Биткойн криптовалютынын сувенир монетасы. Архив

Биткоиндин баасы 50 миң долларга жакындап жаңы рекорд койду

109
Жекшемби күнү биткоин 49 707 доллар болуп турган. Бирок арзандап сегиз пайызга чейин түшүп кеткен болчу. Бүгүн анын баасы кайра өсүп кетти.

БИШКЕК, 16-фев. — Sputnik. Биткоин 49,7 миң долларга жетип тарыхый рекорд койду. Бул тууралуу РИА Новости алып-сатуулардын акыркы маалыматына таянып жазды.

20дан ашык биржадагы орточо бааны эсептеген CoinMarketCap порталындагы маалыматтарга караганда, эң популярдуу криптовалютанын наркы 5,43 пайызга жогорулап, башкача айтканда, 49 605 долларга жеткен.

Алып-сатуунун көлөмү боюнча алдыда турган Binance биржасында Бишкек убактысы боюнча саат 10:30га карата биткоиндин баасы 5,74 пайызга жетип же 49 541 долларга чейин барган. Андан бир мүнөт мурда эле көрсөткүч 49 998 долларга жеткен. Динамика бир сутка ичиндеги өзгөрүүлөрдү көрсөтөт.

Жекшемби күнү биткоин 49 707 долларды түзүп турган. Бирок анын баасы арзандап сегиз пайызга чейин түшүп кеткен эле.

109
Белгилер:
доллар, биткоин, биржа
Тема боюнча
Кыргызстандын алтын корунун баасы абсолюттук рекорд койду
Улуттук илимдер академиясынын президенти, академик Мурат Жуматаев

Жуматаев: ЕЭК илимди интеграциялоо үчүн бирдиктүү фонд түзүшү керек

16
(жаңыланган 12:16 26.02.2021)
Улуттук илимдер академиясынын президенти, академик Мурат Жуматаев Кыргызстанда илим финансылык маселеден улам артта калганын айтты.
Жуматаев: ЕЭК илимди интеграциялоо үчүн бирдиктүү фонд түзүшү керек

Евразия экономикалык комиссиясынын алдында илимий-техникалык кеңеш түзүлгөн. Үстүбүздөгү жылдын 17-февралында Москва шаарында аталган кеңештин президиумунун экинчи отуруму болуп өттү. Бул тууралуу Мурат Жуматаев Sputnik Кыргызстан радиосунун эфиринде маек куруп жатып билдирди.

Анын айтымында, иш-чарада академик ЕАЭБ өлкөлөрүнүн инновациялык экономикасын өнүктүрүү стратегиясына өтүү шартында илимий техникалык кеңештин мааниси жөнүндө презентация жасаган.

"Буга чейин мамлекет жетекчилерин декабрь айындагы кабыл алуусунда ЕЭКтин интеграциясынын негизги стратегиялык багыттары кабыл алынган эле. Экинчи отурумда бул боюнча талдоо болду. Стратегиялык 11 приоритеттүү багыт бар. Анын сегизинчи багыты илимий изилдөөлөрдү жүргүзүүнү интеграциялоо жөнүндө болчу. Биздин ЕЭКке киргенибизге беш жыл болуп калды. Анда мыйзамдарды бир нукка түшүрүп, бардык кагаз иштерин бирдей кылуу үчүн көп чечимдер кабыл алынган. Бирок бул чечимдерди ар бир өлкө ар башка түшүнүп, иш алып барууда. Илимий техникалык кеңештин түзүлүшүнүн себеби мына ушунда болуп жатат. Мунун алдында эксперттик кеңеш түзүлүп, ага ар бир өлкөнүн окумуштуулары кирди. Бардык багыттар боюнча аткарыла турган долбоорлор ушул жерде талкууланып, комисиянын алдынан өтүп, анан төрагага бериле турган болду. Мени кызыктырган нерсе, сегизинчи багыт илимий мекеменин интеграциясы болуп турат. Чын-чынына келгенде 30 жылдан бери Кыргызстанда илим финансылык маселеден улам артта калды. 16 жылдан кийин гана президент Илимдер академиясына келип кабар алды. Ал киши өкмөттүк чечимдер илимге негизделиши керек деп айтып, окумуштуулардын көңүлүн көтөрүп кетти. Бул отурумда да биз аябай чоң үмүт менен келгенибизди, ЕЭКтен чоң колдоо күтүп жатканыбызды айттым. Комиссиянын негизги максаты экономиканы теңдөө эмеспи. Экономика качан гана бардык мамлекеттин илим тармагы бирдей өнүккөндө теңелет. Ошондуктан илимий иштердин аткарылышынын механизми керек. Болбосо мурдагыдай эле иш улана берет", — деди Жуматаев.

Академик отурумда ЕЭК илимди интеграциялоо үчүн бирдиктүү фонд түзүп, илимий долбоордун маанилүүлүгүнө жараша каражат берилип, анан ишке ашырылышы керектиги тууралуу ачык айтылганын кошумчалады.

