АКШ жүз долларлык банкноталар. Архив

Октябрь окуяларынан кийин КРден сыртка канча акча чыкты. Расмий маалымат

109
(жаңыланган 10:26 13.01.2021)
Улуттук банк өткөн жылы 11 ай ичинде сыртка акча которуулардын көлөмү канча болгонун айтып, аны 2019-жылдагы көрсөткүчтөр менен салыштырды.

БИШКЕК, 13-янв. — Sputnik. Өткөн жылдын 11 айынын жыйынтыгы менен Кыргызстандан сыртка акча которуунун көлөмү 440 миллион 540 миң долларды түзгөндүгүн Улуттук банк билдирет.

Кеп жеке жактардын акча которуу тутумдары аркылуу жүргүзүлгөн операциялар жөнүндө болуп жатат.

2019-жылы сыртка акча каражатын чыгаруу 493,4 миллион долларды түзгөн.

Эгер былтыркы жылдын октябрь-ноябрь айларынын жыйынтыгын алсак, акча которуунун көлөмү 87 миллион долларга жеткен. Бул 2019-жылдын ушул мезгил аралыгына салыштырмалуу 23,3 миллион долларга аз.

Эске салсак, 5-6-октябрдагы саясий окуялардан кийин Кыргызстандагы банктар эл аралык SWIFT системасы боюнча акча которууну бир нече күнгө токтотуп коюшкан.

109
Белгилер:
Акча которуулар, Улуттук банк, Кыргызстан
Тема боюнча
Кыргызстанда былтыр канча азык-түлүк өндүрүлдү. Сандар
ЕАЭБ мигранттарына пенсия төлөө боюнча келишим күчүнө кирди
Коопсуз шаар долбоорунун текшерүү борбору. Архивдик сүрөт

Былтыр "Коопсуз шаар" долбоорунан 700 млн. сомдон ашык каражат түшкөн

66
(жаңыланган 17:26 15.01.2021)
Министр "Коопсуз шаар" долбоорунан түшкөн каражатка былтыр Тез жардам кызматына автоунаалар алынганын белгилеген.

БИШКЕК, 15-янв. — Sputnik. Былтыр "Коопсуз шаар" долбоорунан 721 миллион сом өлчөмүндө каражат түштү. Бул тууралуу каржы министри Кыялбек Мукашев Sputnik Кыргызстан агенттигинде өткөн маалымат жыйында билдирди.

"2020-жылы "Коопсуз шаар" долбоорунан түшкөн акча көздөгөн максаттарга багытталууда. Мисалы, былтыр тез жардам автоунаалары алынган", — деди Мукашев.

Ушул эле маалымат жыйында министр Россия берген 20 миллион доллар кайда экенин жана 100 миң сомго чейин кредити барларга жардам берүү процесси боюнча маалымат берген.

66
Белгилер:
акча, тез жардам, каражат, Коопсуз шаар
Тема боюнча
Февралда Бишкекте шаардык транспортту толук көзөмөлдөөчү департамент түзүлөт
"Коопсуз шаардын" акчасына 37 тез жардам унаасы сатып алынды. Видео
Базардагы сатуучу. Архивдик сүрөт

Топ-20. Былтыр Кыргызстанда эң көп кымбаттаган азыктардын тизмеси

139
(жаңыланган 17:12 15.01.2021)
Өлкөдө күнүмдүк керектелүүчү азык-түлүктүн баасы декабрдан тарта байкаларлык кымбаттады. Сап башында сарымсак, өсүмдүк майы, картошка сыяктуу азыктар турат.

БИШКЕК, 15-янв. — Sputnik. Өткөн жылы Кыргызстанда тамак-аш менен алкоголсуз суусундуктардын баасы 17,6 пайызга кымбаттаганын Улуттук статистика комитетинен билдиришти.

Алар кайсы азык-түлүк экенин билүү үчүн Sputnik агенттигинин кабарчылары комитеттин отчетторун карап чыкты. Негиз катары 2019 жана 2020-жылдардагы орточо баалар пайдаланылды.

Сарымсак. 71 пайызга кымбаттап, баасы жогорулаган товарлардын сап башына чыкты. Мурдагы жылы анын бир килограммын кыргызстандыктар орто эсеп менен 161 сомго алса, былтыр бул баа 276 сомго чыкты.

Уйдун майы. 54 пайызга кымбаттап, 108 сомдон 166 сомго көтөрүлдү.

Күн карама майы. 2019-жылы литри 95 сомдон сатылган май, 2020-жылы 52 пайызга баасын көтөрдү.

Картошка. Мурда 20 сомдук картошка азыр 30 сомдун тегерегинде.

Пахта майы. Азыр бир литр майды 145 сомдун тегерегиндеги акчага аласың. Мурда ал 100 гана сом болчу.

Бадыраң. 40 пайызга кымбаттап, учурда 156 сомдон сатылууда.

Койдун эти. Эттин бул түрү 34 пайызга кымбаттады.

Койдун майы. Койдун эти менен чогуу майынын баасы дагы асман чапчыды. Учурда бир килограмм май 212 сом.

Кумшекер. Мурда бир килограммы орто эсеп менен 42 сом болсо, жылдын аягында 54 сомго чыкты.

Помидор. 30 пайызга камбаттап, 98 сомдон 128 сомго чыкты.

Ошондой эле бул тизмеде лимон, жумуртка, уйдун боору, жылкы эти, ун, гречка, апельсин жана макарон азыктары бар.

139
Белгилер:
статистика, баа, Кыргызстан
Тема боюнча
Бишкек ТЭЦи газга өтсө, жылуулук менен жарык канча эсе кымбаттайт
Өсүмдүк майы, шекер, картошка... Өзгөчө кымбаттаган товарлардын тизмеси
Мунай заттын баасы кымбаттады
Бишкектеги Токтогул Сатылгановтун эстелиги. Архивдик сүрөт

Ишембиге карата аба ырайы

0
16-январга караган түнү республика боюнча күн ачык болуп, жаан-чачын күтүлбөйт. Жолдор тоңуп, тайгак болот.

БИШКЕК, 15-янв. — Sputnik. Ишемби, 16-январда, күндүзү өлкө аймагында күн ачык болот. Бул тууралуу Кыргызгидромет маалымдады.

Түштүк-чыгыштан соккон шамалдын ылдамдыгы секундасына 5-10 метрден кээ бир райондордо 15-20 метрге жетет.

Абанын температурасы Чүй өрөөнүндө +11...+16, Талас жергесинде +13...+18, Ош, Жалал-Абад, Баткен облустарында +12...+17, Ысык-Көлдө +4...+9, ал эми Нарын аймагында -1...-6 градус болору айтылды.

Күндүн табы Бишкекте +13...+15, ал эми Ошто +15...+17 градусту көрсөтөт.

0
Белгилер:
аба ырайы, Кыргызстан, январь
Тема боюнча
Жерге муз доору кайтышы мүмкүн