистан — 1;
- Беларусь — 12;
- Германия — 45;
- Грузия — 512;
- Казакстан — 4 762;
- Канада — 4;
- Кытай — 14
- Латвия — 2;
- Литва — 279;
- Люксембург - 2;
- БАЭ — 8;
- Польша — 3;
- Түштүк Корея — 1 539;
- Россия — 596;
- АКШ — 13 744;
- Словакия — 24;
- Өзбекстан — 20;
- Франция — 1;
- Эстония — 1;
- Япония — 126.
2019-жылдын 10 айында өлкөгө 6,5 миңге чукул автоунаа (19,8 миллион доллар) ташылган. Белгилей кетсек, анда АКШдан тогуз гана унаа алып келинсе, ушул жылдын сегиз айында 13 миңден ашуун машина келди.
Белгилер:
Кыргызстандагы электр тарифи жана маяна. Башка өлкөлөр менен салыштыруу
(жаңыланган 16:28 17.06.2021)
Электр энергиясына тарифтер менен маянанын көлөмү башка өлкөлөрдөн канчалык айырмаланарын инфографикадан көрүңүздөр.
Sputnik редакциясынын кабарчылары Армения, Беларусь, Казакстан, Россия, Тажикстан жана Өзбекстандын статистика топтогон органдарынын сайттарын карап чыкты.
©
Sputnik / Табылды Кадырбеков
Беларусь боюнча электр плитасын колдонбогон калк үчүн орточо тариф көрсөтүлдү. Армения боюнча электр энергиясын 220 кВ кубаттуулукта колдонгон абоненттер үчүн тарифти сунуштадык. Россияда болсо электр энергиясын минималдык көлөмдө колдонгондор үчүн тариф берилди. Казакстан боюнча электр плитасын колдонбогон калк үчүн 1 жана 3-деңгээлдин ортосундагы тарифтер диапазону көрсөтүлдү. Кыргызстанда 700 кВт/саатка чейин колдонуудагы тариф жарыяланды.
Арзыбаев: ЕАЭБде азык-түлүк коопсуздугу боюнча маселе көтөрүлүшү керек
(жаңыланган 14:42 17.06.2021)
Айыл, суу чарба жана аймактарды өнүктүрүү министрлигинин азык-түлүк коопсуздугу бөлүмүнүн жетектөөчү адиси Бексултан Арзыбаев Евразия экономикалык биримдигинде азык-түлүк коопсуздугу боюнча маселе көтөрүлүшү керектигин айтты.Евразия экономикалык биримдигинин алкагында азык-түлүк коопсуздугу жаатында өзгөчө чоң роль жарата турган бөлүм каралган эмес. Мындай маалыматты Бексултан Арзыбаев Sputnik Кыргызстан радиосунун эфиринде маек куруп жатып билдирди.
Арзыбаев: ЕАЭБде азык-түлүк коопсуздугу боюнча маселе көтөрүлүшү керек
Анын айтымында, ушу тапта азык-түлүк менен өлкөнү толук камсыз кылуу негизги максат катары каралууда.
"Тилекке каршы, Евразия экономикалык биримдигинин алкагында азык-түлүк коопсуздугу жаатында өзгөчө чоң роль жарата турган бөлүм каралган эмес. Мисалы, ЕАЭБде тооктун эти аз өндүрүлсө атайын комиссия чогулуп, бул аймакта жетпеген продукцияны сырттан алып келип, кошумча салыктардан бошотуп, жеңилдиктерди түзсө болот. Бирок ЕАЭБдин алкагында өзүнчө бюджет көрсөтүлүп, ишке ашыруу каралган эмес. Коронавирус пандемиясына байланыштуу азык-түлүк тартыштыгы пайда болду. Ага карабастан Россия, Казакстан гуманитардык жардамдарын берип турду. Бул маселе пандемия учурунда сабак болду. ЕАЭБ жаңы уюм болгондуктан дагы кошумча өзгөртүүлөр керек. Мындан тышкары, өлкөдө айыл чарба секторунда суу, жайыт тармагынан баштап өсүмдүк өстүрүү, иш кагаздарын электрондук вариантка өткөрүүгө чейин санариптештирүү жүргүзүлүп жатат", — деди Усубалиев.
Ошондой эле адис азык-түлүк коопсуздугу боюнча калкка туура маалымат жеткирүүнүн маанилүүлүгүн эске алып, атайын иштер каралып жаткандыгын кошумчалады.
Белгилер:
Тема:
Министр: Орто-Токой суу сактагычындагы суу бир айга гана жетет
(жаңыланган 00:11 18.06.2021)
Министр Орто-Токой суу сактагычында 224 миң куб суу калганын айтып, сууну эл өзү билемдикке салып колдонбошу керектигин эскертти.БИШКЕК, 17-июн. — Sputnik. Эгер суунун чыгымы азыркыдай көп болсо, анда 15-20-июлда Орто-Токой суу сактагычында суу калбай калат. Бул тууралуу айыл, суу чарба жана аймактарды өнүктүрүү министри Аскарбек Жаныбеков Жогорку Кеңештин жыйынында билдирди.
"Орто-Токой суу сактагычында 224 миң куб суу калганын айтып коюшум керек. Эгер биз аны азыркыдай иштетсек, 15-20-июлда ал жакта суу жок калат. Суу сактагыч беш дарыядан барган суу менен толот. Быйыл нормадан 50 пайызы гана келип жатат. Кырдаалдан чыгуунун бир эле жолу бар. Ал график боюнча кезектешип сугаруу жана скважинаны иштетүү", — деди министр.
Аткаминер эл сууну өзү билемдикке салып бөлүштүрбөшү керектигин эскертип, суу чарбасы бөлүштүргөн графиктин негизинде гана иш алып барууну белгиледи.
©
Sputnik / Акылбек Батырбеков , Эмиль Садыров
Буга чейин Суу ресурстары боюнча мамлекеттик агенттиктин жетекчисинин орун басары Абдыбай Жайлообаев июлда сугат суусу азыркыдан да тартыш болушу мүмкүн экенин божомолдогон.