Улуттук банктын имараты. Архив

Улуттук банк өз акчасынын кунун жогорулатты. Мындай өсүү 2015-жылы болгон

431
(жаңыланган 14:30 27.04.2021)
Акыркы жолу эсептик чен 2015-жылдын сентябрында 1 же андан көп пайызга жогорулаган. Мындай чара инфляцияны азайтуу үчүн көрүлөт.

БИШКЕК, 27-апр. — Sputnik. Улуттук банктын башкармалыгы кечээ, 26-апрелде, эсептик ченди 5,5тен 6,5 пайызга чейин жогорулатты. Бул тууралуу өлкөнүн башкы банкынын маалымат кызматы билдирди.

Эсептик чен — бул Улуттук банктын коммерциялык банктарга берген насыясынын пайыздык чени. Экономикалык теорияда чен канчалык жогору болсо, коммерциялык мекемелер тарабынан калкка берилген насыялар боюнча пайыздар ошончолук жогору болот же тескерисинче аз болот деп айтылат. Эсептик ченди көбүнчө инфляцияны азайтуу үчүн жогорулатат. Мындай учурда экономиканын өсүү темпи ылдыйлайт. 

Улуттук банк коронавируска каршы чектөөлөр жана вакцинация процесси жай жүргүзүлүп жаткандыгы дүйнөлүк экономиканын өсүшүнө тоскоолдук жараткандыгын белгилейт.

"Кыргызстанда экономикалык активдүүлүктү калыбына келтирүү тенденциясы байкалды, ал эми ички суроо-талап начар бойдон калууда. Чыныгы эмгек акы 2021-жылдын январь-февраль айларында 5,3 пайызга төмөндөгөн. Өлкөгө сырттан акча которуулардын агымынын өсүшү ички керектөөнүн калыбына келишинин бир фактору болду. 2021-жылдын январь-февраль айларында сырттан келген акчанын көрсөткүчү 6,4 пайызга көбөйгөн", — деп айтылат билдирүүдө.

Кыргызстандагы инфляция импорт азыктарынын жана күйүүчү майдын баасынын жогорулашынан улам келип чыккандыгы белгиленди. Жылдык мааниде алганда, инфляция 2021-жылдын апрелинде мартка салыштырмалуу 10,2 көрсөткүчтөн азайып, 8,6 пайызды түзгөн.

Азык-түлүк баасынын динамикасына тышкы базарлардагы баанын тездик менен өсүшү жана өндүрүүчү өлкөлөрдө сунуштардын чектелгени сыяктуу факторлор басым кылып жатканы көрсөтүлөт. Бир катар административдик баалардын (тарифтердин) жогорулашы дагы жалпы инфляцияга кошумча салым болот.

"Ушул факторлордун бардыгы жылдын аягына чейин Кыргызстанда инфляциянын жогорулашына себеп болууда", — деп белгилейт Улуттук банк.

Жакынкы келечекте тышкы суроо-талаптын акырындык менен калыбына келиши күтүлүүдө. Дүйнөлүк чийки зат базарларындагы баалардын өсүшү жакынкы жылдарда Кыргызстандагы инфляциянын жогорулашына себеп болот.

"Тышкы чөйрөнү жана ички экономикалык шарттарды эске алуу менен Улуттук банк эсептик ченди 6,5 пайызга чейин жогорулатуу жөнүндө чечим кабыл алды", — деп айтылат билдирүүдө.

Коюм акыркы ирет ушул жылдын февраль айында (5тен 5,5 пайызга) жогорулатылган. Ал эми 2016-жылы 6 пайыздан 8 пайызга чейин жеткен.

Эсептик чен акыркы жолу 2015-жылдын март айында 1 же андан жогору пайызга көтөрүлгөн. Анда ал 8ден 10 пайызга чейин жогорулаган.

431
Белгилер:
экономика, өсүү, инфляция, Кыргызстан
Тема боюнча
Мамлекеттик ички карыздын рекорду: сумма үч жылда эки эсеге өсүп кетти
Кыргызстандан экспорттолгон алтындын көлөмү эки эсе азайып кетти
Акча каражаттары. Архив

Сом КМШда эң кооз валюта болуп саналат. Адис кыргыз акчанын өзгөчөлүктөрүн айтты

2
Кечээ, 10-май күнү, кыргыз сому ишке киргенине 28 жыл толду. Бул аралыкта ал бир нече эл аралык сынактарда жеңүүчү болгон.

