Алтын куймалары. Архив

Кыргызстандан экспорттолгон алтындын көлөмү эки эсе азайып кетти

125
Быйылкы жылдын алгачкы эки айында өлкө 1,1 тоннадан ашык алтын экспорттогон. Баалуу металлдын сатылышынын азайып кетишине бир нече себеп бар.

БИШКЕК, 22-апр. — Sputnik. Кыргызстандан экспорттолгон алтындын көлөмү январь, февраль айларында былтыркыга салыштырмалуу эки эседен да көбүрөөк кыскарып кетти. Бул туурасында Улуттук статистика комитетинен кабарлашты.

2021-жылдын алгачкы эки айында 1 116,7 килограмм алтын (66,2 миллион доллар), андан бир жыл мурда 2 481,1 килограмм ( 124,2 миллион доллар) сыртка чыгарылган.

Алтын казуу өндүрүшүнүн азайып кетиши мүмкүн деген эскертүү Экономика министрлигинин КРдин 2021-2023-жылга карата социалдык-экономикалык өнүгүү боюнча орто мөөнөттөгү божомолунда айтылган.

"Ишкананын өндүрүш планына ылайык, Кумтөр кенинде алтын казуунун көлөмү 2020-жылга салыштырмалуу 4,3 пайызга азайышы божомолдонууда. Бул негизинен кендин курамында алтындын азайышы менен шартталат", — деп айтылган маалыматта.

Документтин авторлору өлкөдөгү ири кенде 2021-жылы 16 тоннадан (былтыр 17,7 тонна болгон) бир аз көбүрөөк алтын казыларын божомолдошкон. Бирок "Кумтөр" компаниясынын сайтындагы маалыматтарга таянсак, быйыл андан дагы аз көлөмдө, тагыраагы, 14,62-15,86 тонна алынары кабарланган.

Экономика министрлиги Талды-Булак-Сол-Жээк кенинде ( "Алтын кен" ЖЧКсы) казуу иштерин 19 пайызга кыскартуу пландалгандыгын белгилеген. Бул жерде да негизги себеп кендин курамынан алтындын аз чыгышы болгон. Мындан сырткары, "Кыргыз алтындын" өндүрүшүн консервациялоо күтүлүп жатат. Бирок Жер-Үй менен Чаарат алтын кендерин ишке киргизүү пландалган.

125
Белгилер:
божомол, экспорт, алтын, Кыргызстан
Тема боюнча
Кыргызстанда автоунаа импортунун көлөмү эки эсеге азайды
Бишкекте бензиндин баасы 50 сомдон ашты
АКШ доллары. Архив

Доллар арзандап жатат. 14-майга карата маалымат

178
(жаңыланган 11:34 14.05.2021)
Sputnik Кыргызстан негизги валютанын, бензиндин жана дизелдик майдын, ага кошумча, алтын куймаларынын баасына байкоо салып, жарыялап турат.

БИШКЕК, 14-май — Sputnik. Кыргызстанда доллардын курсу түшүп жатканын Valuta.kg порталындагы маалыматтардан көрүүгө болот.

Акча алмаштыруучу бир катар жайларда америка валютасы 84,75 сомдон сатылууда. Ал эми кээ бир банктар 84,8 сом деп койду. Улуттук банктын расмий курсунда 84,65 деп турат.

Ал эми еврону 101.52ден сатып алышып, 101.92ден кайра сатып жатышат. Улуттук банктын расмий курсунда 102,73 деп турат.

Рублди алуу 1, 133 сом, ал эми кайра элге сатуу 1, 150 деп турса, Улуттук банк 1, 143 сом деп бекитти.

Ал эми казак акча бирдиги тенгени 0, 1875 деген баа менен сатып алса, кайра соодалоо 0, 2039 болду. Улуттук банктын расмий курсунда 0, 1986 деп турат.

"Роснефть":

  • АИ-92 — 49 сом;
  • АИ-95 — 51 сом;
  • Дизель майы — 45,2 сом.

"Газпром нефть Азия":

  • АИ-92 — 49,2 сом;
  • АИ-95 — 51,2 сом;
  • Дизель майы — 44,9 сом.

Алтын куймаларынын баасы дагы бир аз түштү. Маселен, бир граммы башка күндөргө салыштырмалуу бүгүн 24 сомго арзандаган.

