Унаа жолу. Архив

ЕАЭБде бирдиктүү транспорт саясаты жүрөт. Долбоор макулдашуудан өттү

135
(жаңыланган 14:21 20.02.2021)
Жол картасында биримдикке кирген өлкөлөрдүн транспорттук мыйзамдарын бир системага алып келүү, электрондук транспорттук документтерди кабыл алуу жана евразиялык транспорттук коридорлорду өнүктүрүү боюнча айтылат.

БИШКЕК, 20-фев. — Sputnik. ЕАЭБдин 2021-2023-жылдарга карата транспорттук саясатынын жол картасынын долбоору макулдашылды. Бул тууралуу Евразия экономикалык комиссиясынын маалымат кызматынан билдиришти.

Штаб-квартирада биримдикке мүчө-өлкөлөрдүн транспорттук ведомстволорунун жетекчилеринин орун басарлары катышкан жыйын болуп, ага ЕЭКтин энергетика жана инфраструктура боюнча коллегия мүчөсү Эмил Кайкиев төрагалык кылды.

Чогулгандар эл аралык жүк ташууларды либералдаштыруу, темир жол транспорту жаатындагы маселелер жана ЕАЭБ өлкөлөрүнүн ичинде каттоо боюнча авиакомпанияларга бирдей шарт түзүп берүү маселелерин карашты.

"Жол картасында биримдикке кирген өлкөлөрдүн транспорттук мыйзамдарын бир системага алып келүү, электрондук транспорттук документтерди кабыл алуу жана евразиялык транспорттук коридорлорду өнүктүрүү, анын ичинде транспорт-логистикалык борборлорду ачуу боюнча айтылат. Ошондой эле ири габариттүү жана кооптуу жүктөрдү ташуу механизмдерин жакшыртуу сунуштары дагы бар", — деп жазылат билдирүүдө.

Долбоорду бекитүү маселеси 2021-жылдын биринчи жарым жылдыгына пландалууда.

135
Белгилер:
транспорт, долбоорлор, ЕЭК, Евразиялык экономикалык биримдик
Тема:
ЕАЭБдеги Кыргызстан (240)
Тема боюнча
Кыргызстан ЕАЭБдеги инвестициялык долбоорлордун тизмесин түзүүнү сунуштады
Жалпы газ рыногун кандай келечек күтөт? Тариф, кызыкчылыктар, аракеттер
Премьер-министр Улукбек Марипов Бишкекте өткөн айыл чарба жарманкесинде

Өкмөт суу май жана кумшекер өндүргөндөр менен түз келишим түзүүнү карап жатат

207
(жаңыланган 18:10 06.03.2021)
Премьер-министр азык-түлүк жарманкесине барды. Ал өкмөт бир катар азыктардын баасын кармап туруу үчүн бардык күч-аракетин жумшап жатканын белгилеген.

БИШКЕК, 6-мар. — Sputnik. Өсүмдүк майын жана кумшекер өндүрүүчүлөр менен түз келишим түзүү маселеси иштелип жатат. Бул тууралуу премьер-министр Улукбек Марипов Бишкекте өткөн айыл чарба жарманкесине барганда айтканын өкмөттөн кабарлашты.

Маалыматка ылайык, жарманкеге келгендер азык-түлүк баасынын жогорулашына жана анын пенсионерлер менен калктын аярлуу катмарына бөтөнчө сезилип жатканына тынчсызданган. Бааны жөнгө салуу боюнча мамлекеттик антимонополиялык кызматтын ишине да сын айтылган.

  • Премьер-министр Кыргызской Республики Улукбек Марипов во время посещения сельскохозяйственной ярмарки в Бишкеке.
    Өсүмдүк майын жана кумшекер өндүрүүчүлөр менен түз келишим түзүү маселеси иштелип жатат. Бул тууралуу премьер-министр Улукбек Марипов Бишкекте өткөн айыл чарба жарманкесине барганда айтканын өкмөттөн кабарлашты.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов во время посещения сельскохозяйственной ярмарки в Бишкеке.
    Маалыматка ылайык, жарманкеге келгендер азык-түлүк баасынын жогорулашына жана анын пенсионерлер менен калктын аярлуу катмарына бөтөнчө сезилип жатканына тынчсызданган.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов во время посещения сельскохозяйственной ярмарки в Бишкеке.
    Бааны жөнгө салуу боюнча мамлекеттик антимонополиялык кызматтын ишине да сын айтылган.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов во время посещения сельскохозяйственной ярмарки в Бишкеке.
    Премьер-министр келтирилген жүйөлөр менен макул болуп, учурда өкмөт бир катар азыктардын баасын кармап туруу үчүн болгон күч-аракетин жасап жатканын белгиледи.
    © Фото / Пресс-служба правительства / Алишер Алиев
  • Люди покупают товары в сельскохозяйственной ярмарке в Бишкеке
    Бишкекте өткөн айыл чарба жарманкеси
    © Фото / Пресс-служба правительства / Алишер Алиев
1 / 5
© Фото / Пресс-служба правительства / Алишер Алиев
Өсүмдүк майын жана кумшекер өндүрүүчүлөр менен түз келишим түзүү маселеси иштелип жатат. Бул тууралуу премьер-министр Улукбек Марипов Бишкекте өткөн айыл чарба жарманкесине барганда айтканын өкмөттөн кабарлашты.

