Энергетика жана өнөр жай министри Кубанычбек Турдубаев. Архив

Турдубаев: электр кубаты үчүн жаңы тарифтер сентябрга чейин күчүнө кирбейт

126
(жаңыланган 13:26 22.04.2021)
Кыргызстандын ар бир жараны жаңы тарифтер боюнча пикирин билдирип, сунуш бере алышат. Министр элдин пикири эске алынарын убадалады.

БИШКЕК, 22-апр. — Sputnik. Садыр Жапаровдун электр кубаты үчүн сунуштаган тарифи үстүбүздөгү жылдын сентябрь айына чейин күчүнө кирбейт. Бул тууралуу энергетика жана өнөр жай министри Кубанычбек Турдубаев маалымат жыйыны учурунда билдирди.

Журналисттер ага электр энергиясына болгон жаңы баа качан бекитилери жөнүндө суроо узатышты. Министрдин айтымында, тарифтер боюнча сунуш коомдук талкууга коюлат. Ар бир жаран бул боюнча өз сунушун бере алат. Алардын бардыгы эске алынып, кээ бири кабыл алынат. Ушундан кийин гана өкмөткө долбоор жөнөтүлөт.

"Бардык процедуралар август айынын соңуна чейин аякташы керек", — деди министр.

Эске салсак, кечээ күнү президент Садыр Жапаров аз камсыз үй-бүлөлөр үчүн электр энергиясынын бир киловатт/саатын 74 тыйындан сатууну сунуштады. Ал эми жашоо шарты оор алыскы жана тоолуу аймактардын жашоочуларына 1,04 сомдон эсептөө сунушталса, калган жашоочулар колдонулган электр энергиясынын көлөмүнө карабастан 1,48 сомдон төлөшү керек болот (кышында 1000 киловатт/сааттан ашса 2,29 сомдон эсептелиши мүмкүн).

126
Белгилер:
Кубанычбек Турдубаев, тариф, электр энергиясы, Кыргызстан
Тема:
Жапаров электр кубатынын баасын көтөрүүнү сунуштады (11)
Тема боюнча
Жапаров айткан тариф боюнча жарык үчүн канча төлөйсүз? Калькулятор
Министр: Кыргызстан Казакстанга берген электр кубатынан пайда көрөт
Канча миң абонент жетиштүү жашагандардын тизмесине кирген жок. Сандар
Жумуш учурунда тазалоочу. Архив

Мигранттар которгон акча валютанын үч түрү менен келет

122
Өткөн жылы мигранттар тарабынан Кыргызстанга 2,4 миллиард доллар акча которулган. Улуттук банк ал каражаттан негизинен үч валюта менен келгенин белгиледи.

БИШКЕК, 9-май — Sputnik. Кыргызстанга мигранттар которгон акча каражатынын теңинен көбү Россиянын рубли менен жүргүзүлөт. Бул тууралуу өлкөнүн Улуттук банкы билдирди.

Акча которуу тутумдары аркылуу операциялар негизинен рубль, доллар жана евро сыяктуу валюталар менен ишке ашырылат.

"Белгилей кетүүчү жагдай, 2020-жылы жеке адамдардын акча которууларынын басымдуу бөлүгү Россия рублинде жүргүзүлгөн (жалпы жүгүртүүнүн дээрлик 60 пайызы)", — деп айтылат билдирүүдө.

Өткөн жылы жеке адамдар тарабынан өлкөгө 2 миллиард 377,2 миллион доллар которулган.

Мигранттардан келген каражат Кыргызстандын экономикасы үчүн маанилүү болуп саналат. Ал ички дүң продукциясынын болжол менен үчтөн бир бөлүгүн түзөт.

122
Белгилер:
Улуттук банк, экономика, Мигрант, рубль, Акча которуулар
Тема боюнча
Былтыр 11 айда мигранттар 2,1 млрд. доллардан ашык акча которду
Деятельность горнодобывающей компании Kumtor Gold Company, осуществляющей добычу золота на месторождении Кумтор в Иссык-Кульской области Кыргызской Республики.

Centerra Gold компаниясы Кумтөргө байланыштуу абал боюнча үн катты

3687
(жаңыланган 16:18 08.05.2021)
Компания негизинен 2009-жылкы келишимге таянып, эгер "Кумтөр голд компани" ишканасына айып салынып, кошумча салыктар талап кылынса, келишим бузулат деп эсептейт.

БИШКЕК, 8-май — Sputnik. Канадалык Centerra Gold Inc. компаниясы Кыргызстандагы Кумтөр алтын кенине байланыштуу окуялар боюнча үн катты.

Эске салсак, кечээ Бишкектин Октябрь райондук соту "Кумтөр Голд Компани" компаниясын экологияга тийгизген залакасы үчүн деп мамлекетке 261 миллиард 719 миллион 674 сом төлөөгө милдеттендирди. Ага чейин Жогорку Кеңеш министрлер кабинетине ишкананы сырттан башкарууга мүмкүндүк бере турган мыйзам долбоорун жактырган.

