Киши май куюучу жайда. Архив

Кыргызстанда мартта күйүүчү май 10%га чейин кымбатташы мүмкүн. Себеби

231
(жаңыланган 11:14 16.02.2021)
Ассоциациядан баанын жогорулашын жөнгө салуу саясатын жүргүзүү жана кескин өзгөрүүлөргө жол бербөө аракети көрүлүп жатканын айтышты.

БИШКЕК, 16-фев. — Sputnik. Ушул жылдын март айында Кыргызстанда күйүүчү майдын баасы 9-10 пайызга кымбатташы мүмкүн. Бул тууралуу Нефтетрейдерлер ассоциациясынан билдиришти.

"Республиканын аймагындагы күйүүчү май, ага болгон суроо-талапты жана Россиядагы заводдордогу бааларды анализдеп көрүп, март айында кара майдын баасы орто эсеп менен 9-10 пайызга кымбатташы ыктымал деген бүтүмгө келдик", — деп айтылат билдирүүдө.

Ошол эле учурда нефтетрейдерлер баанын мынчалык кескин кымбатташына жол бербөө боюнча аракеттер көрүлүп жатканын кошумчалашты.

231
Белгилер:
кымбаттоо, баа, бензин, Кыргызстан
Тема боюнча
Мунайдын баасы дагы канча убакыт кымбаттайт? Саресеп
Өкмөттүн имараты. Архив

Өкмөттүн биринчи кезекте аткара турган 100 күндүк иш планы жарыяланды

91
(жаңыланган 20:34 26.02.2021)
Өкмөттүн планында калк үчүн жагымдуу шарт түзүү, бизнес, коомчулуктун актуалдуу суроолоруна реакция кылуу, бюджеттин киреше бөлүгүн толтуруу сыяктуу маселелер камтылган.

БИШКЕК, 26-фев. — Sputnik. Өкмөт алдыдагы 100 күндүн ичинде аткарыла турган планын бекитти.

План президент Садыр Жапаровдун жарлыктары менен премьер-министр Улукбек Мариповдун министрлерге койгон тапшырмаларынын алкагында түзүлгөн.

Өкмөттүн маалымат кызматынан билдиришкендей, белгиленген долбоорлор менен программалар бюджеттин эсебинен жана донорлордун колдоосу менен ишке ашат.

План калк үчүн жагымдуу шарт түзүү, бизнес, коомчулуктун актуалдуу суроолоруна реакция кылуу, бюджеттин киреше бөлүгүн толтуруу сыяктуу блокторго бөлүнгөн.

Документте 50 иш-чара камтылган.

Пландагы негизги маселелер:

  • Өзгөчө статус берүү маселесин эске алуу менен Баткен облусунун өнүктүрүү программасын кабыл алуу. Анын ичинде инфраструктуралык долбоорлорду өнүктүрүү дагы бар (1-июнга чейин);
  • 1-майдан 31-августка чейин Кыргызстандын жарандарынын айрым категориясына акысыз ID-карт берүү боюнча улуттук кампания өткөрүү;
  • 2020-жылдын үлгүсүндөгү электрондук жалпы жарандык паспортторду, электрондук ID-карттарды, электрондук айдоочунун күбөлүгүн, транспорттук каражатты каттоо жөнүндө электрондук күбөлүгүн ишке киргизүү;
  • Айрым консулдук кызматтардын баасын 10дон 30 пайызга чейин төмөндөтүү (15-мартка чейин);
  • Чүй облусунда авто Калкты тейлөө борборун ачуу (1-июнга чейин);
  • 1-майга чейин электрондук ID карталарды, электрондук айдоочулук күбөлүктөрдү, транспорт каражатын каттоо жөнүндө электрондук күбөлүктөрдү киргизүү;
  • 1-апрелге чейин Кыргызстандын аймагында электрондук паспорт системасын киргизүү жана транспорт каражаттарын электрондук паспорт менен тариздөө;
  • 10-июнга чейин Электрондук кызмат көрсөтүүлөр мамлекеттик порталында жайгаштырылган кызмат көрсөтүү жана тейлөөнүн санын көбөйтүү;
  • 1-июнга чейин Бишкек шаарында ишкерлерди жана салык төлөөчүлөрдү анын ичинде экспорттоочуларды тейлөө боюнча көп функциялуу борборду түзүү жөнүндө өкмөттүн чечим долбоорун иштеп чыгуу;
  • 1-мартка чейин жер-жерлерде жаштардын потенциалын өнүктүрүү үчүн 8 пилоттук муниципалитетте жаштар борборлорун ачуу;
  • 10-июнга чейин республиканын 7 айылында ичүүчү суу менен камсыздоо системаларын куруу жана кайра калыбына келтирүү;
  • 10-майга чейин бал чарбачылык азыктарын коопсуз өндүрүүгө байкоо жүргүзүү системасын түзүү;
  • 1-майга чейин гуманитардык жардамды эсепке алуунун маалыматтык системасын иштеп чыгуу жана киргизүү;
  • 1-апрелге чейин Кыргызстандын аймагынан дары каражаттарын жана медициналык буюмдарды ташып чыгууга убактылуу тыюу салууну киргизүү;
  • 1-майга чейин жарманкелерди өткөрүү үчүн Бишкек жана Ош шаарларынын ар бир районунда атайын бөлүнгөн аянттарды камсыздоо;
  • 1-майга чейин лизинг программасы боюнча "Айыл Банк" ААК аркылуу айыл чарба техникаларын фермерлерге берүү.

