Ташиев: Баткендеги газ сактоо жайын иштетүү үчүн кыргыз-өзбек ишканасы түзүлөт

© Sputnik / Стрингер / Медиабанкка өтүүГаз түтүгү. Архив
Газ түтүгү. Архив - Sputnik Кыргызстан, 1920, 26.03.2021
Жазылуу
Камчыбек Ташиевдин айтымында, Бүргөндүдө газ сактоочу жай расмий түрдө Кыргызстанга өттү. Бирок аны иштетүүгө мамлекеттин шарты жок.
БИШКЕК, 26-мар. — Sputnik. Баткендеги кыргыз-өзбек чек арасына жакын жайгашкан Бүргөндү аймагындагы газ сактоочу жер Кыргызстан тарапта калды. Бирок аны биргелешип иштетүү үчүн кыргыз-өзбек ишканасы түзүлүп жатат. Бул тууралуу маалымат жыйыны учурунда Улуттук коопсуздук мамлекеттик комитетинин төрагасы Камчыбек Ташиев билдирди.
"Бүргөндүдө газ сактоочу жай бар. Аны Советтер Союзу маалынан бери өзбектер колдонуп келет. Бухара тарап жайкысын ага газ толтуруп, кышкысын Бухара шаары менен айрым кыргыз айылдарына газ берип келген. Азыр ошол жер биздин аймакка өттү. Бирок аны иштетүүгө Кыргызстандын шарты жок. Менин билишимче, кыргыз-өзбек ишканасы түзүлүп жатат", — деди Ташиев.
Ал кошумчалагандай, Бүргөндү айыл өкмөтү газ сакталган жерди ишканага ижарага бермекчи.
Жаңылыктар түрмөгү
0