Фура менен товар ташуу. Архивдик сүрөт

Кыргызстанда импорттун көлөмү былтыр кыйла кыскарган

55
(жаңыланган 19:01 11.03.2021)
Экономика жана каржы министрлигинин өкүлү пандемияда ишкерлердин башынан өткөн көйгөйлөр тууралуу айтып, экономиканы калыбына келтирүү үчүн кандай чара колдонуу керектигине токтолгон.

БИШКЕК, 11-мар. — Sputnik. Былтыр Кыргызстанда импорттун көлөмү төрттөн бир бөлүккө кыскарды. Бул тууралуу экономика жана каржы министринин экономикалык саясат башкы башкармалыгынын начальниги Алмаз Абдекиров билдирди.

Ал Sputnik маалымат борборунда өткөн Москва — Минск — Бишкек — Кишинев — Нур-Султан видеокөпүрө форматындагы иш-чарага катышкан.

Адистин айтымында, пандемия учурунда ишкерлер чек ара жабылганда жана ата мекендик өндүрүш үчүн сырьё издегенде абдан кыйналышкан.

"Биринчи айларда ишкерлер сырьёну алмаштыра турган нерсе таппай дүрбөлөңгө түшкөн. Былтыр Кыргызстанда импорт 26 пайызга кыскарды", — деди Абдекиров.

Ал бюджетке өбөлгө түзүү менен иш активдүүлүгүн бир калыпта кармап калышканын белгилеген. Былтыркы жылдын жыйынтыгы боюнча ички дүң продукция 8,6 пайызга азайган. Мындан сырткары, модератор спикерлерден, анын ичинде Абдекировдон кризисти жеңип, экономиканы калыбына келтирүү үчүн кандай чара колдонуу керектигин сураган.

Анда экономика жана каржы министрлигинин өкүлү төмөндөгүлөрдү сунуштаган:

  • Өнөр жай кооперациясынын импульсун күчөтүү;
  • Өз ара соода-сатыкта тоскоолдуктарды кыскартуу;
  • КМШ өлкөлөрү электрондук сооданы көзөмөлдөө боюнча жалпы бир позиция иштеп чыгуусу керек.
55
Белгилер:
экономика, Кыргызстан, импорт, бюджет
Тема боюнча
Бензинди сыртка ташууга тыюу салуу бааны ооздуктай алабы. Талдоо
АКШ долларынын белгиси. Архив

Россияда доллар жайдан бери алгачкы жолу 71 рублге түштү

60
(жаңыланган 14:51 16.10.2021)
Нефтинин кымбаттаганына байланыштуу Россия акчасынын наркы көтөрүлүп бара жатат. Учурда Brent үлгүсү 1,1 пайызга кымбаттап, баасы 84,7 долларга жетти.

БИШКЕК, 16-окт. — Sputnik. Доллардын курсу июль айынан бери алгачкы ирет 70,99 рублге түштү. Бул тууралуу РИА Новости жазды.

Нефтинин кымбаттаганына байланыштуу Россия акчасынын наркы көтөрүлүп бара жатат. Учурда Brent үлгүсүндөгү баасы 1,1 пайызга кымбаттап, 84,7 долларга жетти.

15-октябрь күнү доллар 59 тыйынга арзандады. Аналитиктердин айтымында, рублдин баасынын көтөрүлүп жатканына күйүүчү майдын кымбатташы жана QE программасынын алкагында чыгарылган баалуу кагаздарды сатып алуунун көлөмүнүн азайышы себеп болууда.

QE — Улуттук банктын өлкө экономикасына колдоо көрсөтүү максатында жасаган иш-аракеттер жыйындысы.

60
Белгилер:
Россия, доллар, рубль
Тема боюнча
Сегиз айда Кыргызстандан 335 млн. доллардан көп акча сыртка чыкты
Коммуналдык кызмат үчүн квитанция жана акча. Архив

Электр энергиясы менен жылуулукка канча төлөйбүз? Күчүнө кирген жаңы тарифтер

599
(жаңыланган 13:23 16.10.2021)
Быйыл Кыргызстанда калк үчүн электр энергиясынын жана жылуулуктун тарифтери мурдагы деңгээлинде калтырылган.

