Акча каражаттары. Архив

Кыргызстанда Дүйнөлүк акча жумалыгы өтүп жатат. Максаты кандай

(жаңыланган 11:20 23.03.2021)
Дүйнөлүк акча жумалыгы (Global Money Week) — бул балдардын жана жаштардын финансылык сабаттуулугун жогорулатуу максатында дүйнөнүн 175тен ашуун өлкөсүндө жыл сайын өткөрүлүүчү ири кампания.

БИШКЕК, 23-мар. — Sputnik. Кыргызстанда Дүйнөлүк акча жумалыгы башталды. Бул тууралуу Улуттук банктан кабарлашты.

22-28-март күндөрү өлкөнүн бардык аймактарында "Өзүңө сак бол, акчага бек бол!" урааны алдында  финансылык сабаттуулукка байланыштуу ар кандай иш-чаралар өтөт.

"Өлкөдө бардык жарандарга финансылык билим алууга мүмкүндүк берүү, жаштарды акчаны туура жана сарамжал колдонуу маданиятына үйрөтүү максатында Дүйнөлүк акча жумалыгын 2015-жылдан тартып өткөрүп келебиз. Бир апта ичинде Улуттук банк мамлекеттик органдар жана башка финансылык уюмдар менен биргеликте мектептер менен университеттерде финансылык сабаттуулук боюнча көптөгөн иш-чараларды өткөрөт", — деп айтылат билдирүүдө.

Дүйнөлүк акча жумалыгы (Global Money Week) — бул балдардын жана жаштардын финансылык сабаттуулугун жогорулатуу максатында дүйнөнүн 175тен ашуун өлкөсүндө жыл сайын өткөрүлүүчү ири кампания.

Белгилер:
финансылык сабаттуулук, жумалык, акча, Улуттук банк, Кыргызстан
Тема боюнча
Экономика олку-солку болуп турганда акчаны кантип сактоо керек
Жыл башында Кыргызстандан он миңдеген доллар сыртка которулган
Ысык-Көл. Архив

Ысык-Көлгө туристтик комплекс куруу пландалууда. ЕАЭБдин бизнес-долбоору

(жаңыланган 19:19 16.04.2021)
Бир жыл мурун евразиялык ишкер-демилгечилердин сынагы жарыяланган. Ага Кыргызстандан үч долбоор түшүп, бирөө азыр каралууда.

БИШКЕК, 16-апр. — Sputnik. Кыргызстандык ишкерлер евразиялык ишкерлер жана демилгечилер сынагынын алкагында үч долбоор сунуштады. Бул тууралуу ЕЭК коллегиясынын өндүрүш жана агроөндүрүш комплекси боюнча министр Артак Камалян Sputnik агенттигинде өткөн видеокөпүрөдө билдирди.

Сынак былтыр май айында жарыяланган. Жакшы долбоорлорго инвестициялык колдоо көрсөтүү каралууда.

Камаляндын айтымында, өткөн жылы күзүндө 80ден ашуун долбоор келип түшкөн. Мындай конкурс жыл сайын өтүп турмакчы.

"Кыргызстандан үч долбоор келген. Экөө курулушка, бири жаңгакты кайра иштетүүгө байланыштуу. Менин билишимче, Кыргызстандын бийлиги менен Евразия өнүктүрүү банкы Ысык-Көлдө туристтик эс алуу комплексин куруу боюнча долбоорду карап жатышат. Бул абдан жакшы иш", — деди ЕЭК министри.

Камалян жеңүүчүлөргө долбоорлорду жүзөгө ашыруу үчүн жеңилдетилген насыя берилерин белгиледи.

Белгилер:
курулуш, ишкер, долбоор, сынак, Евразиялык экономикалык биримдик, Ысык-Көл, Кыргызстан
Тема:
ЕАЭБдеги Кыргызстан
Тема боюнча
ЕАЭБ аймагында өзү өччү чылым пайдалануу сунушталып жатат
Акча каражаттары. Архив

Мөөнөтү өтүп кеткендер бар. Эл микрокредиттик компанияларга канча карыз

Микрофинансы уюмдарынын ассоциациясынан билдиришкендей, кыргызстандыктарга берилген кредиттин көлөмү 25 миллиард сомго жетет.

