Алтын куймалары. Архив

Мурунку 4 президенттин тушунда Centerra канча алтын ташып кеткени айтылды

457
(жаңыланган 12:10 17.05.2021)
Буга чейинки төрт президенттин бийликтеги кезинде кендин ишин текшерген ар кандай комиссиялар түзүлүп, бирок майнап чыкпаганы белгиленди.

БИШКЕК, 17-май — Sputnik. Кумтөр кенинин ишмердүүлүгүн текшерген мамлекеттик комиссиянын төрагасы Акылбек Жапаров кайсы президенттин тушунда канча алтын казылганы туурасында маалымат берди.

Маалыматка ылайык, буга чейинки төрт президенттин тушунда Кумтөрдөн төмөнкүдөй көлөмдө алтын сыртка ташылып кеткен:

  • Аскар Акаев (1991-2005) — 156 тонна;
  • Курманбек Бакиев (2005-2010) — 68,2 тонна;
  • Алмазбек Атамбаев (2011-2017) — 132,6 тонна;
  • Сооронбай Жээнбеков (2017-2020) — 52,9 тонна.
"Бардык президенттердин тушунда Кумтөр боюнча ар кандай комиссиялар түзүлгөн. Бирок олуттуу майнап чыккан эмес. Кыскасын айтканда, Кыргызстандын төрт президенти тең Кумтөр маселесин аягына чыгарууга күчүн, эркин түптөй албай эле кете беришиптир. Комиссия түзбөгөн бир гана өткөөл мезгилдеги президент Роза Отунбаева эле болуптур. Бирок ал деле убактылуу өкмөттүн бир декрети менен Кумтөрдү улутташтырып салса болмок", — деди Жапаров.

Белгилей кетсек, учурда Жогорку Кеңештин депутаттары жана министрлер кабинети мамлекеттик комиссиянын чыгарган корутундусун угуп жатат.

457
Белгилер:
Аскар Акаев, алтын кени, Кумтөр, Акылбек Жапаров
Тема:
"Кумтөргө" 3 миллиард доллар айып салынышы (82)
Тема боюнча
"Кумтөрдү" улутташтыруу каралабы? Комиссия төрагасынын жообу
Жапаров: Centerra Кыргызстандын саясатына кийлигишип, шайлоого таасир эткен
Комиссия "Кумтөрдү" 4,2 млрд. долларлык доого жыгып, 106 тонна алтын алууну чечти
Алтын куймалар. Архивдик сүрөт

Кыргызстандан экспорттолгон алтындын көлөмү 3 тоннага азайды. Себеби

60
(жаңыланган 10:45 15.06.2021)
Алтындын экспорту көлөмү жагынан да, акчалай да кыскарды. Кымбат баалуу металлды казуунун азайышы боюнча алдын ала божомолду мамлекеттик органдар былтыр эле беришкен.

БИШКЕК,15-июн. — Sputnik. Акыркы төрт айдын жыйынтыгын алып караганда Кыргызстандан экспорттолгон алтындын көлөмү былтыркыга салыштырмалуу 3 тонна 77,7 килограммга аз болду. Мындай көрүнүш биринчи ирет байкалып жатат. Бул тууралуу Улуттук статистика боюнча комитеттин маалыматында айтылат.

2021-жылдын январынан апрель айына чейин 3 тонна 560,1 килограмм (202 миллион доллар) алтын чыккан, ал эми бир жыл мурдагы көлөм 6 тонна 637,8 килограмм (340,1 миллион доллар) эле.

Эске салсак, бул кымбат баалуу металлды казуунун кыскарышы боюнча алдын ала божомолду мамлекеттик органдар былтыр эле беришкен. Экономика министрлигинин маалыматы боюнча, 2021-жылы Кумтөр алтын кенинен аталган продукцияны алуу 4,3 пайызга кыскарышы мүмкүн экендиги айтылган. Буга тоо тектин курамында алтын аз болгон жерде казылып жатканы себеп дешкен.

Министрлик өлкөдөгү эң ири делген алтын кенинде 16 тоннадан ашык алтын казыларын божомолдогон (былтыркы көлөм 17,7 тонна). Ал эми "Кумтөр голд компани" өзүнүн божомолунда 14,62-15,86 тонна болушу мүмкүн деген убадасын берген.

Баалуу металлдын көлөмүнүн кыскарып же көбөйүп кетиши боюнча башка факторлор да бар. Эске салсак, "Кумтөргө" инвесторлордон тышкаркы башкаруу киргизилген. Бул окуя май айында болгон.

