Нарында Кува районунан ишкерлердин делегациясы

Өзбекстанга кымыз сатып... Нарынга ферганалык ишкерлер келишти. Сүрөт

171
(жаңыланган 17:26 26.04.2021)
Ишкерлер эт, картошка, жүн, тери, кымыз жана сүт азыктарын иштетип экспортко чыгаруу боюнча сүйлөшүштү.

БИШКЕК, 26-апр. — Sputnik. Нарынга Өзбекстандын Фергана облусуна караштуу Кува районунан ишкерлердин делегациясы келип, жергиликтүү ишкерлер менен кызматташуу жолун талкуулашты. Бул тууралуу Нарын районунун акими Алтынбек Сеңирбаев билдирди.

Делегация бизнесменов Кувинского района Ферганской области Узбекистана прибыла в Нарын, чтобы обсудить пути сотрудничества с местными предпринимателями
© Sputnik
Нарынга Өзбекстандын Фергана облусуна караштуу Кува районунан ишкерлердин делегациясы келип, жергиликтүү ишкерлер менен кызматташуу жолун талкуулашты

Жолугушууда эки райондун ишкерлери эт, картошка, жүн, тери, кымыз жана сүт азыктарын иштетип экспортко чыгаруу боюнча сүйлөшүштү.

Сүйлөшүүлөргө ылайык, Нарындагы пайдаланылбай жаткан жерлерге карлик алманын, алчанын (кокон гилас) көчөттөрү отургузулуп, картошка айдалат. Өзбекстандан тажрыйбалуу багбандар менен дыйкандар келип, туура өстүрүү технологиясынын өзгөчөлүктөрүн үйрөтмөкчү. Ошондой эле күзүндө жыйналган түшүмдү өзбекстандык кардарларга базар баасында сатуу макулдашылды.

Көп жылдан бери жер иштеткен өзбек ишкерлер 1 гектар жерге 1200 карлик алманын көчөтү отургузулса, эки жылдан кийин 100 тоннадан ашык түшүм берерин айтышты.

Ал эми сүттү кайра иштетүүдө быштак, брынза, сыр, сары май, курут өңдүрүү тууралуу пландар айтылды. Алар куруттун сапаты жогору болсо 100-200 тоннага чейинки көлөмдө сатып аларын билдиришти. Сүт азыктары менен иштеген өзбекстандык ишкерлер бул багытта тажрыйба бөлүшүүнү убада кылды.

Ошондой эле жүндү иштетүүдө атайын жабдуу менен камсыз кылынып, чакан ишкана ачуу мерчемделди. Иштетилип чыккан жүндү өзбек кардарларга сатуу жагы сүйлөшүлдү.

Кыргыз кымызын Өзбекстанга тренд кылууну самаган жеке ишкер аны сатуу жолдорун кароону сунуштады.

Жогоруда айтылган багыттар боюнча эки тарап өз мүмкүнчүлүктөрүн карап, келишимдер түзүлөрү белгиленди.

Эске салсак, үстүбүздөгү жылдын 19-мартында Нарын облусунун, райондорунун жетекчилери иш сапары менен Фергана облусуна барышкан. Анда Нарын районунун акими Алтынбек Сеңирбаев менен Фергананын Кува районунун хокими Халимжон Умаров кызматташуу келишимин түзүшкөн.

171
Белгилер:
кызматташуу, Фергана өрөөнү, Өзбекстан, Нарын, Кыргызстан
Тема боюнча
Баткенде "Салттуу музыка жумалыгы" жана "Достук" фестивалы аяктады. Сүрөт
Кумтөр алтын кени. Архив

Таң калып турабыз. Канада бийлиги "Кумтөр" чыры боюнча билдирүү жасады

109
(жаңыланган 10:14 18.05.2021)
Канадалык аткаминерлер тоо кен тармагындагы талаштуу иштер кыргыз элинин экономикалык абалын ого бетер кыйынчылыкка кептейт деген оюн айтышкан.

БИШКЕК, 18-май — Sputnik. Канаданын тышкы иштер министри Марк Гарно менен чакан ишкерлик, экспорт жана эл аралык сооданы өнүктүрүү министри Мэри Ын Кыргызстандагы тоо кен тармагындагы акыркы окуяларга тынчсызданганын айтып, биргелешкен билдирүү жасашты.

"Биз Кыргыз Республикасынын парламенти 17-майдагы кезексиз жыйынында "Центерра Голдго" көзөмөл жүргүзүү үчүн "Кумтөр Голд" компаниясына тышкы башкаруу киргизүүгө өтүү тууралуу чечим кабыл алганына, ошондой эле Кыргызстан көптөгөн эл аралык активдер менен канадалык компаниянын үстүнөн көзөмөл жүргүзүүгө жетише турганы боюнча билдирүүгө таңданып турабыз. Бул Кыргыз Республикасына түз келген чет өлкөлүк инвестицияларга узак убакытка залалын тийгизиши ыктымал", — деп айтылган алар тараткан маалыматта.

Канада "чет өлкөлүк инвесторлор менен Кыргыз Республикасынын министрлер кабинетинин ортосундагы бул талаш бирге иштешкен тараптар үчүн ачык-айкын чечилбегенине таңданганын" да билдиришкен.

"COVID-19 пандемиясынан кийин экономиканы толугу менен калыбына келтирүү үчүн ачык-айкын жана акыйкаттуу ишкердик чөйрөсү керек. Соода жана чет өлкөлүк түз инвестициялардын көлөмүн төмөндөтө турган мындай чаралар кыргыз элинин экономикалык абалын ого бетер кыйынчылыкка кептейт", — деп жазылган таратылган билдирүүдө.