БИШКЕК, 11-май — Sputnik. Кыргыз сомунун башкалардан кандай өзгөчөлүктөрү бар? Бул тууралуу Кыргызстандын Улуттук банкынын накталай акча жана адистик бөлүмүнүн башчысы Дана Сайфуллина айтып берди.

Эске салсак, кечээ, 10-май күнү, кыргыз сому ишке киргенине 28 жыл толду.

"2009-жылы чыккан төртүнчү сериядагы банкноталардын ар бири кайталангыс өңгө ээ. Ар биринде өзүнө гана тиешелүү ачык түс бар. Бул акчаны эске тутуп калууга шарт түзөт жана көрүүсү начар адамдарга бир топ жеңилдиктерди берет", — деди адис.

Анын айтымында, учурда кыргыз сому КМШдагы эң кооз банкноталардын бири болуп эсептелет.

"2009-жылы чыккан 5000 сом номиналындагы банкнота "Жылдын банкнотасы" аттуу ири эл аралык сынакта финалга чейин жеткен. Бул акчанын коргоо деңгээли жана дизайны каралчу жыл сайын өтө турчу сынак. Ал эми 100 сомдук КМШ боюнча адистер арасында өткөн сурамжылоодо сапаты боюнча экинчи орунду алган. Адистер 50 доллар, 50 евро жана 1 миң рублдин сапатын сынашкан. 2 миң сомдук “Аймактагы мыкты банкнота 2018” эл аралык сынагында КМШ, Борбордук жана Чыгыш Европа мамлекеттеринин ичинен жеңүүчү болгон”, — деди ал.

Ошондой эле адис акча өлкө тарыхынын маанилүү бир бөлүгү экенин кошумчалады.

2
Белгилер:
тарых, факты, сом, Улуттук банк, Кыргызстан
Тема боюнча
Кер мурут жигит Сүймөнкул Чокморов. Улуттук банктын улуу инсан тууралуу видеосу
Нөшөрлөгөн жаанга карабай Саякбайды уккан эл. Улуттук банктын видеосу
АКШ долларларын санап жаткан акча алмаштыруу жайынын кызматкери. Архив

Улуттук банк доллар эмнеге арзандап жатканын түшүндүрдү

898
Кыргызстанда көп убакыт бою доллардын баасы 84,9 сом деңгээлинде кармалып турду. Бирок өткөн жумада америкалык валюта арзандай баштады.

БИШКЕК, 10-май — Sputnik. Сомго болгон талап көбөйгөндүгүнө байланыштуу улуттук валютанын баасы долларга карата бекемделе баштады. Бул тууралуу Sputnik Кыргызстан агенттигине Улуттук банктан билдиришти.

Сомдун сатылышы көп убакыт бою 84,9 болуп кармалып турду. Бирок өткөн жумада доллар 84,6га түшүп, кайра 84,7-84,8 сомго көтөрүлдү. Sputnik Кыргызстан агенттиги башкы банкка кайрылып, доллардын арзандашына эмне себеп болгонун билип көрдү.

"Сомдун долларга карата бекемделишинин биринчи себеби ага болгон керектөөнүн өсүшүнөн кабар берет. Мындан тышкары, валютанын олку-солку болушуна ички рыноктун катышуучуларынын эл аралык финансы жана сырье рынокторундагы өзгөрүүлөргө байкоо салып күтүп жатканы дагы себеп болушу мүмкүн", — дешти башкы банктан.

Улуттук банктан белгилешкендей, учурда валюта рыногундагы абал туруктуу. 2021-жылдын башынан 10-майга чейинки доллардын курсу сомго карата 1,52 сомго, башкача айтканда, 83,50 сомдон 84,77 сомго өскөн.

Жыл башынан бери Улуттук банк алты жолу интервенция жасап, 270,45 миллион доллар сатты.

898
Белгилер:
доллар, Улуттук банк, Кыргызстан
Тема боюнча
Чет элдик валюталар арзандап, алтын кымбаттады. Күйүүчү май боюнча абал кандай