178
Белгилер:
баалар, алтын, доллар, бензин, Кыргызстан
Тема боюнча
ЕАЭБ өлкөлөрүндө Казакстандан башкасы инфляцияны ооздуктай алган эмес
Салык декларациясы. Архив

Декларация тапшырбаган кызматкерлердин тизмеси жарыяланды

229
Декларацияны өз убагында же таптакыр тапшырбаган жана туура эмес маалыматты көрсөткөн тараптарды прокуратура текшерет.

БИШКЕК, 14-май — Sputnik. Мамлекеттик салык кызматы расмий сайтына 2019 жана 2020-жыл үчүн бирдиктүү салык декларациясын тапшырбаган мамлекеттик жана муниципалдык кызматкерлердин тизмесин жарыялады.

Ал "Мамлекеттик жана муниципалдык кызматкерлерди декларациялоо" бөлүмүнүн "БСДны мыйзам менен белгиленген мөөнөттө тапшырбагандар боюнча маалымат" деген бөлүмчөсүндө жазылган.

Тийиштүү кызматкерлердин мал-мүлкү жана кирешеси тууралуу маалымат тапшыруу мөөнөтү жыл сайын 1-апрелде аяктаган.

Ушул кезге чейин 227 декларант отчёт берген эмес. Алардын көпчүлүгү муниципалдык жана жергиликтүү бийлик органдарынын кызматкерлери жана адистери экени айтылат.

Ал эми 600 кызматкер салык декларациясын кечигип тапшырган.

Белгилей кетсек, декларацияны өз убагында же таптакыр бербеген, туура эмес маалыматты көрсөткөн тараптардын тизмеси юридикалык баа берүү үчүн прокуратура органдарына жөнөтүлөт.

229
Белгилер:
мөөнөт, тапшыруу, декларация, салык
Тема боюнча
2020-жылы кыргызстандыктардын кирешеси 5,1 пайызга кыскарган
Спорттук комментатор, граундхоппер Бексултан Усеналиев

Усеналиев: граундхоппингге кызыгып дүйнөнү кыдыргандар көбөйдү

0
Спорттук комментатор, граундхоппер Бексултан Усеналиев өлкөдө граундхоппинг аркылуу футболдук стадиондорго барып, дүйнөнү кыдыргандардын саны көбөйүп жаткандыгын айтты.

Дүйнөнүн белгилүү граундхопперлери Кыргызстандагы футболдук беттештерге катышып, стадиондорду каттап кеткендер бар. Мындай пикирин Бексултан Усеналиев Sputnik Кыргызстан радиосунун эфиринде маек куруп жатып билдирди.

Усеналиев: граундхоппингге кызыгып дүйнөнү кыдыргандар көбөйдү

Анын айтымында, граундхопперлер футбол көрүп, стадиондорду гана каттабастан башка элдердин маданиятын, тарыхын өздөштүрүүгө жакшы мүмкүнчүлүк алышат.

"Граундхоппинг – футболдук саякаттын бир түрү. Бул түшүнүктүн максаты башка өлкөгө стадионго барып, футбол көрүп, ошол жерди каттоо дегенди билдирет. Бирок жөн гана стадионго кирүү эмес, ал элдин маданиятын, тарыхын өздөштүрүү мүмкүнчүлүгү бар. Демек, граундхоппинг аркылуу дүйнөнү кыдырса болот. Жалпак тил менен айтсак, стадиондорду коллекциялоо. Бул кыймыл Англияда пайда болгон. "Бристоль Сити" клубунун күйөрманы Англияда болгон 92 футболдук беттешке барып, стадиондорду белгилеген. Бул жетишкендикти каттоо максатында гезит ачып, ийгилиги тууралуу бөлүшкөн. Анын эрдигине суктанып, башкалар да стадиондорду кыдыра башташкан. Өлкөдө фанатизм маданиятына кызыккандар бул кыймылды жакшы түшүнөт. Кыргызстанда мындай адамдардын башын бириктирген уюм жок. Болгону "граундхоппер" деген тиркемени смартфонго көчүрүп алып, барган стадионду, оюнду, шаарды белгилеп каттап коёбуз. Бизде кыймылга активдүү катышкан 4-5 адам бар. Мисалы, Дөлөн Өмүрзаков атындагы стадионго дүйнөнүн кайсы өлкөлөрүнөн граундхопперлер келгендигин кароого болот", — деди Усеналиев.

Ошондой эле ал Кыргызстан европалыктар үчүн абдан кызыктуу өлкө деп эсептелерин кошумчалады.

0
Белгилер:
Бексултан Усеналиев, саякат, футбол
Тема боюнча
Жетим өсүп жетилген. Башкы стадионго аты берилген Дөлөн Өмүрзаков деген ким?