Алтын казуу. Архив

Кыргызстанда баалуу металл рудасын экспорттоо тонналап өстү

104
(жаңыланган 10:10 05.01.2021)
Кыргызстанда ноябрь айынан баштап алтын кошулмасы бар концентраттарды сыртка ташыган кен казуучу жана иштетүүчү компанияларга киреше салыгы жогорулатылган.

БИШКЕК, 5-янв. — Sputnik. Өткөн жылдын он айында Кыргызстан 223 миң 148,9 тонна баалуу металл рудасын жана концентраттарын экспорттоду. Бул тууралуу Улуттук статистика комитети билдирди.

Болжол менен алардын бардыгы 11,7 миллиард сом же 154 миллион доллардан ашыгыраак суммага бааланууда.

Рудалар менен концентраттар кайсы өлкөлөргө чыгарылган?

  • Германия — 0,2 (тонна менен);
  • Казакстан — 209,9 миң;
  • Канада — 0,1 миң;
  • Кытай — 9,8 миң;
  • Түркия — 3,5 миң;

Өткө жылдын январь-октябрь айларында 125 миллион доллардан ашык суммага бааланган 171,5 миң тонна руда жана концентрат экспорттолгон.

Эскерте кетсек, Кыргызстанда ноябрь айынан баштап алтын кошулмалары бар концентраттарды сыртка ташыган кен казуучу жана иштетүүчү компаниялардын киреше салыгы көбөйтүлгөн.

104
Белгилер:
баалуу металл, экспорт, кен, тоо
Тема боюнча
Кыргызстанда алтын экспорттоонун көлөмү өстү
Алтын куймалары. Архив

Кыргызстандын алтын валюта кору күн сайын 2 млн. долларга азаюуда

33
(жаңыланган 09:51 21.01.2021)
Август айынын аягында алтын валюта резерви үч миллиард доллардан ашып, рекорддук көрсөткүчкө жеткен. Мындан улам Улуттук банк сомдун курсун колдоо үчүн каражатты кенен колдонгон.

БИШКЕК, 21-янв. — Sputnik. Кыргызстандын алтын валюталык резерви төртүнчү ай удаасы менен кыскарып жатат. Бул тууралуу Улуттук банктын маалыматтарында айтылат.

Эскерте кетсек, алтын валюталык резерв август айында рекорддук көрсөткүчкө жетип, анан төмөндөй баштаган:

  • август — 3 миллиард 71,2 миллион доллар;
  • сентябрь — 2 миллиард 994,6 миллион;
  • октябрь — 2 миллиард 944,2 миллион;
  • ноябрь — 2 миллиард  817 миллион 160 миң;
  • декабрь — 2 миллиард 808 миллион 110 миң.

Август айынан декабрга чейин (112 күн) кордун көлөмү 263 миллион долларга (суткасына эки миллиондон ашык) кыскарган.

Белгилеп кетсек, бул мезгил аралыгында Улуттук банк 246,3 миллион, анын ичинде декабрда 21 миллиондон ашык доллар саткан.

Ушул эле убакытта дүйнөлүк рынокто алтындын унциясы 96 долларга төмөндөгөн. Бул баалуу металл Кыргызстандын резервинин олуттуу бөлүгүн түзөт.

33
Белгилер:
төмөндөө, Улуттук банк, валюта, алтын
Тема боюнча
Кыргызстандын алтын корунун баасы абсолюттук рекорд койду
2020-жылы экономикасы өсүштө болгон жалгыз өлкө аныкталды
Гонконгдун көчөлөрүнүн биринде бараткан беткапчан адамдар. Архивдик сүрөт

2020-жылы экономикасы өсүштө болгон жалгыз өлкө аныкталды

192
(жаңыланган 18:02 20.01.2021)
Таң калыштуусу, SARS-CoV-2 вирусу башталып бир нече ай катуу чектөөлөр киргизилген Кытайдын экономикасы жылдын аягына чейин калыбына келүүгө жетишти.

БИШКЕК, 20-янв. — Sputnik. Кытай ири өлкөлөр арасында 2020-жылы пандемияга карабай экономикасы өсүштө болгон жалгыз өлкө болуп калды. Өткөн жылы коңшу өлкөнүн ички дүң продукциясы 2,3 пайызга жогорулаганын Мамлекеттик статистика комитетине таянып РБК басылмасы жазды.

Акыркы 45 жыл ичинде Кытай экономикасындагы өсүү мынчалык төмөн түшө элек болчу. Соңку ирет 1976-жылы 1,6 пайызга төмөндөгөн. Ошондон бери жалаң өсүү үстүндө болгон. Мисалы, 2017-жылы — 6,8, 2018-жылы — 6,6, 2019-жылы  6 пайызды түзгөн.

"Былтыр алгач коронавирус башталганда өлкөнүн ИДПсы дароо түшүп кеткен, бирок экинчи кварталдан тарта кайра өсө баштап, жылдын аягында бир топ жакшы көрсөткүчтөргө жетти", — деп айтылат кабарда.

Падемия башталганга чейин Улуу Британиядагы экономикалык жана бизнес-иликтөөлөр борборунун адистери Кытай дүйнөдө биринчи орунда турган АКШ экономикасын 2033-жылы озуп өтөт деп божомолдошчу. Бирок акыркы көрсөткүчтөрдөн улам серепчилер Кытай биринчиликке (ИДП боюнча) 2028-жылы эле жетиши мүмкүн деп айта башташты.

Эске салсак, коронавирус алгачкы ирет былтыркы кышта Кытайда табылган. Бир нече ай бою ал илдеттин жайылышы боюнча биринчи орунда келип, кийин Италия менен АКШ алдыга чыккан.

192
Белгилер:
пандемия, экономика, Кытай
Тема боюнча
Узун кезек, ыраазычылык, үмүт... Коронавируска каршы эмдөө учурундагы сүрөттөр
Ала-Тоо аянтында жүргөн милиция кызматкерлери. Архивдик сүрөт

Бишкектин борборунда милиция кызматкерлери адаттагыдан көп. Себеби

0
(жаңыланган 10:36 21.01.2021)
Sputnik Кыргызстан агенттигинин окурмандары эмне себептен борбордук аянтта жана көчөлөрдө милиция кызматкерлери чогулуп калганын сурашкан.

БИШКЕК, 20-янв. — Sputnik. Бишкектин кайгуул милициясынын маалымат кызматы ордо калаанын чок ортосунда эмне себептен таң эрте милиция кызматкерлери көп экенин түшүндүрдү.

Буга чейин окурмандар "Ала-Тоо" аянтындагы автоунаалар тазаланып, кайгуул милициялары борбордук көчөлөрдө, анын ичинде Чүй проспектисинде көп турганы боюнча суроо узатышкан.

Кайгуул милициясынын маалымат кызматы билдиргендей, мекеме жакында боло турган президенттин инаугурациясына даярдык көрүп жатат жана жарандардын коопсуздугун камсыз кылууда.

Маалым болгондой, бул иш-чарада "Ала-Тоо" аянтын тосуу пландалган жок.

20-январь күнү БШК президенттик шайлоонун жыйынтыгын айтып, анда Садыр Жапаров жеңгенин кабарлаган. Жапаров шайлоочулар добушунун 79,2 пайызын алган.

Кийинчерээк президенттин инаугурациясы 28-январь күнү Токтогул Сатылганов атындагы Кыргыз улуттук филармонияда өтө турганы айтылган.

0
Белгилер:
окурман, Кайгуул милициясы, Ала-Тоо аянты, жол, Бишкек