Сом жана доллар купюралары. Иллюстративдик сүрөт

Үч милдет бар. Президент Жапаров экономика кандай реформаланарын айтты

238
(жаңыланган 19:00 05.05.2021)
Кыргызстанда 11-апрель күнү жалпы элдик референдумда кабыл алынган жаңы Баш мыйзамга президент бүгүн кол коюп, элге кайрылуу жасады.

БИШКЕК, 5-май – Sputnik. Президент Садыр Жапаров өлкө элине кайрылуусу учурунда экономикада кандай реформа жасалары тууралуу айтып берди.

"Экономикалык реформанын алкагында фискалдык, тышкы соода, логистикалык, соттук, укук коргоочулук саясатын өркүндөтөбүз. Бардыгынын ишин санариптештиребиз. Бизнес жүргүзүү ыңгайлуу болушу үчүн себепсиз текшерүү жана рейдерликтен коргонууну камсыздайбыз. Лицензиялык документи тууралуу боюнча бюрократия жоюлуп, жеңилдиктер берилет", — деди Жапаров.

Ошондой эле ал мамлекеттик-жеке өнөктөштүктү жаңы деңгээлге чыгарып, бизнести угууга толугу менен даяр экенин айтты.

"1-октябрга чейин жаңы Салык кодекси менен социалдык төлөмдөрдүн тарифтерди төмөндөтүү боюнча мыйзам долбоорун Жогорку Кеңешке жөнөтөбүз", — деди президент.

Мындан тышкары, өлкө башчы экономикалык өсүштү камсыздоо үчүн төмөнкү милдеттерди ишке ашыруу зарыл экенин айтты:

  • биринчи милдет — мамлекетке инвестициянын агымын жогорулатуу жана экспорттун көлөмүн көбөйтүү. Өкмөт менен Улуттук банктын негизги милдети экономиканы капитал менен камсыздоо болот;
  • экинчи милдет — өлкөнүн изоляцияда калуусуна жол бербөө. Соодадагы негизги өнөктөш өлкөлөрдүн ортосунда товарлардын эркин жүгүрүшүн камсыздоо. Ошондой эле калкты эмдөөдөн өткөрүү;
  • үчүнчү милдет — азык-түлүктүн кымбатташына жол бербөө. Социалдык маанилүү товарлар менен камсыздап, бааларды тез арада жөнгө салуу. Чечимдерди тез кабыл алып, ыкчам аткаруу.
238
Белгилер:
реформа, Садыр Жапаров, экономика, Кыргызстан
Тема:
Жаңы Конституциянын долбоору жана референдум (190)
Тема боюнча
Садыр Жапаров жаңы Баш мыйзамга кол койду
Президент Жапаров Катардын эмири менен сүйлөштү. Козголгон маселелер
Супермаркет. Архив

ЕАЭБ өлкөлөрүндө Казакстандан башкасы инфляцияны ооздуктай алган эмес

38
(жаңыланган 20:48 13.05.2021)
ЕАЭБ өлкөлөрүнүн жүргүзгөн экономикалык саясатынын натыйжасында жыл соңунда инфляцияны басаңдатуу күтүлүүдө.

БИШКЕК, 13-май — Sputnik. Үстүбүздөгү жылдын биринчи кварталында ЕАЭБ өлкөлөрүндө инфляциянын орточо деңгээли 6,7 пайызды түздү. Бул тууралуу Евразия экономикалык комиссиясынын (ЕЭК) маалымат кызматы билдирди.

2020-жылдын декабрь айына салыштырмалуу ЕАЭБ өлкөлөрүндө инфляция 2,1 пайызга чейин өскөн. Бир гана Казакстан кризиске туруштук берип, аларда болгону 0,5 пайызга жогорулаган.

ЕЭК дүйнө боюнча азык-түлүктүн кымбатташы инфляциянын өсүшүнүн негизги себеби болгону белгилейт.

Армения, Беларусь, Россияда картошка, эт жана эт азыктарынын баасы жогорулаган. Ал эми суу май, жумуртка, нан ЕАЭБдин бардык өлкөлөрүндө кымбаттаган.

