Бал. Архив

Ат-Башынын ак балы Японияга экспорттолушу ыктымал

164
Эл аралык уюмдун өкүлү ак бал Японияда суроо-талапка ээ экенин айтып, бирок аны көп көлөмдө чыгаруу үчүн өндүрүш маселесин чечүү керектигине токтолгон.

БИШКЕК, 28-апр. — Sputnik. Нарында "Бир айыл — бир продукт" долбоорунун колдоосу менен Ат-Башынын ак балын Японияга экспорттоо иши колго алынды. Бул тууралуу өкмөттүн Нарын облусундагы ыйгарым укуктуу өкүлчүлүгүнүн маалымат кызматына таянуу менен жергиликтүү кабарчы билдирди.

  • Встреча полномочного представителя Правительства КР в Нарынской области Сабыркул Ашимбаева с координатором JICA  Харагучи Акихисом
    Нарында "Бир айыл — бир продукт" долбоорунун колдоосу менен Ат-Башынын ак балын Японияга экспорттоо иши колго алынды
    © Sputnik
  • Встреча полномочного представителя Правительства КР в Нарынской области Сабыркул Ашимбаева с координатором JICA  Харагучи Акихисом
    Балды чет мамлекетке чыгаруу боюнча облус башчысы Сабыркул Ашимбаев менен Япониянын JICA эл аралык уюмунун координатору Харагучи Акихисанын жолугушуусунда сөз болгон
    © Sputnik
  • Встреча полномочного представителя Правительства КР в Нарынской области Сабыркул Ашимбаева с координатором JICA  Харагучи Акихисом
    Анда эл аралык уюмдун өкүлү ак бал Японияда суроо-талапка ээ экенине токтолгон.
    © Sputnik
1 / 3
© Sputnik
Нарында "Бир айыл — бир продукт" долбоорунун колдоосу менен Ат-Башынын ак балын Японияга экспорттоо иши колго алынды

Ага ылайык, балды чет мамлекетке чыгаруу боюнча облус башчысы Сабыркул Ашимбаев менен Япониянын JICA эл аралык уюмунун координатору Харагучи Акихисанын жолугушуусунда сөз болгон.

Анда эл аралык уюмдун өкүлү ак бал Японияда суроо-талапка ээ экенине токтолгон.

"Ат-Башынын ак балын 10 жылдан бери изилдеп келе жатам. Эспарцеттен алынган балды Японияга экспорттоо демилгесин көтөргөм. Ак бал япондорго жаккандыктан суроо-талап бар. Аны экспорттоодон мурда балдын көлөмүн көбөйтүү үчүн өндүрүш маселесин чечүү зарыл",— деди Акихиса.

"Бир айыл — бир продукт" долбоору Кыргызстанда 10 жылдан ашык убакыттан бери иштеп, алгач Ысык-Көл облусунда жүзөгө ашкан. 2017-жылдан бери башка облустарга жайылтуу аракеттери жүрүп келет.

Буга чейин адистер Ат-Башынын ак балында кызыл беде басымдуулук кылып, ал жаш балдарга, диета кармоо сунушталган адамдарга ылайыктуу жеңил болуп эсептелерин айтышкан.

164
Белгилер:
Япония, экспорт, бал, Нарын облусу, Ат-Башы
Тема боюнча
Аалы Кадыр: балдын дарылык касиети чогултулган жеринен көз каранды
Индия Оштон бал, курут өңдүү табигый азыктарды экспорттоого кызыкдар
Сугат каналдарынын курулушу. Архив

Сугат суу айыл чарбадагы көйгөйлөрдүн бири. Талкуудагы мыйзам долбоору

54
(жаңыланган 20:14 18.05.2021)
Мыйзам долбоорунун демилгечилеринин айтымында, тиешелүү реформа жүрбөсө каналдар калыбына келтирилбейт, ал эми дыйкандардын түшүмүнөн кол жууганы улана берет.

БИШКЕК, 18-май — Sputnik. Ички чарбалык ирригациялык тутумдардагы ирригация чөйрөсүндө, сууну пайдалануучулар ассоциациясынын жоопкерчилик зонасында экономикалык туруктуу шарттарды түзүү максатында бир нече мыйзамга өзгөртүүлөрдү киргизүүгө багытталган мыйзам долбоору коомдук талкууга коюлган.

Анда Суу кодексине, Эреже бузуулар жөнүндө кодекске, Сууну пайдалануучулардын бирикмелери (ассоциациялары) жана суу пайдалануучулардын бирликтери жөнүндө мыйзамдарга өзгөртүү киргизилиши керек эле.

