Өкмөт эки күндөн кийин кол жуумак. 50 млн. доллар грантты алууга кол коюлду

© AFP / MARK WILSONДолларлык банкноталар. Архив
Долларлык банкноталар. Архив - Sputnik Кыргызстан, 1920, 28.04.2021
Жазылуу
Бүгүн эртең менен депутат Нурбек Алимбеков өкмөт бир айдан бери грантты алууга макулдук бербей жатканын айтып, эки күндөн кийин кол жууп каларын эскерткен.
БИШКЕК, 28-апр. — Sputnik. Кыргыз өкмөтү БУУнун Азык-түлүк жана айыл чарба уюмунун 50 миллион доллар грантын алууга макулдук берди. Бул туурасында биринчи вице-премьер Артем Новиков парламенттин жыйынында билдирди.
Ал бүгүн Экономика жана финансы министрлиги аталган грантты алуу боюнча документке кол коюп, Азык-түлүк жана айыл чарба уюмуна макулдук катын жөнөткөнүн айтты.
Андан соң төрага Талант Мамытов бардык министрлердин кол койгон-койбогону боюнча сураганда Новиков "маселе болбойт, чечилди" деп жооп берди.
Принесение присяги новыми членами Правительства - Sputnik Кыргызстан, 1920, 28.04.2021
Асманда жүрбөй отчётун берсин. Министр Бейшеналиев парламентке чакырылды
Бүгүн Жогорку Кеңештин депутаты Нурбек Алимбеков Азык-түлүк жана айыл чарба уюму Жашыл климат фондунун эсебинен Кыргызстанга жардам катары 50 миллион грант берүү чечимин кабыл алганын айткан. Бирок бир айдан бери өкмөт аны алууга макулдук бербей жатканына нааразы болгон. Бул грантты сомго которсо 4 миллиард 250 миллион сом болот.
Каражаттын 22 миллион доллары айыл чарбасын колдоого, калганы климаттын өзгөрүшү, айлана-чөйрөнү коргоо жаатында алдын алуу иштерине, энергетика тармагына жумшалмак.
Депутат мындай багыттагы грантты 100 миллион доллар өлчөмүндө коңшу Казакстан, Өзбекстан жана Тажикстан өлкөлөрү алганын белгилеген.
Жаңылыктар түрмөгү
0