Кыргызстандын өлкө башчысы Садыр Жапаров Өзбекстанга болгон мамлекеттик сапарында президенти Шавкат Мирзиёев менен

Үңкүр-Тоо, темир жол, инвестиция. Жапаровдун Өзбекстанга болгон сапарынын жыйынтыгы

758
(жаңыланган 14:51 13.03.2021)
Президенттин маалымат катчысы Жапаровдун Өзбекстанга болгон мамлекеттик сапары жемиштүү болгонун белгилеген.

БИШКЕК, 13-мар. — Sputnik. Өлкө башчы Садыр Жапаров Өзбекстанга болгон мамлекеттик сапарында коңшу мамлекет менен жалпы суммасы 127,6 миллион долларды түзгөн бир катар инвестициялык жана соода келишимдерге кол коюшту. Бул тууралуу президенттин маалымат катчысы Галина Байтерек билдирди.

Ал мамлекеттик сапар жемиштүү болгонуна токтолуп, кандай маселелер чечилгенин айтып берген.

"Өзбекстанга болгон иш сапар, албетте, жемиштүү болду. Садыр Жапаров менен Шавкат Мирзиёевдин жолугушуулары кыргыз-өзбек мамилелерин калыбына келтирип, кызматташуунун жаңы сапаттык деңгээлин түптөдү деп айтууга болот. Өзбек ЖМКлары бул сапарга жогорку баасын беришти", — деди Байтерек.

Мамлекеттик сапардын жыйынтыгы:

— Өнөр жай кызматташтыгы жаатында практикалык иш-чаралардын планы ("Жол картасы") түзүлүп, жалпы суммасы 550,4 миллион долларды түзгөн 60 долбоорду ишке ашыруу каралды;

— Жакынкы аралыкта кыргыз-өзбек өнүктүрүү фонду түзүлүп, анын уставдык капиталы алгач 50 миллион долларды түзүп, андан кийин 200 миллион долларга чейин көбөйөт. Аталган фонддун алкагында агроөнөр жай комплекси, тигүү жана текстиль өнөр жайы, кайра иштетүү өнөр жайы, тоо-кен жана металлургиялык өнөр жай, транспорт, турак жай куруу, соода, бизнести өнүктүрүү, энергетикалык комплекс, туризм боюнча кызматташуу жүргүзүлөт;

— Жалпысынан 22 документке жана президенттердин биргелешкен билдирүүсүнө кол коюлду, алар билим берүү, саламаттык сактоо, маданият, соода-экономикалык жана инвестициялык кызматташтык, өзгөчө кырдаалдарды алдын алуу жаатында өз ара аракеттенүү, эки мамлекеттин тең керектөөчүлөрүнүн энергетикалык коопсуздугун камсыз кылуу тармактарын камтыйт;

— Кыргыз-өзбек мамлекеттик чек арасын делимитациялоо жана демаркациялоо маселелери боюнча ишти жакынкы үч айдын ичинде бүтүрүү керек деген бүтүмгө келишти;

— Жакынкы аралыкта мамлекеттик чек арадагы жети өткөрмө пунктунун иши жанданары белгилүү болду. Өзбек тарап жүк ташуу маселесин чечүүгө, зарылчылыкка жараша документтерди сканерлөөгө ылайыктуу техника менен камсыз кылууга убада берди;

— Кыргыз тарап КРдин аймагында жайгашкан Өзбекстандын Сох анклавына транспорттук жана аба каттамдарын ачууга даяр. Анклавдын жашоочулары мамлекеттик чек арадан эркин өтүшөт.

— Ал эми өзбек тарап мындан ары Үңкүр-Тоо талаштуу аймагын талап кылбоого даяр экендигин билдирди. Мамлекеттик чек араларды делимитациялоого байланыштуу калган талаштуу маселелерди атайын комиссия чечет;

— Коргоо министрлиги аркылуу Өзбекстан тарап Кыргызстанга бир тик учакты акысыз берет жана дагы бир тик учакты калыбына келтирүүгө даяр;

— Саламаттык сактоо багытында Кыргызстанга 20 тез жардам унаасы тапшырылган. Вакциналарды, дары-дармектерди жана башка медициналык жана фармацевтикалык продукцияларды өндүрүү, — жеткирүү жаатында кызматташууну кеңейтүү маселеси иштелип жатат;

— Шавкат Мирзиёев КР жарандарына Өзбекстандагы ЖОЖдордо билим алуу үчүн 100 гранттык орун бөлүнгөнүн маалымдады;

— "Камбар-Ата ГЭС-1" инвестициялык долбоорун биргелешип даярдоо жөнүндө макулдашууга жана электр энергиясын өз ара жеткирүү протоколуна кол коюлду;

— "Кытай — Өзбекстан — Кыргыз темир жол" магистралын куруу боюнча долбоорду ишке ашыруунун маанилүүлүгү белгиленди.

