Талас облусундагы Жер-Үй кени. Архив

Өкмөт Жер-Үй кени жакын арада ишке кирерин маалымдады

125
(жаңыланган 00:19 07.01.2021)
Премьер-министрдин милдетин аткаруучу Артем Новиков "Алтын Альянс" компаниясынын жетекчиси менен жолугушуп, инвестор, өкмөт жана жергиликтүү тургундардын ортосундагы талаш маселелер жөнгө салынганын билдирген.

БИШКЕК, 7-янв. — Sputnik. Талас облусундагы Жер-Үй кенинде алтын чыгарган фабрика ушул жылдын январь айынын аягы февралдын башынан тарта ишке киргизилет. Бул тууралуу өкмөттүн маалымат кызматы кабарлады.

Ага ылайык, учурда кенде кайра калыбына келтирүү иштери жүрүп, алтын иштеткен фабриканын курулушу жаңыланды.

Премьер-министрдин милдетин аткаруучу Артем Новиков "Алтын Альянс" компаниясынын жетекчиси менен жолугушуп, инвестор, өкмөт жана жергиликтүү тургундардын ортосундагы талаш маселелер жөнгө салынганын билдирди.

"Өкмөт ишкананын ишмердүүлүгүнө кол кабыш кылат. Кыш бүткүчө фабрика алтындын куймаларын чыгарып калат деп үмүттөнөм", — деди премьер-министр.

Новиков жергиликтүү тургундар менен ишкананын ортосундагы экономикалык байланыш жана диалогду мындан ары да жакшыртуу маселесине токтолгон.

"Кыргыз өкмөтү үчүн инвесторлордун жумушун үзгүлтүккө учуратпай, алардын коопсуздугун камсыз кылуу маанилүү. Таластагы каражаты коммерциялык банкта сакталып турган "Бакубат Талас" өнүктүрүү фондунун ишмердүүлүгүн карап көрүүнү сунуштайм. Бул каражаттын бир бөлүгүн аймактагы ишкерликти өнүктүрүүнү колдоого багыттаса болот. Эл каражат алардын жыргалчылыгы үчүн жумшалып жатканын билиши керек. Дагы бир маанилүү маселе продукцияларды өндүрүү үчүн экономикалык кластерлерди түзүү зарыл. Компания тамак-аш продукцияларын гана эмес, жергиликтүү ишканалардан чыккан өндүрүш продукцияларын да алышы керек. Ошондо жергиликтүү эл менен алака да жакшырат", — деди Новиков.

Ал кен казууда эл аралык экологиялык талаптарды аткаруу зарылдыгына токтолгон. Ошондой эле калдык сактагычты курууда чет элдик көз карандысыз эксперттер жана жергиликтүү активисттер менен бирге анализ жүргүзүүнү тапшырган.

Эске салсак, 6-октябрда Жер-Үй алтын кениндеги "Альянс Алтын" компаниясы ишин токтоткон.

Компаниядан билдиришкендей, Жер-Үйдүн өндүрүштүк аймагына белгисиз адамдар уруксатсыз кирип кеткен. Окуя болгон жерде тартылган видеодо көрүнүп тургандай, кен казган жерде курулуш өрттөнгөн. Алдын ала эсептөөлөр боюнча, андан компания 15-20 миллион доллар чыгымга учураган.

125
Белгилер:
Талас, сүйлөшүүлөр, компания, Артем Новиков, Жер-Үй алтын кени, кен иштетүү
Тема боюнча
Былтыр алтын куймасын сатып алгандар азыр бир топ пайда көрмөк. Рынокко саресеп
Атасы дүйнөнү кыдырган. Төрт премьерге кеңешчи болгон Новиков тууралуу 11 факты
Гонконгдун көчөлөрүнүн биринде бараткан беткапчан адамдар. Архивдик сүрөт

2020-жылы экономикасы өсүштө болгон жалгыз өлкө аныкталды

169
(жаңыланган 18:02 20.01.2021)
Таң калыштуусу, SARS-CoV-2 вирусу башталып бир нече ай катуу чектөөлөр киргизилген Кытайдын экономикасы жылдын аягына чейин калыбына келүүгө жетишти.

БИШКЕК, 20-янв. — Sputnik. Кытай ири өлкөлөр арасында 2020-жылы пандемияга карабай экономикасы өсүштө болгон жалгыз өлкө болуп калды. Өткөн жылы коңшу өлкөнүн ички дүң продукциясы 2,3 пайызга жогорулаганын Мамлекеттик статистика комитетине таянып РБК басылмасы жазды.

Акыркы 45 жыл ичинде Кытай экономикасындагы өсүү мынчалык төмөн түшө элек болчу. Соңку ирет 1976-жылы 1,6 пайызга төмөндөгөн. Ошондон бери жалаң өсүү үстүндө болгон. Мисалы, 2017-жылы — 6,8, 2018-жылы — 6,6, 2019-жылы  6 пайызды түзгөн.

