Акча каражаттары. Архив

Кыргызстан үч айда мамлекеттик карызга 8,1 млрд. сом төлөдү

56
(жаңыланган 10:11 29.04.2021)
Ушул жылы мамлекеттик карыздан кутулууга 37 миллиард 266 миллион сом бөлүү пландалууда. Бул рекорддук сумма болуп эсептелинет.

БИШКЕК, 29-апр. — Sputnik. Кыргызстан 2021-жылдын январь-март айларында мамлекеттик карызды тейлөөгө 8 миллиард 101,8 миллион сом бөлдү. Бул тууралуу Экономика жана финансы министрлиги кабарлады.

Аталган сумманын дээрлик 5,4 миллиарды тышкы карызды төлөөгө жумшалган.

Белгилей кетсек, өткөн жылы тышкы карызды төгүүгө 30,7 миллиард сом сарпталган, анын 9 миллиарды январь-март айларына туура келет.

Быйыл болсо мамлекеттик карыздан кутулууга 37 миллиард 266 миллион сом бөлүү пландалууда. Бул рекорддук сумма болуп эсептелинет.

56
Белгилер:
төлөм, тышкы карыз, Кыргызстан
Тема боюнча
Мамлекеттик ички карыздын рекорду: сумма үч жылда эки эсеге өсүп кетти
Алтын куймалары. Архив

Жыл башынан бери алтын экспорттоо 1,7 тоннага кыскарды. Статистика

18
2021-жылдын январь-март айларында 140,3 миллион долларга бааланган алтын экспорттолгон. Бир жыл мурда бул көрсөткүч 212,9 миллион долларга жеткен.

БИШКЕК, 18-май — Sputnik. Үстүбүздөгү жылдын биринчи кварталында Кыргызстандан алтын экспорттоонун көлөмү былтыркы жылдын ушул убагына салыштырмалуу 1,7 тоннага кыскарды. Бул тууралуу Улуттук статистика комитети кабарлады.

Тагыраагы, 2021-жылдын январь-март айларында 140,3 миллион долларга бааланган 2 тонна 448,9 килограмм алтын сатылган. Бир жыл мурда бул көрсөткүч 4 тонна 183,9 килограммга (212,9 миллион доллар) жеткен.

Быйыл алтын өндүрүү кыскарарын адистер 2020-жылы эле божомолдошкон. Экономика министрлигинин маалыматына караганда, бул жылы Кумтөрдө казылган алтындын көлөмү 4,3 пайызга чейин төмөндөшү күтүлүп жатат. Буга негизинен казуу иштери алтын азыраак зонага жеткени себеп болору айтылууда.

Ведомство өлкөдөгү ири кенде 2021-жылы жалпысынан 16 тоннанын тегерегинде алтын казылат деп божомолдоодо. Бирок буга чейин "Кумтөр Голд Компани" баалуу металл андан дагы азыраак (14,62ден 15,86 тоннага чейин) болорун айткан.

18
Белгилер:
экспорт, алтын, Кыргызстан
Тема боюнча
Улуттук банктын алтын валюта запасы 8 айдан бери биринчи жолу өстү
Мурунку 4 президенттин тушунда Centerra канча алтын ташып кеткени айтылды
Депутат Алтынбек Сулайманов. Архив

Кумтөр бул рак! Депутат алтын кенин таптакыр жаап салууну сунуштады

174
(жаңыланган 18:23 17.05.2021)
Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

БИШКЕК, 17-май — Sputnik. Жогорку Кеңештин "Бир Бол" фракциясынын лидери Алтынбек Сулайманов Кумтөр кенин жаап салууну сунуштады.

Бүгүн, 17-май күнү, парламентте аталган ишкананы сырттан башкарууга алуу маселеси каралып жатат.

Эл өкүлү мындай сунушун экологияны сактап калуу керек деп түшүндүрүп, коңшу Кытай өлкөсүн мисал келтирди.

"Кытай 30 жылда бизге окшоп миллиард эмес, триллиондорду таап, бирок экологиясын талкалап алган. Эми 30 жыл иштеп, экономикасын көтөргөн акчанын баарын салса дагы кайра калыбына келтире албасын түшүндү. Азыр башкаларга экологияңарды сактагыла деп айтып жатат. Бүткүл дүйнө экологияны биринчи орунга коюп, жашыл экономиканы көздөй бара жатат", — деди депутат.

Сулаймановдун айтымында, Кумтөрдү кайсы тарап иштетсе дагы мындан ары өлкөнү зыянга гана учурата берет.

"Мамлекет начар менеджер" деп бекеринен айтылбайт. Өзүбүз иштетсек деле талап-тонолуп, экология ого бетер талкаланат. Биз жаратылышка каршы чыгып элдин, балдарыбыздын саламаттыгын садага чаап жатабыз. Кумтөр — бул рак, акырындык менен күчөп бара жатат. Аны азыр кесип алып салып, бул теманы жабышыбыз керек", — деди Сулайманов.

Анын ордуна эл өкүлү "дүйнө эли сыяктуу инновация жана башка тармактарды өнүктүрүп, акылдуу жаштардын "мээсин" пайдаланууга чакырды.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

174
Белгилер:
сунуш, Алтынбек Сулайманов, Кумтөр, Кыргызстан
Тема:
"Кумтөргө" 3 миллиард доллар айып салынышы
Тема боюнча
Кумтөр боюнча келишимдерге кол койгон аткаминерлердин тизмеси
Эки талапкер бар. "Кумтөр Голд Компани" ишканасын ким башкарышы мүмкүн
Дарыя. Архив

Сузакта мал айдап баратып сууга аккан 6 жашар баланын сөөгү табылды

0
(жаңыланган 10:00 18.05.2021)
Издөө иштерине ӨКМден 13 куткаруучу тартылган. Кечки саат 17:00дө баланын сөөгү табылып, туугандарына өткөрүп берилди.

БИШКЕК, 18-май — Sputnik. Жалал-Абад облусунун Сузак районунда алты жаштагы бала сууга агып көз жумду. Бул тууралуу Өзгөчө кырдаалдар министрлигинин маалымат кызматы билдирди.

М. уулу М. аттуу бала райондун Калмак-Кырчын айылында мал айдап баратып Көк-Арт дарыясына агып кеткендиги тууралуу маалымат түшкөн.

"Издөө иштерине ӨКМден 13 куткаруучу тартылган. Кечки саат 17:00дө баланын сөөгү табылып, туугандарына өткөрүп берилди", — деп айтылат маалыматта.

Издөө иштерине баланын туугандары да катышкан.

0
Белгилер:
ӨКМ, кырсык, өлүм, бала, Сузак району
Тема боюнча
Өзгөндө кой кайтарып жүргөн 8 жашар баланы сел агызып кетип көз жумду