Доллар купюралары. Архив

Улуттук банк 62 миллион доллар сатып ири интервенция жасады

56
(жаңыланган 10:24 30.04.2021)
Жыл башынан бери Улуттук банк алты жолу интервенция жүргүзүп, жалпысынан 270 миллион 450 миң долларды рынокко чыгарды.

БИШКЕК, 30-апр. — Sputnik. Кыргызстандын Улуттук банкы 29-апрель күнү 62 миллион 250 миң доллар интервенциялады. Бул тууралуу мекеменин сайтында жазылат.

Анда 2010-жылкы интервенция тууралуу маалымат дагы бар. Аны менен салыштырганда кечээ ири суммада валюта сатылганын көрүүгө болот. Мындан азыраак сумма, тагыраагы, 50,2 миллион доллар ушул айдын башында сатылган.

Жыл башынан бери Улуттук банк алты жолу интервенция жүргүзүп, жалпысынан 270 миллион 450 миң долларды рынокко чыгарды.

Бейшемби күнгө салыштырмалуу доллардын сатып алчу курсу 2 тыйынга (84,75 сомго чейин) түшсө, сатуу мурдагы эле баада (84,9) калган.

56
Белгилер:
интервенция, доллар, Улуттук банк, Кыргызстан
Тема боюнча
Өкмөт эки күндөн кийин кол жуумак. 50 млн. доллар грантты алууга кол коюлду
Акча алмаштыруучу жайдагы адам. Архив

Чет элдик валюталар арзандап, алтын кымбаттады. Күйүүчү май боюнча абал кандай

53
(жаңыланган 10:42 10.05.2021)
Sputnik редакциясы Бишкекте алтын, күйүүчү май жана чет элдик валюталардын баасы кандай өзгөргөнүнө баам салып көрдү.

БИШКЕК, 10-май. — Sputnik. Бир катар валюталардын сомго карата наркы түшүп, алтындын баасы, тескерисинче, көтөрүлдү. Күйүүчү май мурдагы эле баада сатылууда.

Өткөн жума күнгө салыштырмалуу акча алмаштыруу жайларында доллар 14 (сатып алуу) жана 13 тыйынга (сатуу) арзандады. Еврону сатып алуу үчүн мурдагыдан 11 тыйынга азыраак төлөсөңүз, сатуу үчүн 8 тыйынга төмөнүрөөк баа коесуз. Рубль дагы арзандады, сатуу 0,1 тыйын, сатуу 0,4 тыйын болду. Теңгенин курсу билинер-билинбес төмөндөдү.

Ишемби күнкүгө салыштырмалуу күйүүчү майдын баасы ошол бойдон.

"Роснефть":

  • АИ-92 — 49 сом;
  • АИ-95 — 51 сом;
  • Дизель майы — 45,2 сом.

"Газпром нефть Азия":

  • АИ-92 — 48,9 сом;
  • АИ-95 — 50,9 сом;
  • Дизель майы — 44,9 сом.

Ал эми алтындын баасы бир топ жогорулады. Мисалы, бир грамм алтын 62,5 сомго кымбатыраак сатыла баштады. Эске салсак, 2015-жылдан тарта Улуттук банк алтын куймаларын сатыкка чыгарган. Бул кыргызстандыктардын топтогон акчасын алтынга салууга көмөктөшүү максатында жасалган болчу. Алар ар башка граммдагы алты түрдүү уютмадан турат, салмагы бирден 100 граммга чейин.

53
Белгилер:
баа, алтын, доллар, бензин, Бишкек
Тема боюнча
Бишкектин айрым май куюу жайларында бензин кымбаттады
Кыргызстандын алтын кору бир айда 5 млрд. сомго азайып кетти
Жумуш учурунда тазалоочу. Архив

Мигранттар которгон акча валютанын үч түрү менен келет

125
Өткөн жылы мигранттар тарабынан Кыргызстанга 2,4 миллиард доллар акча которулган. Улуттук банк ал каражаттан негизинен үч валюта менен келгенин белгиледи.

БИШКЕК, 9-май — Sputnik. Кыргызстанга мигранттар которгон акча каражатынын теңинен көбү Россиянын рубли менен жүргүзүлөт. Бул тууралуу өлкөнүн Улуттук банкы билдирди.

Акча которуу тутумдары аркылуу операциялар негизинен рубль, доллар жана евро сыяктуу валюталар менен ишке ашырылат.

"Белгилей кетүүчү жагдай, 2020-жылы жеке адамдардын акча которууларынын басымдуу бөлүгү Россия рублинде жүргүзүлгөн (жалпы жүгүртүүнүн дээрлик 60 пайызы)", — деп айтылат билдирүүдө.

Өткөн жылы жеке адамдар тарабынан өлкөгө 2 миллиард 377,2 миллион доллар которулган.

Мигранттардан келген каражат Кыргызстандын экономикасы үчүн маанилүү болуп саналат. Ал ички дүң продукциясынын болжол менен үчтөн бир бөлүгүн түзөт.

125
Белгилер:
Улуттук банк, экономика, Мигрант, рубль, Акча которуулар
Тема боюнча
Былтыр 11 айда мигранттар 2,1 млрд. доллардан ашык акча которду