БИШКЕК, 16-окт. — Sputnik. Энергетика жана өнөр жай министрлиги "Кыргыз Республикасынын 2021-2025-жылдарга карата электр энергиясына орто мөөнөттүү тарифтик саясатын бекитүү жөнүндө" токтомуна ылайык, 15-октябрдан тартып электр жана жылуулук энергиясы үчүн кандай тариф белгиленгенин маалымдады.

Калк үчүн тарифтер төмөндөгүдөй:

  • калк үчүн бир киловатт-саат электр кубаты 77 тыйынды түзөт. 700 киловатт-сааттан ашса 2,16 сомдон эсептелет;
  • бийик тоолуу аймакта жана шарты катаал жерлерде жашагандар үчүн чектөө коюлбайт, жыл бою мындагылар 0,77 сомдон төлөшөт;
  • суу чыгаруу менен алектенген станциялар бир киловатт-саат электр энергиясы үчүн 1,09 сомдон (салыктарды эске албаганда) төлөшү керек;
  • электр транспорту, балдар интернаттары, карылар жана майыптар үйлөрү, диний мекемелер бир киловатт-саат электр энергиясына 1,68 сомдон (салыктарды эске албаганда) төлөшү керек;
  • башка мекемелер бир киловатт-саат электр энергиясына 2,52 сомдон (салыктарды эске албаганда) төлөшү керек;
  • майнинг-фермалар, алтын, металл иштеткен фабрикалар жана ичимдик өндүргөн ишканаларга бир киловатт-саат электр энергиясын 2,52 сомдон сатуу сунушталып жатат. Бирок белгиленген коэффициенттен ашып кеткен учурда 5,04 сомдон төлөшү керек болот;
  • куюучу, эритүүчү цехтер бир киловатт-саат электр энергиясын 3,78 сомдон алат (салыктарды эске албаганда);
  • цемент заводдору бир киловатт-саат электр энергиясын 3,28 сомдо сатып алат (салыктарды эске албаганда).

2021-жыл жылуулук тарифтери:

  • калк үчүн жылуулук энергиясы үчүн тариф бир гигакалориясы 1 134,76 сом болуп сакталат;
  • ысык суу үчүн тарифи бир гигакалориясы 981,76 сом деңгээлинде сакталат.

Калган колдонуучулар үчүн сунушталып жаткан тариф:

  • жылуулук энергиясы үчүн тариф — бир гигакалориясы 1 802 сом (азыркы баасы 1 695,1 сом);
  • ысык суу үчүн тариф — бир гигакалориясы 1 802 сом.
599
Белгилер:
Кыргызстан, электр энергиясы, ысык суу, жылуулук, баа, тариф
Тема боюнча
Эт — 440, суу май — 131 сом. Бишкекте дем алыш күндөрү өтчү жарманкедеги баа

Кыргызстандагы алдыңкы 10 жолтандабас менен кроссовердин баасы кандай өзгөрдү

0
Ар апта сайын Sputnik Кыргызстан колдон алынган автоунаалардын баасы тууралуу маалымат берет. Бул жолкусунда эл оозундагы жолтандабас менен кроссоверлердин наркына баам салдык.
Өлкөдөгү өтүмдүү жол тандабас  менен кроссоверлердин баасы

Өтүмдүү автоунаалардын алдыңкы ондугуна төмөнкүлөр кирди:

  • Lexus GX 470;
  • Honda CR-V;
  • Toyota RAV4;
  • Lexus RX 350;
  • Volkswagen Touareg;
  • Subaru Forester;
  • Toyota Landcruiser;
  • Kia Sportage;
  • Hyundai Santa Fe.

Инфографикада жылы жаңы автоунаалардын баасы көрсөтүлдү. Биз сатуучулар сураган баанын орточо ченин беребиз. Демек, баа дал ушундай деп айтууга болбойт.

Тизмедеги автолордун басымдуу бөлүгү орточо 200-1500 долларга кымбаттаган. Бул Lexus GX 470, Lexus RX 350, Honda CR-V, Toyota Landcruiser жана башка.

Ал эми Volkswagen Touareg менен Toyota RAV4 орточо 200-500 долларга арзандаган.

0
Белгилер:
автоунаа, базар, баалар, соода
Тема боюнча
Бишкектеги батирлердин сентябрдагы ижара акысы