Сом банкноталардын үстүндө монеталар. Иллюстративдик сүрөт

Кыргызстандын ИДПсы 598 млрд. сомду түзүп, экономика 9%га төмөндөдү

75
(жаңыланган 13:42 14.01.2021)
Мында Кумтөр алтын кени эсепке алынган эмес. Оң тенденция бир гана айыл чарбасында байкалган.

БИШКЕК, 14-янв. — Sputnik. Кыргызстандын ички дүң продукциясы (ИДП) 2020-жылдын жыйынтыгы менен 598 миллиард сомду түзүп, өлкө экономикасы 9 пайызга төмөндөдү. Бул туурасында Улуттук статистика комитетинин маалымат кызматы билдирди.

Ички өндүрүштүн суммасы 2019-жылдын январь-декабрь айларына салыштырмалуу 8,6 пайызга төмөндөгөн. Кумтөр алтын кенин эсепке албаганда ИДПнын көлөмү 530 миллиард сомго жакындап, 9 пайызга азайган.

Өнөр жай продукциясынын көлөмү былтыр 319 миллиард сомдон ашкан, аны 2019-жылга салыштырганда 6,6 пайызга төмөндөгөнү байкалат. Буга күйүүчү майдын көлөмүнүн (59,3 пайыз) кыскарышы, текстиль өнөр жайы, кийим-кече жана бут кийим, булгаары жанан булгаарыдан жасалган буюмдар (21,5 пайыз), жыгач жана кагаздан жасалган буюмдар, полиграфиялык ишмердик (13,2 пайыз), резина жана пластмассадан жасалган буюмдар, металл эмес минералдык азыктар (7,0 пайыз), азык-түлүк өндүрүү (суусундуктарды кошкондо) жана тамеки азыктары (6,6 пайыз), темир жана темирден жасалган буюмдар (4,4 пайыз), ошондой эле жер астынан казылган баалуу металлдардын (22,4 пайыз) кыскарышы таасирин тийгизген.

Курулуш тармагындагы өндүрүштүн көлөмү 15,9 пайызга, дүң жана чекене соода тармагында көрсөткүчтөр 16,1 пайызга азайган.

Оң тенденция бир гана айыл чарбасында байкалып, өндүрүүнүн көлөмү 1,1 пайызга өскөн.

75
Белгилер:
өндүрүш, төмөндөө, экономика, ИДП, Кыргызстан
Тема боюнча
Кытай кыргызстандык ишкерлердин товарын эмне себептен кармоодо? Абалга сереп
Октябрь окуяларынан кийин КРден сыртка канча акча чыкты. Расмий маалымат
Бириккен Улуттар Уюмунун (БУУ) башкы катчысы Антониу Гутерреш. Архив

БУУ: COVID оңдурбай, дүйнө акыркы 100 жылдыкта эң оор каатчылыкка кептелди

27
(жаңыланган 11:13 26.01.2021)
Антониу Гутерреш 2021-жылы дүйнөнү калыбына келтирүүдө өкмөттөр, эл аралык уюмдар, жеке сектор жана жарандык коом биргелешип ынтымакта иштешүүсү керектигин билдирди.

БИШКЕК, 26-янв. — Sputnik. Бириккен Улуттар Уюмунун (БУУ) башкы катчысы Антониу Гутерреш коронавирус пандемиясынын кесепетинен дүйнө акыркы жүз жылдыктагы эң оор экономикалык каатчылыкка кептелгенин билдирди. Бул тууралуу уюмдун сайтында жарыяланды.

Катчынын айтымында, азыр "дүйнө абдан морт болуп турган кез".

"Пандемия эки миллиондон ашык адамдын өмүрүн алып кетти. Экономикалык абалыбыз акыркы 100 жыл ичиндеги эң төмөнкү көрсөтүчкө түштү. Коронавирус адамдар, өлкөлөр арасында теңсиздик бар экенин далилдеп койду. Кыскасы, жаратылышка биз кандай мамиле кылсак, ал бизге дал ошондой сокку уруп жатат. Дүйнө эли диалогго келип, кызматташуубуз керек", — деди Гутерреш.

