Гидроэлектр станциясы. Архив

Суусамырдагы гидроэлектр станциясынын техникалык негиздемесин түзүү пландалууда

102
(жаңыланган 16:21 17.02.2021)
Улуттук энергетикалык холдингдин өкүлү эки ири ГЭС каскадынын ири долбоорлору тууралуу айтып берди.

БИШКЕК, 17-фев. — Sputnik. Кыргызстан Суусамыр-Көкөмерен ГЭС каскадынын техникалык-экономикалык негиздемесин иштеп чыгууну пландап жатат. Бул тууралуу Улуттук энергетикалык холдингдин башкаруучулугунун төрагасынын кеңешчиси Чоробай Акунов билдирди.

Ал Ташкентте өткөн "Гидроэнергетика: Борбор Азия жана Каспий" аттуу эл аралык конгресс жана көргөзмөсүндө сөз сүйлөдү.

"Суусамыр-Көкөмерен ГЭСинин кубаттуулугу 1 305 мегаваттка жеткидей кылып техникалык-экономикалык негиздемесин түзүүнү пландап жатабыз", — деди Акунов.

Ошондой эле ал Казарман ГЭС каскады боюнча дагы кеп козгоп, бирок негиздеме түзүлгөн-түзүлбөгөнүн тактаган жок.

Белгилей кетсек, 2011-жылы Кыргызстан кытайлык компания менен Суусамыр жана Көкөмерен дарыяларына ГЭС куруу боюнча протоколго кол коюуну пландаган.

Беш жыл мурун Улуттук энергохолдингдин презентациясында ГЭСтердин төмөнкү параметрлери айтылган:

Суусамыр-Көкөмерен каскады — жалпы кубаттуулугу 1305 мегаватты түзгөн үч гидроэлектр станциясы бир жылда болжол менен 3,3 миллиард киловатт-саат электр энергиясын өндүрөт (баасы — 3,3 миллиард доллардан ашык).

Казарман каскады — жалпы кубаттуулугу 1 160 мегаваттка жеткен үч станция бир жылда болжол менен 4,7 миллиард киловатт-саат электр энергиясын өндүрөт.

102
Белгилер:
Ташкент, Суусамыр, ГЭС, каскад, электр энергиясы
Тема боюнча
Нефтинин баасы январдан тарта дагы кымбаттады
Кыргызстанда мартта күйүүчү май 10%га чейин кымбатташы мүмкүн. Себеби
Премьер-министр Улукбек Марипов IT тармакта иштеген ишкерлер менен жолугушту.

Марипов IT бизнесинин өкүлдөрү менен жолугуп, бир нече убада берди

57
(жаңыланган 19:35 27.02.2021)
Өкмөт башчы мыкты кадрлардын өлкөдөн чыгып кетип жаткандыгы мамлекет тараптын кемчилиги экенин моюндады.

БИШКЕК, 27-фев. — Sputnik. Премьер-министр Улукбек Марипов IT тармакта иштеген ишкерлер менен жолугушту. Бул тууралуу өкмөттүн маалымат кызматы билдирди.

Өкмөт башчы өлкө экономикасынын өнүгүүсү үчүн IT тармагы маанилүү экенине токтолду.

  • Премьер-министр Кыргызской Республики Улукбек Марипов встретился с предпринимателями, работающими в IT-сфере.
    Премьер-министр Улукбек Марипов IT тармакта иштеген ишкерлер менен жолугушту.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов встретился с предпринимателями, работающими в IT-сфере.
    Өкмөт башчы өлкө экономикасынын өнүгүүсү үчүн IT тармагы маанилүү экенине токтолду.
    © Фото / Пресс-служба правительства / Алишер Алиев
1 / 2
© Фото / Пресс-служба правительства / Алишер Алиев
Премьер-министр Улукбек Марипов IT тармакта иштеген ишкерлер менен жолугушту.
"Бүгүнкү жолугушуу – бул өлкөдөгү ишкерликти, инвестицияны жана экспортту өнүктүрүү, ошондой эле ата мекендик бизнеске колдоо көрсөтүү маселелери талкууланган мурдагы жолугушуулардын уландысы катары саналат. Иштин 70 пайызы программалык камсыздоону иштеп чыгуу менен байланыштуу экендигин угуу кубанычтуу. Бизде программисттердин армиясы өсүп келе жатат, алардын көпчүлүк бөлүгү чет өлкөдө иштешет", — деди Марипов.