БИШКЕК, 16-апр. — Sputnik. Кыргызстанда чакан насыя берчү мекемелерден 260 миңден ашуун жаран карыз алган. Бул тууралуу Микрофинансы уюмдарынын ассоциациясынын расмий сайтында жазылган.

Маалымат үстүбүздөгү жылдын 21-январына карата берилген:

  • активдүү кардарлардын саны — 262,6 миң;
  • кредиттин орточо көлөмү — 91,7 миң сом;
  • кредиттик портфель (берилген насыялардын жалпы суммасы) — 24 миллиард 953,6 миллион сом.

Мунун ичинен 4,8 пайызы же 1,2 миллиард сому учурда тобокелдик тобуна кирген кардарлардын колунда. Тагыраак айтканда, төлөө мөөнөтүнөн (30 күндөн көбүрөөк) өткөрүп жибергендердин мойнундагы карыз.

Белгилей кетсек, жогоруда кеп банктар эмес, чакан насыя берчү уюмдар жөнүндө болду.

Белгилер:
экономика, акча, карыз, насыя, Кыргызстан
Тема боюнча
Насыя картасы же "кредитканын" эмне пайдасы бар? Кыргызстандагы банктардын шарты
КРде микрокредит алгандардын саны дагы көбөйдү. Эл акчаны эмнеге жумшайт
Кыз Ысык-Көл тамырын бөтөлкөсүн сүрөткө тартып жатат

Акониттин кайнатмасы мамлекеттик резиденцияда жасалат. Видео

(жаңыланган 23:42 16.04.2021)
Президенттик аппараттан аконит кайнатмасын даярдоочу имарат толук тазаланганын жана тийиштүү деңгээлде жабдылганын билдиришти.

БИШКЕК, 16-апр. — Sputnik. Коронавируска кабылган бейтаптарды дарылоо үчүн жасалуучу "Ысык-Көл тамырынын" кайнатмасы "Ала-Арча" мамлекеттик резиденциясында жасалат. Бул тууралуу президенттик аппараттан билдиришти.

"Мамлекеттик резиденцияда атайын имарат бөлүнүп берилди, ал толук тазаланган жана талаптагыдай жабдылган. Кайнатма чөп ошол жерден жасалат, атайын жабдуу бар. Ал жерде медицина кызматкерлери бар, министр өзү да катышууда. Медиктер 300дөй ыктыярчыны дарылап сакайтты. Саламаттык сактоо министри өзү бул аракетти колдоп, акырындык менен пайдаланылып жатат", — дешти президенттик аппараттан.

Алар кайнатма чөп кустардык ыкма менен куюлбай турганын белгилешти.

Посмотреть эту публикацию в Instagram

Публикация от Садыр Жапаров (@sadyr_japarov)

Буга чейин Садыр Жапаровдун Instagram баракчасында дарыгерлер коронавирустун башталгыч стадиясындагы бейтаптарды айыктыруунун ыкмасын тапканы боюнча билдирүү таратылган. Бүгүн саламаттык сактоо министри суюктук жөнүндө айтып, аны түз эфирден ичти.

"Ысык-Көл тамыры" уусу күчтүү чөптөрдүн катарына кирет. Тажрыйбалуу медиктер коронавирустан мурда бекитилген протоколдун негизинде дарыланууну сунушташууда.

Белгилер:
Ысык-Көл тамыры, уу коргошун, дары, коронавирус, чөп
Тема:
Уу коргошун чуусу
Тема боюнча
Уу коргошун коронавирусту сакайта алабы. Россиялык адистин пикири
Бишкекте киши уу коргошунга ууландыбы? Дарыгерлердин жообу
Барыктабасова: "Ысык-Көл тамыры" элдин саламаттыгын коркунучка кептейт