Ошондой эле ал 2021-жылы дүйнөнү калыбына келтирүүдө өкмөттөр, эл аралык уюмдар, жеке сектор жана жарандык коом биргелешип ынтымакта иштешүүсү керектигин кошумчалады.

27
Белгилер:
кесепет, Дүйнө, пандемия, Антониу Гутерреш, БУУ
Тема:
Дүйнөгө жайылган коронавирус
Тема боюнча
ДССУ коронавирус менен күрөш көпкө созуларын айтты
Акча каражаттары. Архив

Былтыр Улуттук банк сомду колдоо үчүн 500 млн. доллардан ашык каражат жумшады

24
(жаңыланган 10:23 26.01.2021)
2020-жылдын башында АКШ акчасынын баасы 70 сомдон ашчу эмес. Бирок жыл бою анын наркы өсүп, бир нече жолу 85 сомго чейин көтөрүлгөн учурлар болду.

БИШКЕК, 26-янв. — Sputnik. Өткөн жылы Кыргызстандын Улуттук банкы 518,5 миллион доллар сатты. Бул тууралуу Sputnik агенттигине аталган мекемеден билдиришти.

Эске салсак, 2020-жылдын башында АКШ акчасынын баасы 70 сомдон ашчу эмес. Бирок жыл бою анын наркы өсүп, бир нече жолу 85 сомго чейин көтөрүлгөн учурлар болду.

"Мунун айынан Улуттук банк 30 жолу жалпы суммасы  518,5 миллион долларга жеткен интервенция кылууга аргасыз болгон. Анын ичинен 52 миллион 550 миңи накталай түрдө сатылган", — деп айтылат билдирүүдө.

Ошол эле учурда банк АКШ валютасын сатып алуу боюнча бир дагы операция өткөргөн эмес.

 

24
Белгилер:
интервенция, Улуттук банк, Кыргызстан
Тема боюнча
Кыргызстандын алтын валюта кору күн сайын 2 млн. долларга азаюуда
Абактын эшигин ачып жаткан кызматкер. Архив

Коррупцияга айыпталган мурдагы жетекчи 11 млн. сом төлөп үй камагына чыкты

0
(жаңыланган 11:53 26.01.2021)
Мамлекеттик ишкананын мурунку жетекчилиги жана жооптуу адамдары жеке ишканалар менен сүйлөшүп алып коррупциялык схема түзгөнү үчүн кармалган.

БИШКЕК, 26-янв. — Sputnik. Коррупцияга шектелип кармалган "Кыргыз темир жолу" ишканасынын Түштүк бөлүмүнүн мурдагы башчысы мамлекетке келтирилген чыгымды төлөп берип, үй камагына чыкты. Бул тууралуу УКМКнын маалымат кызматы кабарлады.

Бажы кызматкери. Архив
© Фото / пресс-служба правительства / Алишер Алиев
Билдирүүдө айтылгандай, тергөө учурунда мекеменин мурдагы жетекчиси Ю.Б.К. коюлган айыпты толугу менен мойнуна алып, мамлекетке келтирген 11 миллион 700 миң сом өлчөмүндө зыянды төлөп берген.

Мындан улам анын баш коргоо чарасы үй камагына өзгөргөнү айтылат.

Белгилей кетсек, Ю.Б.К. жооптуу адамдар менен биргеликте чарбакер субъектилердин катышуусу менен мамлекеттик сатып алууларды жогорулатылган баада жүргүзгөн туруктуу схеманы түзүп алышканы үчүн 14-декабрда кармалган.

0
Белгилер:
Кыргыз темир жолу, шектүү, коррупция
Тема боюнча
"Кыргыз темир жолунан" 250 миң доллар опузалап алган. УКМК шектүүлөрдү кармады