АКШ долларлары. Архив

Мамлекеттик ички карыздын рекорду: сумма үч жылда эки эсеге өсүп кетти

121
(жаңыланган 10:12 26.04.2021)
Мамлекеттик ички карыз акыркы жылдары рекорд артынан рекорд коюуда. Ал мамлекеттик баалуу кагаздарды чыгаруудан улам пайда болуп жатат.

БИШКЕК, 26-апр. — Sputnik. Акыркы маалыматтар боюнча (февралдын соңуна), Кыргызстандын мамлекеттик ички карызынын көлөмү рекорддук көрсөткүчкө жетип, 62 миллиард 389,4 миллион сомду түздү. Мындай сандарды Экономика жана финансы министрлигинин маалыматтарынан көрүүгө болот.

Аталган ведомствонун сайтында 2005-жылдан берки маалыматтар жарыяланган. Мурдагы рекорд январдын аягында болуп, 62 миллиард 116,2 миллион сомго жеткен.

Үчүнчү рекорд 2020-жылдын декабрь айынын аягында катталып, 58,5 миллиарддан ашканы айтылган. Акыркы жылдары мамлекеттик ички карыз улам өсүп бара жатат. Соңку сандар 2017-жылдын аягындагы көрсөткүчтөн (ал кезде 31 миллиард сом болгон) эки эсеге көп өскөндүгүн көрсөттү.

Эске салсак, мамлекеттик карыз тышкы жана ички карыздан туруп, баалуу кагаздардан пайда болот. Тышкы карыз да улам өсүп бара жаткан, бирок акыркы маалыматтар боюнча, бир аз төмөндөп, 9,2 миллион долларды түзгөн.

Мамлекеттик карызды азайтууга быйыл 37 миллиард 266 миллион сом бөлүү каралууда. Бул акчанын ичинен 21,6 миллиарды тышкы карызга, калганы ички карызга жумшалмакчы.

121
Белгилер:
рекорд, тышкы карыз, карыз, Кыргызстан
Тема боюнча
Россия бензин баасын тизгиндейт. ЕАЭБде мунайдын кымбаттоосу токтойбу?
Кыргызстандан экспорттолгон алтындын көлөмү эки эсе азайып кетти
Улуттук илимдер академиясынын Суу көйгөйлөрү жана гидроэнергетика Тянь-Шань бийик тоолуу илимий борборунун жетекчиси Рысбек Сатылканов

Сатылканов: Кыргызстан өзүнөн суу агып чыккан Орто Азиядагы жалгыз өлкө

2084
(жаңыланган 10:38 06.05.2021)
Улуттук илимдер академиясынын Суу көйгөйлөрү жана гидроэнергетика Тянь-Шань бийик тоолуу илимий борборунун жетекчиси Рысбек Сатылканов өлкөнүн жалпы суу запасы 458 миллиард куб экендигин айтты.

Кыргызстан жыл сайын Өзбекстанга 24-25 миллиард куб, Казакстанга алты миллиард куб, Тажикстанга эки миллиард куб суу берет. Ал эми Кытайга бизден жети миллард кубга жакын суу агып чыгып турат. Бул тууралуу Рысбек Сатылканов Sputnik Кыргызстан радиосунун эфиринде маек куруп жатып билдирди.

Сатылканов: Кыргызстан өзүнөн суу агып чыккан Орто Азиядагы жалгыз өлкө

Анын айтымында, Кыргызстан өзүнөн суу чыккан Орто Азиядагы жалгыз өлкө болуп саналат.

"Өлкөдө жалпы суу запасы 458 миллиард куб метрди түзсө, анын 85 пайызы муз түрүндө, башкача айтканда, мөңгүлөрүбүз десек болот. Азыркы учурда республика аймагында дарыя суу агымы 51-52 миллиард куб, көлдөрдөгү суунун запасы Ысык-Көлдү кошпогондо 6,2 миллиард куб, жер астында 10 миллиарддан ашык жана мөңгүлөрдө 390 миллиард куб суу бар. Бул 2010-жылга карата жүргүзүлгөн улуттук баяндоонун жыйынтыгы. Ал эми СССРдин 1970-жылы чыгарган мөңгүлөр каталогун карай турган болсок, мөңгүлөрдүн 493 миллиард куб метр болгонун көрөбүз. 2000-жылы 417 миллиард куб болуп азайган. Бул сандар мөңгүлөрдүн кескин түрдө эрип жатышынан кабар берет. Муну дүйнөлүк климаттын өзгөрүшү менен байланыштырсак болот. Жалпысынан Кыргызстан жер астындагы да, жер үстүндөгү да сууга бай өлкө. Ошондуктан кошуна төрт мамлекетти кылымдардан бери суу менен камсыздап келебиз. Бизден чыккан суунун аркасы менен 1967-1987-жылдар аралыгында Өзбекстандын айдоо аянттары 1,4 миллион гектарга, ал эми Казакстандыкы 1,3 миллион гектарга көбөйгөн. Ошол эле учурда Кыргызстанда болгону 189 миллион гектар гана айдоо жери кошулган", — деди Сатылканов.