Толук вариантын төмөнкү шилтемеден угуңуздар:

16
Белгилер:
Отурум, ЕЭК, Евразиялык экономикалык биримдик, академия, илим, Мурат Жуматаев
Тема:
ЕАЭБдеги Кыргызстан
Тема боюнча
Кыргызстанда кыргыз-араб илим-изилдөө борборунун курулушу күтүлүүдө
Койлор жайлоого бара жатышат. Архив

Кыргызстан мал сатууну эселеп көбөйткөн. Былтыркы статистика

74
(жаңыланган 09:57 26.02.2021)
Бийлик былтыр ноябрда Борбор Азия өлкөлөрүнүн Кыргызстандан мал сатып алууга суроо-талабы күч болгондуктан жарым жылга экспорттоого тыюу салган.

БИШКЕК, 26-фев. — Sputnik. Узаган жылы 2019-жылга салыштырмалуу Кыргызстандан мал сатып алуу бир нечеге өстү. Бул тууралуу Улуттук статистика комитети билдирди.

Бодо мал менен майда жандыктар (кой, эчки) коңшу мамлекеттер Өзбекстанга жана Тажикстанга экспорттолгон.

2020-жылы 10,9 миң бодо мал сатылган, андан мурдагы жылы болсо 1,3 миң гана ири мүйүздүү мал экспорттолгон.

  • Тажикстан — 506 баш мал кеткен (2019-жылы 739);
  • Өзбекстан — 10 408 (2019-жылы 574).

Өткөн жылы 36 339 кой жана эчки сатылган, ал эми 2019-жылы болгону 5 075 жандык экспорттолгон. Бардыгын Өзбекстан алып кеткен.

Малды сатууга тыюу салуу

Белгилей кетсек, бийлик былтыр ноябрда Казакстанда, Өзбекстанда жана Тажикстанда Кыргызстандан мал сатып алууга суроо-талап күч болгондуктан жарым жылга экспорттоого тыюу салган. Буга алып сатарлар убакыттан пайдаланып бааны көтөрүп жибергени да себеп болгон. Бирок ошол кездеги айыл чарба министри Тилек Токтогазиев Кыргызстандан чет өлкөгө тирүү малды чыгарууга тыюу салынганына карабай күнүнө жүздөп, миңдеп өткөрүп кетип жатканын айтып чыккан.

74
Белгилер:
экспорт, мал, Кыргызстан
Тема боюнча
Кыргызстан былтыр 500 тонна бал саткан. Экспорттолгон мамлекеттер
Кыргызстан күнүнө Кытайга 60 тонна эт жөнөтө алабы? Министрдин билдирүүсүнө талдоо
Эркектер ортосундагы мушташ. Иллюстративдик сүрөт

Ленин РИИБдин жетекчи орун басары кайгуулчулар менен мушташканбы? ИИМдин жообу

0
(жаңыланган 12:11 26.02.2021)
Ички иштер министрлиги факты боюнча кызматтык териштирүүсүн баштады. Милиция окуя боюнча өзүнүн версиясын айтып берди.

БИШКЕК, 26-фев. — Sputnik. Бишкектин Ленин райондук ички иштер башкармалыгынын жетекчисинин О.Т. аттуу орун басары менен кайгуулчу милиционерлер ортосунда мушташ чыккан эмес. Бул тууралуу ИИМден билдиришти.

Буга чейин айрым ЖМКлар ишенимдүү маалымат булагына таянып, милиционерлер чырдаша кетишкенин жазышкан.

ИИМден билдиришкендей, 21-февраль күнү саат 00:05те Москва көчөсү менен Эркиндик проспектинин кесилишинде Кайгуул-күзөт кызматынын милиционерлери MVD218B номери тагылган Lada Priora үлгүсүндөгү кызматтык унааны токтотушкан.

"Рулду Ленин райондук ички иштер башкармалыгынын Криминалдык милиция кызматынын өкүлү мас абалында башкарып бараткан. Ал эми РИИБдин жетекчисинин Т.М. аттуу орун басары жүргүнчү катары бара жаткан", — дешти ИИМден.

Факты боюнча протокол түзүлгөнү белгиленди.

"Автоунаа айып короого токтотулду. Мушташ чыккан эмес. Ошондой эле РИИБ жетекчисинин орун басары рулду башкарып бараткан деген сөз калп", — деп айтылат маалыматта.

Учурда ички иликтөө кызматы окуянын чоо-жайын аныктап жатат.

0
Белгилер:
мушташ, унаа, милиция, РИИБ
Тема боюнча
Таласта жаш балдар топтошуп мушташа кетишти
Бишкекте Subaru түркүктү сүзүп, ал унаанын үстүнө кулаган. Кырсыктын видеосу