Ошондой эле ал мыкты кадрлардын өлкөдөн чыгып кетип жаткандыгы мамлекеттин кемчилиги экенин моюндады.

"IT тармакка тийиштүү көңүл бурулбай жаткандыгын моюнга алуу керек, бирок биз бул маселе боюнча абалды жана ага карата мамилени өзгөртүүгө ниеттенип жатабыз. Тактап айтканда, санариптештирүү менен алектенген мамлекеттик органдын макамын жогорулатуу пландаштырылууда. Жогорку кесипкөй кадрларды ишке тартуу менен бардык министрлик жана ведомстволордо IT жааты боюнча орун басар кызматын киргизүүнү болжоодобуз", — деди өкмөт башчы.

Ал жакын арада президенттин төрагалыгы астында чоң форум өткөрүлүп, санариптештирүү жана жаңы стратегияларды иштеп чыгуу маселеси талкууланарын белгиледи.

Өз кезегинде IT бизнестин өкүлдөрү дуушар болуп жаткан кыйынчылыктар тууралуу айтып беришти. Атап айтканда, мыйзам базасында көптөгөн чектөөлөр бар, бул себептен бир катар инвестициялык идеялар ишке ашпай калууда.

"Биз мамлекетке жардам берүүгө даярбыз, ошол эле учурда биз мамлекеттин колдоосун да сезгибиз келет. Тилекке каршы, мамлекеттик органдардагы кадрдык алмашууларга байланыштуу институционалдык эс тутум жок. Бул санариптештирүүнү өнүктүрүүгө жагымсыз таасирин тийгизүүдө. Бизнес өкүлдөрү бир эле план жана милдеттерди жаңы дайындалган жетекчилерге бир нече ирет кайталап айтып берүүгө аргасыз болууда. Мындан тышкары, ишкерлерге жана инвесторлорго басым жасоолорду четтетүү керек", — деп айтышкан IT бизнестин өкүлдөрү.

Жыйынтыгында өкмөт башчы биринчи кезекте санариптештирүүнүн мыйзамдык жаатындагы маселелерди чечүүгө  убадасын берди.

57
Белгилер:
жолугушуу, бизнес, IT, өкмөт башчы, Улукбек Марипов
Тема боюнча
Марипов: бизнесмендер менен күнү-түнү байланышууга даярмын. Сүрөт
Жазгы талаа иштери. Архив

Баткенде айыл чарбаны өнүктүрүүгө жеңилдетилген насыя бериле баштады

59
Өткөн жылы облус боюнча "Айыл Банк", "РСК Банк" тарабынан 914 ишкер мамлекеттен 432 миллион 50 миң сом жеңилдетилген насыя алышкан.

БИШКЕК, 27-фев. — Sputnik. Баткен облусундагы дыйкан, фермер, багбандар жана айыл чарба продукциясын кайра иштетүүнү каалаган өндүрүшчүлөргө жеңилдетилген насыялар бериле баштады. Бул тууралуу өкмөттүн облустагы ыйгарым укуктуу өкүлүнүн маалымат кызматы билдирди.

Арзан насыялар айыл чарба иштерин өз убагында жүргүзүүдө, айылдык товар өндүрүүчүлөргө мамлекеттик колдоо көрсөтүү максатында "Айыл чарбасын каржылоо-9" долбоорунун алкагында берилет.