Айыл, суу чарба жана региондорду ѳнүктүрүү министрлигиндеги тегерек столдо кызуу талкуудан кийин учурда сунушталып жаткан мыйзам долбоору министрлик тарабынан колдоого алынды.

"Ички чарбалык ирригациялык тармакты куруу, оңдоо, колдонуу, жана сугат акысын топтоо мамлекет тарабынан тейленбейт. Андыктан сунушталган мыйзам ѳтѳ зарыл, ал коомдук талкуудан ѳтүшү керек. Биздин дыйкандар менен суу пайдалануучулар үчүн ѳтѳ керектүү мыйзам болот деп ойлойбуз", — деди айыл чарба министринин орун басары Нурлан Шерипов.

Өлкөдөгү жалпы сугат аянтынын 73 пайызын түзгөн 750 миң гектар жерди сугарууга жоопкер болгон Суу пайдалануучулар ассоциацияларынын (СПА) ишмердүүлүгү учурда реформага муктаж экендиги айтылды. СПАлар — коомдук жеке уюмдар, учурда Дүйнөлүк банктан келген насыяны жабууга талап кылынган сумманын 17 пайыздан ашпаганын гана төлөй алышкан.

Мамлекеттик суу ресурстар агенттигинин СПАларды колдоо жана ѳнүктүрүү бѳлүмүнүн башчысы Абдубалы Кадырбековдун айтымында, 2000-жылдан бери өлкө боюнча 496 СПА пайда болсо, болгону 136 СПАда донорлор аркылуу реабилитация жүргөн.

"Эки жылдан бери талкуу кылып жүрдүк, көйгөй бар. Дотациядан чыгып калган айыл ѳкмѳттѳрү деле ички чарбалык каналды оңдоого бюджеттен каржы бѳлѳйүн десе мыйзам жол бербейт. Айрымдары ушул боюнча суракта жүрѳт. Бардыгын мыйзамдаштырып, СПАлардын ишин жакшыртууга жол ачып берүү маанилүү. Анан СПАларга субсидия берүү жагын чечишибиз керек", — деди Кадырбеков.

Мырза-Суу СПАсын үч жылдан бери жетектеп келген Рахман Жороев өз тажрыйбасы менен бөлүшүп, насыяны төлөө, сууну жеткирүү, төлөмдөрдү чогултуудагы кыйынчылыктарын айтып берди.

"Сууну аягына чейин жеткире албайбыз. Биздин СПА туруктуу иштейт, бухгалтериябыз бар, жылдык пландарды түзѳбүз. Бюджетибиз 453 миң сом, бирок анын 70 пайызы гана ѳнѳт. Мунун айынан пландарыбыз аткарылбай калат. Жамгыр жаабай турса экен деп жылда тилейм, себеби бизге өтүп кеткен сел каналды жууп кетет. ӨКМ, айыл ѳкмѳттөр биздин балансыбызда болгону үчүн жардам бере албайт. Айылыбыздын 300-400 гектарына суу жетмеги азап, андыктан дыйкандар сугат суу төлөмүн бербейт. Өзүнө суу жеткире албагандан кийин аларга чара да колдоно албайсың. Кѳрүнгѳндѳн карызга акча алабыз. Ушул көйгөйлөрдөн чыгыш үчүн мыйзам долбоору ѳтүп калса, маселелер чечилет эле деп ойлоймун", — деди Жороев.

Мыйзам долбоорунун демилгечилеринин айтымында, дал ушул ички чарбалык сугат каналдарын каржылоо булактарын кеңейтүү — негизги реформалардын бири. Мындай өзгөрүүлөр болбосо, сугат суунун жоготуулары азайбайт, каналдар калыбына келтирилбейт, дыйкандар түшүмүн жоготууну улантышат жана сугат кызматы үчүн акы толук чогулбай кала берет.

54
Белгилер:
мыйзам долбоору, ирригация, суу, Кыргызстан
Тема боюнча
Алакунов: пестициддердин 85 пайызы Кытайдан алып келинет
Гиссардан чоң, эки миллион сомдук "Арашан" койлору. Новопокровкада тартылган видео
Кумтөрдүн убактылуу тышкы башкаруучусу Тенгиз Бөлтүрүктү менен жамааттыктын таанышуусу

"Кумтөрдүн" убактылуу тышкы башкаруучусу жамаатка тааныштырылды. Сүрөт

282
(жаңыланган 19:35 18.05.2021)
Өкмөт башчы кендеги иш токтотулбай турганын жана кызматкерлердин айлыгы маалында берилерин белгилеген.