"Кумтөр Голд Компани" боюнча абал

7-май күнү Бишкек шаарынын Октябрь райондук соту "Кумтөр Голд Компани" ишканасын экологияга тийгизген залакасы үчүн деп мамлекетке 261 миллиард 719 миллион 674 сом (3 миллиард доллардан көбүрөөк) төлөөгө милдеттендирген.

Ага чейин Жогорку Кеңеш министрлер кабинетине ишкананы сырттан башкарууга мүмкүндүк бере турган мыйзам долбоорун жактырган. Президент Садыр Жапаров 14-майда бул мыйзамга кол койгон.

Мындан улам канадалык Centerra Gold Inc. компаниясы дооматты негизсиз деп эсептеп, 2009-жылдагы келишимдин бузулушуна алып келерин айткан. 11-май күнү УКМК "Кумтөр Голд Компани" ишканасынын жетекчилери Кыргызстандан чыгып кеткенин билдирди.

Ал арада "Кумтөрдүн" ишин иликтеген мамкомиссия Centerra Gold Inс. менен кенге байланыштуу бардык келишимдерди жокко чыгарууну сунуштады. Анда 3,086 миллиард экологиялык зыян жана 1,166 миллиард салык төлөмдөрү боюнча, жалпысынан 4,3 миллиард доллар боюнча доо арыз берүү каралган.

Ал эми 17-майда Жогорку Кеңеш жыйында карап, Кумтөр алтын кенин убактылуу тышкы башкарууга алуу сунушун колдоду.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

109
Белгилер:
Жогорку Кеңеш, Кумтөр, Кыргызстан
Тема:
"Кумтөргө" 3 миллиард доллар айып салынышы
Тема боюнча
Парламент Кумтөрдү тышкы башкарууга алууга макулдук берди
Теңиз Бөлтүрүк Centerra тууралуу: Канадада мындай ишкананы эчак жаап салмак
Алтын куймалары. Архив

Жыл башынан бери алтын экспорттоо 1,7 тоннага кыскарды. Статистика

22
2021-жылдын январь-март айларында 140,3 миллион долларга бааланган алтын экспорттолгон. Бир жыл мурда бул көрсөткүч 212,9 миллион долларга жеткен.

БИШКЕК, 18-май — Sputnik. Үстүбүздөгү жылдын биринчи кварталында Кыргызстандан алтын экспорттоонун көлөмү былтыркы жылдын ушул убагына салыштырмалуу 1,7 тоннага кыскарды. Бул тууралуу Улуттук статистика комитети кабарлады.

Тагыраагы, 2021-жылдын январь-март айларында 140,3 миллион долларга бааланган 2 тонна 448,9 килограмм алтын сатылган. Бир жыл мурда бул көрсөткүч 4 тонна 183,9 килограммга (212,9 миллион доллар) жеткен.

Быйыл алтын өндүрүү кыскарарын адистер 2020-жылы эле божомолдошкон. Экономика министрлигинин маалыматына караганда, бул жылы Кумтөрдө казылган алтындын көлөмү 4,3 пайызга чейин төмөндөшү күтүлүп жатат. Буга негизинен казуу иштери алтын азыраак зонага жеткени себеп болору айтылууда.

Ведомство өлкөдөгү ири кенде 2021-жылы жалпысынан 16 тоннанын тегерегинде алтын казылат деп божомолдоодо. Бирок буга чейин "Кумтөр Голд Компани" баалуу металл андан дагы азыраак (14,62ден 15,86 тоннага чейин) болорун айткан.

22
Белгилер:
экспорт, алтын, Кыргызстан
Тема боюнча
Улуттук банктын алтын валюта запасы 8 айдан бери биринчи жолу өстү
Мурунку 4 президенттин тушунда Centerra канча алтын ташып кеткени айтылды
Токтогул районунда ун ташып бара жаткан автоунаадан өрт чыкканын ӨКМдин маалымат кызматы кабарлады

Токтогулда Volvo унаасы өрттөнүп, чиркегичиндеги ун жарабай калды. Сүрөт

10
(жаңыланган 11:01 18.05.2021)
Оор жүк ташуучу унаанын чиркегичинин каркасы эле калган, жерде өрттөнгөндөн калган ун чачылып жатканын көрүүгө болот.

БИШКЕК, 18-май — Sputnik. Токтогул районунда ун ташып бара жаткан автоунаадан өрт чыкканын ӨКМдин маалымат кызматы кабарлады.

  • На месте пожара в большегрузной машине на 219-м км автодороги Бишкек — Ош
    Токтогул районунда ун ташып бара жаткан автоунаадан өрт чыкканын ӨКМдин маалымат кызматы кабарлады
    © Фото / пресс-служба МЧС
  • На месте пожара в большегрузной машине на 219-м км автодороги Бишкек — Ош
    Volvo оор жүк ташуучу унаанын чиркегичи толугу менен күйүп, жүктөп келе жаткан уну жарабай калган.
    © Фото / пресс-служба МЧС
1 / 2
© Фото / пресс-служба МЧС
Токтогул районунда ун ташып бара жаткан автоунаадан өрт чыкканын ӨКМдин маалымат кызматы кабарлады

Окуя Бишкек — Ош унаа жолунун 219-чакырымында болгон. Анда Volvo оор жүк ташуучу унаанын чиркегичи толугу менен күйүп, жүктөп келе жаткан уну жарабай калган.

ӨКМ тараткан сүрөттөн чиркегичтин каркасы эле калганын, жерде өрттөнгөндөн калган ун чачылып жатканын көрүүгө болот.

Өрттүн себеби такталууда.

10
Белгилер:
ун, өрт, жол, унаа, Токтогул, ӨКМ
Тема боюнча
Кабинанын темири эле калган. Сузакта май ташыган автоунаа өрттөндү. Видео