"Алты жана он пайыздык насыялар дыйканчылыкка, мал чарбасына, багбанчылык жана кайра иштетүүгө, ишкердик субъектилерин каржылоого, лизингге техника алууга берилет. Аймактын климаттык шартына ыңгайлуу, мисалы, суу таңкыс аймактарда тамчылатып сугаруу боюнча сунуштар колдоого алынат жана органикалык айыл чарба продукцияларын өндүрүүгө артыкчылыктар берилет", — деп айтылат маалыматта.

Жеңилдетилген насыя алууну каалагандар Баткен облусундагы "Айыл Банк", "РСК Банк", KICB, "Оптима", "Кыргызстан" банктарына кайрылса болот.

Белгилей кетсек, 2020-жыл ичинде облус боюнча "Айыл Банк", "РСК Банк" тарабынан 914 ишкер мамлекеттен 432 миллион 50 миң сом жеңилдетилген насыя алышкан.

Ошондой эле 20 ишкер мамлекеттен лизингге техника алса, 10 ишкер кайра иштетүү багытында насыя алып, чакан ишкерлик баштаган.

59
Белгилер:
айыл чарба, жеңилдетилген насыя, Баткен облусу
Тема боюнча
Жеңилдетилген насыя берилет. "Айыл чарбасын каржылоо" долбоору уланары айтылды
Кыргызстанда ипотеканын баштапкы төлөм маселесин кантип чечсе болот. Варианттар
Президент Садыр Жапаров көрүнүктүү мамлекеттик жана коомдук ишмер Күлүйпа Кондучалованын 100 жылдыгына арналган салтанаттуу иш чарада

Жапаров Кыргызстанда "Манас" театрын ачуу пландалып жатканын айтты

25
(жаңыланган 22:03 27.02.2021)
Президент Садыр Жапаровдун айтымында, улуттук маданиятты өнүктүрмөйүн элдин жашоо-шартын жакшыртууга болбойт.

БИШКЕК, 27-фев. — Sputnik. Кыргызстанда "Манас" театрын ачуу пландалып жатат. Бул тууралуу президент Садыр Жапаров көрүнүктүү мамлекеттик жана коомдук ишмер Күлүйпа Кондучалованын 100 жылдыгына арналган салтанаттуу иш-чарада сүйлөп жатып айтты.

Мамлекет башчы алдыда "Манас" эпосун даңазалоо боюнча атайын программа иштеп чыгуу жана каржы булагын табуу милдети турганын белгиледи.

"Манас" театрын ачуу боюнча алгачкы кадамдар жасалууда. Анын жардамы менен мамлекет манасчыларга кам көрүп, аларды бириктирип, ушул өнөрдү жайылтат", — деди Жапаров.

Ал ошондой эле "Манас" эпосу темасы ар бир театрдын репертуарында болушу керектигин белгиледи.

Премьер-министр Улукбек Марипов IT тармакта иштеген ишкерлер менен жолугушту.
© Фото / Пресс-служба правительства / Алишер Алиев
"90-жылдары театр жана көңүл ачуучу мекемелеринин баары бош калган мезгил болгон. Азыркы тапта адамдарда руханий муктаждыктан улам театрга кызыкчылык бар. Биздин театрлар заманбап спектаклдерди, сахна концерттерин тартуулап, көрүүчүлөрдү өзүнө тартып туруусу учурдун талаптарынын бири болуп турат", — деди президент.

Өлкө башчы маданият тармагынын өкүлдөрүнө кайрылып, театрларды эффективдүү иштетүүнүн жолун таап, алардын чыгармачылыгын өстүрүү башкы милдет экенин айтты.

Жапаровдун белгилешинче, улуттук маданиятты өнүктүрмөйүн элдин жашоо-шартын жакшыртууга болбойт. Ал заманбап таланттуу акындардын, жазуучулардын жана композиторлордун жаңы чыгармалары элге керек болуп турганын белгиледи.

25
Белгилер:
театр, Манас, Садыр Жапаров, Кыргызстан
Тема боюнча
Дүйнөлүк театр искусствосунун улуу актрисасы. Сейдакматовага жазылган некролог
Москвадагы театралдык окуу жай кыргызстандыктарды кабыл алат. Талаптары