Кендеги уран топурагын алып чыгаруусу. Архив

Адис: Кыргызстанда уранды чалгындоого тыюу салган мыйзам караңгылык

(жаңыланган 17:25 16.03.2021)
"Кыргыз тоо-кен тармактарынын эксперттик коомунун" аткаруучу директору Аркадий Рогальский мамлекет эмне байлыгы бар экенин билиши керек деп эсептейт.

БИШКЕК, 16-мар. — Sputnik. "Кыргыз тоо-кен тармактарынын эксперттик коомунун" директору Ишимбай Чунуев Кыргызстандын аймагындагы уран кендерин геологиялык чалгындоого уруксат берүү керек деп эсептейт. Мындай оюн ал Sputnik Кыргызстан агенттинин маалымат борборундагы видеокөпүрө маалында билдирди.

Журналист ага Кыргызстанда келечекте уран казып алуу мүмкүнбү деген суроо менен кайрылды.

Чунуев уран кендери тууралуу маселени КРдин Тоо-кен кодексин иштеп чыгуу учурунда көтөрөрүн айтты. Анын маалыматына караганда, инвестор фирмалар тыюу салынганына карабай Кыргызстандагы уранды изилдөөсүн улантууда.

Президент КОЭН Ишимбай Чунуев во время видеомоста в пресс-центре Sputnik Кыргызстан
© Sputnik / Жоомарт Ураимов
"Кыргыз тоо-кен тармактарынын эксперттик коомунун" директору Ишимбай Чунуев
"Алар ишин улантуу менен эки башка отчет жазып коюп жатат. Биринчиси – мамлекеттик текшерүүчү органдарга теория жүзүндө, уран тууралуу маалымат кошушпайт. Ал эми өздөрүнүн маалымат базасына бул элементтерди кошушат. Жаратылыш баарыбызга бирдей. Эгер анда бир нерсе болуп, аны изилдөөгө чалгындоо иштери, технологиялык мүмкүнчүлүктөр мүмкүндүк берсе, изилдеш керек", — деди Чунуев.

Ал эми "Кыргыз тоо-кен тармактарынын эксперттик коомунун" аткаруучу директору Аркадий Рогальский мамлекет эмне байлыгы бар экенин билиши керек деп эсептейт.

Исполнительный директор КОЭН Аркадий Рогальский во время видеомоста в пресс-центре Sputnik Кыргызстан
© Sputnik / Табылды Кадырбеков
"Кыргыз тоо-кен тармактарынын эксперттик коомунун" аткаруучу директору Аркадий Рогальский
"Уранды изилдөөгө тыюу салган мыйзам — чынын айтканда караңгылык. Мыйзам алдында кайсы бир актыда уран жок деп айтып койсок эле ал жер кыртышында жок болуп кетпейт да. Уранды изилдөө аны казып алуу үчүн гана керек эмес. Мамлекет кандай байлыгы бар экенин билиши зарыл. Жок эле дегенде ошол жактарга адамдарды жолотпош үчүн деп ойлойм", — деди Рогальский.

Анын пикирин консультант-геолог, монголиялык адис Бат-Эрдене дагы колдоду.

Исполнительный директор КОЭН Аркадий Рогальский, президент КОЭН Ишимбай Чунуев и корреспондент Алимджан Валиев во время видеомоста с консультантом-геологом, экспертом из Монголии Бат-Эрдене в пресс-центре Sputnik Кыргызстан
© Sputnik / Табылды Кадырбеков
Консультант-геолог, монголиялык адис Бат-Эрдене (экранда)
"Монголияда дагы уран бар. Ошол себептүү силердикиндей эле окуялар башыбыздан өткөн. Конституция боюнча бизде минералдык ресурстар элге тиешелүү. Андыктан биз эл өз жеринин алдында эмнелер бар экенин билиши керек деген бүтүмгө келгенбиз. Мындан улам уранды издөө жана чалгындоо иштери жүрүп жатат. Ал эми аны казып алуу же албоо бул башка маселе", — деди чет элдик адис.

Кыргызстанда уран, торий кендери чыккан жерлерди издөө, чалгындоо иштерине тыюу салган мыйзам 2019-жылы кабыл алынган.

Ал Жогорку Кеңештин кароосуна Кызыл-Омпол тоосундагы уран-торианит чачылмаларын иштетүүгө берилген лицензия боюнча коомчулукта нааразычылык жаралгандан кийин киргизилген.

Белгилер:
чалгындоо, мыйзам, уран, Кыргызстан
Тема боюнча
Кыргызстанда нефть менен газ чыккан жерлердин картасы
Ысык-Көл. Архив

Ысык-Көлгө туристтик комплекс куруу пландалууда. ЕАЭБдин бизнес-долбоору

(жаңыланган 19:19 16.04.2021)
Бир жыл мурун евразиялык ишкер-демилгечилердин сынагы жарыяланган. Ага Кыргызстандан үч долбоор түшүп, бирөө азыр каралууда.

БИШКЕК, 16-апр. — Sputnik. Кыргызстандык ишкерлер евразиялык ишкерлер жана демилгечилер сынагынын алкагында үч долбоор сунуштады. Бул тууралуу ЕЭК коллегиясынын өндүрүш жана агроөндүрүш комплекси боюнча министр Артак Камалян Sputnik агенттигинде өткөн видеокөпүрөдө билдирди.

Сынак былтыр май айында жарыяланган. Жакшы долбоорлорго инвестициялык колдоо көрсөтүү каралууда.

