Көмүр сатуу. Архивдик сүрөт

Көмүрдүн баасы жогоруладыбы? Расмий жооп

181
(жаңыланган 18:09 14.02.2021)
Январь айына караганда февралда Кыргызстандан чыккан көмүрлөр 87,5 сомго, ал эми сырттан киргендер 75 сомго арзандаган.

БИШКЕК, 14-фев. — Sputnik. Көмүргө болгон баанын өсүшү мезгилдик фактордон көз каранды. Бул тууралуу Монополияга каршы жөнгө салуу мамлекеттик агенттиги кабарлады.

"Кышында керектөөчүлөр тарабынан көмүргө суроо-талап көп болот. Андан сырткары, айрым аймактарда көмүр казылбайт, мындан улам ортомчулар аркылуу алышат. Көмүрдүн баасы казылган жеринен алынып, керектөөчүлөргө жеткенге чейин да өздүк наркынан кымбатыраак сатылат. Буга жолдун алыстыгы да кошулат", — деп айтылат маалыматта.

10-февралга карата республика боюнча көмүргө болгон баа деле өскөн эмес.

Агенттиктин сайтында жазылгандай, январь айына караганда февралда Кыргызстандан чыккан көмүрлөр 87,5 сомго, ал эми сырттан киргендер 75 сомго арзандаган.

"13-январда жергиликтүү көмүрдүн орточо баасы 4512,5 сом болсо, 10-февралда кара алтындын бир тоннасы 4 425 сомго бааланган", — деп айтылат маалыматта.

Белгилей кетсек, өкмөттүн токтому менен Монополияга каршы жөнгө салуу мамлекеттик агенттиги жаңы түзүлгөн Экономика жана каржы министрлигинин карамагына өткөрүлдү.

181
Белгилер:
Монополияга каршы жөнгө салуу боюнча мамлекеттик агенттик, себеп, баа, көмүр
Тема боюнча
Кара-Кече көмүр кенинен өрт чыкты. Сүрөт, видео
Январда көмүрдүн баасы кымбаттады. Кайсы аймакта канчадан сатылууда
Жалал-Абад облусунун Чаткал районундагы жайгашкан Терек-Сай кени

Кыргызстандагы кендерди мыйзамсыз казууга жол бербөө үчүн жумушчу топ түзүлдү

50
(жаңыланган 17:46 24.02.2021)
Атайын жумушчу топ президент Садыр Жапаровдун кол койгон жарлыгынын негизинде түзүлгөн. Топтун мүчөлөрү мыйзамсыз иштерди көзөмөлдөйт.

БИШКЕК, 24-фев. — Sputnik. Жер казынасын пайдалануу чөйрөсүндө жаңжалдуу кырдаалдарды алдын алуу жана пайдалуу кендерди мыйзамсыз казып алууга көзөмөлдү күчөтүү үчүн ведомстволор аралык жумушчу топ түзүлдү. Бул тууралуу өкмөттөн билдиришти.

Мындай чечим президенттин "Кыргыз Республикасынын кен казып алуу тармагын реформалоо маселелери жөнүндө" жарлыгын ишке ашыруу максатында кабыл алынган.

"Ведомстволор аралык жумушчу топ жер казынасын пайдалануу объектилериндеги көйгөйлүү маселелерди чечүү үчүн иш-чаралар планын иштеп чыга алат. Ошондой эле зарыл болгон учурда меселени чечүү үчүн министрликтердин, административдик ведомстволордун, жергиликтүү мамлекеттик администрациялардын жана жергиликтүү өз алдынча башкаруу органдарынын кызматкерлерин, көз карандысыз эксперттерди жана коомдук активисттерди ишке тартууга укуктуу", — деп айтылат маалыматта.

Жер казынасын пайдалануу боюнча ыйгарым укуктуу мамлекеттик органдын жетекчисинин орун басары ведомстволор аралык жумушчу топтун төрагасы болуп саналат.

50
Белгилер:
кен, топ, жумушчу, жер казынасы
Тема боюнча
"Кумтөрдү" Акылбек Жапаров жетектеген мамлекеттик комиссия текшермей болду
Депутаттар "Кумтөрдүн" ишин текшере турчу комиссия түздү. Курамына киргендер
Улуттук банк. Архив

Улуттук банктын эсептик чени көбөйдү. Чоо-жайы

102
(жаңыланган 15:12 24.02.2021)
Эсептик чен — бул Улуттук банк коммерциялык банктарга берген насыянын пайыздык өлчөмү. Акыркы жолу ал 2015-жылы 5,5 пайызга көтөрүлүп, андан кийин төмөндөтүлүп гана келген.