Ал совет доорунда өлкөдөн агып чыккан суу үчүн кошуна мамлекеттер газ, көмүр жана азык-түлүк түрүндө компенсация төлөп келишкендигин, учурда мындай келишимдердин жоктугун кошумчалады.

2084
Белгилер:
Рысбек Сатылканов, саясат, запас, суу
Тема боюнча
Сатылканов: өлкөдөгү мөңгүлөрдүн 70 пайызы Ысык-Көл облусунда жайгашкан
Калпакчан киши. Архив

Жапаров кыргызстандыктардын бүткүл дүйнөлүк курултайын өткөрүүнү сунуштады

124
(жаңыланган 11:55 05.05.2021)
Конституцияга киргизилген өзгөртүүлөргө ылайык Элдик курултай түзүлөт. Аны чакыруу укугу президентке таандык болот.

БИШКЕК, 5-май – Sputnik. Президент Садыр Жапаров кыргызстандыктардын бүткүл дүйнөлүк курултайын өткөрүү демилгесин көтөрдү. Бул тууралуу элге кайрылуусу учурунда билдирди.

Өлкө башчынын айтымында, Кыргызстан экономикалык моделинин өзүнө ылайык ыгын табышы зарыл. Андыктан алдыдагы максаттын оош-кыйыш маселелерин талкуулап алуу үчүн эгемендүүлүктүн отуз жылдыгынын алдында кыргызстандыктардын бүткүл дүйнөлүк курултайын өткөрүү демилгеленүүдө.

 "Ар бир эл өзү аздектеп, ардактаган дөөлөттөрдүн негизинде гана өз турмушун уюштурат. Биздин элде эзелтен туу тутуп жашаган эки баалуулук бар, алар — эркиндик жана акыйкаттык. Эл адилетсиздикке чыдай албайт, укуктарын чектеген жашоого макул эмес. Биз "улутубуздун табиятына жараша башкаруу" концепциясын киргизебиз. Анын негизги жобосу — ар кандай чечим кабыл алуудан мурда жарандардын кызыкчылыктарын алдын ала макулдашып алуу", — деди президент.

 Ошондой эле Жапаров дал ушул себептен улам Конституцияга Курултай институту киргизилгенин кошумчалады.

124
Белгилер:
курултай, Садыр Жапаров, конституция, Кыргызстан
Тема:
Жаңы Конституциянын долбоору жана референдум
Тема боюнча
Кыргызстанда мамлекеттик мүлктөрдү менчиктештирүү пландалып жатат
Жапаров: улуттук наркты сактап калуу үчүн мамлекеттик катчы институту түзүлөт
Үч милдет бар. Президент Жапаров экономика кандай реформаланарын айтты
Головной суу бөлүштүрүүсү

Жапаров “Головной” суу бөлүштүрүү жайын модернизациялоо тапшырмасын берди

51
(жаңыланган 22:59 06.05.2021)
Садыр Жапаров Баткен облусуна барып, чек арадагы жаңжалда жабыркаган эл менен жолукту. Ошондой эле зыянга учураган объектилерди көрдү.

БИШКЕК, 6-май — Sputnik. Президент Садыр Жапаров "Головной" суу бөлүштүрүү жайын модернизациялоону тапшырды. Бул тууралуу өлкө башчынын маалымат кызматынан билдиришти.

  • Президент КР Садыр Жапаров во время выступления на военном полигоне Бужум в Баткенской области. 06 мая 2021 года
    Президент Садыр Жапаров "Головной" суу бөлүштүрүү жайын модернизациялоону тапшырды
    © Пресс-служба президента КР / Султан Досалиев
  • Военный полигон Бужум в Баткенской области во время визита президента КР. 06 мая 2021 года
    Баткен облусуна болгон сапарында президент Садыр Жапаров бүгүн, 6-майда, “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Садыр Жапаров "Головной" суу бөлүштүрүү жайын модернизациялоону тапшырды

Баткен облусуна болгон сапарында президент Садыр Жапаров “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды.

“Мамлекет башчы суу бөлүштүрүүчү жайды жана объектти кайтарган аскердик бөлүк турган аймакты көрүп чыгып, тийиштүү мамлекеттик органдарга суу бөлүштүрүүчү жайды модернизациялоону тапшырды”, — деп айтылат билдирүүдө.

Ошондой эле Жапаров “Бужум” полигонундагы аскер кызматкерлеринин алдында сүйлөп жатып, мамлекет Куралдуу Күчтөрдүн алдындагы социалдык милдеттенмелеринин бардыгын аткара турганын жана күч түзүмдөрүнүн көйгөйлөрүн чечүүгө өлкө жетекчилиги тарабынан өзгөчө көңүл буруларын белгиледи.

51
Белгилер:
модернизациялоо, Садыр Жапаров, "Головной" суу бөлүштүрүүчү, Баткен
Тема:
Баткендеги кыргыз-тажик жаңжалы
Тема боюнча
Чек арадагы жаңжалдын кесепети. Баткендин жүрөктү тилген сүрөттөрү
Бир айыл 5 уулун жоготту. Турдубайдын чек арада окко учканын 4 баласы биле элек