60
Белгилер:
алтын, экспорт, алтын кени, Кумтөр, Кыргызстан
Тема боюнча
Айдаралиев: экспорт менен ЕАЭБде атаандаштык жарата албайбыз
Рекорд! Кыргызстандын алтын запасы бир айда 22 миллиард сомго кымбаттады
Нарын дарыясы. Архив

Кыргызстан Казакстанга эмнеге кошумча суу берип жатат? Түшүндүрмө

347
(жаңыланган 13:35 14.06.2021)
Дыйкандар суу тартыштыгын айтып, нааразычылык акцияларына чыгып жаткан учурда ЖМКларда Кыргызстан Казакстанга жайында кошумча суу берет деген маалыматтар тараган.

БИШКЕК, 14-июн. — Sputnik. Кыргызстандын Энергетика жана өнөр жай министрлиги Токтогул суу сактагычынан Казакстанга эмне себептен суу берилип жатканын түшүндүрүп берди.

Белгилей кетсек, Казакстандын жергиликтүү ЖМКлары өлкөнүн экология министринин сөзүнө таянып, бул жайда Кыргызстан менен Тажикстандан 645 миллион куб метр суу аларын жазууда.

Министрликтен билдиришкендей, ушул жылдын 2-мартында Нур-Султан шаарында, ал эми 11-мартында Ташкент шаарында электр энергиясы жаатында товар алмашуу боюнча тиешелүү министрликтердин ортосунда келишимдер түзүлгөн.

Ага ылайык, Казакстан марттан ноябрь айына чейин Кыргызстанга 900 миллион киловатт-саат электр энергиясын берет. Ал эми Өзбекстандан 750 миллион киловатт-саат аларыбыз айтылган.

"Жалпы жонунан 1 650 миллион киловатт-саат электр энергиясын алабыз. Аны үч жылга бөлүп, ар бир жылдын июнь-август айларында 550 миллион киловатт-сааттан кайтарып беришибиз керек. Тагыраагы, жылына Казакстанга 300 миллион, Өзбекстанга 250 миллион киловатт-саат туура келет. Буга байланыштуу 1-июндан тарта коңшу өлкөгө электр энергиясынын буга чейин айтылган көлөмүн иштеп чыгууга суу берилип жатат", — деп айтылат түшүндүрмөдө.

Ошондой эле министрликтен келишимдин негизинде коңшу өлкөгө канча суу жөнөтүлсө, дал ошончо көлөмдө электр энергиясы алынарын кошумчалашты.

"Токтогул суу сактагычындагы суу ГЭСке гидротурбина аркылуу гана өтүп, электр энергиясы иштелип чыгат. Энергиянын ар бир киловатты каттоого алынат. Андан тышкары, суунун көлөмү тууралуу маалымат 2010-жылдан бери "Электр станциялары" ААКсынын сайтында жарыяланып келет. Суунун көлөмү ылдыйласа эле айрым жарандар сууну уурдап жатышат деп ойлошот. Бирок буга чейин эки ирет атайын комиссия ЖМК өкүлдөрүнүн коштоосунда келип, суунун уурдалбаганына көзү жеткен", — дешти министрликтен.

Белгилей кетсек, быйыл дүйнө жүзүндө кургакчылык болуп жаткандыктан суу маселеси курчуй баштады.

347
Белгилер:
түшүндүрмө, электр энергиясы, ГЭС, Токтогул суу сактагычы, Казакстан, Кыргызстан
Тема боюнча
Кыргызстан Өзбекстандан электр кубатын кандай шартта алып жатканы айтылды
Абага көтөрүлүп жаткан учак. Архив

Оштон Казакстан менен Россияга кетчү каттамдардын тизмеси

0
(жаңыланган 11:57 15.06.2021)
Учурда "Ош" эл аралык аэропортунан Казакстан менен Россияга чартердик каттамдар учуп жатат. Мындан сырткары, ички каттамдар да иштөөдө.

БИШКЕК, 15-июн. — Sputnik. "Манас" эл аралык аэропортунун маалымат кызматы Ош шаарынан кайсы мамлекеттерге учуп кетсе болорун айтып, каттамдардын тизмесин жарыялады.

Маалым болгондой, учурда "Ош" эл аралык аэропортунан Казакстан менен Россияга чартердик каттамдар каттап жатат.