"Былтыр алгач коронавирус башталганда өлкөнүн ИДПсы дароо түшүп кеткен, бирок экинчи кварталдан тарта кайра өсө баштап, жылдын аягында бир топ жакшы көрсөткүчтөргө жетти", — деп айтылат кабарда.

Падемия башталганга чейин Улуу Британиядагы экономикалык жана бизнес-иликтөөлөр борборунун адистери Кытай дүйнөдө биринчи орунда турган АКШ экономикасын 2033-жылы озуп өтөт деп божомолдошчу. Бирок акыркы көрсөткүчтөрдөн улам серепчилер Кытай биринчиликке (ИДП боюнча) 2028-жылы эле жетиши мүмкүн деп айта башташты.

Эске салсак, коронавирус алгачкы ирет былтыркы кышта Кытайда табылган. Бир нече ай бою ал илдеттин жайылышы боюнча биринчи орунда келип, кийин Италия менен АКШ алдыга чыккан.

169
Белгилер:
пандемия, экономика, Кытай
Тема боюнча
Узун кезек, ыраазычылык, үмүт... Коронавируска каршы эмдөө учурундагы сүрөттөр
Көмүр. Архив

Кыргызстанда бир жылда көмүр казуунун көлөмү 2,46 млн. тоннага жетти

64
(жаңыланган 17:53 19.01.2021)
2019-жылдын 22-майына карата көмүр кендерине 187 уруксат кагазы берилген. Анын ичинен 114 лицензия иштетүүгө алынган, 71и долбоорлоо баскычында.

БИШКЕК, 19-янв. — Sputnik. Кыргызстанда 2010-жылдан ушул кезге чейин бир жылдык көмүр казуунун көлөмү 570 миңден 2 миллион 460,2 миң тоннага чейин өстү. Бул туурасында өкмөттүн маалымат кызматы кабарлады.

Бүгүн вице-премьер Равшанбек Сабиров көмүр тармагынын абалы жана аны өнүктүрүү келечеги боюнча кеңешме өткөргөн.

Өнөр жай, энергетика жана жер казынасын пайдалануу комитетинин маалыматы боюнча, төмөнкүдөй себептерден улам көмүр көп казыла баштаган:

Бишкек ЖЭБине жергиликтүү көмүр ташууну көбөйтүүнүн негизинде Кара-Кече жана Миң-Куш көмүр кендерин иштетүүчү ишканалардын кубаттуулугун өнүктүрүү;

Кытай жана Тажикстанга кыргыз көмүрүн экспорттоо боюнча байланыштарды калыбына келтирүү. Өзбекстан тарабынан газды экспорттоо үчүн үнөмдөө максатында кабыл алынган көмүрдү пайдалануу саясаты;

Өлкөнүн түштүгүндөгү цемент чыгаруучу ишканаларга технологиялык максатта пайдалануу үчүн көмүрдүн ташылышы.

2019-жылдын 22-майына карата көмүр кендерине 187 уруксат кагазы берилген. Анын ичинен 114 лицензия иштетүүгө алынган, 71и долбоорлоо баскычында.

Расмий маалымат боюнча, Кыргызстанда болжолдуу түрдө 6,4 миллиард тоннадан ашуун запасы менен 70 көмүр кени бар.

64
Белгилер:
лицензия, кен иштетүү, көмүр, Кыргызстан
Тема боюнча
Өкмөт Жер-Үй кени жакын арада ишке кирерин маалымдады

UFC: Хабиб Нурмагомедовдун иниси алгачкы беттешинде атаандашын утуп алды. Видео

0
(жаңыланган 00:13 21.01.2021)
Россиялык мушкер казакстандык атаандашы Сергей Морозовду муунтуу ыкмасы менен жеңип алды. Беттеш 2-раундда соңуна чыкты.

Хабиб Нурмагомедовдун тууганы Умар UFC турнириндеги алгачкы беттешинде жеңишке жетишти.

Россиялык мушкер казакстандык атаандашы Сергей Морозовду муунтуу ыкмасы менен утуп кетти. Беттеш 2-раундда соңуна чыкты.

Ал беттеш аяктаган соң агасы Хабиб дагы алгачкы жеңишин дал ушундай ыкма менен багындырганын эске салды.

"Мен бактылуумун. Тогуз жыл мурда бул рингге Хабиб кирип, дал мендей болуп утуп чыккан. Анын ыкмасын кайталаганыма кубанычтамын”, — деди ал.

Таймашка секундант катары катышкан Хабиб Нурмагомедов өзү инисиндей болуп экинчи эмес, үчүнчү гана раундда жеңгенин кошумчалады.

0
Тема боюнча
Чыканак менен башка уруп... Соңку UFC турниринин кызыктуу учурлары видеодо
Макгрегордун Нурмагомедов менен кармашканга чейинки жана андан кийинки видеосу