Премьер-министр келтирилген жүйөлөр менен макул болуп, учурда өкмөт бир катар азыктардын баасын кармап туруу үчүн болгон күч-аракетин жасап жатканын белгиледи.

"Азык-түлүк коопсуздугу жана негизги тамак-аш азыктарынын баасын жөнгө салуу маселелери менин жеке көзөмөлүмдө турат. Жооптуу мамлекеттик органдарга өсүмдүк майын жана шекерди өлкөгө жеткирүү жана жеткиликтүү баада сатуу үчүн өндүрүүчүлөр менен түз келишимдерди түзүү маселесин иштеп чыгуу тапшырылды. Бул кадамдар өсүмдүк майынын жана кумшекердин баасынын бир аз төмөндөшүнө алып келиши керек. Эт азыктарына бааны жөнгө салуу боюнча зарыл болгон иштер жүргүзүлүп жатат. Өсүмдүк майын өндүрүүгө дараметибиз бар. Мен мурдараак кумшекер жана өсүмдүк майын иштетүү жана өндүрүү максатында кант кызылчасын жана күнкараманы айдоо аянтын кеңейтүүнү тапшыргам", — деди Марипов.

Ошондой эле ал өкмөттүн негизги максаты — тамак-аш азыктарында импорттун үлүшүн 50 пайызга чейин азайтуу болуп саналарын кошумчалады.

207
Белгилер:
май, Кумшекер, кымбаттоо, калк, баа, азык-түлүк, Улукбек Марипов, премьер-министр
Тема боюнча
Былтыр Кыргызстан 6 миң тонна грек жаңгагын экспорттоду. Алган өлкөлөр
Бензин 5 сомго кымбаттап кетти. Нефть ташуучулар себебин түшүндүрдү
Грек жаңгагы. Архив

Былтыр Кыргызстан 6 миң тонна грек жаңгагын экспорттоду. Алган өлкөлөр

116
Кыргызстандын эң белгилүү экспорттук продукциясын 16 өлкө сатып алган. Арасында Араб, Европа мамлекеттери бар.

БИШКЕК, 5-мар. — Sputnik. Өткөн жылы Кыргызстан 6 миң 335,9 тонна грек жаңгагын экспорттоду. Бул тууралуу Улуттук статистика комитети билдирди.

Мында чагылган жана кабыгы менен кошо сатылгандарынын баары кошулуп эсептелген. Жалпы баасы 9,3 миллион долларды түзөт.

Сатып алган өлкөлөр (тонна менен):

  • Афганистан — 44 ;
  • Азербайжан — 21,4;
  • Грузия — 19,5;
  • Германия — 29,6;
  • Индия — 3,1;
  • Иран — 8;
  • Ирак — 71,3;
  • Казакстан — 24;
  • Катар — 0,4;
  • Монголия — 3,2;
  • Молдова — 0,5;
  • БАЭ — 23;
  • Россия — 5 миң 401,4;
  • Түркия — 577,6;
  • Түркмөнстан — 103,9;
  • АКШ — 5.

2019-жылы жалпы баасы 6,2 миллион долларлык 8,2 миң тонна грек жаңгагы экспорттолгон.

116
Белгилер:
чет өлкө, сатуу, экспорт, жаңгак
Тема боюнча
Кыргызстан мал сатууну эселеп көбөйткөн. Былтыркы статистика
Кыргызстан былтыр 500 тонна бал саткан. Экспорттолгон мамлекеттер
Кыргызстан былтыр 987 млн. долларлык алтын экспорттоду
Жеңил атлетчилер марафон учурунда. Архив

Кыргызстандык жеңил атлетчилер Беларуста бир нече медаль алышты

0
(жаңыланган 00:16 08.03.2021)
Аталган спорттук иш-чарада кыргызстандык спортчулар баш-аягы эки алтын, бир күмүш жана үч коло медаль алышты.

БИШКЕК, 8-мар. — Sputnik. Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды. Бул тууралуу КРдин Жеңил атлетика федерациясынан билдиришти.

Кыргызстанские легкоатлеты во время соревнований в Беларуси
© Фото / пресс-служба федерации легкая атлетика КР
Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды

Маалыматка ылайык, Минск шаарындагы мелдеште узундукка секирүү боюнча Светлана Майер биринчи орунга жетип алтын медалга татыган. Анастасия Бондаренко 200 жана 60 метрге чуркап коло менен күмүш медаль алса, ал эми Артем Слесаренко 60 метрге чуркап коло медалга ээ болгон.

Дагы бир жөө күлүк Калыс Таштанов 1500 метр аралыкта марага биринчи жетип алтын, 800 метр аралыкта үчүнчү келип коло медалды байге куржунуна салган.

Аталган спорттук иш-чарада кыргызстандык спортчулар жалпы эки алтын, бир күмүш жана үч коло медаль алышты. 

0
Белгилер:
медаль, мелдеш, жеңил атлетика, Беларусь
Тема боюнча
Надыров: Ысык-Көл марафонунун байге фонду 1 млн. 44 миң сомду түзөт
ШКУнун эл аралык марафону 15-майда Чолпон-Ата шаарында старт алат