Казакстан

  • Ош — Алматы — Ош каттамы боюнча "Эйр Астана" компаниясы жумасына бир ирет (жекшемби) каттоодо;
  • Ош — Алматы — Ош каттамы боюнча TEZ JET авиакомпаниясы жумасына жети жолу учуп жатат;
  • Ош — Алматы — Ош каттамы боюнча Avia Traffic Company авиакомпаниясы жумасына үч ирет (шаршемби, ишемби, жекшемби) абага көтөрүлүүдө;
  • Ош — Шымкент — Ош багыты боюнча TEZ JET авиакомпаниясы жумасына төрт ирет (дүйшөмбү, бейшемби, ишемби, жекшемби) каттоодо;
  • Ош — Шымкент — Ош каттамы боюнча Avia Traffic Company жумасына жети күн учуп жатат.
  • Россия
  • Москва — Ош — Москва (Шереметьево) каттамы боюнча "Аэрофлот" авиакомпаниясынын учактары күн сайын учуп жатат;
  • Москва — Ош — Москва (Домодедово) каттамы боюнча S7 Airlines авиакомпаниясы жумасына эки ирет (ишемби жана жекшемби) каттоодо;
  • Москва — Ош — Москва (Домодедово) каттамы боюнча "Урал аба жолдору" компаниясы жумасына үч ирет (дүйшөмбү, шаршемби жана жума) учуп жатат;
  • Раменское — Ош — Раменское (Жуковский) каттамы боюнча "Урал аба жолдору" авиакомпаниясы жумасына 3 жолу (шаршемби, бейшемби, жума) учуп жатат;
  • Красноярск — Ош — Красноярск каттамы боюнча "Азимут" авиакомпаниясы жумасына бир жолу (ишемби) учуп жатат;
  • Красноярск — Ош — Красноярск каттамы боюнча "Икар (Pegas Fly)" авиакомпаниясы жумасына бир жолу (ишемби) учуп жатат;
  • Красноярск — Ош — Красноярск каттамы боюнча S7 Airlines авиакомпаниясы жумасына бир жолу (шаршемби) учуп жатат;
  • Красноярск — Ош — Красноярск каттамы боюнча "Урал аба жолдору" авиакомпаниясы жумасына бир жолу (шейшемби) учуп жатат;
  • Красноярск — Ош — Красноярск каттамы боюнча "Урал аба жолдору" авиакомпаниясы жумасына бир жолу (шейшемби) учуп жатат;
  • Красноярск — Ош — Красноярск каттамы боюнча Nordstar Airlines авиакомпаниясы жумасына бир жолу (бейшемби) учуп жатат;
  • Ростов-на-Дону — Ош — Ростов-на-Дону каттамы боюнча "Азимут" авиакомпаниясы жумасына бир жолу (жекшемби) учуп жатат;
  • Ростов-на-Дону — Ош — Ростов-на-Дону каттамы боюнча NordWind Airlines авиакомпаниясы жумасына бир жолу (жума) учуп жатат;
  • Кемерово — Ош — Кемерово каттамы боюнча "Икар (Pegas Fly)" авиакомпаниясы жумасына жолу (дүйшөмбү) учуп жатат;
  • Кемерово — Ош — Кемерово каттамы боюнча S7 Airlines авиакомпаниясы жумасына бир жолу (шаршемби) учуп жатат;
  • Санкт-Петербург — Ош — Санкт-Петербург каттамы боюнча Rossiya Airlines авиакомпаниясы жумасына эки жолу (бейшемби, жекшемби) учуп жатат;
  • Санкт-Петербург — Ош — Санкт-Петербург каттамы боюнча S7 Airlines авиакомпаниясы жумасына эки жолу (шаршемби, бейшемби) учуп жатат;
  • Санкт-Петербург — Ош — Санкт-Петербург каттамы боюнча "Урал аба жолдору" авиакомпаниясы жумасына бир жолу (шаршемби) учуп жатат;
  • Нижний Новгород — Ош — Нижний Новгород каттамы боюнча NordWind Airlines авиакомпаниясы жумасына бир жолу (жекшемби) учуп жатат;
  • Нижний Новгород — Ош — Нижний Новгород каттамы боюнча S7 Airlines авиакомпаниясы жумасына бир жолу (жума) учуп жатат;
  • Уфа — Ош — Уфа каттамы боюнча NordWind Airlines авиакомпаниясы жумасына бир жолу (жума) учуп жатат;
  • Уфа — Ош — Уфа каттамы боюнча S7 Airlines авиакомпаниясы жумасына бир жолу (шаршемби) учуп жатат;
  • Уфа — Ош — Уфа каттамы боюнча "Урал аба жолдору" авиакомпаниясы жумасына бир жолу (дүйшөмбү) учуп жатат;