Centerra ишканасы "кырдаал менен тааныш экенин жана Кумтөр боюнча 2009-жылкы кайра каралган келишимди бузууга багытталган мыйзам долбоорлору жана токтомдор тууралуу билерин" айткан. Бирок бул долбоорлор кайсы стадияда экени анык эместиги кошумчаланган.

Ошондой эле компания сот чечими тууралуу кыскача пикирин билдирди. Маалыматка караганда, 2021-жылдын март айында Кыргызстандын төрт жараны ишкананын мөңгүлөрдүн үстүнө кенден казылган топурак-шагылдарын төгүү боюнча мурдагы практикасын мыйзамсыз деп таптырууну көздөгөн. Бирок өткөн аптада дооматын өзгөртүп, экологиялык зыян келтиргени үчүн мамлекетке 3 миллиард доллар төлөп берүүсүн талап кылышкан.

Мындан тышкары, билдирүүдө арыз жазгандардын бири Айлана-чөйрөнү коргоо жана токой чарбасы мамлекеттик агенттигинин (учурда Экология жана климат боюнча мамлекеттик комитет) жетекчиси Динара Кутманованын баласы экени айтылат.

Компаниядан бидиришкендей, алардын колуна Мамлекеттик салык кызматы 2015-2020-жылдар аралыгында жүргүзгөн текшерүүлөрдүн жыйынтыгы тийген. Документтер каралып жатат, бирок алдын ала маалыматтарга караганда, компания кошумча 170 миллион доллар төлөөгө милдеттендирилген. Сумма мурдагы эле салык жана төлөмдөрдүн негизинде төгүп берилиши керек. Centerra акыркы аудиттин жыйынтыгында көрсөтүлгөн сумма менен мурда айтылган сумма туш келип же келбегенин түшүнбөй жатканын айтат.

Канадалык компаниянын билдирүүсүндө, "Кумтөр Голд Компани" бардык мыйзамдар менен келишимдерди так аткарганы айтылат. Ошондой эле экологиялык көрсөткүчтөр эл аралык нормаларга, анын ичинде Европа реконструкция жана өнүгүү банкынын талаптарына туура келери белгиленген. Centerra көрсөткүчтөр бир нече жолу аудиттен өткөрүлгөнүн, ага кыргыз өкмөтүнүн консультанты дагы катышканын белгилейт.

Компания Салык кызматы менен доо арыз жазган жеке тараптардын дооматын негизсиз деп эсептеп, 2009-жылдагы келишимдин бузулушуна алып келерин айтат.

"Centerra 2009-жылы кайра түзүлгөн келишимдин негизинде кызматташа берүүгө даяр. Ал талаш-тартыш маселе жаралып калганда эл аралык арбитражга кайрылууга мүмкүндүк берет. Мамлекеттик пошлина төлөө боюнча азыркы же келечектеги юридикалык талаптарды, Кумтөр кенине тиешелүү талаш жараткан жагдайларды жана башка маселелерди Centerra компаниясына таасир этпей туруп чечүүгө болот дегенге кепилдик жок", — деп айтылат билдирүүдө.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

3687
Белгилер:
келишим, салык, мыйзам, арыз, Кыргызстан, Centerra Gold Inc
Тема:
"Кумтөргө" 3 миллиард доллар айып салынышы
Тема боюнча
Абдыров: ишкерлер ЕАЭБдин мүмкүнчүлүктөрүн колдоно албай жатышат
Өлкөнүн ички дүң продукциясы 9,4 пайызга төмөндөдү. Үч айлык статистика
Ооруп аткан киши. Архивдик сүрөт

Канда холестерин көп экенин кантип билсе болот? Белгилери

29
Муундардын оорушу, дем алуунун кыйындашы, чарчоо да канда холестериндин көп болуп кеткенинен кабар берет.

БИШКЕК, 10-май — Sputnik. Британиялык British Heart Foundation уюмунун адистери канда жаман холестериндердин ашыкча көбөйүп кетиши инсультка кептээрин эскертишкен. Бул тууралуу РИА Новости Express басылмасына таянып кабарлады.

Окумуштуулардын материалында жазылгандай, канда холестерин көбөйгөндө мээнин кан айлануусу жайлап, ал тургай токтоп калат. Мындан улам адам инсульт болот. "Кан тамыр түтүк сыяктуу, холестерин көп болгон учурда ал түтүктү жаап салып, жыйынтыгында кычкылтек, азыктандыруучу заттар жүрөккө жетпей калат. Мунун кесепетинен аталган орган приступ болот", — деп айтылат маалыматта.

Медиктердин айтымында, канда холестерин көбөйүп кеткенде көкүрөк тушу, буту-колдун учтары ооруй баштайт. Мындан сырткары, адамдын аң-сезими ар нерсени чаташтыра баштайт. Мунун себеби мээге кан жетпей калгандыгында. Муундардын оорушу, дем алуунун кыйындашы, чарчоо да канда холестерин ашыкча экенинен кабар берет.

Буга чейин адис, дарыгерлер канда холестеринди кумшекер, майлуу, куурулган, камыр тамактар көбөйтө турганын айтышкан.

29
Белгилер:
жүрөк, оору, инсульт, холестерин, медик
Тема боюнча
Кыска убакытта арыктоо эмнеси менен кооптуу. Диетолог Дүйшөнкулованын маеги