БИШКЕК, 24-фев. — Sputnik. Улуттук банк эсептик ченди 5,5 пайызга чейин жогорулатуу чечимин кабыл алды. Бул тууралуу маалымат башкы банктын расмий сайтына жарыяланды.

Көрсөткүч жарым пайызга жогорулап, 5 пайыздан 5,5 пайызга көтөрүлдү.

Эсептик чен — бул Улуттук банк коммерциялык банктарга берген насыянын пайыздык өлчөмү. Ал канчалык жогору болгон сайын коммерциялык мекемелер дагы элге берген насыянын пайызын жогорулатат. Эсептик чен-өлчөмдү инфляцияны ооздуктоо максатында жогорулатышат. Бирок экономиканын өсүү ыргагы төмөндөйт.

Улуттук банк пандемиядан улам эл аралык сооданын көлөмү төмөндөшү байкалып, дүйнөлүк рынокто олку-солку жагдай сакталып тургандыгын белгилейт. Бул фактор дүйнөлүк экономиканы ооздуктап тургандай эле Кыргызстандын экономикасынын өнүгүшүнө да терс таасирин тийгизгени айтылды.

Дүйнөлүк рынокто баалардын өсүшүнөн улам Кыргызстанда дагы инфляция өскөнү байкалган (2020-жылдын февралынан ушул жылдын февралына чейин 10,2 пайыз). Инфляциянын өсүүсү жылдын орто ченине чейин тездеп, андан соң акырындык менен турукташып жыл соңунда бир калыпка келери болжолдонууда.

Соода боюнча өнөктөш өлкөлөрдүн экономикасынын акырындап калыбына келиши күтүлүүдө, бул орто мөөнөткө каралган келечекте тышкы талапты камсыз кылуу үчүн республикада экономикалык жигердүүлүктүн жогорулашына өбөлгө түзөт.

"Дүйнөлүк товардык-чийки зат рыногунда баалардын өсүшү Кыргызстанда да керектөө бааларынын жакынкы мезгил аралыгында жогорулашынын сакталып турушун шарттайт. Тышкы чөйрөнү өнүктүрүү өбөлгөлөрүн жана ички экономикалык шарттарды эске алуу менен Улуттук банк пайыздык ченди 5,5 пайызга чейин жогорулатуу чечимин кабыл алды. Кандайдыр бир тобокелдиктер келип чыккан учурда Улуттук банк учурдагы акча-кредит саясатына түзөтүү киргизүү мүмкүнчүлүгүн жокко чыгарбайт", — деп белгиледи Улуттук банк.

Эске салсак, 2015-жылы дагы 5,5 пайызга көтөрүлүп, андан кийин төмөндөтүлүп гана келген. Акыркы жолу эсептик чен өткөн жылдын февраль айында 4,25 пайыздан 5ке көбөйгөн болчу.

102
Белгилер:
Улуттук банк, эсептик үстөк пайыз
Тема боюнча
БУУ Кыргызстанга ири суммада каражат бермей болду. Кайда жумшалат?
Былтыркы жылдын тогуз айында кыргызстандыктардын кирешеси 5%га азайды
Жолдогу жүк ташуучу унаа. Архив

Таңкы 6га чейин жабылды. Өлкөдөгү эки ири жолго чектөө киргизилди

0
(жаңыланган 00:53 25.02.2021)
Жолду көчкү кооптуулугунан улам жабууга Жарандык коргонуу башчысы-премьер министр бүгүн буйрук берген.

БИШКЕК, 25-фев. — Sputnik. Бишкек — Ош жолунда кар көчкү түшүү коркунучу бар болгондуктан Жайыл, Токтогул райондорундагы жана Суусамыр — Талас — Тараз унаа жолунун Талды-Булак айылындагы посттор 25-февраль таңкы саат 06:00гө чейин убактылуу жабылды. Бул тууралуу ӨКМдин маалымат кызматынан кабарлашты.

Бул премьер-министрдин буйругунун негизинде болгон.

"Бишкек — Ош жолунда кар көчкү түшүү коркунучу болгондуктан Жайыл районунун Сосновка, Токтогул районунун Арал постторунда жана  Суусамыр — Талас — Тараз жолунун Талды-Булак айылындагы постунда автоунаалардын бардык түрүнө таңкы саат 06:00гө чейин убактылуу чектөө киргизилди", — деп кабарлаган ӨКМ.

Эске салсак, Бишкек — Ош жолунун 132-чакырымында көлөмү болжол менен 1800 м3 кар көчкү түшкөндүктөн учурда жол жабылган.

0
Белгилер:
көчкү, Бишкек - Ош жолу, Жайыл району, Токтогул району, Кыргызстан
Тема боюнча
Көчкү түшүп, Бишкек — Ош жолу убактылуу жабылды