  • Минеральные воды — Ош — Минеральные воды каттамы боюнча NordWind Airlines авиакомпаниясы жумасына бир жолу (шейшемби) учуп жатат;
  • Минеральные воды — Ош — Минеральные воды каттамы боюнча "Урал аба жолдору" авиакомпаниясы жумасына бир жолу (шаршемби) учуп жатат;
  • Пермь — Ош — Пермь каттамы боюнча NordWind Airlines авиакомпаниясы жумасына бир жолу (шаршемби) учуп жатат;
  • Пермь — Ош — Пермь каттамы боюнча "Урал аба жолдору" авиакомпаниясы жумасына бир жолу (шейшемби) учуп жатат;
  • Тюмень — Ош — Тюмень каттамы боюнча NordWind Airlines авиакомпаниясы жумасына бир жолу (ишемби учуп жатат;
  • Астрахань — Ош — Астрахань каттамы боюнча NordWind Airlines авиакомпаниясы жумасына бир жолу (бейшемби) учуп жатат;
  • Астрахань — Ош — Астрахань каттамы боюнча "Урал аба жолдору" авиакомпаниясы жумасына бир жолу (ишемби) учуп жатат;
  • Оренбург — Ош — Оренбург каттамы боюнча NordWind Airlines авиакомпаниясы жумасына бир жолу (шейшемби) учуп жатат;
  • Краснодар — Ош — Краснодар каттамы боюнча NordWind Airlines авиакомпаниясы жумасына бир жолу (жума) учуп жатат;
  • Краснодар — Ош — Краснодар каттамы боюнча "Урал аба жолдору" авиакомпаниясы жумасына 1 жолу (жекшемби) учуп жатат;
  • Новосибирск — Ош — Новосибирск каттамы боюнча S7 Airlines авиакомпаниясы жумасына үч жолу (шаршемби, бейшемби, ишемби) учуп жатат;
  • Иркутск — Ош — Иркутск каттамы боюнча S7 Airlines авиакомпаниясы жумасына бир жолу (шейшемби) учуп жатат;
  • Самара — Ош — Самара каттамы боюнча S7 Airlines авиакомпаниясы жумасына бир жолу (жума) учуп жатат;
  • Самара — Ош — Самара каттамы боюнча "Урал аба жолдору" авиакомпаниясы жумасына бир жолу (шейшемби) учуп жатат;
  • Владивосток — Ош — Владивосток каттамы боюнча S7 Airlines авиакомпаниясы жумасына бир жолу (ишемби) учуп жатат;
  • Воронеж — Ош — Воронеж каттамы боюнча "Урал аба жолдору" авиакомпаниясы жумасына бир жолу (ишемби) учуп жатат;
  • Казань — Ош — Казань каттамы боюнча "Урал аба жолдору" авиакомпаниясы жумасына бир жолу (жекшемби) учуп жатат;
  • Адлер — Ош — Адлер каттамы боюнча "Урал аба жолдору" авиакомпаниясы жумасына бир жолу (бейшемби) учуп жатат;
  • Нижневартовск — Ош — Нижневартовск каттамы боюнча "Урал аба жолдору"авиакомпаниясы жумасына бир жолу (дүйшөмбү) учуп жатат;
  • Екатеринбург — Ош — Екатеринбург каттамы боюнча "Урал аба жолдору" авиакомпаниясы жумасына бир жолу (дүйшөмбү) учуп жатат;
  • Белгород — Ош — Белгород каттамы боюнча "Урал аба жолдору" авиакомпаниясы жумасына бир жолу (дүйшөмбү) учуп жатат;
  • Челябинск — Ош — Челябинск каттамы боюнча "Урал аба жолдору" авиакомпаниясы жумасына бир жолу (жекшемби) учуп жатат;
  • Липецк — Ош — Липецк каттамы боюнча "Урал аба жолдору" авиакомпаниясы жумасына бир жолу (дүйшөмбү) учуп жатат;
  • Калуга — Ош — Калуга каттамы боюнча "Урал аба жолдору" авиакомпаниясы жумасына бир жолу (шейшемби) учуп жатат;

Ички каттамдар:

  • Бишкек — Ош — Бишкек каттамы боюнча TEZ JET авиакомпаниясы жумасына 26 жолу ташууда (күн сайын 3-4 каттам);
  • Бишкек — Ош — Бишкек каттамы боюнча Avia Trafic Company авиакомпаниясы жумасына жети жолу абага көтөрүлүп жатат (күн сайын);
  • Бишкек — Ош — Бишкек каттамы боюнча "Эйр Манас" авиакомпаниясы жумасына 15 жолу учуп жатат (күн сайын 1-2 каттам).
0
Белгилер:
тизме, каттам, учак, Казакстан, Россия, Ош
Тема боюнча
Бишкектен кайсы өлкөлөргө түз учуп кетсе болот. Авиакаттамдардын тизмеси