Алдын ала макулдашууга жетишилген маселелер:

  • эки өлкөнүн жогорку окуу жайларында сабактарды өткөрүү үчүн профессордук-окутуучулар жамаатын тартуу;
  • эки өлкөнүн ЖОЖдорунда окуган Кыргызстандын жана Өзбекстандын жарандарынын санын көбөйтүү;
  • билим берүүнү санариптештирүү боюнча тажрыйба алмашуу.
  • Байтерек Садыр Жапаров Шавкат Мирзиёевди Кыргызстанга сапар менен келип кетүүгө чакырганын кошумчалады.
758
Белгилер:
Өзбекстан, Кыргызстан, Шавкат Мирзиеев, Садыр Жапаров
Тема:
Садыр Жапаровдун Өзбекстанга болгон мамлекеттик сапары (20)
Тема боюнча
Жапаровдун Өзбекстанга сапары жыйынтыкталды. Президент эмне менен кайтып келди
Өзбекстан кыргыз аскерлерине тик учак белек кылат
Кыргызстан сом валютасы. Иллюстративдик сүрөт

2020-жылы кыргызстандыктардын кирешеси 5,1 пайызга кыскарган

26
Улуттук статистика комитетинин маалыматына караганда, былтыр кыргызстандыктардын кирешесинин көбү эмгек ишмердүүлүгүнөн кыскарган.

БИШКЕК, 13-май — Sputnik. 2020-жылы Кыргызстан калкынын акчалай кирешеси 5,1 пайызга кыскарган. Бул тууралуу Улуттук статистика комитетинин маалымат кызматы кабарлады.

Кыргызстандыктардын акчалай кирешесинин көлөмү 425 миллионду түзүп, мурдагы жылга салыштырмалуу 5,1 пайызга азайган.

"2020-жылы киши башына болгон киреше айына 5 600,4 сомду түзүп, мурдагы жылкы көрсөткүчкө караганда 6,9 пайызга кыскарган", — деп айтылат маалыматта.

Маалым болгондой, былтыр кыргызстандыктардын кирешесинин көбү эмгек ишмердүүлүгүнөн кыскарган.

26
Белгилер:
акча, калк, киреше, Улуттук статистика комитети
Тема боюнча
Быйыл 3 айда мигранттар Кыргызстанга канча акча которгону айтылды
Өлкөдөгү камсыздандыруу компанияларынын кирешеси айтылды
Коммуналдык кызматкер Москвадагы көчөлөнү тазалап жатат. Архив

Быйыл 3 айда мигранттар Кыргызстанга канча акча которгону айтылды

68
Редакция 2005-жылдан берки жылдын биринчи кварталында мигранттар которгон каражаттын суммасын салыштырып көрдү.

БИШКЕК, 13-май — Sputnik. Улуттук банк үстүбүздөгү жылдын биринчи кварталында (январь-март) Кыргызстанга чет өлкөдөн 543 миллион доллар которулганын маалымдады.

Мында жеке тараптардын каражат которуу системасы аркылуу келип түшкөн акчасы гана эсептелген.

Эгер бул маалыматты мурдагы жылдардын (2005-жылдан берки) ушул мезгилине салыштыра турган болсок, азыркы статистика рекорддук көрсөткүч болуп калат.

Төмөнкү жылдары январь-март айларында мигранттар которгон сумма 400 миллион доллардан ашкан:

  • 2020 — 457,7 миллион доллар;
  • 2019 — 540,4 миллион;
  • 2018 —505,8 миллион;
  • 2017 — 444,5 миллион;
  • 2014 — 412,6 миллион;
  • 2013 — 423 миллион.

Мындан башка жылдары эң жогорку көрсөткүч 2012-жылы катталып, 363,8 миллион долларды түзгөн.

68
Белгилер:
Акча которуулар, Кыргызстан, мигранттар
Тема боюнча
Мигранттар которгон акча валютанын үч түрү менен келет
Улуттук банк пайда көрүү үчүн чет элдик валюта сатып алчуларга кеңеш берди
Министрлер кабинетинин төрагасынын биринчи орун басары Артём Новиков. Архив

Артём Новиков элди Орозо айт майрамы менен кыргыз тилинде куттуктады. Видео

0
(жаңыланган 15:41 13.05.2021)
Өкмөт өкүлү коронавирус пандемиясында жана Баткенде болгон акыркы окуяларда эл биримдикти, тилектештикти жана чыдамдуулукту көрсөткөнүн белгиледи.

БИШКЕК, 13-май — Sputnik. Министрлер кабинетинин төрагасынын биринчи орун басары Артём Новиков кыргызстандыктарды орозо айынын бүтүшү менен кыргыз тилинде куттуктады. Видеосун өзүнүн социалдык тармактагы баракчасына жайгаштырды.

"Орозо айт майрамы биздин көп улуттуу элибиздин бай, руханий мурасынын ажырагыс бөлүгү. Коронавирус пандемиясында жана Баткен облусундагы акыркы окуяларда элибиз биримдикти, тилектештикти жана чыдамдуулукту көрсөттү. Руханий тазалануу, кайрымдуулук жана жакшы иштерди жасоо сыяктуу баалуулуктар бардык диний ишенимдеги адамдарга бирдей жакын", — деди Новиков.

Ал мекендештерге чың ден соолук, бакыт, тынчтык жана ийгилик каалап, өлкөбүздө бейпилдик жана өнүгүү болсун деген тилегин айткан.

0
Белгилер:
видео, куттуктоо, орозо айт, Артем Новиков
Тема:
Орозо-2021
Тема боюнча
Жапаров кыргызстандыктарды Орозо айт менен куттуктады
Рахмон куттуктоосунда Жапаровго ден соолук, кыргыз элине тынчтык тиледи
Бишкектин борбордук мечитинде миңдеген адам айт намазга жыгылды. Видео
Бир нече президенттер, уюмдар Кыргызстанды Айт майрамы менен куттуктады. Тизме