Камаляндын айтымында, өткөн жылы күзүндө 80ден ашуун долбоор келип түшкөн. Мындай конкурс жыл сайын өтүп турмакчы.

"Кыргызстандан үч долбоор келген. Экөө курулушка, бири жаңгакты кайра иштетүүгө байланыштуу. Менин билишимче, Кыргызстандын бийлиги менен Евразия өнүктүрүү банкы Ысык-Көлдө туристтик эс алуу комплексин куруу боюнча долбоорду карап жатышат. Бул абдан жакшы иш", — деди ЕЭК министри.

Камалян жеңүүчүлөргө долбоорлорду жүзөгө ашыруу үчүн жеңилдетилген насыя берилерин белгиледи.

Белгилер:
курулуш, ишкер, долбоор, сынак, Евразиялык экономикалык биримдик, Ысык-Көл, Кыргызстан
Тема:
ЕАЭБдеги Кыргызстан
Тема боюнча
ЕАЭБ аймагында өзү өччү чылым пайдалануу сунушталып жатат
Акча каражаттары. Архив

Мөөнөтү өтүп кеткендер бар. Эл микрокредиттик компанияларга канча карыз

Микрофинансы уюмдарынын ассоциациясынан билдиришкендей, кыргызстандыктарга берилген кредиттин көлөмү 25 миллиард сомго жетет.

БИШКЕК, 16-апр. — Sputnik. Кыргызстанда чакан насыя берчү мекемелерден 260 миңден ашуун жаран карыз алган. Бул тууралуу Микрофинансы уюмдарынын ассоциациясынын расмий сайтында жазылган.

Маалымат үстүбүздөгү жылдын 21-январына карата берилген:

  • активдүү кардарлардын саны — 262,6 миң;
  • кредиттин орточо көлөмү — 91,7 миң сом;
  • кредиттик портфель (берилген насыялардын жалпы суммасы) — 24 миллиард 953,6 миллион сом.

Мунун ичинен 4,8 пайызы же 1,2 миллиард сому учурда тобокелдик тобуна кирген кардарлардын колунда. Тагыраак айтканда, төлөө мөөнөтүнөн (30 күндөн көбүрөөк) өткөрүп жибергендердин мойнундагы карыз.

Белгилей кетсек, жогоруда кеп банктар эмес, чакан насыя берчү уюмдар жөнүндө болду.

Белгилер:
экономика, акча, карыз, насыя, Кыргызстан
Тема боюнча
Насыя картасы же "кредитканын" эмне пайдасы бар? Кыргызстандагы банктардын шарты
КРде микрокредит алгандардын саны дагы көбөйдү. Эл акчаны эмнеге жумшайт
Бишкек шаарынын дрондон көрүнүшү. Архив

Бишкектин жаңы башкы планы тез арада иштелип чыкмай болду

(жаңыланган 22:03 16.04.2021)
"Бишкек башкы архитектура" ишканасында өткөн жыйында шаар куруу боюнча документациялык көйгөйлөрдү тезинен чечүү зарылдыгы айтылды.

БИШКЕК, 16-апр. — Sputnik. Бишкек мэриясы менен Транспорт, архитектура, курулуш жана коммуникация министрлигине борбор калаанын жаңы башкы планын иштеп чыгуу өтүнүчүн камтыган кат жиберилет. Бул тууралуу "Бишкек башкы архитектура" мекемесинин маалымат кызматы билдирди.

Учурда иштеп жаткан генералдык пландын мөөнөтү бүтө элек болсо да аракеттер көрүлөт.

Бүгүн аталган мекемеде шаар куруудагы документацияны иштеп чыгуу жана бекитүү маселесине арналган отурум болду. Ага профилдик министрликтин өкүлдөрү, "Бишкек башкы архитектура" ишканасынын башчысы Марат Жороев, Кыргызстандын архитекторлор союзунун жетекчилери жана мүчөлөрү, прокуратура жана курулуш компанияларынын өкүлдөрү катышты.

Талкуудан соң Транспорт, архитектура, курулуш жана коммуникация министрлигине айрым процедураларды жөнөкөйлөштүрүү максатында тийиштүү ченемдик-техникалык документацияларды тез арада өркүндөтүү зарылдыгы боюнча кайрылуу чечими кабыл алынды.

"Бишкек мэриясына, Транспорт, архитектура, курулуш жана коммуникация министрлигине Бишкектин учурдагы башкы планынын мөөнөтү бүткөнгө чейин эле жаңысын иштеп чыгуу өтүнүчү менен кат жиберилет", — деп айтылат маалыматта.

Мэрдин милдетин аткаруучу Бактыбек Кудайбергенов буга чейин Бишкек шаарынын башкы планынын ачыктыгын камсыздоо негизги милдеттеринин бири экенин билдирген.

Учурда ордо калаада 2025-жылга чейинки генералдык план иштеп жатат. Ал 2006-жылы кабыл алынып, бекитилген.

Белгилер:
Бишкекбашкыархитектура, башкы план, Бишкек, Кыргызстан
Тема боюнча
Бишкекте түркүн түстүү жоогазындар гүл ачты. Ажайып сүрөттөр
Бишкекте дагы эки көчөнүн кесилишинде оңдоо иштери жүрүп, жолдор жабылат
Бишкекте эмен бактарын курттан коргоо үчүн ийне сайылып баштады. Сүрөт