Документтин толук тексти менен өкмөттүн сайтынан окуңуздар. Ал жактан иш-чаралардын планын көчүрүп алууга болот.

91
Белгилер:
план, өкмөт, Кыргызстан
Тема боюнча
Трайбализмди жок кылабыз. Марипов акимдерди ротациялап, аттестациядан өткөрөт
Садыр Жапаровдун чет өлкөгө жасаган биринчи сапарынын жыйынтыгы. Сереп
Жылкылар. Архив

Кыргызстанга миңдеген малды мыйзамсыз алып өтүү аракетине бөгөт коюлду

111
(жаңыланган 17:10 26.02.2021)
КРге мал алып келе жаткандардын жанында салыктык каттоо жөнүндө маалым каты жана башка коштоочу документтери болгон эмес.

БИШКЕК, 26-фев. — Sputnik. Казакстандан Кыргызстандын аймагына 10 күндүн ичинде миңдеген малды мыйзамсыз алып өтүү аракетине бөгөт коюлду. Бул тууралуу Салык кызматынан билдиришти.

Маалыматка караганда, импорттоочуларда товарды ташып келүүгө салыктык каттоо жөнүндө салык органынын маалым каты жана башка коштоочу документтери болгон эмес.

"Тактап айтканда, 10 күндүн ичинде 847 баш ири мүйүздүү малды, 62 майда жандык, 120 жылкыны жана 36 миң 200 балапанды Кыргызстандын аймагына мыйзамсыз алып өтүүгө аракет жасашкан", — деп айтылат маалыматта.

Материалдар мыйзамга ылайык чара көрүү үчүн мобилдүү топко берилди.

111
Белгилер:
бузуу, мыйзам, чек ара, мал, Кыргызстан
Тема боюнча
Кыргызстан мал сатууну эселеп көбөйткөн. Былтыркы статистика
Башкы прокуратуранын имараты. Архив

Башкы прокуратура ишкерлер үчүн күнү-түнү жооп берген ишеним номерлерин жарыялады

0
(жаңыланган 22:35 26.02.2021)
Ишеним телефону жеке ишкердик субъектилеринин ишине укук коргоо, фискалдык жана контролдоочу органдардын негизсиз кийлигишүүсү, ошондой эле менчик ээлеринин укуктарынын бузулуусу боюнча кайрылууларды кабыл алары маалым болду.

БИШКЕК, 26-фев. — Sputnik. Башкы прокуратура ишкерлер үчүн күнү-түнү жооп бере турган ишеним телефон номерлерин жарыялады. Бул тууралуу аталган мекеменин маалымат кызматы кабарлады.

"Мамлекет башчы Садыр Жапаровдун "Менчикти коргоо жана ишкерлер менен инвесторлорду колдоо жөнүндөгү" жарлыгын аткаруу максатында ишеним телефону иштеп баштады", — деп айтылат маалыматта.

Эми ишкерлер күнү-түнү (0312) 88-90-33 номерине чала алышат.

Ишеним телефону жеке ишкердик субъектилеринин, чакан бизнестин ишине укук коргоо, фискалдык жана контролдоочу органдардын негизсиз кийлигишүүсү, ошондой эле менчик ээлеринин укуктарынын бузулуусу боюнча кайрылууларды кабыл алары маалым болду. 

0
Белгилер:
текшерүү, ишкердик, ишеним телефону, Башкы прокуратура, Кыргызстан
Тема боюнча
Дарыканаларды текшерүүгө мораторий жоюлат. Мыйзам долбоору даярдалууда