Мындан сырткары, кездеме, кийим-кече, трикотаж, курулуш материалдары, бензин, жеңил автоунаалардын (Биримдиктин көпчүлүк өлкөлөрүндө) наркы өскөн. COVID-19 пандемиясынан улам Армения менен Беларуста медикаменттин инфляциясы 13,3 жана 21,8 пайызга жогорулаган.

Ошондой эле Кыргызстан, Армения жана Россиянын кызмат көрсөтүү тармагынан кымбатчылык байкалган.

Маданий мекемелердин кызматтары ЕАЭБдин баарында кымбаттаган, көпчүлүгүндө жол кире, билим берүү жана саламаттык сактоо секторунда баалар кошулган.

Казакстанда кызмат көрсөтүүлөр жана азык-түлүк арзандап, инфляциянын өсүү темпи ооздукталган.

ЕАЭБ өлкөлөрүнүн жүргүзгөн экономикалык саясатынын натыйжасында жыл соңунда инфляцияны басаңдатуу күтүлүүдө.

 

38
Белгилер:
кымбаттоо, азык-түлүк, инфляция, Евразиялык экономикалык биримдик, Казакстан
Тема:
ЕАЭБдеги Кыргызстан
Тема боюнча
Кытай Кыргызстандан кандай азык-түлүк алгысы келет
ЕЭК Кыргызстанга шекерди бажы алымысыз алып келип турууга уруксат берди
Кыргызстан сом валютасы. Иллюстративдик сүрөт

2020-жылы кыргызстандыктардын кирешеси 5,1 пайызга кыскарган

36
Улуттук статистика комитетинин маалыматына караганда, былтыр кыргызстандыктардын кирешесинин көбү эмгек ишмердүүлүгүнөн кыскарган.

БИШКЕК, 13-май — Sputnik. 2020-жылы Кыргызстан калкынын акчалай кирешеси 5,1 пайызга кыскарган. Бул тууралуу Улуттук статистика комитетинин маалымат кызматы кабарлады.

Кыргызстандыктардын акчалай кирешесинин көлөмү 425 миллионду түзүп, мурдагы жылга салыштырмалуу 5,1 пайызга азайган.

"2020-жылы киши башына болгон киреше айына 5 600,4 сомду түзүп, мурдагы жылкы көрсөткүчкө караганда 6,9 пайызга кыскарган", — деп айтылат маалыматта.

Маалым болгондой, былтыр кыргызстандыктардын кирешесинин көбү эмгек ишмердүүлүгүнөн кыскарган.

36
Белгилер:
акча, калк, киреше, Улуттук статистика комитети
Тема боюнча
Быйыл 3 айда мигранттар Кыргызстанга канча акча которгону айтылды
Өлкөдөгү камсыздандыруу компанияларынын кирешеси айтылды
 Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты

Сокулуктагы дүкөндүн өрттөнгөн видеосу

89
(жаңыланган 22:51 13.05.2021)
Тилсиз жоо менен күрөшүүгө ӨКМден эки бөлүм жана өрт өчүрүүчү-куткаруучулардын бир штабы тартылды. Ал саат 20:43тө чектөөгө алынды.

БИШКЕК, 13-май — Sputnik. Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты. Бул тууралуу ӨКМдин маалымат кызматы кабарлады.

Дүкөн Новопавловка айылынын Киров көчөсүндө жайгашкан. Тилсиз жоо менен күрөшүүгө саат 19:54тө эки бөлүм, ал эми саат 20:14тө өрт өчүрүүчү-куткаруучулардын штабы тартылган.

Өрт саат 20:43тө чектөөгө алынган. Учурда толук өчүрүү иш-чаралары жүргүзүлүгөн.

Ал эми саат 21:56да толугу менен өчүрүлдү.

89
Белгилер:
видео, дүкөн, өрт, Новопавловка
Тема боюнча
Алайда үй өрттөнүп, 56 жаштагы киши каза болду. Сүрөттөр