БИШКЕК, 18-май — Sputnik. Министрлер кабинетинин төрагасы Улукбек Марипов "Кумтөр Голд Компани" ЖЧКнын жамаатына ишкананын убактылуу тышкы башкаруучусу болуп дайындалган Тенгиз Бөлтүрүктү тааныштырды. Бул тууралуу өкмөттөн билдиришти.

  • Председатель Кабинета Министров КР Улукбек Марипов представил временного внешнего управляющего Тенгиза Болтурука коллективу рудника Кумтор
    Министрлер кабинетинин төрагасы Улукбек Марипов "Кумтөр Голд Компани" ЖЧКнын жамаатына ишкананын убактылуу тышкы башкаруучусу болуп дайындалган Тенгиз Бөлтүрүктү тааныштырды
    © Пресс-служба правительства / Алишер Алиев
  • Сотрудники во время представления временного внешнего управляющего коллективу рудника Кумтор
    Өкмөттүн маалыматы боюнча, Тенгиз Бөлтүрүк бул кызматка Мамлекеттик мүлктү башкаруу боюнча фондунун сунуштамасы менен дайындалган
    © Пресс-служба правительства / Алишер Алиев
  • Сотрудники во время представления временного внешнего управляющего коллективу рудника Кумтор
    Эске салсак, Жогорку Кеңештин 17-майдагы кезексиз жыйынында "Кумтөрдү" тышкы башкарууга алуу чечими кабыл алынган
    © Пресс-служба правительства / Алишер Алиев
1 / 3
© Пресс-служба правительства / Алишер Алиев
Министрлер кабинетинин төрагасы Улукбек Марипов "Кумтөр Голд Компани" ЖЧКнын жамаатына ишкананын убактылуу тышкы башкаруучусу болуп дайындалган Тенгиз Бөлтүрүктү тааныштырды

Өкмөттүн маалыматы боюнча, Тенгиз Бөлтүрүк бул кызматка Мамлекеттик мүлктү башкаруу боюнча фондунун сунуштамасы менен дайындалган.

"Кендеги иш токтотулбайт, жумуш штаттык режимде уланат. Кызматкерлер тийиштүү төлөмүн алышат, эч кандай кыскартуулар болбойт. Биздин негизги максат – карапайым жарандардын жашоо-турмушун жакшыртуу", — деп Марипов билдирди.

Эске салсак, Жогорку Кеңештин 17-майдагы кезексиз жыйынында "Кумтөрдү" тышкы башкарууга алуу чечими кабыл алынган. Жетекчилик кызматка Канададан чакырылган тоо инженери Теңиз Бөлтүрүк жана дагы бир вариант катары Мексикадан келген адис Абыл Сыдыков даярдалып жатканы айтылган.

282
Белгилер:
Улукбек Марипов, Теңиз Бөлтүрүк, Кумтөр, Кыргызстан
Тема боюнча
Centerra менен соттошууга жардамдашчу АКШ менен Канада компаниялары. Дайын-дареги
Шыкмаматов: "Кумтөр" маселесин цивилизациялык жол менен чечебиз
Аткаминер. Архив

Эсен Шерботоев "Кыргыз почтасынын" башкы директору болуп дайындалды

0
(жаңыланган 22:54 18.05.2021)
Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

БИШКЕК, 18-май — Sputnik. Эсен Шерботоев "Кыргыз почтасы" ишканасынын башкы директору болуп дайындалганын аталган мекемеден билдиришти.

Тиешелүү буйрукка өкмөт башчы Улукбек Марипов кол койгон.

Бүгүн, 18-майда, министрлер кабинетинин төрагасынын орун басары жана санариптик өнүгүү министри Азамат Дыйканбаев Шерботоевди ишкананын жамаатына тааныштырды.

Министр жаңы директорго ийгилик каалап, почтанын ишине олуттуу колдоо көрсөтөрүнө ишене турганын айтты. Ал эми Шерботоев артылган ишеним үчүн ыраазычылык билдирди.

"Учурда байланыш жана коммуникация тармагынын санариптик трансформациялоо багытында динамикалык өзгөрүүлөр болуп жатат. Биргелешкен аракеттер менен почта ишин өркүндөтөбүз", — деди ал.

Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

0
Белгилер:
Эсен Шерботоев, жетекчи, "Кыргыз почтасы" мамлекеттик ишканасы
Тема боюнча
"Кумтөрдүн" убактылуу тышкы башкаруучусу жамаатка тааныштырылды. Сүрөт
"Кыргыз почтасы" элди алдамчылардан сак болууга чакырды